«Գրանցված է»

ՀՀ արդարադատության

նախարարության կողմից

28 նոյեմբերի 2005 թ.

Պետական գրանցման թիվ 60305438

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

7 նոյեմբերի 2005 թ. ք. Երևան

N 21-Ն

Ո Ր Ո Շ ՈՒ Մ

«ԱՌԵՎՏՐԻ ՇՐՋԱՆԱՌՈՒԹՅԱՆ ՄԱՍԻՆ» ՁԵՎ ԹԻՎ 1-ԱՌԵՎՏՈՒՐ (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

(Վերնագիրը փոփ. 23.03.07 N 06-Ն)

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

1. Հաստատել «Առևտրի շրջանառության մասին» Ձև թիվ 1-առևտուր (ամսական) պետական վիճակագրական հաշվետվության ձևը և լրացման հրահանգը` համաձայն հավելվածի:

2. Ուժը կորցրած ճանաչել Հայաստանի Հանրապետության վիճակագրության պետական խորհրդի 2004 թվականի դեկտեմբերի 29-ի «Ապրանքաշրջանառության ծավալի մասին» ձև թիվ 1-առևտուր (ամսական) պետական վիճակագրական հաշվետվության ձևը և լրացման հրահանգը հաստատելու մասին» թիվ 28-Ն որոշումը:

Նախագահ

Ս. Մնացականյան

	Հավելված 1
	Հաստատված է Հայաստանի Հանրապետության վիճակագրության պետական խորհրդի 7 նոյեմբերի 2005 թ. թիվ 21-Ն որոշմամբ

Հ Ր Ա Հ Ա Ն Գ

«ԱՌԵՎՏՐԻ ՇՐՋԱՆԱՌՈՒԹՅԱՆ ՄԱՍԻՆ» ՁԵՎ ԹԻՎ 1-ԱՌԵՎՏՈՒՐ (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

(Վերնագիրը փոփ. 23.03.07 N 06-Ն)

1. ԸՆԴՀԱՆՈՒՐ ԴՐՈՒՅԹՆԵՐ

1.1    Սույն հրահանգը սահմանում է «ԱՌԵՎՏՐԻ ՇՐՋԱՆԱՌՈՒԹՅԱՆ ՄԱՍԻՆ» ՁԵՎ ԹԻՎ 1-ԱՌԵՎՏՈՒՐ (ԱՄՍԱԿԱՆ) պետական վիճակագրական հաշվետվության (այսուհետ` հաշվետվություն) լրացման կարգը:

(1.1 կետը փոփ. 23.03.07 N 06-Ն)

1.2 Հաշվետվությունը ներկայացնում են իրավաբանական անձինք, հիմնարկները, անհատ ձեռնարկատերերը, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 3 հոկտեմբերի 2003 թվականի «Վիճակագրական տեղեկությունների ներկայացման կարգը հաստատելու մասին» թիվ 11-Ն որոշմամբ հաստատված կարգի դրույթներին համապատասխան:

1.3 Հաշվետվության ցուցանիշները լրացվում են աճողական կարգով (տարվա սկզբից   հաշվետու և նախորդ տարվա համապատասխան ժամանակաշրջանի համար) և հաշվետու ամսվա համար:

1.4 Հաշվետվության մեջ ներառված ցուցանիշների բացակայության դեպքում համապատասխան տողերում պարտադիր պետք է դնել գծիկներ:

1.5  Վիճակագրական տեղեկությունների ներկայացման հետ կապված այլ հարցերը կարգավորվում են  Հայաստանի Հանրապետության  օրենսդրությամբ:

2. ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ

2.1 Առևտրի շրջանառության ցուցանիշն արտացոլում է նյութական արժեքների առք ու վաճառքի գործընթացը: Այսինքն` բնութագրում է ապրանքային զանգվածի շարժը ապրանքների շրջանառության մեջ` արտադրողից մինչև սպառող:

2.2 Մանրածախ  առևտրի շրջանառությունը վերջնական սպառման կամ տնային տնտեսությունում օգտագործման համար նախատեսված սպառողական ապրանքների վաճառքն է արժեքային արտահայտությամբ:

2.3 Մեծածախ է համարվում առևտրի այն տեսակը (գործունեությունը), երբ գնորդը մեծ խմբաքանակով ապրանքներ է ձեռք բերում դրանց հետագա վերավաճառքի համար այլ վաճառողներին, վերամշակողներին, բայց ոչ վերջնական սպառողներին` համապատասխան հաշվարկային փաստաթղթերով:

(2.3 կետը փոփ. 23.03.07 N 06-Ն)

2.4 Առևտրի շրջանառությունը ներառում է բոլոր տեսակի հարկերը, բացառությամբ ավելացված արժեքի հարկը և այլ նմանատիպ (անուղղակի) հարկերը:

2.5 Մանրածախ առևտրի շրջանառության մեջ չի ներառվում՝

> գնորդի կողմից վերադարձված ապրանքի արժեքը,

> ապակե տարաներով վաճառված և հետո վերադարձված, կամ ապրանքի հետ փոխանակման դիմաց տրված տարայի արժեքը,

> ապրանքափոխանակությամբ կատարված առևտուրը,

> տրանսպորտի բոլոր տեսակներով ուղևորափոխադրման տոմսերի արժեքը, վիճակախաղի տոմսերի արժեքը և այլն:

2.6  Ապրանքային մնացորդը մինչև իրացման պահը շրջանառության ոլորտում գտնվող փաստացի առկա ապրանքների քանակն է` հաշվարկած վաճառքի ընթացիկ գներով:

3. ԼՐԱՑՄԱՆ ԿԱՐԳԸ

3.1 Տող 01-ը` առևտրի շրջանառությունը ներառում է տող 01.1` մանրածախ առևտրի շրջանառությունը (ծածկագիր 50, 52) և տող  01.2` մեծածախ առևտրի շրջանառությունը (ծածկագիր 50, 51), (համաձայն փաստացի գործունեության հիմնական տեսակի ծածկագրի ըստ  «Տնտեսական գործունեության տեսակների դասակարգչի» (ՏԳՏԴ) (հաստատված Հայաստանի Հանրապետության առևտրի և տնտեսական զարգացման նախարարի 2006 թվականի նոյեմբերի 22-ի թիվ 231-Ն հրամանով և հրապարակված Հայաստանի Հանրապետության գերատեսչական նորմատիվ ակտերի 2006 թվականի դեկտեմբերի 25-ի թիվ 301 տեղեկագրում) և «Արտադրանքի դասակարգման ըստ գործունեության տեսակների»  (ԱԴԳՏ) (ընդունված ՀՀ վիճակագրության պետական խորհրդի 22.07.2003 թ. թիվ  09-Ն որոշմամբ, հաստատված ՀՀ առևտրի և տնտեսական զարգացման նախարարի 21.01.2005 թ. թիվ 6-Ն հրամանով և հրապարակված ՀՀ գերատեսչական նորմատիվ ակտերի 11.03.2005 թ. թիվ 51 տեղեկագրում, 6 հատորով) :

(3.1 կետը փոփ. 23.03.07 N 06-Ն)

3.2 Տող 01.1-ը ներառում է խանութներում` մասնագիտացված և ոչ մասնագիտացված, խանութներից դուրս`  փոստի (ըստ պատվերների), անմիջական վաճառքը հեռուստատեսության, ռադիոյի և հեռախոսի, աճուրդների, ինտերնետի, ավտոմատների, շրջիկ վաճառողների, կրպակների, տաղավարների, շուկաների և այլնի միջոցով, վաճառված պարենային  և ոչ պարենային ապրանքների վաճառքը:

(3.2 կետը փոփ. 23.03.07 N 06-Ն)

3.3 Տող 01.1.1-ը ներառում է  ավտոմեքենաների (ներառյալ ուղևորատար և բեռնատար)  մանրածախ վաճառքը:

(3.3 կետը փոփ. 23.03.07 N 06-Ն)

3.4 Տող 01.1.2-ը ներառում է ավտոմեքենաների մեխանիկական նորոգումը, շարժիչների նորոգումը, էլեկտրասարքավորանքի նորոգումը, ընթացիկ սպասարկումը, լվացումը, փայլեցումը, ներկումը և այլն:

3.5 Տող 01.1.3-ը ներառում է բենզինի, դիզելային վառելիքի, հեղուկ և նավթային գազի, շարժիչային վառելիքին զուգակցող մթերքի` քսանյութերի, պաղեցնող, փայլեցնող նյութերի  և այլ տեսակի նյութերի վաճառքը:

(3.5 կետը փոփ. 23.03.07 N 06-Ն)

3.6 Տող 01.2-ը ներառում է` ապրանքների վաճառքը (առանց ձևափոխման) մանրածախ վաճառողներին, արդյունաբերական, առևտրային և մասնագիտական օգտագործողներին, այլ մեծածախ վաճառողներին, ինչպես նաև  ապրանքային բրոքերների, գործակալների գործունեությունը:

Ցուցանիշը ներառում է միայն Հայաստանի Հանրապետության տարածքում իրականացված մեծածախ առևտուրը:

(3.6 կետը լրաց. 23.03.07 N 06-Ն)

3.7 Տող 02-ը ներառում է` հաշվետու ամսին հաջորդող ամսվա 1-ի դրությամբ  փաստացի առկա ապրանքային մնացորդը (քանակը), հաշվարկած վաճառքի ընթացիկ գներով:

3.8 Տող 03` աշխատողների միջին ցուցակային թվաքանակը  ամսվա  համար հաշվարկվում է հաշվետու ամսվա յուրաքանչյուր օրացուցային օրվա (ամսի 1-ից մինչև 30 (31), փետրվարի համար՝ 28 (29)` ներառյալ ոչ աշխատանքային և հանգստյան օրերը, ցուցակային կազմի աշխատողների թվաքանակի գումարը բաժանելով հաշվետու ամսվա օրացուցային օրերի թվի վրա:

ՀՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ   ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ

Ներկայացվում է համաձայն «Պետական վիճակագրության մասին» Հայաստանի Հանրապետության 2000 թ. ապրիլի 4-ի ՀՕ-48 օրենքով սահմանված կարգով` Հայաստանի Հանրապետության վիճակագրության պետական խորհրդի կողմից հաստատվող «Պետական վիճակագրական աշխատանքների տարեկան ծրագրի» և Հայաստանի Հանրապետության վիճակագրության պետական խորհրդի 2003 թ. հոկտեմբերի 3-ի «Վիճակագրական տեղեկությունների ներկայացման կարգը հաստատելու մասին» թիվ 11-ն որոշմամբ հաստատված կարգի ՏՐԱՄԱԴՐՎԱԾ ՏԵՂԵԿՈՒԹՅՈՒՆՆԵՐԻ ԳԱՂՏՆԻՈՒԹՅԱՆ ՊԱՀՊԱՆՈՒՄԸ ԵՐԱՇԽԱՎՈՐՎՈՒՄ Է ՕՐԵՆՔՈՎ  Ներկայացվում է Ներկայացնում են Հաշվետվության ներկայացման ժամկետը 1. Ազգային վիճակագրական ծառայության գործակալություն (տարածքային 43333 բաժին) իրավաբանական անձինք, հիմնարկները, անհատ ձեռնարկատերերը մինչև հաշվետու ժամանակաշրջանին հաջորդող ամսվա 5-ը     Ով է ներկայացնում ___________________________________________ (անվանումը) Փաստացի գործունեության հիմնական տեսակը ________________________ ______________________________________ Գտնվելու վայրը ______________________________________________ ______________________________________ I  I  I  I  I  I  I     (փոստային դասիչ) Մարզը________________________________ Համայնքը _______________ Պետական ռեգիստրում գրանցման համարը I  I  I  I  I  I  I  I  I  I  I  I  Նույնականացման (իդենտիֆիկացիոն) ծածկագիրը  I  I  I  I  I  I  I  I  I Հարկ վճարողի հաշվարկման համարը  I  I  I  I  I  I  I  I  I Պետական ռեգիստրում գրանցման համարը և նույնականացման (իդենտիֆիկացիոն) ծածկագիրը լրացվում են Հայաստանի Հանրապետության արդարադատության նախարարության իրավաբանական անձանց պետական ռեգիստրի գործակալության կողմից տրված գրանցման վկայականից ՁԵՎ ԹԻՎ 1-ԱՌԵՎՏՈՒՐ (ամսական)   «Հաստատված է» Հայաստանի Հանրապետության վիճակագրության պետական խորհրդի 07 նոյեմբերի 2005 թ. թիվ 21-Ն որոշմամբ   «Տպագրված է»     Չլրացնել ß ՏԳՏԴ I   I   I   I   I   I   Մարզը  I  I  I   Համայնքը  I  I  I  I Պետական վիճակագրության մասին օրենսդրության խախտումը վիճակագրական տեղեկություններ տրամադրողների, ինչպես նաև պետական վիճակագրություն իրականացնող մարմնի պաշտոնատար անձանց համար առաջացնում է պատասխանատվություն` օրենքով սահմանված կարգով:

ԱՌԵՎՏՐԻ ՇՐՋԱՆԱՌՈՒԹՅԱՆ ՄԱՍԻՆ

հունվար __________________ 200_ թ.

(տարեսկզբից աճողական կարգով)

հազ. դրամ

Ցուցանիշի անվանումը	Տողի համարը	Հաշվետու ժամանակա-շրջանում		այդ թվում`   գյուղական վայրերում տարվա սկզբից	Նախորդ տարվա  համապա-տասխան ժամանա-կաշրջանում
		տարվա սկզբից	հաշվետու ամիս		տարվա սկզբից	հաշվետու ամիս
Ա	Բ	1	2	3	4	5
Առևտրի շրջանառություն, ընդամենը (առանց ԱԱՀ),(01.1+ 01.2 տողերի գումարը)	01
այդ թվում` մանրածախ առևտրի շրջանառություն, ընդամենը	01.1
դրանից` ավտոմեքենաների առևտուր	01.1.1
ավտոմեքենաների տեխնիկական սպասարկում և նորոգում	01.1.2
շարժիչային վառելիքի առևտուր	01.1.3
մեծածախ առևտրի շրջանառություն, ընդամենը	01.2
Ապրանքային մնացորդ	02	x			x

Աշխատողների միջին ցուցակային թվաքանակը, մարդ 03

Ղեկավար	______________________ (Ազգանուն, անուն)	__________________ (Ստորագրություն)
Լրացնող	______________________ (Ազգանուն, անուն)	__________________ (Ստորագրություն)
(գլխավոր հաշվապահ  կամ այլ լիազորված անձ)	_____________________ (Հեռախոսահամար(ներ))	« __ » _________200__թ. (լրացման ամսաթիվը)
	Էլեկտրոնային փոստ ________@_______

(Ձևը փոփ. 23.03.07 N 06-Ն)