«Վավերացնում եմ»
Հայաստանի Հանրապետության
Նախագահ Ռ. Քոչարյան
30 սեպտեմբերի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 սեպտեմբերի 2004 թվականի N 1317-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆԸ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆԸ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. Այլընտրանքային ծառայության կազմակերպման նպատակով Հայաստանի Հանրապետության 2004 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին հատկացնել`

ա) Հայաստանի Հանրապետության պաշտպանության նախարարությանը` 304552.5 հազ. դրամ, այդ թվում` ըստ բյուջետային ծախսերի տնտեսագիտական դասակարգման հոդվածների` «Աշխատավարձ և աշխատավարձին հավասարեցված այլ վճարումներ»` 2906.7 հազ. դրամ, «Փափուկ գույք և հանդերձանք»` 96325.8 հազ. դրամ, «Սննդամթերք»` 9076.8 հազ. դրամ, «Ջրմուղ-կոյուղուց օգտվելու վարձի վճարման ծախսեր»` 303.2 հազ. դրամ, «Էլեկտրաէներգիայի ծախսեր»` 2140.0 հազ. դրամ, և «Կապիտալ նորոգումների ծախսեր»` 193800.0 հազ. դրամ.

բ) Հայաստանի Հանրապետության աշխատանքի և սոցիալական հարցերի նախարարությանը` 18784.9 հազ. դրամ, այդ թվում` ըստ բյուջետային ծախսերի տնտեսագիտական դասակարգման հոդվածների` «Ընթացիկ ներքին այլ տրանսֆերտային վճարներ»` 62.4 հազ. դրամ, «Փափուկ գույք և հանդերձանք»` 2737.1 հազ. դրամ, «Այլ ակտիվների ձեռքբերման ծախսեր»` 1306.0 հազ. դրամ, և «Կապիտալ նորոգումների ծախսեր»` 14679.4 հազ. դրամ.

գ) Հայաստանի Հանրապետության առողջապահության նախարարությանը` 12311.8 հազ. դրամ, այդ թվում` ըստ բյուջետային ծախսերի տնտեսագիտական դասակարգման հոդվածների` «Ընթացիկ ներքին այլ տրանսֆերտային վճարներ»` 90.5 հազ. դրամ, «Փափուկ գույք և հանդերձանք»` 4847.0 հազ. դրամ, «Սննդամթերք»` 822.6 հազ. դրամ, «Գրասենյակային ապրանքների և նյութերի ձեռքբերման ծախսեր»` 189.5 հազ. դրամ, «Այլ ակտիվների ձեռքբերման ծախսեր»` 2362.2 հազ. դրամ, և «Կապիտալ նորոգումների ծախսեր»` 4000.0 հազ. դրամ:

(1-ին կետը փոփ. 02.12.04 N 1726-Ն)

2. Հայաստանի Հանրապետության ֆինանսների և էկոնոմիկայի նախարարին` սույն որոշման 1-ին կետի համաձայն` բյուջետային ծախսերի տնտեսագիտական դասակարգման «Կապիտալ նորոգումների ծախսեր» հոդվածով նախատեսված հատկացումների հաշվին կատարվելիք հիմնանորոգման աշխատանքների գծով ծախսերի ֆինանսավորումը կատարել այդ աշխատանքների` հաստատված նախագծանախահաշվային փաստաթղթերի առկայության դեպքում:

3. Հայաստանի Հանրապետության պաշտպանության նախարարին` ապահովել Հայաստանի Հանրապետության աշխատանքի և սոցիալական հարցերի նախարարության համակարգի տուն-ինտերնատներում այլընտրանքային ծառայություն անցկացնող անձանց համար նախատեսված սննդամթերքի մատակարարումը:

(3-րդ կետը լրաց. 02.12.04 N 1726-Ն)