ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները`

1. Հայաստանի Հանրապետության առողջապահության նախարարի 2012 թվականի հունվարի 24-ի «Արյան, դրա բաղադրամասերի շրջանառության ոլորտում կիրառվող բժշկական փաստաթղթերի ձևերը և դրանց լրացման կարգերը հաստատելու մասին» N 02-Ն հրամանում կատարել հետևյալ փոփոխությունները և լրացումը.

1) հավելված 2-ը շարադրել նոր խմբագրությամբ` համաձայն հավելված 1-ի.

2) հավելված 3-ը շարադրել նոր խմբագրությամբ` համաձայն հավելված 2-ի.

3) հավելված 4-ը շարադրել նոր խմբագրությամբ` համաձայն հավելված 3-ի.

4) հավելված 18-ում`

ա. 2-րդ գլխի 2-րդ կետի 5-րդ ենթակետի «աշխատանքի վայրը» բառերը փոխարինել «հեռախոսահամարը» բառով.

բ. 2-րդ գլխի 4-րդ կետի 11-րդ ենթակետում «:» կետադրական նշանը փոխարինել «,» կետադրական նշանով.

գ. 2-րդ գլխի 4-րդ կետի 11-րդ ենթակետից հետո լրացնել հետևյալ բովանդակությամբ նոր 12-րդ, 13-րդ և 14-րդ ենթակետերով`

«12) ՁԻԱՀ-ի հանդեպ (ՄԻԱՎ 1+2) ՊՇՌ հետազոտության արդյունքները,

13) հեպատիտ Բ-ի հանդեպ ՊՇՌ հետազոտության արդյունքները,

14) հեպատիտ Ց-ի հանդեպ ՊՇՌ հետազոտության արդյունքները:».

դ. 3-րդ գլխի 1-ին կետի 6-րդ ենթակետը և 3-րդ կետի 2-րդ և 3-րդ ենթակետերն ուժը կորցրած ճանաչել.

ե. 3-րդ գլխի 5-րդ կետի «արյան պլազմայի» բառերը փոխարինել «արյան, արյան բաղադրամասերի» բառերով.

զ. 4-րդ գլուխը շարադրել նոր խմբագրությամբ.

«4. ԱԿՏԻՎ ԴՈՆՈՐԻ ԲԺՇԿԱԿԱՆ ՔԱՐՏԻ ԼՐԱՑՄԱՆ ԿԱՐԳ (ՁԵՎ 4)

1. Ակտիվ դոնորի բժշկական քարտում բուժաշխատողի կողմից լրացվում են հետևյալ տեղեկությունները.

1) բժշկական կազմակերպության անվանումը,

2) դոնորի անունը, ազգանունը, հայրանունը,

3) ծննդյան օրը, ամիսը, տարին, անձնագրի սերիան և համարը և ում կողմից է տրվել,

4) բնակության վայրը,

5) հեռախոսահամարը,

6) արյան խմբային և ռեզուս պատկանելությունը, ինչպես նաև Kell հակածնի որոշման հետազոտության արդյունքը, որը հավաստվում է ստորագրությամբ (լրացվում է պատասխանատու բուժաշխատողի կողմից),

7) դոնորության տեսակը:

2. Ակտիվ դոնորի բժշկական քարտում` դրանց համար նախատեսված հատվածներում դոնորը ստորագրությամբ իր համաձայնությունն է տալիս պլազմաֆերեզի իրականացման գործընթացին` նշելով օրը, ամիսը, տարին, ինչպես նաև օտար հակածնով իմունացման գործընթացին` նշելով անունը, ազգանունը, հայրանունը:

3. Նկարի համար սահմանված տեղում բուժաշխատողի կողմից փակցվում է դոնորի նկարը:

4. Դոնորի հաշվառման վերաբերյալ հատվածում բուժաշխատողի կողմից լրացվում է դոնորի հաշվառման օրը, ամիսը, տարին, իսկ հաշվառումից հանելու դեպքում` դրա պատճառները և օրը, ամիսը, տարին:

5. Հաշվառումից հանելու ժամանակ բժշկի կողմից լրացվում են նաև.

1) արյունատվությունների թիվը,

2) պլազմաֆերեզների թիվը,

3) ցիտաֆերեզների թիվը:

6. Բժիշկը վերջում ստորագրում է:

7. Ակտիվ դոնորի բժշկական քարտում նշվում են նաև հետևյալ տեղեկությունները.

1) դոնորի հետազոտությունների արդյունքները,

2) լաբորատոր հետազոտությունների արդյունքները (շճաբանական և ՊՇՌ),

3) իմունաարյունաբանական հետազոտությունները,

4) իմունացման վերաբերյալ գրանցումները,

5) արյան, պլազմայի, արյան բջիջների հավաքման մասին նշումները,

6) լրացուցիչ տեղեկություններ:»:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

Օրը, ամիսը, տարին

ԱԿՏԻՎ ԴՈՆՈՐԻ ՀԱՇՎԱՌՄԱՆ ԹԵՐԹԻԿ (Ձև3)

Հաշվառման ամսաթիվ___________________________________________________________

Հաշվառումից հանելու ամսաթիվ, պատճառներ______________________________________

Արյունատվությունների քանակը մինչ հաշվառումից հանելը ___________________________

Բուժաշխատող՝________________________________________________(ստորագրություն)

անուն, ազգանուն, հայրանուն

Նշումներ արյան, արյան բաղադրամասերի հանձնման վերաբերյալ

Ակտիվ դոնորի բժշկական քարտ

(Ձև 4)

Դոնորի հետազոտությունների արդյունքներ

Լաբորատոր հետազոտությունների արդյունքներ

Իմունաարյունաբանական հետազոտություններ

Իմունացման վերաբերյալ գրանցումներ

Արյան, պլազմայի, արյան բջիջների հավաքման մասին նշումներ

Լրացուցիչ տեղեկություններ

Պաշտոնական հրապարակման օրը՝ 28 դեկտեմբերի 2023 թվական: