040.0209.27.03.98

«ՎԱՎԵՐԱՑՆՈՒՄ ԵՄ»
Հայաստանի Հանրապետության
Նախագահի պաշտոնակատար Ռ. Քոչարյան
27 մարտի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 մարտի 1998 թվականի N 209

քաղ. Երևան

ՄԱՍՆԱՎՈՐԵՑՎՈՂ ՊԵՏԱԿԱՆ ԳՈՒՅՔԻ ՀԱՇՎԵԿՇՌԱՅԻՆ ՄԵԹՈԴՈՎ ԳՆԱՀԱՏՄԱՆ ԿԱՐԳԻ ՄԱՍԻՆ

«Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 12 հոդվածի «ե» ենթակետին համապատասխան Հայաստանի Հանրապետության կառավարությունը որոշում է.

1. Հաստատել մասնավորեցվող պետական գույքի հաշվեկշռային մեթոդով գնահատման կարգը (կցվում է):

2. Հայաստանի Հանրապետության պետական գույքի կառավարման նախարարությանը` սկսած 1998 թվականից յուրաքանչյուր տարվա համար սահմանել մետաղի ջարդոնի (սև և գունավոր), բանող ու մթերատու անասունների և տրանսպորտային միջոցների նվազագույն գները` համաձայնեցնելով Հայաստանի Հանրապետության ֆինանսների և էկոնոմիկայի նախարարության (մետաղի ջարդոնի մասով), Հայաստանի Հանրապետության ֆինանսների և էկոնոմիկայի նախարարության ու Հայաստանի Հանրապետության գյուղատնտեսության նախարարության (բանող ու մթերատու անասունների մասով), Հայաստանի Հանրապետության ֆինանսների և էկոնոմիկայի նախարարության ու Հայաստանի Հանրապետության տրանսպորտի նախարարության (տրանսպորտային միջոցների մասով) հետ:

3. Հայաստանի Հանրապետության ֆինանսների և էկոնոմիկայի նախարարությանը` յուրաքանչյուր եռամսյակի ավարտից հետո երկօրյա ժամկետում Հայաստանի Հանրապետության պետական գույքի կառավարման նախարարությանը տրամադրել ավարտված եռամսյակի վերջին օրվա դրությամբ գործող թանկարժեք մետաղների բացթողման գները:

(3-րդ կետը փոփ. 17.02.01 N 117)

4. Ուժը կորցրած ճանաչել Հայաստանի Հանրապետության կառավարության 1994 թվականի ապրիլի 21-ի «Սեփականաշնորհվող կամ ապապետականացվող ձեռնարկությունների գույքի և անավարտ շինարարության օբյեկտների գնահատման կարգի մասին» N 183 (Հայաստանի Հանրապետության կառավարության 1996 թվականի փետրվարի 8-ի N 34, 1996 թվականի օգոստոսի 6-ի N 242, 1996 թվականի օգոստոսի 26-ի N 270 որոշումների խմբագրությամբ) որոշումը:

Կ Ա Ր Գ

մասնավորեցվող պետական գույքի հաշվեկշռային մեթոդով գնահատման

I. Ընդհանուր դրույթներ

1. Սույն կարգով սահմանվում է մասնավորեցվող պետական գույքի հաշվեկշռային մեթոդով գնահատման կարգը:

2. Հայաստանի Հանրապետության կառավարության որոշումներով լուծարվող իրավաբանական անձանց գույքը կարող է գնահատվել սույն կարգով սահմանված կարգով:

(2-րդ կետը խմբ. 31.07.01 N 695)

II. Մասնավորեցվող պետական գույքի գնահատումը

3. Մասնավորեցվող պետական գույքի գնահատման ժամանակ գնահատման են ենթակա իրավաբանական անձանց հաշվապահական հաշվեկշռում արտացոլված`

ա) ակտիվները, այդ թվում`

ոչ ընթացիկ ակտիվներ (հիմնական միջոցներ, ֆինանսական վարձակալությամբ ստացված հիմնական միջոցներ, անավարտ ոչ ընթացիկ նյութական ակտիվներ, ոչ նյութական ակտիվներ (ներառյալ գուդվիլը), ոչ ընթացիկ ներդրումներ` հաշվառված բաժնեմասնակցության մեթոդով, ոչ ընթացիկ ներդրումներ կանոնադրական կապիտալում` հաշվառված այլ մեթոդներով, այլ ոչ ընթացիկ ներդրումներ, ֆինանսական վարձակալությունում զուտ ներդրումներ, հետաձգված հարկային ակտիվներ, այլ ոչ ընթացիկ ակտիվներ),

ընթացիկ ակտիվներ (նյութեր, աճեցվող և բտվող կենդանիներ, արագամաշ առարկաներ, անավարտ արտադրություն, արտադրանք, ապրանքներ, առևտրական դեբիտորական պարտքեր, տրված ընթացիկ կանխավճարներ, ընթացիկ դեբիտորական պարտք` բյուջեի գծով, ընթացիկ ակտիվներ` հետաձգված հարկերի գծով, ընթացիկ ֆինանսական ներդրումներ, դրամական միջոցներ, դրամական միջոցների համարժեքներ և այլ ընթացիկ ակտիվներ).

բ) պարտավորությունները, այդ թվում`

ոչ ընթացիկ պարտավորություններ (երկարաժամկետ բանկային վարկեր և փոխառություններ, երկարաժամկետ պարտավորություններ` ֆինանսական վարձակալության գծով, հետաձգված հարկային պարտավորություններ, այլ ոչ ընթացիկ պարտավորություններ),

ընթացիկ պարտավորություններ (կարճաժամկետ բանկային վարկեր և փոխառություններ, երկարաժամկետ բանկային վարկերի և փոխառությունների կարճաժամկետ մաս, վարկերի և փոխառությունների գծով հաշվեգրված տոկոսներ, առևտրական կրեդիտորական պարտքեր, ստացված ընթացիկ կանխավճարներ, կարճաժամկետ կրեդիտորական պարտք բյուջեին, հետաձգված ընթացիկ պարտավորություններ` հարկերի գծով, կարճաժամկետ կրեդիտորական պարտք` պարտադիր սոցիալական ապահովագրության գծով, պարտավորություններ` անձնակազմին աշխատանքի վարձատրության գծով, կարճաժամկետ կրեդիտորական պարտք հիմնադիրներին, նպատակային ֆինանսավորում և մուտքեր, այլ ընթացիկ պարտավորություններ):

(3-րդ կետը խմբ. 31.07.01 N 695)

4. Իրավաբանական անձանց մասնավորեցվող պետական գույքը գնահատվում է հաշվապահական հաշվառման տվյալների, այդ թվում` գույքի սկզբնական արժեքի, մաշվածության և հաշվեկշռային արժեքի, ինչպես նաև դրամի նկատմամբ ԱՄՆ-ի մեկ դոլարի փոխարժեքի հիման վրա: Եթե գույքը վերագնահատվել է, ապա որպես սկզբնական արժեք է ընդունվում Հայաստանի Հանրապետության կառավարության որոշումներով սահմանված կարգով վերջին վերագնահատման արդյունքում ստացված արժեքը:

(4-րդ կետը փոփ. 17.02.01 N 117, խմբ. 31.07.01 N 695)

5. Մասնավորեցվող պետական գույքի գնահատման պահ է համարվում գնահատող կազմակերպության կողմից գույքի գնահատման համար տրված հրամանի (այսուհետև` հրաման) ամսաթվին նախորդող եռամսյակի վերջին օրը:

(5-րդ կետը լրաց. 19.09.98 N 590, 17.11.98 N 714, փոփ., լրաց. 15.05.99 N 312, լրաց. 14.10.00 N 652, փոփ. 17.02.01 N 117, խմբ. 31.07.01 N 695)

6. Մինչև 1993 թվականի հուլիսի 1-ը ձեռք բերված, Հայաստանի Հանրապետության կառավարության 1995 թվականի փետրվարի 15-ի «Հայաստանի Հանրապետության պետական և պետական մասնակցությամբ ձեռնարկությունների հիմնական միջոցների վերագնահատման մասին» N 73 որոշման հիման վրա վերագնահատված հիմնական միջոցների և ֆինանսական վարձակալությամբ ստացված հիմնական միջոցների (այսուհետև` հիմնական միջոցներ) գնահատված մեծությունը (ԳՄ<sub>1</sub>) որոշվում է հետևյալ բանաձևով`

որտեղ Ա_Հ-ը հիմնական միջոցների հաշվեկշռային արժեքն է,

Գ₁-ը վերագնահատման գործակիցն է, որը հավասար է Հայաստանի Հանրապետության կառավարության 1995 թվականի փետրվարի 15-ի N 73 որոշմամբ սահմանված վերագնահատման (Գ₁) գործակցին,

Գ_Փ1-ը հրամանը տալու ամսաթվի դրությամբ Հայաստանի Հանրապետության կենտրոնական բանկի կողմից սահմանված` դրամի նկատմամբ ԱՄՆ-ի մեկ դոլարի փոխարժեքի և 1993 թվականի հուլիսի 1-ի դրությամբ Հայաստանի Հանրապետության կենտրոնական բանկի կողմից սահմանված` դրամի նկատմամբ ԱՄՆ-ի մեկ դոլարի փոխարժեքի հարաբերությունն է:

(6-րդ կետը խմբ. 31.07.01 N 695)

7. 1993 թվականի հուլիսի 1-ից մինչև 1995 թվականի հունվարի 1-ը ձեռք բերված, Հայաստանի Հանրապետության կառավարության 1995 թվականի փետրվարի 15-ի «Հայաստանի Հանրապետության պետական և պետական մասնակցությամբ ձեռնարկությունների հիմնական միջոցների վերագնահատման մասին» N 73 որոշման հիման վրա վերագնահատված հիմնական միջոցների գնահատված մեծությունը (ԳՄ₂) որոշվում է հետևյալ բանաձևով`

որտեղ Ա_Հ-ը հիմնական միջոցների հաշվեկշռային արժեքն է,

Գ_Փ2-ը հրամանը տալու ամսաթվի դրությամբ Հայաստանի Հանրապետության կենտրոնական բանկի կողմից սահմանված` դրամի նկատմամբ ԱՄՆ-ի մեկ դոլարի փոխարժեքի և 1995 թվականի հունվարի 1-ի դրությամբ Հայաստանի Հանրապետության կենտրոնական բանկի կողմից սահմանված` դրամի նկատմամբ ԱՄՆ-ի մեկ դոլարի փոխարժեքի հարաբերությունն է:

(7-րդ կետը խմբ. 31.07.01 N 695)

8. 1995 թվականի հունվարի 1-ից հետո ձեռք բերված հիմնական միջոցների գնահատված մեծությունը (ԳՄ₃) որոշվում է հետևյալ բանաձևով`

որտեղ Ա_Հ-ը հիմնական միջոցների հաշվեկշռային արժեքն է,

Գ_Փ3-ը հրամանը տալու ամսաթվի դրությամբ Հայաստանի Հանրապետության կենտրոնական բանկի կողմից սահմանված դրամի նկատմամբ ԱՄՆ-ի մեկ դոլարի փոխարժեքի և տվյալ հիմնական միջոցի ձեռքբերման ամսվա 1-ի դրությամբ Հայաստանի Հանրապետության կենտրոնական բանկի կողմից սահմանված` դրամի նկատմամբ ԱՄՆ-ի մեկ դոլարի փոխարժեքի հարաբերությունն է:

(8-րդ կետը խմբ. 31.07.01 N 695)

9. Հայաստանի Հանրապետության կառավարության 1998 թվականի մայիսի 8-ի «Հայաստանի Հանրապետության էներգահամակարգի ընկերությունների հիմնական միջոցների, անավարտ շինարարության օբյեկտների և տեղակայման ենթակա սարքավորումների վերագնահատման մասին» N 280 որոշման հիման վրա վերագնահատված հիմնական միջոցների գնահատված մեծությունը (ԳՄ₄) որոշվում է հետևյալ բանաձևով`

որտեղ Ա_Հ-ը հիմնական միջոցների հաշվեկշռային արժեքն է,

Գ_Փ4-ը հրամանը տալու ամսաթվի դրությամբ Հայաստանի Հանրապետության կենտրոնական բանկի կողմից սահմանված` դրամի նկատմամբ ԱՄՆ-ի մեկ դոլարի փոխարժեքի և 1998 թվականի հունվարի 1-ի դրությամբ Հայաստանի Հանրապետության կենտրոնական բանկի կողմից սահմանված` դրամի նկատմամբ ԱՄՆ-ի մեկ դոլարի փոխարժեքի հարաբերությունն է:

(9-րդ կետը խմբ. 31.07.01 N 695)

10. Հայաստանի Հանրապետության կառավարության 1995 թվականի ապրիլի 25-ի «Հայաստանի Հանրապետության բյուջետային հիմնարկների հիմնական միջոցների վերագնահատման մասին» N 235 որոշման հիման վրա վերագնահատված հիմնական միջոցների գնահատված մեծությունը (ԳՄ₅) որոշվում է հետևյալ բանաձևով`

որտեղ Ա_Հ-ը հիմնական միջոցների հաշվեկշռային արժեքն է,

Գ_Փ5-ը հրամանը տալու ամսաթվի դրությամբ Հայաստանի Հանրապետության կենտրոնական բանկի կողմից սահմանված` դրամի նկատմամբ ԱՄՆ-ի մեկ դոլարի փոխարժեքի և 1995 թվականի մայիսի 1-ի դրությամբ Հայաստանի Հանրապետության կենտրոնական բանկի կողմից սահմանված` դրամի նկատմամբ ԱՄՆ-ի մեկ դոլարի փոխարժեքի հարաբերությունն է:

(10-րդ կետը խմբ. 31.07.01 N 695)

11. Եթե հիմնական միջոցների մաշվածությունը մեծ է սկզբնական արժեքի 70 տոկոսից, ապա դրանց գնահատման ժամանակ որպես հաշվեկշռային արժեք է ընդունվում սկզբնական արժեքի 30 տոկոսը:

(11-րդ կետը խմբ. 31.07.01 N 695)

12. Մետաղյա հիմնական միջոցների գնահատված մեծություն է ընդունվում սույն կարգի 6-11-րդ կետերի համաձայն հաշվարկված և մետաղի ջարդոնի համար սահմանված նվազագույն գներով հաշվարկված մեծություններից առավելագույնը:

Բանող և մթերատու անասունների, տրանսպորտային միջոցների գնահատված մեծություններ է ընդունվում սույն կարգի 6-11-րդ կետերի համաձայն հաշվարկված ու համապատասխանաբար բանող և մթերատու անասունների, տրանսպորտային միջոցների համար սահմանված նվազագույն սկզբնական գներով հաշվարկված մեծություններից առավելագույնը:

(12-րդ կետը խմբ. 31.07.01 N 695)

13. Հիմնական միջոցներում առկա թանկարժեք մետաղներն ու քարերը ենթակա չեն առանձին գնահատման:

(13-րդ կետը խմբ. 31.07.01 N 695)

14. Շենքի մեկ քառ. մետրի նվազագույն գնահատված մեծությունը սահմանվում է ԱՄՆ-ի 10 դոլարին համարժեք դրամ: Եթե յուրաքանչյուր շենքի մեկ քառ. մետրի հաշվով գնահատված մեծությունը փոքր է սահմանված նվազագույն գնից, ապա որպես գնահատված մեծություն ընդունվում է սահմանված նվազագույն գներով հաշվարկված մեծությունը:

(14-րդ կետը խմբ. 31.07.01 N 695)

15. «Ոչ նյութական ակտիվների» (ներառյալ գուդվիլը), «ոչ ընթացիկ ներդրումների` հաշվառված բաժնեմասնակցության մեթոդով», «ոչ ընթացիկ ներդրումների կանոնադրական կապիտալում հաշվառված այլ մեթոդներով», «այլ ոչ ընթացիկ ներդրումների», «ֆինանսական վարձակալությունում զուտ ներդրումների և հետաձգված հարկային ակտիվների» գնահատված մեծությունը դրանց հաշվեկշռային արժեքն է:

(15-րդ կետը խմբ. 31.07.01 N 695)

16. «Անավարտ ոչ ընթացիկ նյութական ակտիվները» գնահատվում են հիմնական միջոցների համար սահմանված կարգով` որպես ձեռքբերման տարեթիվ ընդունելով շինարարությունն սկսելու տարեթիվը, ընդ որում, կառուցման ընթացքում գտնվող հիմնական միջոցների գնահատված մեծությունը որոշելիս հաշվի են առնվում շինարարական աշխատանքների դադարեցման ժամկետը` ընդունված վերջին կատարողական ակտի ամսաթիվը: Եթե շինարարությունը 3 տարվանից ավելի է դադարեցված, ապա գնահատված մեծությունը նվազեցվում է 30 տոկոսով:

(16-րդ կետը խմբ. 31.07.01 N 695)

17. «Նյութերի», «արագամաշ առարկաների», «անավարտ արտադրության», «արտադրանքի», «ապրանքների», «առևտրական դեբիտորական պարտքերի», «տրված ընթացիկ կանխավճարների», «բյուջեի գծով ընթացիկ դեբիտորական պարտքի», «հետաձգված հարկերի գծով ընթացիկ ակտիվների», «ընթացիկ ֆինանսական ներդրումների», «դրամական միջոցների», «դրամական միջոցների համարժեքների» և «այլ ընթացիկ ակտիվների» գնահատված մեծություն է ընդունվում դրանց հաշվեկշռային արժեքը:

(17-րդ կետը խմբ. 31.07.01 N 695)

18. Հաշվեկշռի «նյութեր» տողում արտացոլված թանկարժեք մետաղների և քարերի գնահատված մեծություն է ընդունվում դրանց հաշվեկշռային արժեքներից ու Հայաստանի Հանրապետության ֆինանսների և էկոնոմիկայի նախարարության կողմից սահմանված` գնահատման պահին գործող թանկարժեք մետաղների և քարերի բացթողման գներով հաշվարկված արժեքից առավելագույնը:

(18-րդ կետը խմբ. 31.07.01 N 695)

19. Պարտավորությունների (ոչ ընթացիկ և ընթացիկ) գնահատված մեծություն է ընդունվում դրանց հաշվեկշռային արժեքը:

(19-րդ կետը խմբ. 31.07.01 N 695)

20. Իրավաբանական անձի մասնավորեցվող պետական գույքի գնահատված մեծությունը որոշվում է ակտիվների (ոչ ընթացիկ և ընթացիկ) գնահատված մեծությունը նվազեցնելով պարտավորությունների (ոչ ընթացիկ և ընթացիկ) գնահատված մեծության չափով: Եթե հաշվեկշռում արտացոլված են սառեցված գումարներ (հաշվարկային հաշվում, դրամարկղում և արտարժութային հաշվում), ապա դրանց հետ կապված հարցերը յուրաքանչյուր առանձին ընկերության համար կարգավորվում են Հայաստանի Հանրապետության կառավարության որոշմամբ:

(20-րդ կետը խմբ. 31.07.01 N 695)

III. Գույքի առանձին տարրերի գնահատումը

21. Գույքի առանձին տարրեր գնահատվում են սույն կարգի 4-16-րդ կետերով սահմանված կարգով:

(21-րդ կետը խմբ. 31.07.01 N 695)

IV. Գույքի գնահատման արդյունքների ձեվակերպումը

22. Սույն կարգի համաձայն մասնավորեցվող պետական գույքի գնահատման արդյունքները ձևակերպվում են համապատասխան ակտերով (NN 1-6 ձևերը կցվում են) և եզրափակիչ ակտով (N 7 ձևը կցվում է), որոնք ստորագրում են գնահատող հանձնաժողովի բոլոր անդամները, իսկ եզրափակիչ ակտը հաստատում է գնահատող կազմակերպության ղեկավարը:

(22-րդ կետը խմբ. 31.07.01 N 695)

23. Մասնավորեցվող պետական գույքի գնահատման ելակետային տվյալները կազմվում են իրավաբանական անձի գտնվելու վայրում, գնահատման են ներկայացվում համապատասխան նախարարության, գերատեսչության, տարածքային կառավարման պետական մարմնի կողմից: Գնահատման ելակետային տվյալների մասին տեղեկանքներն ստորագրում են իրավաբանական անձի տնօրենը և գլխավոր հաշվապահը:

(23-րդ կետը խմբ. 31.07.01 N 695)

24. Գնահատման ելակետային տվյալների մասին տեղեկանքների ձևերը սահմանում է Հայաստանի Հանրապետության պետական գույքի կառավարման նախարարությունը:

(24-րդ կետը խմբ. 31.07.01 N 695)

(Կարգը խմբ. 31.07.01 N 695)

Ձև N 1

Ա Կ Տ  N  01

հիմնական միջոցների գնահատման

________________________________________________________________

(իրավաբանական անձի անվանումը)*

Գնահատող հանձնաժողովն իր կազմով` նախագահ _________________________ և անդամներ ________________________________________________________________ ,

գնահատեց հիմնական միջոցները:

____ __________ 200  թ.

(հազ. դրամ)

** Գ_փ-ն (Գ_փ1, Գ_փ2, Գ_փ3, Գ_փ4, Գ_փ5) յուրաքանչյուր հիմնական միջոցի համար հաշվարկվում է սույն որոշմամբ սահմանված կարգով:

(Ձևը խմբ. 31.07.01 N 695)

Ձև N 2

Ա Կ Տ  N  02

անավարտ ոչ ընթացիկ նյութական ակտիվների գնահատման

________________________________________________________________

(իրավաբանական անձի անվանումը)*

Գնահատող հանձնաժողովն իր կազմով` նախագահ ______________ և անդամներ __________
________________________________________________________________

գնահատեց անավարտ ոչ ընթացիկ նյութական ակտիվները:

____ __________ 200  թ.

** Գ_փ-ն (Գ_փ1, Գ_փ2, Գ_փ3, Գ_փ4, Գ_փ5) յուրաքանչյուր հիմնական միջոցի համար հաշվարկվում է սույն որոշմամբ սահմանված կարգով:

(Ձևը խմբ. 31.07.01 N 695)

Ձև N 3

Ա Կ Տ  N  03

ոչ նյութական ակտիվների գնահատման

________________________________________________________________

(իրավաբանական անձի անվանումը)

Գնահատող հանձնաժողովն իր կազմով` նախագահ ______________ և անդամներ __________
________________________________________________________________

գնահատեց ոչ նյութական ակտիվները:

____ __________ 200  թ.

(հազ. դրամ)

(Ձևը խմբ. 31.07.01 N 695)

Ձև N 4

Ա Կ Տ  N  04

այլ ոչ ընթացիկ ակտիվների գնահատման

________________________________________________________________

(իրավաբանական անձի անվանումը)

Գնահատող հանձնաժողովն իր կազմով` նախագահ ______________ և անդամներ __________
________________________________________________________________

գնահատեց այլ ոչ ընթացիկ ակտիվները:

____ __________ 200  թ.

(հազ. դրամ)

(Ձևը խմբ. 31.07.01 N 695)

Ձև N 5

Ա Կ Տ  N  05

ընթացիկ ակտիվների գնահատման

________________________________________________________________

(իրավաբանական անձի անվանումը)

Գնահատող հանձնաժողովն իր կազմով` նախագահ ________________________ և անդամներ
________________________________________________________________

գնահատեց ընթացիկ ակտիվները:

____ __________ 200  թ.

(հազ. դրամ)

* Նյութերում արտացոլված թանկարժեք մետաղների և քարերի արժեքը ներառված է նյութերի գնահատված մեծության մեջ, որի հաշվարկը տրված է N 5^ա ձևում:

(Ձևը խմբ. 31.07.01 N 695)

Ձև N 5^ա

Ա Կ Տ  N  05^ա

թանկարժեք մետաղների գնահատման

(Ձևը խմբ. 31.07.01 N 695)

Ձև N 6

Ա Կ Տ  N  06

պարտավորությունների (ոչ ընթացիկ ԵՎ ընթացիկ) գնահատման

________________________________________________________________

(իրավաբանական անձի անվանումը)

Գնահատող հանձնաժողովն իր կազմով` նախագահ ________________________ և անդամներ
________________________________________________________________

գնահատեց պարտավորությունները (ոչ ընթացիկ և ընթացիկ):

____ __________ 200  թ.

(հազ. դրամ)

(Ձևը խմբ. 31.07.01 N 695)

Ձև N 7

Ե Զ Ր Ա Փ Ա Կ Ի Չ  Ա Կ Տ  N  07

պետական գույքի հաշվեկշռային մեթոդով գնահատման

________________________________________________________________

(իրավաբանական անձի անվանումը)

Գնահատող հանձնաժողովն իր կազմով` նախագահ ________________________ և անդամներ
________________________________________________________________

կատարեց պետական գույքի հաշվեկշռային մեթոդով եզրափակիչ գնահատումը:

____ __________ 200  թ.

(Ձևը խմբ. 31.07.01 N 695)