«Վավերացնում եմ»
Հայաստանի Հանրապետության
Նախագահ Ռ. Քոչարյան
12 նոյեմբերի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 նոյեմբերի 2005 թվականի N 1821-Ա

ՇԵՆՔ ԱՄՐԱՑԵԼՈՒ ՄԱՍԻՆ

Համաձայն «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածի` Հայաստանի Հանրապետության կառավարությունը որոշում է.

1. Հայաստանի Հանրապետության կառավարությանն առընթեր Հայաստանի Հանրապետության ոստիկանության` Հայաստանի Հանրապետության Լոռու մարզի Վանաձոր քաղաքի Աբովյան փողոցի N 55 հասցեում գտնվող Գուգարքի ոստիկանության բաժնի նախկին վարչական շենքը` 230 քառ. մետր մակերեսով և 18 մլն դրամ հաշվեկշռային արժեքով հետ վերցնել և ամրացնել Հայաստանի Հանրապետության Լոռու մարզպետարանին:

2. Հայաստանի Հանրապետության ոստիկանության պետին և Հայաստանի Հանրապետության Լոռու մարզպետին՝ մեկամսյա ժամկետում` սահմանված կարգով ապահովել սույն որոշման 1-ին կետում նշված շենքի հանձնման-ընդունման աշխատանքների կատարումը և գույքային իրավունքների պետական գրանցումը` Հայաստանի Հանրապետության Լոռու մարզպետարանի միջոցների հաշվին: