ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
5 մայիսի 1993 թվականի N 209
քաղ. Երևան
ԱՐՏԱՍԱՀՄԱՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԻՎԱՆԱԳԻՏԱԿԱՆ ՆԵՐԿԱՅԱՑՈՒՑՉՈՒԹՅՈՒՆՆԵՐՈՒՄ ԱՇԽԱՏՈՂՆԵՐԻ ՎԱՐՁԱՏՐՈՒԹՅԱՆ ԺԱՄԱՆԱԿԱՎՈՐ ԿԱՐԳԻ ՀԱՍՏԱՏՄԱՆ ՄԱՍԻՆ
Հայաստանի Հանրապետության կառավարությունը որոշում է`
Հաստատել արտասահմանում Հայաստանի Հանրապետության դիվանագիտական ներկայացուցչություններում աշխատողների վարձատրության ժամանակավոր կարգը (կցվում է):
|
Հայաստանի Հանրապետության վարչապետ |
Հ. ԲԱԳՐԱՏյան |
|
Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ |
Ա. ԽԱՉԱՏՐՅԱՆ |
|
ՀԱՍՏԱՏՎԱԾ Է |
Ժ Ա Մ Ա Ն Ա Կ Ա Վ Ո Ր Կ Ա Ր Գ
ԱՐՏԱՍԱՀՄԱՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԻՎԱՆԱԳԻՏԱԿԱՆ ՆԵՐԿԱՅԱՑՈՒՑՉՈՒԹՅՈՒՆՆԵՐՈՒՄ ԱՇԽԱՏՈՂՆԵՐԻ ՎԱՐՁԱՏՐՈՒԹՅԱՆ
1. Հայաստանի Հանրապետության այն քաղաքացիները, որոնք գործուղվում են արտասահման Հայաստանի Հանրապետության դիվանագիտական ներկայացուցչություններում աշխատելու համար, ուղարկվում են Հայաստանի Հանրապետության արտաքին գործերի նախարարության տրամադրության տակ: Այդ անձանց համար պահպանվում է աշխատանքի տեղը (պաշտոնը), բայց 12 ամսից ոչ ավելի:
2. Հայաստանի Հանրապետության արտաքին գործերի նախարարության կողմից արտասահմանում Հայաստանի Հանրապետության դիվանագիտական ներկայացուցչություններ մինչև 3 ամիս ժամկետով գործուղված անձանց վճարվում է վալյուտայով սահմանված կարգով օրապահիկ դրամ, ինչպես նաև արտաքին գործերի նախարարությունում պահպանվում է նրանց աշխատավարձը:
Երեք ամսից ավելի ժամկետով աշխատանքի ուղարկվող անձանց վալյուտայով տրվող աշխատավարձից բացի վճարվում է նաև աշխատավարձ` ռուբլով, Հայաստանի Հանրապետության արտաքին գործերի նախարարության կենտրոնական ապարատում զբաղեցրած պաշտոնի համար նախատեսված դրույքի 50 տոկոսի չափով, ինչպես նաև դիվանագիտական աստիճան ունեցող աշխատողներին վճարվում է դիվանագիտական աստիճանի համար սահմանված հավելավճարի 50 տոկոսը` ռուբլով:
