«Գրանցված է»
ՀՀ արդարադատության
նախարարության կողմից
29 դեկտեմբերի 2005 թ.
Պետական գրանցման թիվ 50005494

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԵՐԵՎԱՆԻ ՔԱՂԱՔԱՊԵՏ

Ո Ր Ո Շ ՈՒ Մ

ԵՐԵՎԱՆԻ ՔԱՂԱՔԱՊԵՏԱՐԱՆԻ ԵՆԹԱԿԱՅՈՒԹՅԱՆ ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ԵՎ ՀԱՐՅՈՒՐ ՏՈԿՈՍ ՊԵՏՈՒԹՅԱՆԸ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՊԱՏԿԱՆՈՂ ԲԱԺՆԵՄԱՍ ՈՒՆԵՑՈՂ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ԳՈՐԾԱԴԻՐ ՄԱՐՄԻՆՆԵՐԻ ԸՆՏՐՈՒԹՅԱՆ /ՆՇԱՆԱԿՄԱՆ/ ՀԱՄԱՐ ՄՐՑՈՒՅԹ ԵՎ ԱՏԵՍՏԱՎՈՐՈՒՄ ԱՆՑԿԱՑՆԵԼՈՒ, ՄՐՑՈՒԹԱՅԻՆ ԵՎ ԱՏԵՍՏԱՎՈՐՄԱՆ ՀԱՆՁՆԱԺՈՂՈՎՆԵՐԻ ՁԵՎԱՎՈՐՄԱՆ ԿԱՐԳԵՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2005 թվականի հունվարի 25-ի «Պետական ոչ առևտրային կազմակերպությունների և հարյուր տոկոս պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների գործադիր մարմինների ընտրության /նշանակման/ ընդհանուր կարգը և նրանց հետ կնքվող աշխատանքային պայմանագրերի օրինակելի ձևերը հաստատելու մասին» N 224-Ն որոշմամբ հաստատված NN 1 և 3 հավելվածների 12-րդ և 15-րդ կետերը.

1. Հաստատել Երևանի քաղաքապետարանի ենթակայության.

ա/ պետական ոչ առևտրային կազմակերպությունների և հարյուր տոկոս պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների գործադիր մարմինների ընտրության /նշանակման/ համար անցկացնելու մրցութային հանձնաժողովի ձևավորման կարգը՝ համաձայն N 1 հավելվածի,

բ/ պետական ոչ առևտրային կազմակերպությունների և հարյուր տոկոս պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների գործադիր մարմինների ատեստավորում անցկացնելու և ատեստավորման հանձնաժողովի ձևավորման կարգը՝ համաձայն N 2 հավելվածի:

2. Սույն որոշման կատարման կազմակերպումն ու պատասխանատվությունը դնել աշխատակազմի ղեկավարի /Ս. Կոշեցյան/ վրա:

3. Որոշման կատարման հսկողությունն իրականացնում է Երևանի քաղաքապետը:

Կ Ա Ր Գ

ԵՐԵՎԱՆԻ ՔԱՂԱՔԱՊԵՏԱՐԱՆԻ ԵՆԹԱԿԱՅՈՒԹՅԱՆ ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ԵՎ ՀԱՐՅՈՒՐ ՏՈԿՈՍ ՊԵՏՈՒԹՅԱՆԸ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՊԱՏԿԱՆՈՂ ԲԱԺՆԵՄԱՍ ՈՒՆԵՑՈՂ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ԳՈՐԾԱԴԻՐ ՄԱՐՄԻՆՆԵՐԻ ԸՆՏՐՈՒԹՅԱՆ /ՆՇԱՆԱԿՄԱՆ/ ՀԱՄԱՐ ՄՐՑՈՒՅԹԻ ԱՆՑԿԱՑՄԱՆ ԵՎ ՄՐՑՈՒԹԱՅԻՆ ՀԱՆՁՆԱԺՈՂՈՎԻ ՁԵՎԱՎՈՐՄԱՆ

1. Սույն կարգով սահմանվում են Երևանի քաղաքապետարանի ենթակայության պետական ոչ առևտրային կազմակերպությունների և հարյուր տոկոս պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների /այսուհետ՝ փակ բաժնետիրական ընկերություն/ գործադիր մարմինների ընտրության /նշանակման/ համար անցկացվող մրցույթի ընթացակարգը՝ մրցութային հանձնաժողովի /այսուհետ՝ հանձնաժողով/ ձևավորման կարգը:

2. Պետական ոչ առևտրային կազմակերպության կամ փակ բաժնետիրական ընկերության գործադիր մարմնի թափուր պաշտոն առաջանալուց հետո, քաղաքապետը կայացնում է որոշում՝ թափուր պաշտոնի համար բաց մրցույթ անցկացնելու մասին: Որոշումը և մրցույթի պայմանները քաղաքապետարանի աշխատակազմը 5-օրյա պարբերականությամբ առնվազն երկու անգամ հրապարակում է զանգվածային լրատվության միջոցներով: Մրցույթն անցկացվում է հայտարարության մեջ նշված ժամկետում:

3. Հայտարարության տեքստում պետք է նշվի՝

ա/ մրցույթին մասնակցելու համար դիմումների ընդունման վայրը և ժամկետը, որը չի կարող մրցույթ անցկացնելու մասին վերջին հայտարարության հրապարակման օրվանից հաշված մեկ ամսվանից պակաս լինել,

բ/ մրցույթի անցկացման վայրը, օրը և ժամը,

գ/ մրցույթին մասնակցելու համար անհրաժեշտ փաստաթղթերը /նյութերը/,

դ/ հավակնորդին ներկայացվող պահանջները /չափանիշները/:

4. Մրցույթին մասնակցելու համար պահանջվում են հետևյալ փաստաթղթերը՝

ա/ դիմում,

բ/ լուսանկար,

գ/ քաղվածք՝ աշխատանքային գրքույկից,

դ/ ինքնակենսագրություն,

ե/ բարձրագույն կրթության դիպլոմի պատճենը,

զ/ կադրերի հաշվառման անձնական թերթիկ /լրացված/,

է/ տեղեկանք՝ մշտական բնակության վայրից,

ը/ հրատարակված հոդվածների ցանկ կամ գիտական կոչումը հավաստող փաստաթուղթ /դրանց առկայության դեպքում/,

թ/ բնութագիր՝ վերջին աշխատավայրից /եթե կազմակերպությունը չի լուծարվել/:

5. Մրցույթն անցկացվում է նաև այն դեպքում, երբ դրան մասնակցելու համար դիմել է մեկ անձ: Եթե մրցույթին մասնակցելու համար ոչ մի դիմում չի ներկայացվել կամ մրցույթի արդյունքում հաղթող չի ճանաչվել, ապա մրցույթը համարվում է չկայացած /անվավեր/ և անցկացվում է կրկնակի մրցույթ: Կրկնակի մրցույթի անցկացման վերաբերյալ հայտարարությունը տալիս է քաղաքապետարանի աշխատակազմը՝ 2 շաբաթ հետո: Կրկնակի մրցույթն անցկացվում է ընդհանուր հիմունքներով՝ սույն կարգին համապատասխան:

6. Գործադիր մարմինների թափուր պաշտոնի համար մրցույթի նախապատրաստական աշխատանքներն իրականացնում է քաղաքապետարանի աշխատակազմի քարտուղարությունը:

7. Գործադիր մարմինների թափուր պաշտոնը զբաղեցնելու համար մրցույթն անցկացնում է քաղաքապետի որոշմամբ ստեղծված մրցութային հանձնաժողովը /այսուհետ` հանձնաժողով/: Գործադիր մարմինների յուրաքանչյուր ընտրության /նշանակման/ համար քաղաքապետի որոշմամբ հաստատվում է մրցույթ անցկացնող հանձնաժողովի նոր կազմը: Նույն որոշմամբ նշանակվում են հանձնաժողովի նախագահը և քարտուղարը:

8. Հանձնաժողովի կազմում կարող են ընդգրկվել քաղաքապետի տեղակալները, քաղաքապետարանի աշխատակազմի ղեկավարը, նրա տեղակալը, կառուցվածքային և առանձնացված ստորաբաժանումների ղեկավարները և նրանց տեղակալները:

Հանձնաժողովի կազմը հինգ անդամից պակաս չպետք է լինի:

9. Քաղաքապետարանի աշխատակազմի քարտուղարությունը հանձնաժողովի նշանակված անդամներին տեղյակ է պահում նրանց նշանակման, մրցույթի անցկացման օրվա ժամի և վայրի մասին:

10. Եթե մրցույթի ընթացքում հանձնաժողովի նախագահի և քարտուղարի կամ հանձնաժողովի որևէ անդամի մասնակցությունը հետագա աշխատանքներին դառնում է անհնար, ապա հանձնաժողովի մյուս անդամներից նշանակվում են համապատասխանաբար հանձնաժողովի նախագահ, քարտուղար և հանձնաժողովի կազմը քաղաքապետի որոշմամբ համալրվում է նոր անդամով:

11. Հանձնաժողովն իր լիազորություններն իրականացնում է քաղաքապետի որոշումով հանձնաժողովի կազմը հաստատելու պահից:

12. Հանձնաժողովը՝

ա/ քաղաքապետարանի աշխատակազմի քարտուղարությունից ստանում է մրցույթին մասնակցելու համար դիմած քաղաքացիների փաստաթղթերը՝ քննության առնելով փաստաթղթերի ճշտությունը, ամբողջականությունը և կայացնում որոշում մրցույթին մասնակցելու թույլտվություն տալու մասին,

բ/ մասնակիցների հետ անցկացնում է հարցազրույց,

գ/ քվեարկության արդյունքում յուրաքանչյուր մասնակցի վերաբերյալ ընդունում է որոշում,

դ/ ամփոփում է մրցույթի արդյունքները և կազմում արձանագրություն,

ե/ հաղթող ճանաչված մասնակցի վերաբերյալ քաղաքապետին է տալիս եզրակացություն:

13. Հանձնաժողովն իր աշխատանքները կազմակերպում է նիստի միջոցով: Հանձնաժողովի նիստերն իրավազոր են հանձնաժողովի անդամների առնվազն երկու երրորդի մասնակցության դեպքում:

14. Հանձնաժողովի որոշումներն ընդունվում են քվեարկությանը մասնակցած անդամների կեսից ավելիի կողմ ձայներով: Ձայների հավասարության դեպքում հանձնաժողովի նախագահի ձայնը վճռորոշ է:

15. Մրցույթն անցկացվում է բանավոր հարցազրույցի միջոցով՝ մասնակիցներից յուրաքանչյուրի հետ առանձին:

16. Հարցազրույցն անցկացվում է հետևյալ հարցերի շրջանակներում՝

 ա/ իր պարտականությունների կատարման համար անհրաժեշտ իրավական ակտերի իմացություն /այդ թվում՝ Հայաստանի Հանրապետության Սահմանադրություն, «Պետական ոչ առևտրային կազմակերպությունների մասին», «Լեզվի մասին», «Իրավական ակտերի մասին» «Բաժնետիրական ընկերությունների մասին» Հայաստանի Հանրապետության օրենքների, Հայաստանի Հանրապետության աշխատանքային օրենսգիրք, քաղաքացիական օրենսգիրք և այլ իրավական ակտեր/,

բ/ պետական կազմակերպության զարգացման և բարեփոխման հայեցակարգ, հիմնադրույթներ մշակելու կարողություն,

գ/ տրամաբանելու և տարբեր իրավիճակներում կողմնորոշվելու ունակություն,

դ/ ֆինանսատնտեսական գործունեության իրականացման կարողություն,

ե/ համակարգչով և ժամանակակից այլ տեխնիկական միջոցներով աշխատելու ունակություն,

զ/ աշխատանքի կազմակերպման և ղեկավարման անհրաժեշտ հմտություն,

է/ ենթակաների հետ վարվելու անհրաժեշտ էթիկայի կանոնների իմացություն,

ը/ առնվազն մեկ օտար լեզվի իմացություն:

17. Հարցազրույցն անցկացնելուց հետո հանձնաժողովը յուրաքանչյուր մասնակցի համար անցկացնում է փակ գաղտնի քվեարկություն: Հանձնաժողովի յուրաքանչյուր անդամ քվեարկում է կողմ կամ դեմ:

18. Քվեարկության արդյունքներն ամփոփվում են հանձնաժողովի կողմից, ինչի մասին կազմվում է արձանագրություն:

19. Մրցույթի հաղթող են ճանաչվում այն մասնակիցները, ովքեր քվեարկության ընթացքում հավաքել են հանձնաժողովի քվեարկությանը մասնակցած անդամների կեսից ավելի կողմ ձայները:

20. Եթե մասնակիցներից ոչ մեկը քվեարկության արդյունքում չի հավաքել հանձնաժողովի քվեարկությանը մասնակցած անդամների կեսից ավելի կողմ ձայները, ապա հանձնաժողովն ընդունում է որոշում մրցույթի արդյունքում հաղթող չճանաչելու մասին:

21. Եթե մրցույթի արդյունքում հաղթող չի ճանաչվում, ապա անցկացվում է կրկնակի
մրցույթ: Կրկնակի մրցույթն անցկացվում է ընդհանուր հիմունքներով՝ մրցույթն անցկացնելուց մեկ ամիս հետո:

22. Մրցույթի արդյունքները կարող են բողոքարկվել Հայաստանի Հանրապետության
օրենսդրությամբ սահմանված կարգով:

23. Մրցույթի արդյունքում հաղթող ճանաչված մասնակցի վերաբերյալ հանձնաժողովը քաղաքապետին տալիս է եզրակացություն:

24. Հանձնաժողովը մրցույթի արդյունքներն ամփոփելուց և մրցույթի արդյունքում հաղթող ճանաչված մասնակիցների վերաբերյալ քաղաքապետին եզրակացություն տալուց հետո դադարեցնում է իր գործունեությունը:

Կ Ա Ր Գ

1. Սույն կարգով կարգավորվում են Երևանի քաղաքապետարանի /այսուհետ` քաղաքապետարան/ ենթակայության պետական ոչ առևտրային կազմակերպությունների և հարյուր տոկոս պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների /այսուհետ` փակ բաժնետիրական ընկերություն/ գործադիր մարմինների /այսուհետ` գործադիր մարմին/ ատեստավորումն անցկացնելու հետ կապված հարաբերությունները:

2. Գործադիր մարմինների ատեստավորման նախապատրաստական աշխատանքներն
իրականացնում է Երևանի քաղաքապետարանի աշխատակազմի քարտուղարությունը:

3. Ատեստավորման ենթակա գործադիր մարմինները ոչ ուշ, քան մեկ ամիս առաջ տեղեկացվում են ատեստավորման անցկացման մասին:

4. Ատեստավորման ենթակա գործադիր մարմիններն ատեստավորում անցկացնելու օրվանից առնվազն մեկ շաբաթ առաջ ներկայացնում են գրավոր հաշվետվություն՝ իրենց ղեկավարած պետական կազմակերպության վերջին երկու տարվա գործունեության մասին:

5. Գործադիր մարմինների ատեստավորումն անցկացնող ատեստավորման հանձնաժողովը /այսուհետ՝ հանձնաժողով/ ձևավորվում է Երևանի քաղաքապետի /այսուհետ՝ քաղաքապետ/ որոշումով: Գործադիր մարմինների յուրաքանչյուր ատեստավորումն անցկացնող հանձնաժողովի կազմը հաստատվում է քաղաքապետի որոշմամբ: Նույն որոշմամբ նշանակվում են հանձնաժողովի նախագահը և քարտուղարը:

6. Հանձնաժողովի կազմում կարող են ընդգրկվել քաղաքապետի տեղակալները, քաղաքապետարանի աշխատակազմի ղեկավարը և ղեկավարի տեղակալը, կառուցվածքային ստորաբաժանումների ղեկավարները և նրանց տեղակալները:

Հանձնաժողովի կազմը չպետք է պակաս լինի 5 անդամից:

7. Քաղաքապետարանի աշխատակազմի քարտուղարությունը հանձնաժողովի կազմում նշանակվածներին տեղյակ է պահում հանձնաժողովի անդամ ընտրվելու, ատեստավորման անցկացման օրվա, ժամի և վայրի մասին:

8. Եթե ատեստավորման ընթացքում հանձնաժողովի նախագահի և քարտուղարի կամ հանձնաժողովի որևէ անդամի մասնակցությունը հանձնաժողովի հետագա աշխատանքներին դառնում է անհնարին, ապա հանձնաժողովի մյուս անդամներից նշանակվում են համապատասխանաբար հանձնաժողովի նախագահ, քարտուղար և հանձնաժողովի կազմը քաղաքապետի որոշմամբ համալրվում է նոր անդամով:

9. Հանձնաժողովն իր լիազորություններն իրականացնում է քաղաքապետի որոշմամբ հանձնաժողովի կազմը հաստատելու պահից:

10. Հանձնաժողովը՝

ա/ քաղաքապետարանի աշխատակազմի քարտուղարությունից ստանում է ատեստավորմանը մասնակիցների փաստաթղթերը և կայացնում որոշում ատեստավորմանը մասնակցելու թույլտվություն տալու մասին,

բ/ քվեարկության արդյունքում յուրաքանչյուր մասնակցի վերաբերյալ ընդունում է որոշում,

գ/ ամփոփում է ատեստավորման արդյունքները,

դ/ ատեստավորման արդյունքների վերաբերյալ քաղաքապետին տալիս է եզրակացություն:

11. Հանձնաժողովն իր աշխատանքները կազմակերպում է նիստերի միջոցով: Հանձնաժողովի նիստերն իրավազոր են հանձնաժողովի անդամների առնվազն երկու երրորդի մասնակցության դեպքում:

12. Հանձնաժողովի որոշումներն ընդունվում են քվեարկությանը մասնակցած անդամների կեսից ավելի կողմ ձայներով: Հանձնաժողովի նախագահն ունի վճռորոշ ձայնի իրավունք:

13. Գործադիր մարմինների ատեստավորումն անցկացվում է ատեստավորման ենթակա անձի անմիջական մասնակցությամբ՝ հաշվետվության հիման վրա՝ հարցազրույցի միջոցով: Ատեստավորվողների հետ հարցազրույցն անցկացվում է առանձին:

14. Հարցազրույցն անցկացվում է հետևյալ հարցերի շրջանակներում՝

ա/ իր պարտականությունների կատարման համար անհրաժեշտ իրավական ակտերի իմացություն /այդ թվում՝ Հայաստանի Հանրապետության Սահմանադրություն, «Պետական ոչ առևտրային կազմակերպությունների մասին», «Բաժնետիրական ընկերությունների մասին», «Լեզվի մասին», «Իրավական ակտերի մասին» Հայաստանի Հանրապետության օրենքների, Հայաստանի Հանրապետության աշխատանքային օրենսգիրք և այլ իրավական ակտեր/,

բ/ պետական կազմակերպության զարգացման և բարեփոխման հայեցակարգ, հիմնադրույթներ մշակելու կարողություն,

գ/ տրամաբանելու և տարբեր իրավիճակներում կողմնորոշվելու ունակություն,

դ/ ֆինանսատնտեսական գործունեության իրականացման կարողություն,

ե/ համակարգչով և ժամանակակից այլ տեխնիկական միջոցներով աշխատելու ունակություն,

զ/ աշխատանքի կազմակերպման և ղեկավարման անհրաժեշտ հմտություն,

է/ ենթակաների հետ վարվելու անհրաժեշտ էթիկայի կանոնների իմացություն,

ը/ առնվազն մեկ օտար լեզվի իմացություն:

15. Հարցազրույցն անցկացնելուց հետո ատեստավորման հանձնաժողովը յուրաքանչյուր մասնակցի համար անցկացնում է փակ գաղտնի քվեարկություն: Հանձնաժողովի յուրաքանչյուր անդամ քվեարկում է կողմ կամ դեմ:

16. Քվեարկության արդյունքներն ամփոփվում են հանձնաժողովի կողմից, ինչի մասին կազմվում է արձանագրություն:

17. Ատեստավորման արդյունքում հանձնաժողովն ընդունում է հետևյալ որոշումներից մեկը՝

ա/ համապատասխանում է զբաղեցրած պաշտոնին,

բ/ չի համապատասխանում զբաղեցրած պաշտոնին:

18. Հանձնաժողովն ատեստավորման ավարտից անմիջապես հետո գործադիր մարմինների մասին ընդունած որոշումը ներկայացնում է քաղաքապետին:

19. Հանձնաժողովն ատեստավորման արդյունքներն ամփոփելուց և մասնակիցների վերաբերյալ քաղաքապետին եզրակացություն տալուց հետո դադարեցնում է իր գործունեությունը: