«Վավերացնում եմ»

Հայաստանի Հանրապետության

Նախագահ Ռ. Քոչարյան

11 ապրիլի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

11 ապրիլի 2002 թվականի N 391

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՀՈՒԼԻՍԻ 20-Ի N 662 ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2001 թվականի հուլիսի 20-ի «Հայաստանի Հանրապետությունում ասպիրանտուրայում և դոկտորանտուրայում ուսուցման կարգը հաստատելու մասին» N 662 որոշման մեջ կատարել հետևյալ լրացումը`

որոշմամբ հաստատված կարգի 8-րդ կետը լրացնել հետևյալ պարբերությամբ.

«Գիտության և տեխնիկայի գերակա ուղղությունների զարգացումն ու պետական (միջպետական) կարևորագույն ծրագրերի իրականացումն ապահովելու նպատակով նախարարությունը Հայաստանի Հանրապետության կառավարության կողմից հաստատված` ասպիրանտուրա և դոկտորանտուրա ընդունելության պետական պատվերի շրջանակներում Հայաստանի Հանրապետության շահագրգիռ նախարարություններին, գերատեսչություններին և կազմակերպություններին իր սահմանած կարգով հատկացնում է նպատակային տեղեր»:

2. Սույն որոշումն ուժի մեջ է մտնում 2002 թվականի ապրիլի 11-ից: