«Գրանցված է»

ՀՀ արդարադատության

նախարարության կողմից

29 դեկտեմբերի 2002 թ.

Պետական գրանցման թիվ 60302454

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ՀԱՆԳՍՏԻ, ՄՇԱԿՈՒԹԱՅԻՆ ԵՎ ՄԱՐԶԱԿԱՆ ՄԻՋՈՑԱՌՈՒՄՆԵՐԻ ԿԱԶՄԱԿԵՐՊՄԱՆ ԳԾՈՎ ԾԱՌԱՅՈՒԹՅՈՒՆՆԵՐԻ ՆԵՐՄՈՒԾՄԱՆ ԵՎ ԱՐՏԱՀԱՆՄԱՆ ՄԱՍԻՆ» ՁԵՎ ԹԻՎ 13-ԾԱՌԱՅՈՒԹՅՈՒՆ (ՓՈՍՏԱՅԻՆ-ԵՌԱՄՍՅԱԿԱՅԻՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԿԱԶՄԵԼՈՒ ՎԵՐԱԲԵՐՅԱԼ ՑՈՒՑՈՒՄՆԵՐԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով՝ Հայաստանի Հանրապետության վիճակագրության պետական խորհուրդը որոշում է.

Հաստատել «Հանգստի, մշակութային և մարզական միջոցառումների կազմակերպման գծով ծառայությունների ներմուծման և արտահանման մասին» Ձև թիվ 13-Ծառայություն (փոստային-եռամսյակային) պետական վիճակագրական հաշվետվության ձևը և կազմելու վերաբերյալ ցուցումները համաձայն թիվ 1 հավելվածի:

Ց ՈՒ Ց ՈՒ Մ Ն Ե Ր

«ՀԱՆԳՍՏԻ, ՄՇԱԿՈՒԹԱՅԻՆ ԵՎ ՄԱՐԶԱԿԱՆ ՄԻՋՈՑԱՐՈՒՄՆԵՐԻ ԿԱԶՄԱԿԵՐՊՄԱՆ ԳԾՈՎ ԾԱՌԱՅՈՒԹՅՈՒՆՆԵՐԻ ՆԵՐՄՈՒԾՄԱՆ ԵՎ ԱՐՏԱՀԱՆՄԱՆ ՄԱՍԻՆ» (ՁԵՎ ԹԻՎ 13-ԾԱՌԱՅՈՒԹՅՈՒՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆԸ ԿԱԶՄԵԼՈՒ ՎԵՐԱԲԵՐՅԱԼ

I. ԸՆԴՀԱՆՈՒՐ ԴՐՈՒՅԹՆԵՐ

1. Տեղեկատվության հավաքագրման նպատակը: Պահանջվող տվյալներն օգտագործվելու են միջազգային ծառայությունների ծավալի հաշվարկման և ՀՀ վճարային հաշվեկշռի կազմման աշխատանքներում:

2. Չափի միավորը: Տվյալները ներկայացվոմ են ԱՄՆ-ի դոլարով և ՀՀ դրամով: ՀՀ դրամի կամ այլ երկրների արժույթների կոնվերսիան ԱՄՆ-ի դոլարի կատարվում է համաձայն ՀՀ Կենտրոնական բանկի կողմից հաշվետու եռամսյակի համար սահմանված միջին փոխարժեքի:

3. Հաշվետվությունները կազմում են իրավաբանական անձինք և անհատ ձեռնարկատերերը, որոնք այդ մասին նախապես տեղեկացվում են: Հաշվետվությունները լրացվում են այն դեպքում, երբ ծառայությունը մատուցված է ՀՀ ոչ ռեզիդենտներին կամ ոչ ռեզիդենտների կողմից՝ ՀՀ ռեզիդենտներին: ՀՀ ռեզիդենտ է համարվում իրավաբանական անձը, անհատ ձեռնարկատերը, որի մշտական գտնվելու վայրը կամ տնտեսական գործունեության շրջանը հանդիսանում է Հայաստանի Հանրապետությունը: ՀՀ ռեզիդենտ իրավաբանական անձանց արտասահմանում գտնվող մասնաճյուղերը և դուստր կազմակերպությունները դիտվում են որպես ՀՀ ոչ ռեզիդետներ: Նույն սկզբունքով՝ ՀՀ ոչ ռեզիդենտ իրավաբանական անձանց մասնաճյուղերը և դուստր կազմակերպությունները, որոնք գտնվում են Հայաստանում, դիտվում են որպես ՀՀ ռեզիդենտներ:

4. Ներկայացվող հաշվետվությունները պարունակում են տեղեկություններ տվյալ կազմակերպության և ՀՀ տարածքում գտնվող նրա դուստր կազմակերպությունների միջազգային ծառայությունների հետ առնչվող որոշակի գործառնությունների մասին:

5. Ընդգրկված ծառայությունները: ՀՀ ոչ ռեզիդենտներին մատուցվող ծառայություններ են համարվում (ծառայությունների արտահանում) այն ծառայությունները, որոնց վճարումը կատարվել է ՀՀ ոչ ռեզիդենտ միավորի կողմից (ներառյալ արտասահմանում գտնվող դուստր կազմակերպությունները):

Բոլոր այն ծառայությունները, որոնք մատուցվել են ՀՀ ոչ ռեզիդենտների կողմից և որոնց վճարումը կատարվել է կազմակերպության՝ Հայաստանում գտնվող դուստր կազմեկերպությունների կամ արտասահմանում գտնվող աշխատակիցների կողմից, անհրաժեշտ է ներկայացնել այս հաշվետվության մեջ որպես ոչ ռեզիդենտների կողմից մատուցված ծառայություններ (ծառայությունների ներմուծում): Այսպիսով, այս հաշվետվություների մեջ պետք է ներկայացվեն տվյալներ ՀՀ ռեզիդենտների և ոչ ռեզիդենտների միջև կատարված գործառնությունների մասին:

II. ԼՐԱՑՄԱՆ ԿԱՐԳԸ

6. Ձև 13-Ծառայություն հաշվետվությունը ներառում է հանգստի, մշակութային և մարզական միջոցառումների կազմակերպման գծով ծառայությունների ներմուծման և արտահանման մասին տվյալներ: «Արտահանում» մասում լրացվում են տվյալներ ՀՀ ռեզիդենտների կողմից ՀՀ ոչ ռեզիդենտներին մատուցված համապատասխան ծառայությունների մասին, օրինակ՝ «Կինոֆիլմերի և տեսաֆիլմերի արտադրություն» մասում լրացվում են ՀՀ ոչ ռեզիդենտների վճարումները ՀՀ ռեզիդենտների կողմից մատուցված կինոֆիլմերի և տեսաֆիլմերի արտադրության հետ կապված ծառայությունների դիմաց, «Կրկեսի, ժամանցի վայրերի օգտագործում» մասում լրացվում են ՀՀ ոչ ռեզիդենտների վճարումները ՀՀ ռեզիդենտների կողմից համապատասխան օբյեկտները տրամադրելու համար, «Մարզական միջոցառումների պրոպագանդում, կազմակերպում և շահագործում» մասում լրացվում են ՀՀ ոչ ռեզիդենտների վճարումները ՀՀ ռեզիդենտների կողմից մարզական միջոցառումների պրոպագանդման, կազմակերպման և շահագործման համար, «Ուսանողների ուսուցում» մասում լրացվում են ՀՀ ոչ ռեզիդենտների վճարումները Հայաստանում ուսուցում ստանալու համար: «Ներմուծում» մասում լրացվում են տվյալներ ՀՀ ոչ ռեզիդենտների կողմից ՀՀ ռեզիդենտներին մատուցված համապատասխան ծառայությունների մասին, օրինակ՝ «Կինոֆիլմերի և տեսաֆիլմերի արտադրություն» մասում լրացվում են ՀՀ ռեզիդենտների վճարումները ՀՀ ոչ ռեզիդենտների կողմից մատուցված կինոֆիլմերի և տեսաֆիլմերի արտադրության հետ կապված ծառայությունների դիմաց, «Կրկեսի, ժամանցի վայրերի օգտագործում» մասում լրացվում են ՀՀ ռեզիդենտների վճարումները ՀՀ ոչ ռեզիդենտների կողմից համապատասխան օբյեկտները տրամադրելու համար, «Մարզական միջոցառումների պրոպագանդման, կազմակերպման և շահագործման» մասում լրացվում են ՀՀ ռեզիդենտների վճարումները ՀՀ ոչ ռեզիդենտների կողմից մարզական միջոցառումների պրոպագանդման, կազմակերպման և շահագործման համար, «Ուսանողների ուսուցում» մասում լրացվում են ՀՀ ռեզիդենտների վճարումները արտասահմանում ուսուցում ստանալու համար:

Հաշվետվությունը լրացնելիս առաջացած դժվարությունների դեպքում խնդրում ենք դիմել ՀՀ Ազգային վիճակագրական ծառայության վճարային հաշվեկշռի և արտաքին առևտրի բաժին` 52-39-46 (167) հեռախոսահամարով:

Հ Ա Շ Վ Ե Տ Վ ՈՒ Թ Յ ՈՒ Ն

Հանգստի, մշակութային և մարզական միջոցառումների կազմակերպման գծով ծառայությունների ներմուծման և արտահանման մասին

Հաշվետվությունը լրացնելիս անհրաժեշտ է նկատի ունենալ հետևյալը. ծառայությունը համարվում է արտահանված, երբ այն մատուցված է Հայաստանի Հանրապետության ոչ ռեզիդենտներին ՀՀ ռեզիդենտների կողմից, իսկ ներմուծված, երբ այն մատուցված է ՀՀ ռեզիդենտներին ՀՀ ոչ ռեզիդենտների կողմից: ՀՀ ռեզիդենտ է համարվում իրավաբանական անձը, անհատ ձեռնարկատերը, որի մշտական գտնվելու վայրը կամ տնտեսական գործունեության շրջանը հանդիսանում է Հայաստանի Հանրապետությունը: ՀՀ ոչ ռեզիդենտներից ծառայությունների դիմաց ստացված վճարները համարվում են արտահանված ծառայություններ, իսկ ՀՀ ոչ ռեզիդենտներին ծառայությունների դիմաց վճարածը՝ ծառայությունների ներմուծում: Հաշվետվության մեջ եկամուտներ և ծախսեր ցուցանիշները գնահատվում են ՀՀ դրամով և ԱՄՆ-ի դոլարով:

Առաջացած դժվարությունների դեպքում դիմել ՀՀ Ազգային վիճակագրական ծառայություն վճարային հաշվեկշռի և արտաքին առևտրի բաժին՝ 52-39-46(167) հեռախոսահամարով:

200____թվականի _____________եռամսյակի համար