ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ

Ո Ր Ո Շ ՈՒ Մ Ը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊՐԵԶԻԴԵՆՏԻ ՊԱՇՏՈՆ ՀԻՄՆԵԼՈՒ ՄԱՍԻՆ

Հայաստանի Հանրապետության Գերագույն խորհուրդը որոշում է.

1. Հիմնել Հայաստանի Հանրապետության պրեզիդենտի պաշտոն:

Պրեզիդենտի ընտրությունները Հայաստանի Հանրապետության քաղաքացիների ընդհանուր, հավասար և ուղղակի ընտրական իրավունքի հիման վրա գաղտնի քվեարկությամբ անցկացնել մինչև1991 թվականի դեկտեմբերի 31-ը:

2. Հանձնարարել Հայաստանի Հանրապետության սահմանադրական հանձնաժողովին` Հայաստանի Հանրապետության Գերագույն խորհրդի անկախ պետականության հաստատման և ազգային քաղաքականության հարցերի և իրավական հարցերի մշտական հանձնաժողովների հետ համատեղ 20 օրվա ընթացքում մշակել և Գերագույն խորհրդի քննարկմանը ներկայացնել պրեզիդենտական ընտրությունների վերաբերյալ անհրաժեշտ օրինագծերի փաթեթը և գործող սահմանադրության համապատասխան լրացումներն ու փոփոխությունները:

ՀԱՅԱՍՏԱՆի հանրապետության  Գերագույն խորհրդի նախագահ`

Լ. Տեր-Պետրոսյան

ՀԱՅԱՍՏԱՆի հանրապետության գերագույն խորհրդի քարտուղար`	ա. սահակյան
25 հունիսի 1991 թվականի, քաղ. Երևան Հ. Ն-0336-1