«Վավերացնում եմ»
Հայաստանի Հանրապետության
Նախագահ Ռ. Քոչարյան
24 նոյեմբերի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
3 նոյեմբերի 2005 թվականի N 1924-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2002 թվականի օգոստոսի 22-ի «Պետական ոչ առևտրային կազմակերպություն ստեղծելու մասին» N 1406-Ն որոշման մեջ կատարել հետևյալ լրացումները`
ա) որոշման 4-րդ կետի երկրորդ պարբերությունը «106020098 դրամ» բառերից հետո լրացնել «շենքը և շինությունները` 3393,3 քառ. մետր մակերեսով և 43113917 դրամ հաշվարկային արժեքով, Վաղարշապատի Ալավերդյան 13ա հասցեում գտնվող շենքը` 170,5 քառ. մետր մակերեսով և 2238450 դրամ հաշվեկշռային արժեքով» բառերով,
բ) որոշման 1.3-րդ կետով հաստատված կանոնադրությունը 1-ին կետի երրորդ պարբերությունից հետո լրացնել հետևյալ բովանդակությամբ նոր պարբերությամբ.
«Պետական կազմակերպությունը «Հայաստանի ազգային ֆիլմադարան» պետական ոչ առևտրային կազմակերպության իրավահաջորդն է` փոխանցման ակտին համապատասխան»:
2. Հայաստանի Հանրապետության կառավարության 2004 թվականի փետրվարի 12-ի «Հայաստանի Հանրապետության կառավարության 1997 թվականի մարտի 13-ի N 42 որոշման մեջ լրացում կատարելու մասին» N 215-Ն որոշման մեջ կատարել հետևյալ փոփոխությունը`
ուժը կորցրած ճանաչել որոշման N 2 հավելվածի «11. Տերյան 19 ՀՀ մշակույթի և երիտասարդության հարցերի նախարարության Հայաստանի ազգային ֆիլմադարան» տողը։
3. Հայաստանի Հանրապետության կառավարության 2003 թվականի դեկտեմբերի 11-ի «Առողջության համար վնասակար աշխատանքների և մասնագիտությունների ու առողջության համար առանձնապես վնասակար, առանձնապես ծանր աշխատանքների և մասնագիտությունների ցանկը հաստատելու մասին» N 1907-Ն որոշման մեջ կատարել հետևյալ փոփոխությունը`
որոշման N 1 հավելվածի «XVIII. «Արխիվային փաստաթղթերի պահպանություն» բաժնի «Ստորգետնյա արխիվադարանների սպասարկման ծառայության աշխատողներ» մասը շարադրել հետևյալ խմբագրությամբ.
«Կինո-, ֆոտո-, ֆոնո - փաստաթղթերի և ապահովագրական պատճենների մասնաճյուղի աշխատողներ`
1. Մասնաճյուղի վարիչ
2. Վարիչի տեղակալ
3. Բաժնի վարիչ
4. 1-3-րդ կարգի ֆոնդապահ
5. 1-ին կարգի, առաջատար, գլխավոր արխիվագետ
6. Կինոմոնտաժային օպերատոր
7. Ձայնային օպերատոր
8. Կինո-, ֆոտո-, ֆոնո - տեխնիկա սպասարկող մեխանիկ
9. Օդակարգավորման համակարգի տեխնիկ
10. Ստորգետնյա արխիվադարանի էլեկտրիկ
11. Ստորգետնյա արխիվադարանի հավաքարար»։
4. Հայաստանի Հանրապետության կառավարության 2003 թվականի սեպտեմբերի 11-ի «Հայաստանի Հանրապետության մշակույթի և երիտասարդության հարցերի նախարարության կանոնադրությունը և աշխատակազմի կառուցվածքը հաստատելու մասին» N 1298-Ն որոշման մեջ կատարել հետևյալ փոփոխությունները`
որոշմամբ հաստատված կանոնադրության 8-րդ կետի «դ» և «ե» ենթակետերից հանել «կինո-, ֆոտո-, ֆոնո-» բառերը։
5. Հայաստանի Հանրապետության կառավարության 2004 թվականի ապրիլի 29-ի «Հայաստանի Հանրապետության կառավարությանն առընթեր Հայաստանի Հանրապետության ոստիկանության կողմից պետական պահպանության ենթակա պետական մարմինների և կազմակերպությունների շենքերի ու շինությունների, ինչպես նաև կարևորագույն նշանակության օբյեկտների ցանկերը հաստատելու մասին» N 1008-Ն որոշման մեջ կատարել հետևյալ փոփոխությունները`
ա) որոշման N 1 հավելվածի «Հայաստանի ազգային արխիվ (4 մասնաշենք)» տողում «4» թիվը փոխարինել «5» թվով.
բ) ուժը կորցրած ճանաչել որոշման N 1 հավելվածի «Ազգային ֆիլմադարան» տողը։
6. Հայաստանի Հանրապետության կառավարության 2005 թվականի փետրվարի 17-ի «Հայաստանի Հանրապետության արխիվային հավաքածուի պետական հաշվառման կարգը հաստատելու մասին» N 189-Ն որոշման մեջ կատարել հետևյալ լրացումը`
որոշմամբ հաստատված կարգի 2-րդ կետի «զ» ենթակետը «(արխիվային ֆոնդ-հավաքածու)» բառերից հետո լրացնել «, կինո-, ֆոնո - փաստաթղթերի համար` անվանում» բառերով։
7. Հայաստանի Հանրապետության կառավարության 2005 թվականի օգոստոսի 4-ի «Հայաստանի ազգային ֆիլմադարան» պետական ոչ առևտրային կազմակերպությունը վերակազմակերպելու և Հայաստանի Հանրապետության կառավարության 2002 թվականի հունիսի 6-ի N 886-Ն և օգոստոսի 22-ի N 1406-Ն որոշումներում լրացում և փոփոխություններ կատարելու մասին» N 1237-Ն որոշման մեջ կատարել հետևյալ լրացումը`
որոշումը լրացնել հետևյալ բովանդակությամբ նոր` 61-րդ կետով.
«61 . Հայաստանի Հանրապետության տարածքային կառավարման նախարարին՝ հաստատել միացման պայմանագիրը և փոխանցման ակտը»։
8. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
|
Հայաստանի Հանրապետության |
Ա. Մարգարյան |
|
|
