ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 հունվարի 2009 թվականի N 39-Ն

2009 ԹՎԱԿԱՆԻ ՊԵՏԱԿԱՆ ՆՊԱՍՏՆԵՐԻ ՉԱՓԵՐԸ ՍԱՀՄԱՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Համաձայն «Պետական նպաստների մասին» Հայաստանի Հանրապետության օրենքի 8-րդ, 20-րդ, 22-րդ, 24-րդ և 24.2-րդ հոդվածների և «Պետական նպաստների մասին» Հայաստանի Հանրապետության օրենքում փոփոխություններ և լրացումներ կատարելու մասին» Հայաստանի Հանրապետության օրենքի (2008 թվականի դեկտեմբերի 24-ի ՀՕ-219-Ն) 8-րդ հոդվածի` Հայաստանի Հանրապետության կառավարությունը որոշում է.

1. Հաստատել ընտանեկան նպաստի և միանվագ դրամական օգնության վճարման համար նախատեսված ֆինանսական միջոցների չափերն ըստ սոցիալական ծառայություններ տրամադրող տարածքային մարմինների` հաշվի առնելով Հայաստանի Հանրապետության 2009 թվականի պետական բյուջեով ընտանեկան նպաստի և միանվագ դրամական օգնության համար հատկացված միջոցները` համաձայն N 1 հավելվածի:

2. Սահմանել ընտանիքի անապահովության սահմանային միավորը, ընտանեկան նպաստի բազային մասի, հավելման և միանվագ օգնության չափերը`

1) ընտանիքի անապահովության սահմանային միավորի մեծությունը` 30.00 միավոր,

2) ընտանեկան նպաստի բազային մասը` 10000 դրամ,

3) 30.01-35.00 անապահովության միավոր ունեցող ընտանիքների`

ա. յուրաքանչյուր 18 տարին չլրացած անդամին տրվող հավելումը` 5500 դրամ,

բ. չորս և ավելի 18 տարին չլրացած անդամ ունեցող ընտանիքների (այսուհետ` բազմազավակ ընտանիք) 18 տարին չլրացած անդամին տրվող հավելումը` 6500 դրամ,

գ. բարձր լեռնային կամ սահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը` 6000 դրամ,

դ. բարձր լեռնային կամ սահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը` 7000 դրամ.

4) 35.01-39.00 անապահովության միավոր ունեցող ընտանիքների`

ա. յուրաքանչյուր 18 տարին չլրացած անդամին տրվող հավելումը` 6000 դրամ,

բ. բազմազավակ ընտանիքի 18 տարին չլրացած անդամին տրվող հավելումը` 7000 դրամ,

գ. բարձր լեռնային կամ սահմանամերձ բնակավայրերի ընտանիքների յուրաքանչյուր 18 տարին

չլրացած անդամին տրվող հավելումը` 6500 դրամ,

դ. բարձր լեռնային կամ սահմանամերձ բնակավայրերի բազմազավակ ընտանիքների յուրաքանչյուր 18 տարին

չլրացած անդամին տրվող հավելումը` 7500 դրամ.

5) 39.01 և ավելի անապահովության միավոր ունեցող ընտանիքների`

ա. յուրաքանչյուր 18 տարին չլրացած անդամին տրվող հավելումը` 6500 դրամ,

բ. բազմազավակ ընտանիքի 18 տարին չլրացած անդամին տրվող հավելումը` 7500 դրամ,

գ. բարձր լեռնային կամ սահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը` 7000 դրամ,

դ. բարձր լեռնային կամ սահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը` 8000 դրամ.

6) միանվագ դրամական օգնության չափերը` ընտանեկան նպաստի իրավունք ունեցող ընտանիքում`

ա. երեխայի ծննդյան դեպքում` 50 հազ. դրամ,

բ. երեխայի առաջին դասարան ընդունվելու դեպքում` 25 հազ. դրամ,

գ. ընտանիքի անդամի մահվան դեպքում` 50 հազ. դրամ.

7) հրատապ օգնության չափը` ընտանեկան նպաստի իրավունք չունեցող ընտանիքում` 10000 դրամ:

3. Սահմանել երեխայի ծննդյան միանվագ նպաստի չափը, երեխայի ծննդյան միանվագ նպաստի չափի տարբերակման պայմաններն ու տրամադրման ժամկետները`

1) երեխայի ծննդյան միանվագ նպաստի չափի տարբերակման` ընտանիքում ծնված երեխայի հերթական թիվը` երեք և դրանից բարձր.

2) երեխայի ծննդյան միանվագ նպաստի չափը` 50 հազ. դրամ, իսկ ընտանիքում ծնված երրորդ, ինչպես նաև հաջորդ յուրաքանչյուր երեխայի համար` 430 հազ. դրամ.

3) ընտանիքում ծնված երրորդ, ինչպես նաև հաջորդ յուրաքանչյուր երեխայի ծննդյան նպաստի համար ներկայացնել նաև` տվյալ ամուսնական զույգի (միայնակ կնոջ) խնամքի տակ գտնվող միևնույն բնակության վայրում փաստացի բնակվող չամուսնացած զավակների, ինչպես նաև երեխաների, այդ թվում` որդեգրած և (կամ) խորթ, անձը հաստատող փաստաթղթերը (պարտադիր զինվորական ծառայության զորակոչված շարքային կազմի ժամկետային զինծառայողների և ռազմաուսումնական հաստատություններում սովորող կուրսանտների համար` տեղեկանք համապատասխան զինվորական կոմիսարիատից զինվորական ծառայության մեջ գտնվելու կամ ռազմաուսումնական հաստատությունում սովորելու մասին) և դրանց պատճենները.

4) երեխայի ծննդյան միանվագ նպաստը վճարվում է ծնողի դիմելու ամսվան հաջորդող ամսվա երրորդ տասնօրյակում` Հայաստանի Հանրապետության օրենսդրությամբ սահմանված չափով.

5) 2008 թվականին երեխայի ծննդյան միանվագ նպաստն ստացած, սակայն Հայաստանի Հանրապետության կառավարության 2007 թվականի դեկտեմբերի 27-ի «2008 թվականի պետական նպաստների չափերը սահմանելու և Հայաստանի Հանրապետության կառավարության մի շարք որոշումներում փոփոխություններ և լրացումներ կատարելու մասին» N 1530-Ն որոշմամբ սահմանված` ընտանիքում երրորդ և հաջորդ յուրաքանչյուր երեխայի համար միանվագ (հրատապ) օգնությունը չստացած երեխայի համար` երեխայի ծննդյան կապակցությամբ դրամական օժանդակության չափը` 300 հազ. դրամ:

4. Սահմանել մինչև 2 տարեկան երեխայի խնամքի նպաստի չափը` 18000 դրամ:

5. Թույլատրել Հայաստանի Հանրապետության աշխատանքի և սոցիալական հարցերի նախարարին 2009 թվականի չորրորդ եռամսյակում, ըստ անհրաժեշտության, կատարել սույն որոշման 1-ին կետով սահմանված ֆինանսական միջոցների վերաբաշխում` սոցիալական ծառայություններ տրամադրող տարածքային մարմինների միջև` ընդհանուր միջոցների մեկ տոկոսի սահմաններում:

6. Հայաստանի Հանրապետության 2009 թվականի պետական բյուջեի «Ընտանեկան նպաստ և միանվագ դրամական օգնություն» ծրագրով նախատեսված ֆինանսական միջոցների մինչև 0,2 տոկոսն ուղղել Հայաստանի Հանրապետության աշխատանքի և սոցիալական հարցերի նախարարության կողմից պետական նպաստների նշանակման և վճարման աշխատանքների համար իրականացվող լրացուցիչ ծախսերին (մեթոդական և հրահանգչական նյութերի բազմացման, գրասենյակային ապրանքների, սարքավորումների և նյութերի, գործուղման, կապի, էլեկտրաէներգիայի, տրանսպորտի և այլ ծախսեր):

7. Հանձնարարել Հայաստանի Հանրապետության մարզպետներին (Երևանի քաղաքապետին) և առաջարկել Երևանի թաղային համայնքների, Գյումրու, Վանաձորի, Ջերմուկի և Արարատի քաղաքային համայնքների ղեկավարներին`

1) ապահովել 2009 թվականի ընթացքում ընտանիքների անապահովության գնահատման համակարգում ընտանիքների հաշվառման (փաստագրման) աշխատանքների արդյունավետ կազմակերպումը, իսկ սոցիալական ծառայություններ տրամադրող տարածքային մարմինների սպասարկման տարածքում մեկից ավելի համայնքների առկայության դեպքում` աշխատանքները կազմակերպել համայնքներում` դրանցում ներգրավելով տեղական ինքնակառավարման մարմիններին.

2) մարզպետարանի (թաղային և քաղաքային համայնքների ղեկավարների) աշխատակազմերի սոցիալական պաշտպանության հարցերով զբաղվող իրավասու ստորաբաժանումների և սոցիալական ծառայություններ տրամադրող տարածքային մարմինների միջոցով`

ա. 2009 թվականի ապրիլի 1-ից կազմակերպել կրկնակի տնային ացելություններ 2009 թվականի հունվար, փետրվար և մարտ ամիսների ընթացքում փաստագրված ընտանիքներ` այն հաշվարկով, որ դրանց թիվը հավասարաչափ բաշխվի տարվա 12 ամիսների համար` հաշվի առնելով յուրաքանչյուր ամսվա ընթացքում փաստագրման նպատակով դիմողների կանխատեսվող թիվը,

բ. տնային այցելության ընթացքում ուսումնասիրել տվյալ ընտանիքի` փաստագրման ժամանակ լրացրած դիմում-հայտարարագրում, ինչպես նաև ներկայացված փաստաթղթերում ներառված բոլոր տվյալները` ընտանիքի կազմը, սեփականությունը, եկամուտները, ընտանիքի սոցիալական մյուս տվյալները,

գ. դիմողի ներկայացրած փաստաթղթերում ոչ հավաստի տեղեկություններ հայտնաբերելու դեպքում` ձեռք բերել համապատասխան փաստաթղթեր, դրանք տեղադրել նպաստի գործում, կատարել համապատասխան փոփոխություններ տեղական տեղեկատվական բազայում և սահմանված կարգով ընթացք տալ,

դ. կազմել տնային այցելության արձանագրություն, ծանոթացնել այն դիմողին, միաժամանակ դիմողին գրավոր տեղեկացնել, որ տնային այցելության կատարման ու տվյալների կրկնակի ստուգման օրը համարվում է «Պետական նպաստների մասին» Հայաստանի Հանրապետության օրենքի 9-րդ հոդվածի 2-րդ մասով սահմանված դիմելու օր, իսկ 4-րդ մասով սահմանված 12-րդ ամիսը` հաջորդ տարվա փաստագրման ժամկետն է` գրության մեջ նշելով 2010 թվականի ընթացքում տվյալ ընտանիքի փաստագրման ամիսը,

ե. փաստագրման ժամկետի փոփոխությունը ներառել տեղական տեղեկատվական բազայում.

3) մինչև ապրիլի 5-ը հաստատել սոցիալական ծառայություններ տրամադրող յուրաքանչյուր տարածքային մարմնի համար սույն կետի 2-րդ ենթակետի «ա» պարբերությամբ սահմանված աշխատանքների ժամանակացույցը` դրանում ներառելով նաև ըստ ամիսների ընտանիքների թիվը` կցելով ընտանիքների ցուցակը` հասցեներով.

4) սոցիալական ծառայություններ տրամադրող տարածքային մարմինների աշխատողների տնային այցելությունների ժամանակացույցի մասին իրազեկել բնակչությանը` տնային այցելությունների ժամանակ, ինչպես նաև այն փակցնել սոցիալական ծառայություններ տրամադրող տարածքային մարմնի հայտարարությունների տախտակին.

5) յուրաքանչյուր ամսվա մինչև 10-ը Հայաստանի Հանրապետության տարածքային կառավարման նախարարություն ու Հայաստանի Հանրապետության աշխատանքի և սոցիալական հարցերի նախարարություն ներկայացնել տեղեկատվություն կատարված աշխատանքների մասին` ըստ մարզում (համայնքում) գործող սոցիալական ծառայություններ տրամադրող տարածքային մարմինների:

8. Հայաստանի Հանրապետության կառավարության 2005 թվականի դեկտեմբերի 29-ի «Պետական նպաստների չափերը սահմանելու, պետական նպաստների վճարման համար Հայաստանի Հանրապետության պետական բյուջեից միջոցների հատկացման կարգը հաստատելու և Հայաստանի Հանրապետության կառավարության մի շարք որոշումներում փոփոխություններ կատարելու մասին» N 2315-Ն որոշման 1-ին կետից հանել «ընտանիքում երեխայի ծննդյան դեպքում տրվող հրատապ օգնության,» բառերը:

9. Հայաստանի Հանրապետության կառավարության 2005 թվականի դեկտեմբերի 29-ի «Ընտանիքների անապահովության գնահատման և ընտանիքների անապահովության գնահատման համակարգի տեղեկատվական բազայում ամրագրված անհատական տվյալների պաշտպանության, փոփոխությունների կատարման և Հայաստանի Հանրապետության աշխատանքի և սոցիալական հարցերի նախարարության ու սոցիալական ծառայությունների տարածքային գործակալությունների միջև անհատական տվյալների փոխանակման կարգերը հաստատելու մասին» N 2317-Ն որոշման մեջ կատարել հետևյալ փոփոխություններ և լրացումները`

1) որոշման N 1 հավելվածի`

ա. 7-րդ կետը լրացնել հետևյալ բովանդակությամբ նոր` 13.1-ին ենթակետով.

«13.1. անմրցունակ գործազուրկ Գ 98 28

պահանջվող փաստաթուղթը` առաջարկություն զբաղվածության տարածքային կենտրոնից,»,

բ. 7-րդ կետի 17-րդ ենթակետում «20» թիվը փոխարինել «18» թվով,

գ. 7-րդ կետի 19-րդ ենթակետը «կողմից,» բառից հետո շարադրել հետևյալ խմբագրությամբ.

«ընդ որում, միայնակ մոր երեխայի ծածկագիրը չի կիրառվում, եթե միայնակ կնոջ խնամքի տակ գտնվող մեկից ավելի երեխաների հայրանունը նույնն է:»,

դ. 18-րդ կետի 1-ին ենթակետում «0,04» թիվը փոխարինել «0,033» թվով,

ե. 18-րդ կետի 2-րդ ենթակետը «հաշվարկված» բառից հետո լրացնել «` վճարման ենթակա,» բառերով, իսկ 4-րդ ենթակետը շարադրել հետևյալ խմբագրությամբ.

«4) Աշխատավարձի չափը հաշվի է առնվում դիմելու պահին նախորդած 3 ամսվա միջին ամսական աշխատավարձի չափով: Աշխատավարձի չափի մասին տեղեկատվությունը դիմողի կողմից ներկայացվում է յուրաքանչյուր եռամսյակի առաջին ամսվա մինչև 10-ը` եթե այդ ամիսը չի հաջորդում տվյալ ընտանիքի փաստագրման ամսվան:

Եթե դիմողը մինչև դիմելու ամիսն աշխատել է երեք ամսվանից քիչ, ապա աշխատավարձի չափը հաշվի է առնվում դիմելու ամսվան նախորդող ամսվա աշխատավարձի չափով, իսկ դիմողի աշխատանքից ազատվելու դեպքում աշխատավարձի չափի մասին տեղեկատվությունը հանվում է տեղեկատվական բազայից` դրա մասին համապատասխան փաստաթուղթը ներկայացվելուց անմիջապես հետո` մեկօրյա ժամկետում:».

2) որոշման N 2 հավելվածի 20-րդ կետում «տվյալները» բառը փոխարինել «տվյալներ ունեցող» բառերով:

10. Հայաստանի Հանրապետության կառավարության 2006 թվականի հունվարի 12-ի «Ընտանեկան նպաստի և միանվագ դրամական օգնության նշանակման և վճարման կարգը հաստատելու մասին» N 110-Ն որոշմամբ հաստատված կարգի`

1) 24-րդ կետի երկրորդ պարբերությունը շարադրել հետևյալ խմբագրությամբ.

«Դիմողի կողմից` նպաստի (միանվագ օգնության կամ հրատապ օգնության) իրավունք տվող կամ նպաստի չափի փոփոխություն առաջացնող ոչ հավաստի տեղեկություններով փաստաթղթեր ներկայացվելու կամ ընտանիքի եկամուտներում կամ ընտանիքի կազմում ու պայմաններում տեղի ունեցած փոփոխությունների վերաբերյալ հավաստի տեղեկություններով փաստաթղթեր չներկայացվելու դեպքում նպաստի վճարումը դադարեցվում է դրանց հայտնաբերման ամսվանից:».

2) 30-րդ կետի «դ» ենթակետից հանել «(հրատապ)» բառը.

3) 35-րդ կետի «ա» ենթակետի երկրորդ պարբերությունն ուժը կորցրած ճանաչել.

4) 36.1-ին կետն ուժը կորցրած ճանաչել.

5) 61-րդ կետում «և մարզպետարան (Երևանի քաղաքապետարան)» բառերը փոխարինել «, մարզպետարան, Երևանի 12 թաղային, Գյումրու, Վանաձորի, Արարատի և Ջերմուկի քաղաքային համայնքների ղեկավարների աշխատակազմ» բառերով:

11. Հայաստանի Հանրապետության կառավարության 2008 թվականի մարտի 20-ի «Զոհված` Հայաստանի ազգային հերոսի ընտանիքի նպաստի չափը և վճարման կարգը հաստատելու մասին» N 255-Ն որոշման մեջ կատարել հետևյալ լրացումները և փոփոխությունները`

1) վերնագիրը, 1-ին կետը, հավելվածի վերնագիրը, 1-ին, 5-րդ, 9-րդ և 14-րդ կետերը «հերոսի» բառից հետո լրացնել «կամ Մարտական խաչ շքանշանով պարգևատրված անձի» բառերով.

2) 2-րդ կետը շարադրել հետևյալ խմբագրությամբ.

«2. Սահմանել`

1) զոհված` Հայաստանի ազգային հերոսի ընտանիքի նպաստի չափը` 250 հազ. դրամ.

2) զոհված` առաջին աստիճանի Մարտական խաչ շքանշանով պարգևատրված անձի ընտանիքի նպաստի չափը` 150 հազ. դրամ.

3) զոհված` երկրորդ աստիճանի Մարտական խաչ շքանշանով պարգևատրված անձի ընտանիքի նպաստի չափը` 100 հազ. դրամ։».

3) հավելվածի 4-րդ կետում «ձևի» բառը փոխարինել «կամ N 1.1 ձևերի», 5-րդ կետում «ձևի» բառը փոխարինել «կամ N 2.1 ձևերի», 10-րդ կետում «ձևի» բառը փոխարինել «կամ N 3.1 ձևերի» և 16-րդ կետում «ձևի» բառը փոխարինել «կամ N 4.1 ձևերի» բառերով` համաձայն N 2 հավելվածի.   

4) հավելվածը լրացնել նոր` NN 1.1, 2.1, 3.1 և 4.1 ձևերով` համաձայն N 2 հավելվածի։

12. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է 2009 թվականի հունվարի 1-ից հետո ծագած հարաբերությունների վրա:

Հավելված N 1 ՀՀ կառավարության 2009 թվականի հունվարի 15-ի N 39-Ն որոշման

ԸՆՏԱՆԵԿԱՆ ՆՊԱՍՏԻ ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅԱՆ ՎՃԱՐՄԱՆ ՀԱՄԱՐ ՆԱԽԱՏԵՍՎԱԾ ՖԻՆԱՆՍԱԿԱՆ ՄԻՋՈՑՆԵՐԻ ՉԱՓԵՐՆ ԸՍՏ ՍՈՑԻԱԼԱԿԱՆ ԾԱՌԱՅՈՒԹՅՈՒՆՆԵՐ ՏՐԱՄԱԴՐՈՂ ՏԱՐԱԾՔԱՅԻՆ ՄԱՐՄԻՆՆԵՐԻ

Մարզը	Տարածքային մարմինները	2009 թվական
		նախատեսված միջին ամսական գումարը (դրամ)	այդ թվում՝ հրատապ օգնություն (3%) (դրամ)	2009 թվականին ՀՀ պետական բյուջեով նախատեսված գումարի բաշխումը (դրամ)
1	2	3	4	5
Արարատի	ԱՐԱՐԱՏ	12,437,720	373,132	149,252,635
	ԱՐՏԱՇԱՏ	66,826,453	2,004,794	801,917,438
	ՎԵԴԻ	62,424,859	1,872,746	749,098,312
	ՄԱՍԻՍ	66,823,837	2,004,715	801,886,045
	ԸՆԴԱՄԵՆԸ	208,512,869	6,255,386	2,502,154,430
Արագածոտնի	ԱՇՏԱՐԱԿ	61,844,737	1,855,342	742,136,846
	ԱՊԱՐԱՆ	16,797,782	503,933	201,573,384
	ԾԱՂԿԱՀՈՎԻՏ	19,971,517	599,146	239,658,202
	ԹԱԼԻՆ	39,291,835	1,178,755	471,502,015
	ԸՆԴԱՄԵՆԸ	137,905,871	4,137,176	1,654,870,447
Արմավիրի	ԱՐՄԱՎԻՐ	64,167,286	1,925,019	770,007,431
	ՎԱՂԱՐՇԱՊԱՏ	59,492,487	1,784,775	713,909,845
	ԲԱՂՐԱՄՅԱՆ	18,215,821	546,475	218,589,854
	ԸՆԴԱՄԵՆԸ	141,875,594	4,256,268	1,702,507,130
Գեղարքունիքի	ԳԱՎԱՌ	54,618,994	1,638,570	655,427,927
	ՍԵՎԱՆ	46,466,486	1,393,995	557,597,826
	ՎԱՐԴԵՆԻՍ	72,801,992	2,184,060	873,623,906
	ՃԱՄԲԱՐԱԿ	28,314,113	849,423	339,769,351
	ՄԱՐՏՈՒՆԻ	150,291,836	4,508,755	1,803,502,031
	ԸՆԴԱՄԵՆԸ	352,493,420	10,574,803	4,229,921,041
Լոռու	ԹՈՒՄԱՆՅԱՆ	34,882,208	1,046,466	418,586,499
	ՏԱՇԻՐ	26,625,702	798,771	319,508,427
	ՎԱՆԱՁՈՐ	168,904,755	5,067,143	2,026,857,064
	ՍՊԻՏԱԿ	116,143,544	3,484,306	1,393,722,533
	ՍՏԵՓԱՆԱՎԱՆ	93,654,720	2,809,642	1,123,856,640
	ԸՆԴԱՄԵՆԸ	440,210,930	13,206,328	5,282,531,163
Կոտայքի	ԱԲՈՎՅԱՆ	71,520,334	2,145,610	858,244,009
	ՀՐԱԶԴԱՆ	66,093,248	1,982,797	793,118,973
	ՉԱՐԵՆՑԱՎԱՆ	33,291,228	998,737	399,494,738
	ՆԱԻՐԻ	53,226,428	1,596,793	638,717,141
	ԸՆԴԱՄԵՆԸ	224,131,239	6,723,937	2,689,574,862
Շիրակի	ԱՐԹԻԿ	80,572,745	2,417,182	966,872,939
	ԱՄԱՍԻԱ	4,721,544	141,646	56,658,531
	ՄԱՐԱԼԻԿ	24,829,122	744,874	297,949,460
	ԱԽՈՒՐՅԱՆ	44,945,910	1,348,377	539,350,921
	ԱՇՈՑՔ	7,056,785	211,704	84,681,416
	ԳՅՈՒՄՐԻ_1	136,982,332	4,109,470	1,643,787,987
	ԳՅՈՒՄՐԻ_2	150,443,351	4,513,301	1,805,320,208
	ԸՆԴԱՄԵՆԸ	449,551,789	13,486,554	5,394,621,462
Սյունիքի	ԳՈՐԻՍ	50,831,316	1,524,939	609,975,791
	ԿԱՊԱՆ	28,260,735	847,822	339,128,824
	ՄԵՂՐԻ	6,913,932	207,418	82,967,184
	ՍԻՍԻԱՆ	20,989,498	629,685	251,873,975
	ԸՆԴԱՄԵՆԸ	106,995,481	3,209,864	1,283,945,774
Տավուշի	ԴԻԼԻՋԱՆ	25,101,470	753,044	301,217,640
	ԻՋԵՎԱՆ	54,496,885	1,634,907	653,962,616
	ՆՈՅԵՄԲԵՐՅԱՆ	25,106,817	753,205	301,281,810
	ԲԵՐԴ	39,136,583	1,174,097	469,638,996
	ԸՆԴԱՄԵՆԸ	143,841,755	4,315,253	1,726,101,062
Վայոց ձորի	ՋԵՐՄՈՒԿ	4,562,241	136,867	54,746,887
	ՎԱՅՔ	12,451,957	373,559	149,423,483
	ԵՂԵԳՆԱՁՈՐ	38,957,074	1,168,712	467,484,894
	ԸՆԴԱՄԵՆԸ	55,971,272	1,679,138	671,655,264
Երևանի	ԱՋԱՓՆՅԱԿ	54,404,540	1,632,136	652,854,479
	ԱՎԱՆ	17,661,880	529,856	211,942,562
	ԱՐԱԲԿԻՐ	23,519,959	705,599	282,239,506
	ԴԱՎԹԱՇԵՆ	14,868,796	446,064	178,425,551
	ԷՐԵԲՈՒՆԻ	58,244,683	1,747,340	698,936,197
	ԿԵՆՏՐՈՆ	42,488,207	1,274,646	509,858,486
	ՄԱԼԱԹԻԱ ՍԵԲԱՍՏԻԱ	59,840,796	1,795,224	718,089,552
	ՆՈՐ ՆՈՐՔ	47,593,944	1,427,818	571,127,324
	ՆՈՐՔ-ՄԱՐԱՇ	6,464,611	193,938	77,575,326
	ՆՈՒԲԱՐԱՇԵՆ	6,896,414	206,892	82,756,970
	ՇԵՆԳԱՎԻԹ	67,557,415	2,026,722	810,688,985
	ՔԱՆԱՔԵՌ ԶԵՅԹՈՒՆ	32,661,069	979,832	391,932,826
	ԸՆԴԱՄԵՆԸ	432,202,314	12,966,069	5,186,427,766
Ը Ն Դ Ա Մ Ե Ն Ը ՀՀ		2,693,692,533	80,810,776	32,324,310,400

«Ձև N 1.1 _________________ սոցիալական ծառայություններ տրամադրող տարածքային մարմնի ղեկավար պարոն (տիկին________________________________ քաղ. _________________________________________________ բնակության վայրը, հեռախոսահամարը_____________________________ ծննդյան տարեթիվը ____________ ամիսը ____________ օրը ________ անձը հաստատող փաստաթղթի համարը ____________, տրվել է _________ կողմից, ______ _____ 20 թ-ին:   Դ Ի Մ ՈՒ Մ   Խնդրում եմ նշանակել զոհված` Մարտական խաչ շքանշանով պարգևատրված անձի ընտանիքի նպաստ: Զոհված` Մարտական խաչ շքանշանով պարգևատրված անձի ընտանիքի իրավունք ունեցող անդամներն են` NN ը/կ Ազգանունը, անունը, հայրանունը Անձը հաստատող փաստաթղթի համարը Ազգակցական կապը Մարտական խաչ շքանշանով պարգևատրված անձի նկատմամբ Ստորագրու-թյունը                                           Խնդրում եմ ամենամսյա նպաստը վճարել անկանխիկ ____________ բանկի միջոցով: Դիմումին կից ներկայացվող փաստաթղթերի ցանկը` 1) Հայաստանի Հանրապետության Նախագահի հրամանագրի պատճենը Մարտական խաչ շքանշանով պարգևատրելու մասին ________ թերթ, 2) մահվան վկայականի պատճենը ________ թերթ, 3) ամուսնության վկայականի պատճենը ________ թերթ, 4) երեխաների ծննդյան վկայականի պատճենը ________ թերթ, 5) անձնագրի պատճենը ________ թերթ, 6) տեղեկանք տեղական ինքնակառավարման մարմնից կամ բազմաբնակարան շենքի կառավարման մարմնից զոհված` Մարտական խաչ շքանշանով պարգևատրված անձի ընտանիքի մյուս անդամների մասին, 7) տեղեկանք բժշկասոցիալական փորձաքննական հանձնաժողովից, 8) տեղեկանք ուսումնական հաստատությունում առկա (ցերեկային) ուսուցմամբ սովորելու մասին, 9) սոցիալական ապահովության քարտերի պատճենները կամ սոցիալական ապահովության քարտ չունենալու մասին տեղեկանքները: Դիմողի _______________ (ստորագրությունը)  __________________  (ամսաթիվը) ____________________ (դիմումի գրանցման ամսաթիվը) __________  (համարը) Դիմումը` անհրաժեշտ բոլոր փաստաթղթերով`______ թերթ, ընդունեց ______________ (անունը, ազգանունը) _________________  (ստորագրությունը)»                «Ձև N 2.1   Նպաստի նշանակման (նպաստի չափի փոփոխության) կարգադրություն N   Համաձայն «Պետական նպաստների մասին» Հայաստանի Հանրապետության օրենքի 24.1-ին հոդվածի` Մարտական խաչ շքանշանով պարգևատրված______________________ ____________________________________________ -ի ընտանիքին նշանակել նպաստ __________ դրամի չափով:   Նպաստ ստանալու իրավունք ունեցող անձինք` NN ը/կ Անունը, ազգանունը, հայրանունը Ազգակցական կապը Մարտական խաչ շքանշանով պարգևատրված անձի նկատմամբ Անձը հաստատող փաստաթղթի համարը Նպաստի վճարման ժամկետը Նպաստի բաժնեմասի չափը 1.           2.           3.           4.           5.           Սոցիալական ծառայություններ տրամադրող տարածքային մարմնի ղեկավար ___________________ (ստորագրությունը)   Կ. Տ. ____ _____________ 200 թ.» «Ձև N 3.1 Նպաստը բաժնեմասով վճարելու կարգադրություն N Համաձայն Հայաստանի Հանրապետության կառավարության 200_թ. ____________-ի N____ որոշման Մարտական խաչ շքանշանով պարգևատրված __________________________ -ի ընտանիքի նպաստի իրավունք ունեցող` NN ը/կ Անունը, ազգանունը, հայրանունը Անձը հաստատող փաստաթղթի համարը Նպաստի բաժնեմասի վճարման սկիզբը Նպաստի բաժնեմասի վճարման ժամկետը Նպաստի բաժնեմասի չափը 1           2           3           4           5           Նպաստի բաժնեմասը վճարել ______ ____________ 20 թ-ից ____________ դրամի չափով:   Սոցիալական ծառայություններ տրամադրող տարածքային մարմնի ղեկավար ___________________ (ստորագրությունը)   Կ. Տ. ____ _____________ 200 թ.   Նպաստը բաժնեմասով վճարելու կարգադրությունը կազմվել է ________ օրինակից, որոնցից`   1) _______ օրինակ տեղադրված է ______________ ի գործում. 2) ______ օրինակն ուղարկվել է սոցիալական ծառայությունների տրամադրման ____  տարածքային մարմին _____ ___________ 20 թ-ին։       Սոցիալական ծառայություններ տրամադրող տարածքային մարմնի ղեկավար ___________________ (ստորագրությունը)   Կ. Տ. ____ _____________ 200 թ.»   «Ձև N 4.1 Նպաստի (նպաստի բաժնեմասի) վճարման դադարեցման կարգադրություն N Համաձայն Հայաստանի Հանրապետության կառավարության 200 թ. ___________-ի N ____ որոշման   Մարտական խաչ շքանշանով պարգևատրված _____ -ի ընտանիքի նպաստի իրավունք ունեցող ___________________________ -ի, նպաստի (նպաստի բաժնեմասի) վճարումը դադարեցնել Հայաստանի Հանրապետության կառավարության 20 թվականի N որոշմամբ հաստատված` զոհված` Հայաստանի ազգային հերոսի, ինչպես նաև Մարտական խաչ շքանշանով պարգևատրված անձի ընտանիքի նպաստի վճարման կարգի կետի ենթակետի համաձայն:     Սոցիալական ծառայություններ տրամադրող տարածքային մարմնի ղեկավար ___________________ (ստորագրությունը)   Կ. Տ. ____ _____________ 200 թ.   Նպաստի (նպաստի բաժնեմասի) վճարման դադարեցման կարգադրությունը կազմվել է___ օրինակից, որոնցից`   1) ______ օրինակ տեղադրված է ____________ -ի գործում. 2) ______ օրինակն ուղարկվել է սոցիալական ծառայությունների տրամադրման ____ ______________տարածքային մարմին ___ _____________ 20 թ-ին։     Սոցիալական ծառայություններ տրամադրող տարածքային մարմնի ղեկավար ___________________ (ստորագրությունը)   Կ. Տ. ____ _____________ 200 թ.»: