ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

ՆԱԽԱԳԱՀ

Հ Ր Ա Մ Ա Ն

«ՊԵՏԱԿԱՆ ՏՈՒՐՔԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 19.7-ՐԴ ԵՎ 19.8-ՐԴ ՀՈԴՎԱԾՆԵՐՈՎ ՍԱՀՄԱՆՎԱԾ ԳՈՐԾՈՒՆԵՈՒԹՅԱՆ ՏԵՍԱԿՆԵՐ ԻՐԱԿԱՆԱՑՆԵԼՈՒ ՎԵՐԱԲԵՐՅԱԼ ՀԱՅՏԱՐԱՐՈՒԹՅԱՆ ՁԵՎԵՐԸ ԵՎ ԴՐԱՆՑ ԼՐԱՑՄԱՆ ԿԱՐԳԵՐԸ, ԱՐՏՈՆԱԳՐԻ ՁԵՎԸ ՍԱՀՄԱՆԵԼՈՒ ՄԱՍԻՆ

Հիմք ընդունելով «Պետական տուրքի մասին» Հայաստանի Հանրապետության օրենքի 19.7-րդ հոդվածի 7-րդ, 7.1-ին, 9-րդ և 19.8-րդ հոդվածի 7-րդ և 9-րդ մասերը`

ՀՐԱՄԱՅՈՒՄ ԵՄ`

1. Սահմանել`

1) ներքաղաքային երթուղու շահագործման կամ ավտոբուսներով (միկրոավտոբուսներով) ուղևորափոխադրումների կազմակերպման գործունեության վերաբերյալ հայտարարության ձևը և դրա լրացման կարգը՝ համաձայն N 1 հավելվածի,

2) էլեկտրոնային հարթակով էլեկտրոնային ծառայության միջոցով ձևակերպված պատվերով իրականացված ուղևորափոխադրումների համար հաշվարկված, գանձված և պետական բյուջե վճարման ենթակա պետական տուրքի վերաբերյալ հայտարարության ձևը և դրա լրացման կարգը` համաձայն N 2 հավելվածի,

3) կազմակերպությունների, անհատ ձեռնարկատերերի և ֆիզիկական անձանց կողմից մարդատար-տաքսի ավտոմոբիլներով ուղևորափոխադրումների իրականացման գործունեության վերաբերյալ հայտարարության ձևը և դրա լրացման կարգը՝ համաձայն N 3 հավելվածի,

4) «Պետական տուրքի մասին» օրենքի 19․8-րդ հոդվածով սահմանված գործունեության տեսակներ իրականացնելու վերաբերյալ հայտարարության ձևը և դրա լրացման կարգը՝ համաձայն N 4 հավելվածի,

5) արտոնագրի ձևը` համաձայն N 5 հավելվածի:

2․ Սույն հրամանն ուժի մեջ է մտնում 2024 թվականի սեպտեմբերի 1-ից: «Պետական տուրքի մասին» օրենքի 19․8-րդ հոդվածով սահմանված գործունեության տեսակներ իրականացնող կազմակերպությունները և անհատ ձեռնարկատերերը սույն հրամանի 1-ին կետի 4-րդ ենթակետով սահմանված ձևով հայտարարությունն առաջին անգամ ներկայացնում են 2024 թվականի հոկտեմբեր ամսվանից սկսած:

(2-րդ կետը լրաց. 29.08.24 N 1064-Ն)

Ձև

ՀԱՅՏԱՐԱՐՈՒԹՅՈՒՆ

ՆԵՐՔԱՂԱՔԱՅԻՆ ԵՐԹՈՒՂՈՒ ՇԱՀԱԳՈՐԾՄԱՆ ԿԱՄ ԱՎՏՈԲՈՒՍՆԵՐՈՎ (ՄԻԿՐՈԱՎՏՈԲՈՒՍՆԵՐՈՎ) ՈՒՂԵՎՈՐԱՓՈԽԱԴՐՈՒՄՆԵՐԻ ԿԱԶՄԱԿԵՐՊՄԱՆ ԳՈՐԾՈՒՆԵՈՒԹՅԱՆ ՎԵՐԱԲԵՐՅԱԼ

ԼՐԱՑՄԱՆ ԿԱՐԳ

ՆԵՐՔԱՂԱՔԱՅԻՆ ԵՐԹՈՒՂՈՒ ՇԱՀԱԳՈՐԾՄԱՆ ԿԱՄ ԱՎՏՈԲՈՒՍՆԵՐՈՎ (ՄԻԿՐՈԱՎՏՈԲՈՒՍՆԵՐՈՎ) ՈՒՂԵՎՈՐԱՓՈԽԱԴՐՈՒՄՆԵՐԻ ԿԱԶՄԱԿԵՐՊՄԱՆ ԳՈՐԾՈՒՆԵՈՒԹՅԱՆ ՎԵՐԱԲԵՐՅԱԼ ՀԱՅՏԱՐԱՐՈՒԹՅԱՆ ՁԵՎԻ

1. Հայտարարության 1-ին կետում լրացվում է հարկ վճարողի հաշվառման համարը (ՀՎՀՀ):

2. Հայտարարության 2-րդ կետում լրացվում է կազմակերպության լրիվ անվանումը (անհատ ձեռնարկատիրոջ կամ ֆիզիկական անձի դեպքում՝ ֆիզիկական անձի անունը, ազգանունը):

3. Հայտարարության 3-րդ կետում լրացվում է կազմակերպության գտնվելու վայրը, իսկ անհատ ձեռնարկատիրոջ դեպքում` ֆիզիկական անձի բնակության վայրը:

4. Հայտարարության 4-րդ կետում լրացվում է գործունեության տեսակը:

5. Հայտարարության 5-րդ կետում լրացվում է գործունեության իրականացման վայրը (քաղաքի անվանումը):

6. Հայտարարության 6-րդ կետի`

1) 1-ին ենթակետում լրացվում է`

ա. ավտոբուսով ուղևորափոխադրման գործունեության համար` շահագործվող ավտոբուսների նստատեղերի քանակը,

բ. միկրոավտոբուսով ուղևորափոխադրման գործունեության համար շահագործվող միկրոավտոբուսների նստատեղերի քանակը,

2) 2-րդ ենթակետում լրացվում է`

ա. ավտոբուսով ուղևորափոխադրման գործունեության համար` «Պետական տուրքի մասին» օրենքի (այսուհետ` Օրենք) 19.7-րդ հոդվածի 1-ին մասով սահմանված բազային տուրքի համապատասխան պատիկ մեծությունը,

բ. միկրոավտոբուսով ուղևորափոխադրման գործունեության համար` Օրենքի 19.7-րդ հոդվածի 1-ին մասով սահմանված բազային տուրքի համապատասխան պատիկ մեծությունը:

7. Հայտարարության 7-րդ կետում լրացվում է ավտոբուսով կամ միկրոավտոբուսով ուղևորափոխադրման գործունեության համար Օրենքի 19.7-րդ հոդվածի 4-րդ մասով սահմանված համապատասխան գործակիցը:

8. Հայտարարության 8-րդ կետում լրացվում է գործունեության իրականացման ժամանակահատվածի սկիզբը և ավարտը` ամսաթիվը, ամիսը, տարեթիվը։

9. Հայտարարության 9-րդ կետում լրացվում է տվյալ ամսվա համար հաշվարկված պետական տուրքի գումարը` դրամով (լումաներն անտեսվում են):

10. Հայտարարության 10-րդ կետում լրացվում է ավտոբուսով ուղևորափոխադրում իրականացնելու դեպքում յուրաքանչյուր ավտոբուսի մակնիշը, հաշվառման համարանիշը, նստատեղերի քանակը: Ընդ որում, Օրենքի 19.7-րդ հոդվածի 13-րդ մասին համապատասխան` ավտոբուսներով ուղևորների կանոնավոր փոխադրումներ (բացառությամբ` Երևան քաղաքում ուղևորափոխադրումների) իրականացնելիս անսարք ավտոբուսի փոխարինման դեպքում հարկ վճարողը ներկայացնում է հայտարարության փոփոխություն` լրացնելով միայն փոխարինող ավտոբուսի մակնիշը, հաշվառման համարանիշը, նստատեղերի քանակը:

11. Հայտարարության 11-րդ կետում լրացվում է միկրոավտոբուսով ուղևորափոխադրում իրականացնելու դեպքում յուրաքանչյուր միկրոավտոբուսի մակնիշը, հաշվառման համարանիշը, նստատեղերի քանակը:

Ձև

ՀԱՅՏԱՐԱՐՈՒԹՅՈՒՆ

ԷԼԵԿՏՐՈՆԱՅԻՆ ՀԱՐԹԱԿՈՎ ԷԼԵԿՏՐՈՆԱՅԻՆ ԾԱՌԱՅՈՒԹՅԱՆ ՄԻՋՈՑՈՎ ՁԵՎԱԿԵՐՊՎԱԾ ՊԱՏՎԵՐՈՎ ԻՐԱԿԱՆԱՑՎԱԾ ՈՒՂԵՎՈՐԱՓՈԽԱԴՐՈՒՄՆԵՐԻ ՀԱՄԱՐ ՀԱՇՎԱՐԿՎԱԾ, ԳԱՆՁՎԱԾ ԵՎ ՊԵՏԱԿԱՆ ԲՅՈՒՋԵ ՎՃԱՐՄԱՆ ԵՆԹԱԿԱ ՊԵՏԱԿԱՆ ՏՈՒՐՔԻ ՎԵՐԱԲԵՐՅԱԼ

ԼՐԱՑՄԱՆ ԿԱՐԳ

ԷԼԵԿՏՐՈՆԱՅԻՆ ՀԱՐԹԱԿՈՎ ԷԼԵԿՏՐՈՆԱՅԻՆ ԾԱՌԱՅՈՒԹՅԱՆ ՄԻՋՈՑՈՎ ՁԵՎԱԿԵՐՊՎԱԾ ՊԱՏՎԵՐՈՎ ԻՐԱԿԱՆԱՑՎԱԾ ՈՒՂԵՎՈՐԱՓՈԽԱԴՐՈՒՄՆԵՐԻ ՀԱՄԱՐ ՀԱՇՎԱՐԿՎԱԾ, ԳԱՆՁՎԱԾ ԵՎ ՊԵՏԱԿԱՆ ԲՅՈՒՋԵ ՎՃԱՐՄԱՆ ԵՆԹԱԿԱ ՊԵՏԱԿԱՆ ՏՈՒՐՔԻ ՎԵՐԱԲԵՐՅԱԼ ՀԱՅՏԱՐԱՐՈՒԹՅԱՆ ՁԵՎԻ

1. Հայտարարության 1-ին կետում լրացվում է հարկ վճարողի հաշվառման համարը (ՀՎՀՀ):

2. Հայտարարության 2-րդ կետում լրացվում է կազմակերպության լրիվ անվանումը (անհատ ձեռնարկատիրոջ կամ ֆիզիկական անձի դեպքում՝ ֆիզիկական անձի անունը, ազգանունը):

3. Հայտարարության 3-րդ կետում լրացվում է կազմակերպության գտնվելու վայրը, իսկ անհատ ձեռնարկատիրոջ և ֆիզիկական անձի դեպքում` ֆիզիկական անձի բնակության վայրը:

4․ Հայտարարության 4-րդ կետում լրացվում է էլեկտրոնային հարթակի անվանումը, որի միջոցով մատուցվում է ուղևորափոխադրման ծառայությունը։

5․ Հայտարարության 5-րդ կետում լրացվում է այն հաշվետու ժամանակահատվածը (տարի, ամիս), որի համար ներկայացվում է հայտարարությունը:

6․ Հայտարարության 6-րդ տողի 6․1-ին և 6․2-րդ սյունակներում լրացվում են հաշվետու ժամանակահատվածում ուղևորափոխադրման ծառայություն մատուցած կազմակերպության, անհատ ձեռնարկատիրոջ կամ ֆիզիկական անձի համապատասխանաբար անվանումը, անունը, ազգանունը և հարկ վճարողի հաշվառման համարը (ՀՎՀՀ)։

7․ Հայտարարության 6․3-6․5-րդ սյունակներում լրացվում են համապատասխանաբար հաշվետու ժամանակահատվածում ուղևորափոխադրման ծառայություն մատուցած կազմակերպության, անհատ ձեռնարկատիրոջ կամ ֆիզիկական անձի փոխադրման դիմաց կանխիկ վճարումների դեպքում փոխադրման արժեքը, պետական տուրքի դրույքաչափը և պետական տուրքի գումարը, իսկ 6․6-6․8-րդ սյունակներում՝ անկանխիկ վճարումների դեպքում փոխադրման արժեքը, պետական տուրքի դրույքաչափը և պետական տուրքի գումարը։

8․ Հայտարարության 6․9-րդ սյունակում լրացվում է կանխիկ և անկանխիկ վճարումների դեպքում պետական տուրքի գումարների հանրագումարը։

Ձև

ՀԱՅՏԱՐԱՐՈՒԹՅՈՒՆ

ԿԱԶՄԱԿԵՐՊՈՒԹՅՈՒՆՆԵՐԻ, ԱՆՀԱՏ ՁԵՌՆԱՐԿԱՏԵՐԵՐԻ ԵՎ ՖԻԶԻԿԱԿԱՆ ԱՆՁԱՆՑ ԿՈՂՄԻՑ ՄԱՐԴԱՏԱՐ-ՏԱՔՍԻ ԱՎՏՈՄՈԲԻԼՆԵՐՈՎ ՈՒՂԵՎՈՐԱՓՈԽԱԴՐՈՒՄՆԵՐԻ ԻՐԱԿԱՆԱՑՄԱՆ ԳՈՐԾՈՒՆԵՈՒԹՅԱՆ ՎԵՐԱԲԵՐՅԱԼ

ԼՐԱՑՄԱՆ ԿԱՐԳ

ԿԱԶՄԱԿԵՐՊՈՒԹՅՈՒՆՆԵՐԻ, ԱՆՀԱՏ ՁԵՌՆԱՐԿԱՏԵՐԵՐԻ ԵՎ ՖԻԶԻԿԱԿԱՆ ԱՆՁԱՆՑ ԿՈՂՄԻՑ ՄԱՐԴԱՏԱՐ-ՏԱՔՍԻ ԱՎՏՈՄՈԲԻԼՆԵՐՈՎ ՈՒՂԵՎՈՐԱՓՈԽԱԴՐՈՒՄՆԵՐԻ ԻՐԱԿԱՆԱՑՄԱՆ ԳՈՐԾՈՒՆԵՈՒԹՅԱՆ ՎԵՐԱԲԵՐՅԱԼ ՀԱՅՏԱՐԱՐՈՒԹՅԱՆ ՁԵՎԻ

1. Հայտարարության 1-ին կետում լրացվում է հարկ վճարողի հաշվառման համարը (ՀՎՀՀ):

2. Հայտարարության 2-րդ կետում լրացվում է կազմակերպության լրիվ անվանումը (անհատ ձեռնարկատիրոջ կամ ֆիզիկական անձի դեպքում՝ ֆիզիկական անձի անունը, ազգանունը):

3. Հայտարարության 3-րդ կետում լրացվում է կազմակերպության գտնվելու վայրը, իսկ անհատ ձեռնարկատիրոջ և ֆիզիկական անձի դեպքում` ֆիզիկական անձի բնակության վայրը:

4․ Հայտարարության 4-րդ կետում լրացվում է գործունեության իրականացման այն հաշվետու ժամանակահատվածը (տարի, ամիս), որի համար ներկայացվում է հայտարարությունը։

5․ Հայտարարության 5.1-ին սյունակում լրացվում է կանխիկ և անկանխիկ վճարումների դեպքում փոխադրման արժեքը։

6․ Հայտարարության 5.2-րդ սյունակում լրացվում է պետական տուրքի դրույքաչափը համապատասխանաբար՝ կանխիկ և անկանխիկ վճարումների դեպքում։

7․ Հայտարարության 5․3-րդ սյունակում լրացվում է հաշվարկված պետական տուրքի գումարը կանխիկ և (կամ) անկանխիկ վճարումների դեպքում՝ դրամով (լումաներն անտեսվում են)։

8. Հայտարարության 6-րդ տողում լրացվում է կանխիկ և անկանխիկ վճարումների դեպքում փոխադրման արժեքների և պետական տուրքի գումարների հանրագումարը։

9. Հայտարարության 7-րդ կետում լրացվում է ուղևորափոխադրում իրականացնող մարդատար-տաքսի ավտոմոբիլի (ավտոմոբիլների) հաշվառման համարանիշը (համարանիշները):

Ձև

ՀԱՅՏԱՐԱՐՈՒԹՅՈՒՆ

«ՊԵՏԱԿԱՆ ՏՈՒՐՔԻ ՄԱՍԻՆ» ՕՐԵՆՔԻ 19.8-ՐԴ ՀՈԴՎԱԾՈՎ ՍԱՀՄԱՆՎԱԾ ԳՈՐԾՈՒՆԵՈՒԹՅԱՆ ՏԵՍԱԿՆԵՐ ԻՐԱԿԱՆԱՑՆԵԼՈՒ ՎԵՐԱԲԵՐՅԱԼ

ԼՐԱՑՄԱՆ ԿԱՐԳ

«ՊԵՏԱԿԱՆ ՏՈՒՐՔԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 19.8-ՐԴ ՀՈԴՎԱԾՈՎ ՍԱՀՄԱՆՎԱԾ ԳՈՐԾՈՒՆԵՈՒԹՅԱՆ ՏԵՍԱԿՆԵՐ ԻՐԱԿԱՆԱՑՆԵԼՈՒ ՎԵՐԱԲԵՐՅԱԼ ՀԱՅՏԱՐԱՐՈՒԹՅԱՆ ՁԵՎԻ

1․ Հայտարարության 1-ին կետում լրացվում է հարկ վճարողի հաշվառման համարը (ՀՎՀՀ):

2. Հայտարարության 2-րդ կետում լրացվում է կազմակերպության լրիվ անվանումը (անհատ ձեռնարկատիրոջ կամ ֆիզիկական անձի դեպքում՝ ֆիզիկական անձի անունը, ազգանունը):

3. Հայտարարության 3-րդ կետում լրացվում է կազմակերպության գտնվելու վայրը, իսկ անհատ ձեռնարկատիրոջ դեպքում` ֆիզիկական անձի բնակության վայրը:

4. Հայտարարության 4-րդ կետում լրացվում է «Պետական տուրքի մասին» օրենքի (այսուհետ` Օրենք) 19.8-րդ հոդվածով սահմանված գործունեության տեսակը (տեսակները):

5․ Հայտարարության 5-րդ կետում լրացվում է գործունեության իրականացման վայրը: Ընդ որում, մեկից ավելի վայրում գործունեություն իրականացնելու դեպքում, այդ կետում առանձին տողերով լրացվում է գործունեության իրականացման յուրաքանչյուր վայրը: Գործունեության իրականացման վայրը լրացվում է ամբողջությամբ, օրինակ, քաղաքը, փողոցի անվանումը, շենքի համարը կամ մարզը, գյուղը և այլն:

6․ Հայտարարության 6-րդ կետի`

1) 1-ին ենթակետում լրացվում է`

ա. մետաղադրամով և (կամ) թղթադրամով շահագործվող ավտոմատների միջոցով սննդի առևտրի կազմակերպման գործունեության համար` ավտոմատների քանակը,

բ. մետաղադրամով շահագործվող ավտոմատների միջոցով խաղերի (բացառությամբ` շահումով խաղերի և խաղատների գործունեության) կազմակերպման գործունեության համար` ավտոմատների քանակը,

2) 2-րդ ենթակետում լրացվում է`

ա. մետաղադրամով և (կամ) թղթադրամով շահագործվող ավտոմատների միջոցով սննդի առևտրի կազմակերպման գործունեության համար` Օրենքի 19.8-րդ հոդվածի 1-ին մասով սահմանված բազային տուրքի համապատասխան պատիկ մեծությունը,

բ. մետաղադրամով շահագործվող ավտոմատների միջոցով խաղերի (բացառությամբ` շահումով խաղերի և խաղատների գործունեության) կազմակերպման գործունեության համար` Օրենքի 19.8-րդ հոդվածի 2-րդ մասով սահմանված բազային տուրքի համապատասխան պատիկ մեծությունը:

7. Հայտարարության 7-րդ կետում լրացվում է գործունեության համար Օրենքի 19.8-րդ հոդվածի 4-րդ մասով սահմանված համապատասխան գործակիցը։

8. Հայտարարության 8-րդ կետում լրացվում է գործունեության իրականացման ժամանակահատվածի սկիզբը և ավարտը՝ ամսաթիվը, ամիսը, տարեթիվը։

9. Հայտարարության 9-րդ կետում լրացվում է տվյալ ամսվա համար հաշվարկված պետական տուրքի գումարը` դրամներով (լումաներն անտեսվում են): Ընդ որում, հաշվարկված պետական տուրքի գումարը լրացվում է գործունեության իրականացման յուրաքանչյուր տեսակի և գործունեության իրականացման յուրաքանչյուր ժամանակահատվածի համար առանձին-առանձին:

Ձև

Ա Ր Տ Ո Ն Ա Գ Ի Ր  N ________ ____ ________________ 20__թ.

Պաշտոնական հրապարակման օրը՝ 1 հուլիսի 2024 թվական: