ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

 

ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ

ՆԱԽԱՐԱՐ

 

«20» դեկտեմբերի 2024 թ. ք. Երևան

N 20-Ն

 

Հ Ր Ա Մ Ա Ն

 

ԱՎԻԱՑԻՈՆ ԱՆՎՏԱՆԳՈՒԹՅԱՆ ԾԱՌԱՅՈՒԹՅՈՒՆՆԵՐԻ ԶՆՆՄԱՆ ՕՊԵՐԱՏՈՐՆԵՐԻ, ՀՐԱՀԱՆԳԻՉՆԵՐԻ ԵՎ ՈՐԱԿԻ ՀՍԿՈՂՈՒԹՅԱՆ ՏԵՍՈՒՉՆԵՐԻ ՍԵՐՏԻՖԻԿԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

Ղեկավարվելով «Ավիացիայի մասին» օրենքի 7-րդ հոդվածի 1.1-ին մասի 40-րդ կետով.

 

ՀՐԱՄԱՅՈՒՄ ԵՄ

 

1. Հաստատել Ավիացիոն անվտանգության ծառայությունների զննման օպերատորների, հրահանգիչների և որակի հսկողության տեսուչների սերտիֆիկացման կարգը՝ համաձայն հավելվածի։

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

Նախարար`   12/20/2024

Դ․ ԽՈՒԴԱԹՅԱՆ

 

Հավելված ՀՀ տարածքային կառավարման և ենթակառուցվածքների նախարարի 2024 թվականի դեկտեմբերի 20-ի N 20-Ն հրամանի

 

Կ Ա Ր Գ

 

ԱՎԻԱՑԻՈՆ ԱՆՎՏԱՆԳՈՒԹՅԱՆ ԾԱՌԱՅՈՒԹՅՈՒՆՆԵՐԻ ԶՆՆՄԱՆ ՕՊԵՐԱՏՈՐՆԵՐԻ, ՀՐԱՀԱՆԳԻՉՆԵՐԻ ԵՎ ՈՐԱԿԻ ՀՍԿՈՂՈՒԹՅԱՆ ՏԵՍՈՒՉՆԵՐԻ ՍԵՐՏԻՖԻԿԱՑՄԱՆ

 

1. ԸՆԴՀԱՆՈՒՐ ԴՐՈՒՅԹՆԵՐ

 

1. Ավիացիոն անվտանգության ծառայությունների զննման օպերատորների, հրահանգիչների և որակի հսկողության տեսուչների սերտիֆիկացման կարգը (այսուհետ՝ Կարգ) սահմանում է Հայաստանի Հանրապետության օդանավակայանների, օդանավ շահագործողների, օդային երթևեկության սպասարկումներ մատուցող կազմակերպությունների (այսուհետ՝ Կազմակերպություններ) ավիացիոն անվտանգության ծառայությունների զննման գործառույթներ իրականացնող ստորաբաժանումների զննման օպերատորների (այսուհետ՝ Զննման օպերատորներ), այդ կազմակերպություններում և ավիացիոն ուսումնական կենտրոններում ավիացիոն անվտանգության մասով դասավանդող հրահանգիչների (այսուհետ՝ Հրանագիչներ) և քաղաքացիական ավիացիայի համակարգում ավիացիոն անվտանգության աշխատանքների որակի հսկողության միջոցառումներ իրականացնող տեսուչների (այսուհետ՝ Տեսուչներ) սերտիֆիկացում անցկացնելու հետ կապված հարաբերությունները:

 2. Սույն Կարգը մշակվել է «Ավիացիայի մասին» օրենքի, Հայաստանի Հանրապետության կառավարության 2003 թվականի հոկտեմբերի 2-ի N 1307-Ն և Հայաստանի Հանրապետության կառավարության 2017 թվականի մարտի 16-ի N 274-Ն որոշումների, ինչպես նաև «Միջազգային քաղաքացիական ավիացիայի մասին» կոնվենցիայի «Անվտանգություն. Միջազգային քաղաքացիական ավիացիայի պաշտպանությունն անօրինական միջամտության գործողություներից» N 17 հավելվածի 5-րդ գլխի 3.4.3-րդ և 3.4.4-րդ կետերի, Քաղաքացիական ավիացիայի միջազգային կազմակերպության (այսուհետ՝ ԻԿԱՕ) Դոկ. 8973 և Քաղաքացիական ավիացիայի եվրոպական կազմակերպության (այսուհետ՝ ԵԿԱԿ) Դոկ. 30 փաստաթղթերի ահանջների հիման վրա:

3. Սերտիֆիկացումն անցկացվում է զբաղեցրած պաշտոնին Զննման օպերատորների, Հրահանգիչների և Տեսուչների մասնագիտական գիտելիքների ու աշխատանքային ունակությունների համապատասխանությունը որոշելու նպատակով։

4. Սերտիֆիկացումն անցկացվում է նաև Զննման օպերատորների, Հրահանգիչների և Տեսուչների ԻԿԱՕ և ԵԿԱԿ մասնգիտացված ուսումնական կետրոններում ուսման ընթացքում ձեռք բերած գիտելիքների, ունակությունների գնահատման և Զննման օպերատորներին, Հրահանգիչներին և Տեսուչներին տրված սերտիֆիկատների (վկայականների) հիման վրա դրանց ճանաչման նպատակով։

5. Զննման օպերատորները, Հրահանգիչները և Տեսուչներն անցնում են սկզբնական, հերթական և արտահերթ սերտիֆիկացումներ։

6. Զննման օպերատորների սկզբնական սերտիֆիկացումն անցկացվում է աշխատանքի վայրում՝ առաջին անգամ աշխատանքի ընդունված աշխատողի կողմից սկզբնական ուսուցման ավարտից և եռամսյա փորձաշրջանն անցնելուց հետո, իսկ աշխատողի հերթական սերտիֆիկացումն անցկացվում է յուրաքանչյուր 12 ամիսը մեկ՝ հերթական վերապատրաստումն անցնելուց հետո։

7. Զննման օպերատորների սկզբնական, հերթական և արտահերթ սերտիֆիկացումները անցկացվում է երկու փուլով՝

1) թեստավորման փուլ, որտեղ ստուգվում են զննման ընթացակարգերի վերաբերյալ Զննման օպերատորների գիտելիքները,

2) գործնական ստուգման փուլ, որտեղ ստուգվում են զննման սարքավորումների միջոցով զննվող առարկաների և իրերի պատկերների գնահատման կարողություներն ու ունակությունները։

8. Որպես Հրահանգիչներ և Տեսուչներ սերտիֆիկացման համար դիմած անձանց սկզբնական սերտիֆիկացումն անցկացվում է ԻԿԱՕ և ԵԿԱԿ ավիացիոն անվտանգության մասնգիտացված ուսումնական կետրոններում ուսման դասընթացի ավարտից հետո Քաղաքացիական ավիացւայի կոմիտե (այսուհետ՝ Կոմիտե) սերտիֆիկատի (վկայականի) ճանաչման համար դիմում ներկայացնելուց հետո՝ 20 աշխատանքային օրվա ընթացքում։ Կոմիտե ներկայացվող դիմումին կցվում է մասնգիտացված ուսումնական կետրոնի կողմից տրված սերտիֆիկատը (վկայականը)։ Հրահանգիչների և Տեսուչների սկզբնական, հերթական և արտահերթ սերտիֆիկացման գործընթացը կազմված է միայն թեստավորման փուլից։

9. Հրահանգիչների և Տեսուչների հերթական սերտիֆիկացումներն անցկացվում են սույն Կարգի 8-րդ կետով սահմանված կարգով և ժամկետում։

10. Զննման օպերատորների, Հրահանգիչների և Տեսուչների արտահերթ սերտիֆիկացումներն անցկացվում են հերթական սերտիֆիկացումից առնվազն վեց ամիս հետո:

11. Արտահերթ սերտիֆիկացումներն անցկացվում են.

1) Կոմիտեի կողմից ավիացիոն անվտանգության աշխատանքների վերահսկողության նպատակներով անցկացվող ուսումնասիրությունների, փորձարկումների և վերահսկողական գործառույթների իրականացման ընթացքում հայտնաբերված թերությունների արդյունքում.

2) Զննման օպերատորների, Հրահանգիչների և Տեսուչների ցանկությամբ:

12. Հերթական սերտիֆիկացման ենթակա չեն՝

1) տվյալ պաշտոնը 12 ամսից պակաս ժամկետով զբաղեցնող Զննման օպերատորները, Հրահանգիչները և Տեսուչները, եթե նրանք գրավոր նման ցանկություն չեն հայտնել.

2) հղի կամ մինչև 3 տարեկան երեխայի խնամքի կապակցությամբ արձակուրդում գտնվող Զննման օպերատորները, Հրահանգիչները և Տեսուչները, եթե նրանք գրավոր նման ցանկություն չեն հայտնել:

13. Հղիության կամ երեխայի խնամքի կապակցությամբ արձակուրդում գտնվող Զննման օպերատորները, Հրահանգիչները և Տեսուչները ենթակա են հերթական սերտիֆիկացման արձակուրդից վերադառնալուց հետո՝ ոչ շուտ, քան վեց ամիս հետո, եթե նրանք գրավոր ցանկություն չեն հայտնել ավելի վաղ սերտիֆիկացման համար:

14. Սկզբնական և հերթական Սերտիֆիկացման ենթակա, սակայն արձակուրդում, գործուղման մեջ գտնվող կամ ժամանակավոր անաշխատունակ Զննման օպերատորները, Հրահանգիչները և Տեսուչները ենթակա են Սերտիֆիկացման` աշխատանքի անցնելուց հետո եռամսյա ժամկետում:

 

2. ՍԵՐՏԻՖԻԿԱՑՄԱՆ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ

 

15. Սույն կարգի 1-ին կետում նշված Կազմակերպությունները սկզբնական և հերթական սերտիֆիկացումներից առնվազ մեկ ամիս առաջ Կոմիտե են ներկայացնում սկզբնական և հերթական սերտիֆիկացման ենթակա անձանց ցուցակները՝ համաձայն Ձև N 1-ի: Կազմակերպությունների կողմից Կոմիտե ներկայացված Սերտիֆիկացման ենթական անձանց (այսուհետ՝ Սերտիֆիկացվող անձ) ցուցակները փոփոխման ենթակա չեն։

16. Սույն Կարգի 11-րդ կետի 2-րդ ենթակետերով նախատեսված դեպքերում սերտիֆիկացման ցանկություն հայտնած Զննման օպերատորները, Հրահանգիչները և Տեսուչները ներկայացնում են զեկուցագիր Կազմակերպության գործադիր մարմին, որն էլ հինգ աշխատանքային օրվա ընթացքում գրավոր միջնորդություն է ներկայացնում Կոմիտեի նախագահին։ Կոմիտեի նախագահի դրական դիրքորոշումից հետո՝ մեկամսյա ժամկետում Զննման օպերատորների, Հրահանգիչների և Տեսուչների սերտիֆիկացումն իրականացվում է սերտիֆիկացման հանձնաժողովի (այսուհետ՝ Հանձնաժողով) կողմից:

17. Կոմիտեի նախագահի հրամանով ձևավորվում է Սերտիֆիկացման հանձնաժողով (այսուհետ՝ Հանձնաժողով), որն ապահովում է սերտիֆիկացման գործընթացը։

18. Կոմիտեի նախագահը հանդիսանում է Հանձնաժողովի նախագահը: Կոմիտեի նախագահի բացակայության դեպքում Հանձնաժողովի նախագահի պարտականությունները կատարում է Կոմիտեի նախագահի տեղակալը: Հանձնաժողովի կազմում ընդգրվում են Կոմիտեի նախագահի տեղակալը, Կոմիտեի ավիացիոն անվտանգության վարչության, Կոմիտեի իրավաբանական վարչության և անձնակազմի կառավարման բաժնի ներկայացուցիչներ։ Հանձնաժողովի քարտուղարի գործառույթները իրականացվում է Կոմիտեի ավիացիոն անվտանգության ստորաբաժանման գլխավոր մասնագետ-տեսուչի կողմից։

19. Հանձնաժողովը իր գործունեության ընթացքում ղեկավարվում է ՝

1) «Ավիացիայի մասին» օրենքով,

2) Հայաստանի Հանրապետության կառավարության 2017 թվականի մարտի 16-ի N 274-Ն որոշմաբ,

3) Հայաստանի Հանրապետության կառավարության 2003 թվականի հոկտեմբերի 2-ի N 1307-Ն որոշմամբ,

4) Հայաստանի Հանրապետության կառավարության 2004 թվականի մայիսի 27-ի N 944-Ն որոշմամբ,

5) Հայաստանի Հանրապետության կառավարության 2005 թվականի հուլիսի 21-ի N 1142-Ն որոշմամբ,

6) Հայաստանի Հանրապետության կառավարության 2005 թվականի հունիսի 16-ի N 940-Ն որոշմամբ,

7) Հայաստանի Հանրապետության կառավարության 2010 թվականի հունիսի 17-ի N 843-Ն որոշմամբ,

8) «Միջազգային քաղաքացիական ավիացիայի մասին» Չիկագոյի կոնվենցիայի «Անվտանգություն. Միջազգային քաղաքացիական ավիացիայի պաշտպանությունն անօրինական միջամտության գործողություներից» N 17 հավելվածով:

9) սույն Կարգով և այլ իրավական ակտերով:

20. Հանձնաժողովն իր գործունեությունն իրականացնում է նիստերի միջոցով։ Հանձնաժողովի նիստն իրավազոր է, եթե նիստին ներկա են Հանձնաժողովի անդամների ընդհանուր թվի կեսից ավելին, ներառյալ Հանձնաժողովի նախագահը, իսկ Հանձնաժողովի նախագահի բացակայության դեպքում` Կոմիտեի նախագահի տեղակալը:

21. Հանձնաժողովի կողմից ուսումնասիրվում և քննարկվում են համապատասխան Կազմակերպությունից Հանձնաժողովին ներկայացված Սերտիֆիկացման ենթակա անձանց ցուցակները, նրանց սերտիֆիկատների (վկայականների) պատճենները և ծառայողական բնութագրերը։

22. Հանձնաժողովի նախագահը`

1) ղեկավարում է Հանձնաժողովի աշխատանքները,

2) հրավիրում և վարում է Հանձնաժողովի նիստերը,

3) նշանակում է Հանձնաժողովի նիստի անցկացման օրը և ժամը.

4) իրականացնում է թեստավորման աշխատանքների նկատմամբ վերահսկողությունը,

5) ստորագրում է սերտիֆիկացման արդյունքում Սերտիֆիկացվող անձանց տրվող սերտիֆիկատները (վկայականները),

6) իրականացնում է սույն Կարգից բխող այլ լիազորություններ:

23. Հանձնաժողովի քարտուղարը`

1) արձանագրում է Հանձնաժողովի նիստերը և ստորագրում արձանագրությունները,

2) Հանձնաժողովի անդամներին ծանոթացման նպատակով տրամադրում է Կազմակերպությունների կողմից ներկայացված Սերտիֆիկացման ենթակա անձանց ցուցակները, նրանց սերտիֆիկատների (վկայականների) պատճենները և ծառայողական բնութագրերը,

3) մինչև սերտիֆիկացումն սկսելը՝ ստուգում է համակարգչի աշխատունակության վիճակը,

4) սերտիֆիկացման ենթակա անձանց ծանոթացնում է համակարգչային թեստավորման կարգին ու համակարգչային ծրագրին,

5) բացատրում է սերտիֆիկացման ենթակա անձանց թեստավորման և գործնական ստուգման հետ կապված տեխնիկական հարցերը,

6) Հանձնաժողովի անդամների հետ համատեղ ամփոփում և արձանագրում է թեստավորման արդյունքները, այն ներկայացնում է Հանձնաժողովի նախագահի ստորագրմանը, որից հետո Հանձնաժողովի նիստի ժամանակ հրապարակում է սերտիֆիկացման հաջորդ` գործնական փուլ անցած անձանց ցուցակը և անցկացման ժամկետներն ու այդ մասին գրավոր տեղեկացնում՝ Կազմակերպությունների ղեկավարներին,

7) իրականացնում է սույն Կարգով իր իրավասությանը վերապահված այլ լիազորություններ։

24. Հանձնաժողովի անդամները`

1) մասնակցում են Հանձնաժողովի նիստերին,

2) ծանոթանում են կազմակերպությունների կողմից ներկայացված սերտիֆիկացման ենթակա անձանց ցուցակներին, նրանց վկայականների պատճեններին և ծառայողական բնութագրերին,

3) իրականացնում են թեստավորման և գործնական ստուգման աշխատանքների նկատմամբ հսկողություն,

4) ստորագրում են թեստավորման արդյունքների և գործնական ստուգման արդյունքների թերթիկները,

5) ծանոթանում են Հանձնաժողովի նիստերի արձանագրություններին,

6) Հանձնաժողովի քարտուղարի հետ համատեղ ամփոփում, կազմում են արձանագրություն թեստավորման արդյունքների վերաբերյալ, ստորագրում են այն և ներկայացնում են Հանձնաժողովի նախագահին՝ ստորագրման, որից հետո Հանձնաժողովի նիստի ժամանակ, Հանձնաժողովի քարտուղարը հրապարակում է սերտիֆիկացման հաջորդ` գործնական փուլ անցած անձանց ցուցակը և անցկացման ժամկետներն ու այդ մասին գրավոր տեղեկացնում են Կազմակերպությունների ղեկավարներին։

25. Սերտիֆիկացման օրվանից ոչ ուշ, քան մեկ ամիս առաջ, Կոմիտեն գրավոր տեղեկացնում է Կազմակերպություններին սերտիֆիկացման անցկացման մասին, որոնք ծանոթացնում են սերտիֆիկացման ենթակա անձանց սերտիֆիկացման անցկացման օրվա, ժամի և վայրի մասին։ Սերտիֆիկացվող անձինք Կազմակերպության կողմից տեղեկացվում են սերտիֆիկացման անցկացման վերաբերյալ տեղեկատվությանը Կոմիտեի կողմից ծանուցումը ստանալուց հետո ոչ ուշ, քան հաջորդ աշխատանքային օրը՝ լրացնելով տեղեկացման թերթիկը՝ համաձայն սույն կարգի Ձև N 2-ի։

26. Սերտիֆիկացումից առնվազն երկու շաբաթ առաջ Սերտիֆիկացվող անձի անմիջական ղեկավարը համապատասխան պատասխանատու ստորաբաժանում է ներկայացնում Սերտիֆիկացման ենթակա անձի ծառայողական բնութագիրը՝ համաձայն Ձև N 9-ի, որն էլ մնացած փաստաթղթերի հետ միասին մինչև սերտիֆիկացման անցկացումը ներկայացվում է Հանձնաժողովին։

27. Սերտիֆիկացվող անձիք սերտիֆիկացման անցկացման օրվանից առնվազն յոթ աշխատանքային օր առաջ ստորագրությամբ, պետք է ծանոթանան իրենց ծառայողական բնութագրին։ Ծառայողական բնութագրին համաձայն չլինելու դեպքում Սերտիֆիկացվող անձը ներկայացնում է գրավոր առարկություն, որը ծառայողական բնութագրի հետ միասին փոխանցվում է Հանձնաժողովին:

28. Ծառայողական բնութագիր չներկայացնելը չի կարող բացասաբար ազդել Սերտիֆիկացվող անձի սերտիֆիկացմանման արդյունքների վրա:

29. Զննման օպերատորների սերտիֆիկացման թեսթային առաջադրանքները կազմված են հետևյալ իրավական ակտերից.

1) «Ավիացիայի մասին» օրենք՝ 5 հարց,

2) Հայաստանի Հանրապետության կառավարության 2003 թվականի հոկտեմբերի 2-ի N 1307-Ն որոշում՝ 5 հարց,

3) Հայաստանի Հանրապետության կառավարության 2004 թվականի մայիսի 27-ի N 944-Ն որոշում՝ 20 հարց,

4) Հայաստանի Հանրապետության կառավարության 2010 թվականի հունիսի 17-ի N 843-Ն որոշում՝ 5 հարց,

5) Կազմակերպությունների ավիացիոն անվտանգության ծրագրեր՝ 5 հարց։

30. Սերտիֆիկացման գործնական առաջադրանքները իրականացվում են զննման սարքավորումների գործարկման և զննված առարակաների, իրերի և նյութերի պատկերների մեկնաբանման կարողությունների գնահատման միջոցով։

31. Հրահանգիչների սերտիֆիկացումն ընդգրկում է համակարգչային ծրագրով կազմված թեստային առաջադրանքներ՝

1) «Ավիացիայի մասին» օրենք՝ 5 հարց,

2) Հայաստանի Հանրապետության կառավարության 2003 թվականի հոկտեմբերի 2-ի N 1307-Ն որոշում՝ 10 հարց,

3) Հայաստանի Հանրապետության կառավարության 2004 թվականի մայիսի 27-ի N 944-Ն որոշում՝ 10 հարց,

4) Հայաստանի Հանրապետության կառավարության 2005 թվականի հուլիսի 21-ի N 1142-Ն որոշում՝ 10 հարց,

5) Հայաստանի Հանրապետության կառավարության 2005 թվականի հունիսի 16-ի N 940-Ն որոշում՝ 5 հարց,

6) Հայաստանի Հանրապետության կառավարության 2010 թվականի հունիսի 17-ի N 843-Ն որոշում՝ 5 հարց,

7) «Միջազգային քաղաքացիական ավիացիայի մասին» Չիկագոյի կոնվենցիայի «Անվտանգություն. Միջազգային քաղաքացիական ավիացիայի պաշտպանությունն անօրինական միջամտության գործողություներից» N 17 հավելված՝ 5 հարց:

32. Տեսուչների սերտիֆիկացումն ընդգրկում է համակարգչային ծրագով կազմված թեստային առաջադրանքներ՝

1) «Ավիացիայի մասին» օրենք՝ 5 հարց,

2) Հայաստանի Հանրապետության կառավարության 2017 թվականի մարտի 16-ի N 274-Ն որոշում՝ 10 հարց,

3) Հայաստանի Հանրապետության կառավարության 2003 թվականի հոկտեմբերի 2-ի N 1307-Ն որոշում՝ 10 հարց,

4) Հայաստանի Հանրապետության կառավարության 2004 թվականի մայիսի 27-ի N 944-Ն որոշում՝ 10 հարց,

5) Հայաստանի Հանրապետության կառավարության 2005 թվականի հուլիսի 21-ի N 1142-Ն որոշում՝ 10 հարց,

6) Հայաստանի Հանրապետության կառավարության 2005 թվականի հունիսի 16-ի N 940-Ն որոշում՝ 5 հարց,

7) Հայաստանի Հանրապետության կառավարության 2010 թվականի հունիսի 17-ի N 843-Ն որոշում՝ 5 հարց։

8) «Միջազգային քաղաքացիական ավիացիայի մասին» Չիկագոյի կոնվենցիայի «Անվտանգություն. Միջազգային քաղաքացիական ավիացիայի պաշտպանությունն անօրինական միջամտության գործողություներից» N 17 հավելված՝ 5 հարց:

33. Սերտիֆիկացվող անձանց թեստային առաջադրանքները կազմում են Կոմիտեի համապատասխան պատասխանատու ստորաբաժանման կողմից և ներակայացվում են Կոմիտեի նախագահի հաստատմանը։ Թեստային առաջադրանքները հաստատումից հետո, թեստավորման անցկացման օրվանից ոչ ուշ, քան մեկ ամիս առաջ Կոմիտեի համապատասխան պատասխանատու ստորաբաժանման կողմից տրամադրվում է սույն Կարգի 1-ին կետում նշված Կազմակերպություններին՝ Սերտիֆիկացվող անձանց ծանոթացման նպատակով։ Թեստային առաջադրանքները ենթակա են վերանայման դրանց մշակման համար հիմք հանդիսացած փաստաթղթերի փոփոխությամբ պայմանավորված, ոչ պակաս քան 3 տարին մեկ անգամ։

 

3. ԹԵՍՏԱՎՈՐՄԱՆ ԱՆՑԿԱՑՈՒՄԸ

 

34. Սերտիֆիկացվող անձիք թեստավորմանը ներկայանում են անձնագրով կամ անցագրով: Հանձնաժողովը ստուգում է Սերտիֆիկացվող անձի ինքնությունը և թույլատրում նրան մուտք գործել թեստավորման սենյակ: Սերտիֆիկացվող անձանց մուտքը թեստավորման սենյակ դադարեցվում է թեստավորումն սկսվելուց 10 րոպե առաջ:

35. Սերտիֆիկացմանը մասնակից անձանց չի թույլատրվում իրենց հետ թեստավորման սենյակ բերել հեռախոս, կապի այլ միջոցներ, տպագիր և ձեռագիր նյութեր կամ այլ տեխնիկական սարքեր, թեստավորման առաջադրանքների կատարման համար աղբյուր հանդիսացող այլ միջոցներ, ինչպես նաև թեստավորման ընթացքում աղմկել, հուշել կամ խոսել։

36. Թեստավորումն անցկացվում է համապատասխան պայմաններով ապահովված սենյակում (սրահ, լսարան, դահլիճ և այլն) համակարգչի միջոցով՝ Կոմիտեի նախագահի կողմից հաստատված թեստային առաջադրանքներից պատահական ընտրությամբ կազմված հարցերով:

37. Հանձնաժողովի քարտուղարը Սերտիֆիկացվող անձանց բացատրում է համակարգչային ծրագրով թեստավորման հետ կապված տեխնիկական հարցերը:

38. Թեստավորման հարցաշարերի քանակը կազմում է՝

1) Զննման օպերատորի համար 40 հարց,

2) Հրահանգիչների համար 50 հարց,

3) Տեսուչի համար կազմում է 60 հարց։

39․ Հանձնաժողովի քարտուղարը Սերտիֆիկացվող անձանց տվյալները գրանցում է համակարգչի ծրագրային համակարգում, որից հետո համակարգչային ծրագիրը ստեղծում է չկրկնվող գաղտնաբառ, որը տրվում է Սերտիֆիկացվող անձին, որպեսզի նա կարողնա մուտք գործել ծրագրային համակարգ՝ թեստը հանձնելու համար։

40․ Սերտիֆիկացվող անձը մոտենում է թեստավորման սենյակում տեղադրված համակարգչին և մուտքագրում է տրամադրված գաղտնաբառը համակարգչի էկրանին պատկերված դաշտում, այնուհետև սեղմում «Մուտք» կոճակը, ծանոթանում է սերտիֆիկացման ընթացակարգին և «Սկսել Հարցաշարը» կոճակին սեղմելուց հետո տեղափոխվում է հարցաշարի էջ, որտեղ գրված են հարցերը՝ իրենց չորս հավանական պատասխաններով, որոնցից մեկը ճիշտ է՝ մյուսները սխալ։ Սերտիֆիկացվող անձը պետք է ընտրի իր կարծիքով ճիշտ պատասխանը, կատարի համապատասխան նշում և անցնի հաջորդ հարցին պատասխանելուն։ Սերտիֆիկացվող անձը հարցերին կարող է պատասխանել կամայական հերթականությամբ։

41․ Հարցերին պատասխանելուց հետո Սերտիֆիկացվող անձը պետք է սեղմի համակարգչի էկրանի ներքևում գտնվող «Հաստատել» կոճակը, որից հետո կբացվի պատուհան, որում ևս մեկ անգամ պետք է սեղմի «Հաստատել» պատասխանները կոճակը, որից հետո կավարտվի հարցաշարը և հանձնաժողովի անդամը կկարողանա իր համակարգչի էկրանին տեսնել Սերտիֆիկացվող անձի արդյունքները։ Համակարգչային ծրագիրը բացառում է հանձնաժողվի անդամների կողմից հարցաշարի պատասխանների որևէ կերպ փոփոխելը կամ հարցաշարի պատասխանների արդյունքների վրա որևէ ազգեցության ներգործումը։

42․ Թեստավորման առաջադրանքները կատարելու համար սերտիֆիկացման մասնակիցներին հատկացվում է 50 րոպե ժամանակ, րոպեների հաշվարկն սկսվում է «Սկսել Հարցաշարը» կոճակին սեղմելուց հետո։

43. Թեստավորման համար հատկացված ժամանակն ավարտվելուց հետո հանձնաժողովի քարտուղարը հայտարարում է դրա մասին, որից հետո Սերտիֆիկացվող անձը դադարեցնում է աշխատանքը, եթե այդ ընթացքում նա չի հասցրել ավարտել թեստավորման գործընթացը և ճիշտ չի պատասխանել 80 տոկոս թեստավորման հարցերին, հանձնաժողովի անդամների կողմից որոշում է ընդունվում թեստավորման թերթիկում կատարելու «չի համապատասխանում զբաղեցրած պաշտոնին» գրառումը:

44. Սերտիֆիկացվող անձի կողմից թեստավորման հարցաշարի 80 տոկոս և ավելի ճիշտ պատասխանի դեպքում թեստավորման արդյունքների թերթիկում համաձայն սույն կարգի Ձև N3-ի՝ Զննման օպերատորի մասով հանձնաժողվի անդամների կողմից կատարվում է գրառում՝ «թույլատրվում է գործնական ստուգման», իսկ Հրահանգիչների և Տեսուչների թեստավորման թերթիկում կատարում է գրառում՝ «համապատասխանում է զբաղեցրած պաշտոնին»:

45. Սերտիֆիկացվող անձի կողմից թեստավորման հարցաշարի 80 տոկոսից պակաս ճիշտ պատասխանի դեպքում հանձնաժողովի անդամների կողմից որոշում է ընդունվում թեստավորման թերթիկում կատարելու գրառում` «չի համապատասխանում զբաղեցրած պաշտոնին»:

 

4. ԳՈՐԾՆԱԿԱՆ ՍՏՈՒԳՄԱՆ ԱՆՑԿԱՑՈՒՄԸ

 

46. Զննման օպերատորների գործնական ստուգումն անցկացվում է իրենց աշխատավայրերի զննման կետերում:

47. Հանձնաժողովի անդամները Սերտիֆիկացվող անձին տալիս են առաջադրանքներ և գնահատում դրանց կատարումը համապատասխան գնահատման թերթիկներով:

48. Հանձնաժողովը ընդունում է որոշում առաջադրանքների 80 տոկոս և ավելի ճիշտ կատարած Զննման օպերատորների գործնական ստուգման թերթիկում համաձայն սույն կարգի Ձև N4-ի, կատարելով համապատասխան գրառում՝ «համապատասխանում է զբաղեցրած պաշտոնին»:

49. Հանձնաժողովն ընդունում է որոշում առաջադրանքների 80 տոկոսից պակաս ճիշտ պատասխան տված Զննման օպերատորի գործնական ստուգման թերթիկում կատարելով համապատասխան գրառում՝ «չի համապատասխանում զբաղեցրած պաշտոնին»:

 

5. ՍԵՐՏԻՖԻԿԱՑՄԱՆ ԱՐԴՅՈՒՆՔՆԵՐԻ ԱՄՓՈՓՈՒՄԸ

 

50. Սերտիֆիկացման դրական արդյունքների դեպքում Զննման օպերատորներին Կոմիտեի կողմից մեկ տարի ժամկետով, տրվում են սույն Կարգով սահմանած ձևի վկայականներ՝ համաձայն Ձև N5-ի, Հրահանգիչներին՝ երեք տարի ժամկետով, համաձայն Ձև N6-ի և Տեսուչներին՝ երկու տարի ժամկետով, համաձայն Ձև N7-ի։

51. Հանձնաժողովը սերտիֆիկացման ավարտից հետո ամփոփում է արդյունքները և յուրաքանչյուր մասնակցի համար կազմում է սերտիֆիկացման թերթիկ՝ համաձայն սույն Կարգի Ձև N 8-ի:

52. Հանձնաժողովի նախագահը և անդամներն ստորագրում են սերտիֆիկացման թերթիկը: Հատուկ կարծիք ունեցող անդամներն ստորագրելիս նշում են դրա մասին` ստորագրության կողքին գրելով «Հատուկ կարծիքը կցվում է» բառերը և կցված հատուկ կարծիքի թերթիկների թիվը:

53. Սերտիֆիկացման մասնակիցները սերտիֆիկացման ավարտից հետո ծանոթանում են իրենց սերտիֆիկացման թերթիկին և ստորագրում այն: Սերտիֆիակցման մասնակիցները ցանկության դեպքում կարող են գրավոր դիմել Հանձնաժողովին և ստանալ սերտիֆիկացման թերթիկի պատճենը:

54. Սերտիֆիկացման արդյունքների հետ չհամաձայնելու դեպքում սերտիֆիկացման մասնակիցները կարող են սերտիֆիկացման ավարտից հետո երեք աշխատանքային օրվա ընթացքում՝ ժամկետում բողոքարկել Հանձնաժողովի նախագահին, որը բողոքը ստանալու օրվանից յոթ աշխատանքային օրվա ընթացքում՝ ընդունում է համապատասխան որոշում: Սերտիֆիկացման մասնակիցը բողոքարկման արդյունքների, ինչպես նաև Հանձնաժողովի նախագահի որոշումների հետ համաձայն չլինելու դեպքում դրանք կարող է բողոքարկել վարչական կամ դատական կարգով։

55. Այն դեպքում, երբ սերտիֆիկացման արդյունքներով սերտիֆիկցմանը մասնակցած անձի նկատմամբ Հանձնաժողովն ընդունել է որոշում «չի համապատասխանում զբաղեցրած պաշտոնին», ապա սերտիֆիակցման մասնակիցը կարող է որոշումն ստանալուց հետո երեք աշխատանքային օրվա ընթացքում՝ Հանձնաժողովի նախագահի անունով ներկայացնել դիմում՝ կրկնակի սերտիֆիկացում անցնելու վերաբերյալ:

56. Կրկնակի սերտիֆիկացմանը մասնակցելու վերաբերյալ դիմումը քննարկվում է Հանձնաժողովի նախագահի կողմից երեք աշխատանքային օրվա ընթացքում՝, որի արդյունքում ընդունվում է համապատասխան որոշում՝ կրկնակի սերտիֆիկացման թույլատրման կամ դիմումի մերժման մասին: Դիմումի քննարկման ընթացքում հաշվի են առնվում տվյալ անձի աշխատանքային ստաժը, գործատուի կողմից տրված բնութագիրը, նախկինում ստացված մասնագիտական հավաստագրերը և սերտիֆիկացված անձի կողմից սերտիֆիկացման արդյունքում հանձնաժողովի կողմից «չի համապատասխանում զբաղեցրած պաշտոնին» գնահատվելու պատճառների հիմնավոր բացատրությունները:

57. Այն Սերտիֆկացված անձը, որի նկատմամբ սերտիֆիկացման արդյունքներով ընդունվել է «չի համապատասխանում զբաղեցրած պաշտոնին» որոշում՝ չի թույլատրվում պաշտոնեական պարտականությունների կատարմանը:

58. Եթե Կարգի 55-րդ կետում նշված դիմումի քննարկման արդյունքում Հանձնաժողովի նախագահի կողմից որոշում է կայացվում կրկնակի սերտիֆիկացման մասնակցության դիմումի մերժման մասին, ապա սերտիֆիկացման հանձնաժողովի կողմից ընդունված «չի համապատասխանում զբաղեցրած պաշտոնին» որոշումը մնում է անփոփոխ, իսկ տվյալ անձը ենթակա է ազատման տվյալ պաշտոնից Հայաստանի Հանրապետության օրենքով սահմանված կարգով:

59. Կրկնակի սերտիֆիկացում անցնելու վերաբերյալ դիմումի բավարարման դեպքում՝ դիմող անձին թույլատրվում է կրկնակի սերտիֆիկացման, որի անցկացման մասին որոշումը կայացվում է Հանձնաժողովի նախագահի կողմից, իսկ կրկնակի սերտիֆիկացումն անցկացվում է սույն Կարգում սկզբնական սերտիֆիկացման համար սահմանված կարգով և ժամկետներում:

60. Կոմիտեի համապատասխան ստորաբաժանումը վարում է գրանցամատյան, որը հանդիսանում է Կարգի 50-րդ կետով տրամադրվող վկայականի հաշվառման փաստաթուղթ: Գրանցամատյանի բոլոր էջերը համարակալվում են, կարվում և կնքվում Կոմիտեի կնիքով:

61. Հաձնաժողովի անդամները և քարտուղարը ամփոփում են սերտիֆիկացման արդյունքները և սերտիֆիկացման մասնակից բոլոր Սերտիֆիկացված անձանց վերաբերյալ արդյունքները և ընդունված որոշումները ամփոփ հաշվետվությամբ ներկայացնում են Հանձնաժողովի նախագահին։

62. Հանձնաժողովը աշխատանքների ավարտից հետո հանձնման ընդունման ակտով համապատասխան պատասխանատու ստորաբաժանմանն է տրամադրում սերտիֆիկացման փաթեթը ամբողջությամբ՝ Հայաստանի Հանրապետության օրենսդրությամբ սահմանված կարգով պահպանման և արխիվացման նպատակով:

 

6. ՍԵՐՏԻՖԻԿԱՑՄԱՆ ԱՐԴՅՈՒՆՔՆԵՐԻ ՀԻՄԱՆ ՎՐԱ ՈՐՈՇՈՒՄՆԵՐԻ ԸՆԴՈՒՆՈՒՄԸ

 

63. Հանձնաժողովի նախագահի կողմից հաստատված սերտիֆիկացման արդյունքների հիման վրա սույն Կարգի 1-ին կետում նշված Կազմակերպությունները ձեռնարկում են համապատասխան միջոցներ՝ հանձնաժողովի որոշումները յոթ աշխատանքային օրվա ընթացքում կատարելու համար:

 

Ձև N 1

 

Ց ՈՒ Ց Ա Կ

 

ՍԵՐՏԻՖԻԿԱՑՄԱՆ ԵՆԹԱԿԱ ԱՆՁԱՆՑ

 

հ/հ	Սերտիֆիկացվողի ազգանունը, անունը, հայրանունը	Զբաղեցրած պաշտոնը	Վերջին սերտիֆիկացման ժամանակը	Վերջին սերտիֆիկացման արդյունքում ընդունված որոշումը	Հերթական սերտիֆիկացման անցկացման ժամանակը	Արտահերթ սերտիֆիկացում անցկացնելու հիմքերը և ժամանակը
1.
2.
3.
4.
5.

 

Ձև N 2

 

ՏԵՂԵԿԱՑՄԱՆ ԹԵՐԹԻԿ  _________________ 20__ թ. քաղ.____________________   Ես՝ ___________________________________________________________________________________ (սերտիֆիկացվողի անունը, հայրանունը, ազգանունը) _______________________________________________________________________________________, (զբաղեցրած պաշտոնը)   Տեղեկացվել եմ Հայաստանի Հանրապետության քաղաքացիական ավիացիայի կոմիտեի   նախագահի _________________________________________________________________________   20___ թ. _________________ -ի N ______ հրամանին 20___ թ. ______________ __ին   իմ   սերտիֆիկացումն անցկացնելու մասին:   ________________________ (ստորագրությունը)  ________________________ (անունը, ազգանունը)

 

Ձև N 3

 

ԹԵՍՏԱՎՈՐՄԱՆ ԱՐԴՅՈՒՆՔՆԵՐԻ ԹԵՐԹԻԿ

 

1. Ազգանունը, անունը, հայրանունը________________________________________________________

 

2. Ծննդյան օրը, ամիսը, տարեթիվը_________________________________________________________

 

3. Թեստավորման պահին զբաղեցրած պաշտոնը և այդ պաշտոնում նշանակվելու տարեթիվը

________________________________________________________________________________________

________________________________________________________________________________________

 

4. Թեստավորման արդյունքը (տոկոսով)_____________________________________________________

 

5. Թեստավորման արդյունքում սերտիֆիկացման հանձնաժողովի ընդունած որոշումը`

________________________________________________________________________________________

________________________________________________________________________________________

 

Հանձնաժողովի նախագահ	__________________  (ստորագրությունը)	__________________ (անունը, ազգանունը)
Հանձնաժողովի անդամներ	________________ (ստորագրությունը)	________________ (անունը, ազգանունը)
	________________ (ստորագրությունը) ________________	________________ (ստորագրությունը) ________________
Թեստավորման անցկացման ամսաթիվը ____ _____________ 20___ թ.
Թեստավորման թերթին ծանոթացա`	________________ (ստորագրությունը)	________________ (անունը, ազգանունը)
___ _____________ 20___թ.

 

Ձև N 4

 

ԳՈՐԾՆԱԿԱՆ ՍՏՈՒԳՄԱՆ ԹԵՐԹԻԿ

 

1. Ազգանունը, անունը, հայրանունը _____________________________________________________

2. Ծննդյան օրը, ամիսը, տարեթիվը ______________________________________________________

 

3. Գործնական ստուգման պահին զբաղեցրած պաշտոնը և այդ պաշտոնում նշանակվելու տարեթիվը

______________________________________________________________________________________

______________________________________________________________________________________

___________________________________

 

4 Գործնական ստուգման արդյունքը (տոկոսով)_____________________________________________

 

5. Գործնական ստուգման արդյունքում սերտիֆիկացման հանձնաժողովի ընդունած որոշումը`

_____________________________________________________________________________________

_____________________________________________________________________________________

 

Հանձնաժողովի նախագահ	__________________  (ստորագրությունը)	__________________ (անունը, ազգանունը)
Հանձնաժողովի անդամներ	________________ (ստորագրությունը)	________________ (անունը, ազգանունը)
	________________ (ստորագրությունը) ________________	________________ (ստորագրությունը) ________________
Գործնական ստուգման անցկացման վայրը, ամսաթիվը ___________________________________
Գործնական ստուգման թերթին ծանոթացա`	________________ (ստորագրությունը)	________________ (անունը, ազգանունը)
___ _____________ 20___թ.

 

Ձև N 5

 

ԱՎԻԱՑԻՈՆ ԱՆՎՏԱՆԳՈՒԹՅԱՆ ՀՍԿՈՂՈՒԹՅԱՆ ԶՆՆՄԱՆ ՕՊԵՐԱՏՈՐԻ ՎԿԱՅԱԿԱՆ

 

РЕСПУБЛИКА АРМЕНИЯ   К О М И Т Е Т   ГРАЖДАНСКОЙ АВИАЦИИ   REPUBLIC OF ARMENIA   C I V I L   AVIATION COMMITTEE   ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՔԱՂԱՔԱՑԻԱԿԱՆ ԱՎԻԱՑԻԱՅԻ ԿՈՄԻՏԵ   ՎԿԱՅԱԿԱՆ СЕРТИФИКАТ CERTIFICATE № 0000   Սույնով հավաստվում է, որ __________________________________________________   Настоящим удостоверяется, что ______________________________________________   This is to certify that _________________________________________________________   մասնակցել է Կոմիտեի կողմից անցկացված սերտիֆիկացմանը և ստացել ավիացիոն անվտանգության զննման օպերատորի որակավորում: прошел (прошла) сертификацию КГА и получил(а) квалификацию оператора досмотра по авиационной безопасности. has passed certification by the CAC and has received the qualification of Aviation Security Quality Control Inspector. Տրման ամսաթիվ Дата утверждения Date of issue  ՔԱԿ սերտիֆիկացման հանձնաժողովի նախագահ Председатель сертификационной комиссии КГА Chair of CAC Sertification Commission

 

Ձև N 6

 

ԱՎԻԱՑԻՈՆ ԱՆՎՏԱՆԳՈՒԹՅԱՆ ՀՐԱՀԱՆԳԻՉԻ ՎԿԱՅԱԿԱՆ

 

РЕСПУБЛИКА АРМЕНИЯ   К О М И Т Е Т   ГРАЖДАНСКОЙ АВИАЦИИ   REPUBLIC OF ARMENIA   C I V I L   AVIATION COMMITTEE   ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՔԱՂԱՔԱՑԻԱԿԱՆ ԱՎԻԱՑԻԱՅԻ ԿՈՄԻՏԵ   ՎԿԱՅԱԿԱՆ СЕРТИФИКАТ CERTIFICATE № 0000   Սույնով հավաստվում է, որ __________________________________________________   Настоящим удостоверяется, что ______________________________________________   This is to certify that _________________________________________________________   մասնակցել է Կոմիտեի կողմից անցկացված սերտիֆիկացմանը և ստացել ավիացիոն անվտանգության հրահանգիչի որակավորում: принял(а) участие в сертификации проведенной Комитетом и получил(а) квалификацию инструктора по авиационной безопасности. has participated in certification held by the Committee and received Aviation Security Control Instructor qualification. Տրման ամսաթիվ Дата утверждения Date of issue  ՔԱԿ սերտիֆիկացման հանձնաժողովի նախագահ Председатель сертификационной комиссии КГА Chair of CAC Sertification Commission

 

Ձև N 7

 

ԱՎԻԱՑԻՈՆ ԱՆՎՏԱՆԳՈՒԹՅԱՆ ՈՐԱԿԻ ՀՍԿՈՂՈՒԹՅԱՆ ՏԵՍՈՒՉԻ ՎԿԱՅԱԿԱՆ

 

РЕСПУБЛИКА АРМЕНИЯ   К О М И Т Е Т   ГРАЖДАНСКОЙ АВИАЦИИ   REPUBLIC OF ARMENIA   C I V I L   AVIATION COMMITTEE   ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՔԱՂԱՔԱՑԻԱԿԱՆ ԱՎԻԱՑԻԱՅԻ ԿՈՄԻՏԵ   ՎԿԱՅԱԿԱՆ СЕРТИФИКАТ CERTIFICATE № 0000   Սույնով հավաստվում է, որ __________________________________________________   Настоящим удостоверяется, что ______________________________________________   This is to certify that _________________________________________________________   մասնակցել է Կոմիտեի կողմից անցկացված սերտիֆիկացմանը և ստացել ավիացիոն անվտանգության աշխատանքների որակի հսկողության տեսուչի որակավորում: принял(а) участие в сертификации проведенной Комитетом и получил(а) квалификацию инспектора качества по контролю авиационной безопасности. has participated in certification held by the Committee and received aviation security quality control Inspector qualification. Տրման ամսաթիվ Дата утверждения Date of issue  ՔԱԿ սերտիֆիկացման հանձնաժողովի նախագահ Председатель сертификационной комиссии КГА Chair of CAC Sertification Commission

 

Ձև N 8

 

ՍԵՐՏԻՖԻԿԱՑՄԱՆ ԹԵՐԹԻԿ

 

Սերտիֆիկացման ձևը`

● թեստավորում

● Գործնական ստուգում

1. Ազգանունը, անունը, հայրանունը _________________________________________________

2. Ծննդյան օրը, ամիսը, տարեթիվը _________________________________________________

 

1. Սերտիֆիկացման պահին զբաղեցրած պաշտոնը և այդ պաշտոնում նշանակվելու տարեթիվը

______________________________________________________________________________

_______________________________________________________________________________

_______________________________________________________________________________

 

4. Սերտիֆիկացման արդյունքում սերտիֆիկացման հանձնաժողովի ընդունած որոշումը`

_______________________________________________________________________________

_______________________________________________________________________________

_______________________________________________________________________________

 

Հանձնաժողովի նախագահ	__________________  (ստորագրությունը)	__________________ (անունը, ազգանունը)
Հանձնաժողովի անդամներ	________________ (ստորագրությունը)	________________ (անունը, ազգանունը)
	________________ (ստորագրությունը)	________________ (ստորագրությունը)
Սերտիֆիկացման անցկացման ամսաթիվը __________________ 20___ թ.
Սերտիֆիկացման թերթին ծանոթացա`	________________ (ստորագրությունը)	________________ (անունը, ազգանունը)
___ _____________ 20___թ.

 

Ձև N 9

 

Ծ Ա Ռ Ա Յ Ո Ղ Ա Կ Ա Ն  Բ Ն ՈՒ Թ Ա Գ Ի Ր

(սերտիֆիկացման ենթակա անձի)

 

________________________________________________________________________________

(սերտիֆիկացման ենթակա անձի պաշտոնը)

 

________________________________________________________________________________

(սերտիֆիկացման ենթակա անձի անունը, հայրանունը, ազգանունը)

 

Անմիջական ղեկավարի եզրահանգումները ________________________________________________

_____________________________________________________________________________________

_____________________________________________________________________________________

_____________________________________________________________________________________

_______________________________________________________________________:

 

_____________________________________________________________________________________

(անմիջական ղեկավարի պաշտոնը անունը, ազգանունը և ստորագրությունը)

 

___ _______________ 20__ թ.

 

Ծառայողական բնութագրի դարձերես

 

Ես`__________________________________________________________________________________

(սերտիֆիկացման ենթակա անձի անունը, հայրանունը, ազգանունը)

 

____________________________________________________________________________________,

(զբաղեցրած պաշտոնը)

 

ծանոթացել եմ իմ ծառայողական բնութագրին, որի կապակցությամբ _________________________

_____________________________________________________________________________________

(սերտիֆիկացման ենթակա անձի առարկությունները կամ նշումը դրանց բացակայության մասին)

____________________________________________________________________________________

____________________________________________________________________________________:

____________________________________________________________________________________

(սերտիֆիկացման ենթակա անձի անունը, ազգանունը և ստորագրությունը)

 

____ ________________ 20__թ.

 

Պաշտոնական հրապարակման օրը՝ 25 դեկտեմբերի 2024 թվական: