«Վավերացնում եմ»
Հայաստանի Հանրապետության
Նախագահ Ռ. Քոչարյան
30 մայիսի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

17 մայիսի 2007 թվականի N 594-Ն

ՀՈՂԵՐԻ ԿԱՏԵԳՈՐԻԱՆ ՓՈԽԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության Լոռու մարզի համայնքների վարչական սահմաններից դուրս, մարզի վարչական սահմաններում գտնվող` անտառային ֆոնդի հողերից 8.0 հեկտարը փոխադրել հատուկ նշանակության հողերի կատեգորիա` սահմանապահ ուղեկալների կառուցման համար` համաձայն NN 1 և 2 հավելվածների:

2. Հայաստանի Հանրապետության Լոռու մարզպետին` 15-օրյա ժամկետում ապահովել սույն որոշման 1-ին կետում նշված հողամասերի` անհատույց, մշտական օգտագործման իրավունքով Հայաստանի Հանրապետության կառավարությանն առընթեր ազգային անվտանգության ծառայությանը տրամադրումը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։