«Գրանցված է»
ՀՀ արդարադատության
նախարարության կողմից
22 նոյեմբերի 2002 թ.
Պետական գրանցման թիվ 60302314

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԱՄՓՈՓ ՀԱՇՎԵՏՎՈՒԹՅՈՒՆ ԹԱՓՈՆՆԵՐԻ ԱՌԱՋԱՑՄԱՆ, ՕԳՏԱԳՈՐԾՄԱՆ ԵՎ ՀԵՌԱՑՄԱՆ ՄԱՍԻՆ» ՁԵՎ ԹԻՎ 1-ԹԱՓՈՆ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի 3-րդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Ամփոփ հաշվետվություն թափոնների առաջացման, օգտագործման և հեռացման մասին» Ձև թիվ 1-թափոն պետական վիճակագրական հաշվետվության ձևը և լրացման հրահանգը` համաձայն հավելվածի 1-ի:

Հ Ր Ա Հ Ա Ն Գ

«ԹԱՓՈՆՆԵՐԻ ԱՌԱՋԱՑՄԱՆ, ՕԳՏԱԳՈՐԾՄԱՆ ԵՎ ՀԵՌԱՑՄԱՆ ՄԱՍԻՆ» ՁԵՎ N 1-ԹԱՓՈՆ (ՏԱՐԵԿԱՆ) ԱՄՓՈՓ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Թափոնների առաջացման, օգտագործման և հեռացման մասին» ձև N 1-թափոն (տարեկան) ամփոփ պետական վիճակագրական հաշվետվության լրացման կարգը:

2. Հաշվետվությունը կազմում է Հայաստանի Հանրապետության բնապահպանության նախարարությունը, որն այդ մասին նախապես տեղեկացվում է:

3. Հաշվետվությունը ներկայացվում է Հայաստանի Հանրապետության Ազգային վիճակագրական ծառայություն` մինչև մայիսի 5-ը:

4. Հաշվետվությունը ներկայացվում է առանձին` ըստ հանրապետության, մարզերի, քաղաքների և ամփոփ` ըստ գյուղական համայնքների:

5. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

II. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

Բ ա ժ ի ն  1

Թափոնների առաջացումն ու շարժը

6. Սյունակ 1-ում բերվում է հաշվետու տարվա հունվարի 1-ի դրությամբ կազմակերպություններում առկա թափոնների քանակը:

7. Սյունակ 2-ում բերվում է այլ կազմակերպություններից հաշվետու կազմակերպություններին տրամադրած թափոնների քանակը:

8. Սյունակ 3-ում բերվում է անմիջականորեն վիճակագրական տեղեկություններ տրամադրող կազմակերպություններում առաջացած թափոնների քանակը:

9. Սյունակ 4-ում բերվում է հաշվետու կազմակերպությունների կողմից այլ կազմակերպություններին տրամադրած թափոնների քանակը:

10. Սյունակ 5-ում բերվում է կազմակերպությունների կողմից վնասազերծված, ոչնչացված թափոնների (ինչպես իրենց մոտ առաջացած, այնպես էլ դրսից ստացված) քանակը:

11. Սյունակ 6-ում բերվում է թափոնների այն քանակը, որը հաշվետու կազմակերպություններն իրենց միջոցներով` սեփական կամ վարձակալած տրանսպորտային միջոցներով, տեղափոխվել են թափոնակուտակիչներ, իսկ սյունակ 7-ում` դրանցից առանձնացվում է տեղափոխված կենցաղային թափոնների քանակը:

12. Սյունակ 8-ում բերվում է հաշվետու տարում օգտագործված թափոնների քանակը:

13. Սյունակ 9-ում բերվում է կազմակերպություններում առկա թափոնների քանակը հաշվետու տարվա դեկտեմբերի 31-ի դրությամբ:

Բ ա ժ ի ն  2

Ֆինանսական ընդհանրացված ցուցանիշներ

14. Այս բաժինը լրացվում է բաժին 1-ին ցուցանիշներին համապատասխան:

15. Տող 201-ում բերվում են դրամական բոլոր ծախսերը` կապված թափոնների հետ (ներառյալ տրանսպորտային, էներգետիկ ծախսերը, այդ նպատակով կատարված աշխատանքի դիմաց վճարումները և այլն):

16. Տող 202-ում բերվում են թափոնների վնասազերծման, ոչնչացման համար կատարված ծախսերն` անկախ նրանից, թափոնները կազմակերպություններինն են, թե ընդունված են այլ կազմակերպություններից:

17. Տող 203-ում բերվում են թափոնների վերօգտագործման (ուտիլիզացիա) նախապատրաստման նպատակով կատարված ծախսերն` անկախ նրանից, թափոնները կազմակերպություններինն են, թե ընդունված են այլ կազմակերպություններից:

18. Տող 204-ում բերվում են հաշվետու կազմակերպությունների սեփական միջոցներով թափոնները թափոնակուտակիչներ տեղափոխման և տեղադրման համար կատարած ծախսերը:

19. Տող 205-ում բերվում են այլ կազմակերպություններին տրված թափոնների դիմաց հաշվետու կազմակերպությունների կատարած վճարումները:

20. Տող 206-ում բերվում են այլ կազմակերպություններից (անկախ թափոնների ընդունման նպատակներից) ընդունած թափոնների դիմաց կատարած վճարումները:

21. Տող 207-ում բերվում են կազմակերպությունների բոլոր դրամական մուտքերը` կապված թափոնների շարժի, դրանց վերամշակման և օգտագործման հետ (ներառյալ այդ նպատակով կատարված աշխատանքների, էներգետիկ ծախսումների, տրանսպորտային ծառայությունների դիմաց այլ կազմակերպություններից ստացված վճարումները):

22. Տող 208-ում բերվում են այն գումարները, որոնք ստացվել են այլ կազմակերպություններից` նրանց թափոնների ընդունման համար:

23. Տող 209-ում բերվում են այն գումարները, որոնք ստացվել են այլ կազմակերպություններից` իրենց թափոնները նրանց տրամադրելու համար:

24. Տող 210-ում բերվում են թափոնների վերամշակումից ստացված եկամուտներն` անկախ նրանից, թափոնները կազմակերպություններինն են, թե ընդունվել են այլ կազմակերպություններից, իսկ տող 211-ում առանձնացվում են այլ կազմակերպություններից ընդունված թափոնների վերամշակումից ստացված եկամուտները:

Բ ա ժ ի ն  3

Թափոնների առաջացումն ըստ տեսակների, խմբերի, ծավալները ԵՎ շարժը

25. Սյունակ Բ-ում բերվում է թափոնների լրիվ անվանումը:

26. Սյունակ Դ-ում բերվում է թափոնների վտանգավորության դասը:

27. Սյունակ Ե-ում բերվում է տեխնոլոգիական պրոցեսի կամ արտադրության լրիվ անվանումը, որտեղ առաջացել են թափոնները:

28. Սյունակ Զ-ում բերվում է թափոնների ֆիզիկա-քիմիական բնութագրերը (ագրեգատային վիճակը, հիմնական բաղադրիչների պարունակությունը):

29. Սյունակ 1-ում բերվում է կազմակերպությունների տարածքներում գտնվող թափոնակուտակիչների տեսակը, զբաղեցրած մակերեսը:

30. Մյուս սյունակների ցուցանիշների լրացումը կատարվում է բաժին 1-ի ցուցանիշների լրացման կարգին համապատասխան:

	ԱՄՓՈՓ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ
ՀՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ

Ա Մ Փ Ո Փ  Հ Ա Շ Վ Ե Տ Վ ՈՒ Թ Յ ՈՒ Ն

ԹԱՓՈՆՆԵՐԻ ԱՌԱՋԱՑՄԱՆ, ՕԳՏԱԳՈՐԾՄԱՆ ԵՎ ՀԵՌԱՑՄԱՆ ՄԱՍԻՆ

200... թ.

Բ ա ժ ի ն  1

Թափոնների առաջացումն ու շարժը

Բ ա ժ ի ն  2

Ֆինանսական ընդհանրացված ցուցանիշներ

Բ ա ժ ի ն  3

Թափոնների առաջացումն ըստ տեսակների, խմբերի, ծավալները եվ շարժը