Basic information
Number
N 496
Type
Որոշում
Act type
Base act (19.10.1994-01.01.1998)
Status
Չի գործում
Source
Enactment organisation
ՀՀ կառավարություն
Enactment date
19.10.1994
Signing organisation
ՀՀ փոխվարչապետ ՀՀ կառավարության գործերի կառավարիչ
Signing date
19.10.1994
Effective date
19.10.1994
Interrupt date
01.01.1998

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

19 հոկտեմբերի 1994 թվականի N 496

 

քաղ. Երևան

 

ԱՐԱԳԱՑՎԱԾ ԱՄՈՐՏԻԶԱՑԻԱՅԻ ՍԱՀՄԱՆՄԱՆ ԺԱՄԱՆԱԿԱՎՈՐ ԿԱՐԳԻ ՄԱՍԻՆ

 

Հայաստանի Հանրապետության ձեռնարկությունների (անկախ սեփականության ձևից և կազմակերպական-իրավական տեսակից) կողմից արտադրության մեջ գիտատեխնիկական նվաճումների արագ ներդրման, նրանց հիմնական ֆոնդերի նորացման, ինչպես նաև արտադրության վերազինման և ինվեստիցիոն ծրագրերի իրագործման համար լրացուցիչ ֆինանսական միջոցների ձևավորման նպատակով Հայաստանի Հանրապետության կառավարությունը որոշում է.

1. Թույլատրել Հայաստանի Հանրապետության ձեռնարկություններին (անկախ սեփականության ձևից և կազմակերպական-իրավական տեսակից) 1995 թվականի հունվարի 1-ից կիրառել արագացված ամորտիզացիա` հիմնական ֆոնդերի ակտիվ մասի (մեքենաներ, սարքավորումներ, տրանսպորտային միջոցներ) համար:

2. Սահմանել, որ, ելնելով պետական ինվեստիցիոն ծրագրերի պահանջներից և ձեռնարկությունների ֆինանսատնտեսական գործունեության հնարավորություններից, Հայաստանի Հանրապետության ձեռնարկություններին յուրաքանչյուր կոնկրետ դեպքում արագացված ամորտիզացիայի կիրառման թույլտվություն տրվում է և արագացված ամորտիզացիային գործակցի մեծությունը սահմանվում է Հայաստանի Հանրապետության էկոնոմիկայի նախարարության կողմից` Հայաստանի Հանրապետության ֆինանսների նախարարության հետ համաձայնեցնելով:

3. Հայաստանի Հանրապետության էկոնոմիկայի նախարարությանը` մեկամսյա ժամկետում մշակել և Հայաստանի Հանրապետության ֆինանսների նախարարության ու Հայաստանի Հանրապետության հարկային պետական տեսչության հետ համաձայնեցնելով, հաստատել ձեռնարկությունների հիմնական ֆոնդերի ակտիվ մասի արագացված ամորտիզացիոն սահմանման ժամանակավոր կարգի կիրառման կարգը և ապահովել դրա հրապարակայնությունը:

4. 1995 թվականի հունվարի 1-ից ուժը կորցրած ճանաչել Հայաստանի Հանրապետության Նախարարների խորհրդի 1990 թվականի դեկտեմբերի 29-ի «ԽՍՀՄ ժողովրդական տնտեսության հիմնական ֆոնդերի լրիվ վերականգնման համար ամորտիզացիոն հատկացումների միասնական նորմաների մասին» N 632 որոշման 1-ին կետի «գ» ենթակետի երկրորդ պարբերությունը և Հայաստանի Հանրապետության տարածքում չկիրառել նախկին ԽՍՀՄ պետպլանի կողմից 1990 թվականի դեկտեմբերի 29-ին հաստատված «Ժողովրդական տնտեսության հիմնական ֆոնդերի ամորտիզացիոն մասհանումների հաշվարկման կարգի մասին» կանոնադրության 27-34-րդ կետերը:

5. Սույն որոշումը կիրարկել 1995 թվականի հունվարի 1-ից:

 

Հայաստանի Հանրապետության ՓՈԽվարչապետ

Վ. ՉԻՏԵՉյան

 

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ս. ՄԱՆԱՍԱՐՅԱՆ

Change History
Changing Act Corresponding incorporation
18.06.1997, N 187 01.01.1998, N 496
Changed acts
Changing Act Corresponding incorporation