«Գրանցված է»
ՀՀ արդարադատության
նախարարության կողմից
17 դեկտեմբերի 2002 թ.
Պետական գրանցման թիվ 60302367

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

9 օգոստոսի 2002 թ. ք. Երևան

N 127-Ն

Ո Ր Ո Շ ՈՒ Մ

«ԱՆԱՍՆԱՊԱՀՈՒԹՅԱՆ ԴՐՈՒԹՅԱՆ ՄԱՍԻՆ» ԹԻՎ 2 (ԱՄՍԱԿԱՆ) ԸՆՏՐԱՆՔԱՅԻՆ ՀԵՏԱԶՈՏՈՒԹՅԱՆ ՀԱՐՑԱԹԵՐԹԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Անասնապահության դրության մասին» թիվ 2 (ամսական) ընտրանքային հետազոտության հարցաթերթը և լրացման հրահանգը համաձայն թիվ 1 հավելվածի:

Նախագահ

Ս. Մնացականյան

Հավելված 1 Հաստատված է ՀՀ վիճակագրության պետական խորհրդի 9 օգոստոսի 2002 թ. թիվ 127-Ն որոշմամբ

Հ Ր Ա Հ Ա Ն Գ

«ԱՆԱՍՆԱՊԱՀՈՒԹՅԱՆ ԴՐՈՒԹՅԱՆ ՄԱՍԻՆ» ԹԻՎ 2 (ԱՄՍԱԿԱՆ) ԸՆՏՐԱՆՔԱՅԻՆ ՀԵՏԱԶՈՏՈՒԹՅԱՆ ՀԱՐՑԱԹԵՐԹԻ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. «Անասնապահության դրության մասին» թիվ 2 (ամսական) ընտրանքային հետազոտման հարցաթերթի լրացման կարգը:

2. Հարցաթերթը լրացվում է վիճակագիրների կողմից, ընտրանքային դիտարկմամբ ընդգրկված գյուղացիական տնտեսություններում, որոնք այդ մասին նախապես տեղեկացվում են և վիճակագրության մարզային վարչության տարածքային բաժանմունքին է ներկայացվում հաշվետվության ձևի վրա նշված ժամկետներին և պարբերականությամբ:

3. Հարցաթերթի ցուցանիշները լրացվում են աճողական կարգով, տարվա սկզբից:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ԼՐԱՑՄԱՆ ԿԱՐԳԸ

5. Հարցաթերթի «հաշվետու ժամկետում առկա են» բաժնի թիվ 2 սյունակի թիվ 1-7 տողերում լրացվում են գյուղացիական տնտեսությունում, յուրաքանչյուր ամսվա 1-ի դրությամբ, առկա բոլոր տեսակի և հասակի անասունների և թռչունների գլխաքանակը:

6. Հարցաթերթի «Մթերքի արտադրությունը, աճողական, տարվա սկզբից» բաժնի, թիվ 2 սյունակի «ընդամենն իրացվել է անասուն և թռչուն, կենդանի քաշով» թիվ 8 տողում լրացվում է տնտեսությունից, մսի համար, օտարված (իրացված) և տնտեսությունում մորթված և օգտագործված անասունի կենդանի քաշը: Այս տողով ցույց չի տրվում շուկայում, վերարտադրության համար, կենդանի վաճառված մինչև 6 ամսական հորթերի, գառների և ուլերի, մինչև 2 ամսական խոճկորների և ճտերի, կենդանի քաշի տվյալները:

7. «Կթվել է կաթ, ընդամենը»` թիվ 14, «այդ թվում` կովի և մատակի»` թիվ 15 և «ոչխարի և այծի»` թիվ 16 տողերով, թիվ 2 սյունակում լրացվում է կթված և հորթերի, գառների, ուլերի ու խոճկորների կերակրման համար օգտագործված կաթի քանակությունը:

8. «Խուզվել է ոչխարի բուրդ»` թիվ 18 տողում ցույց է տրվում անլվա բրդի քաշը:

Հարցաթերթ թիվ 2

ամսական

Հաստատված է ՀՀ վիճակագրության պետական խորհրդի 9 օգոստոսի 2002 թ. թիվ 127-Ն որոշմամբ

Մարզ ___________________________________

Գյուղական համայնք _______________________________________

Տնտեսության ծածկագիրը ____________________________

Ուսումնասիրված տնտեսությունների քանակը _____________________________

Ներկայացվում է` վիճակագիրների կողմից հաջորդ ամսի 2-ին

ԱՆԱՍՆԱՊԱՀՈՒԹՅԱՆ ԴՐՈՒԹՅԱՆ ՄԱՍԻՆ

Առ 1-ը_________________ 200 __ թ.

Հաշվետու ժամկետում առկա են.

Տողի N    Չափի միավորը  Քանակը  Ա  Բ  1  2  1. Խոշոր եղջերավոր անասուններ, ընդամենը  գլուխ    2. այդ թվում` կովեր  - » -    3. Խոզեր  - » -    4. Ոչխարներ և այծեր  - » -    5. Թռչուններ (բոլոր տեսակի)  - » -    6. այդ թվում` հավեր  - » -    7. Ճագարներ  - » -

Մթերքի արտադրությունը, աճողական, տարվա սկզբից

8.	Ընդամենը իրացվել է սպանդի համար անասուն և թռչուն` կենդանի քաշով	կգ
9.	այդ թվում` տավարի	- » -
10.	խոզի	- » -
11.	ոչխարի և այծի	- » -
12.	թռչունի	- » -
13.	ճագարի	- » -
14.	Կթվել է կաթ, ընդամենը	- » -
15.	այդ թվում` կովի և մատակի	- » -
16.	ոչխարի և այծի	- »
17.	Ստացվել է հավի ձու	հատ
18.	Խուզվել է ոչխարի բուրդ (ֆիզիկական քաշով)	կգ

Վիճակագիր`_________________________ անուն, ազգանուն, ստորագրություն

____ __________________ 200 թ.