ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

19 հոկտեմբերի 2021 թ.

N 80-Ն

ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2007 ԹՎԱԿԱՆԻ ՆՈՅԵՄԲԵՐԻ 26-Ի ԹԻՎ 1752-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ, 34-րդ հոդվածները.

Հրամայում եմ`

1. Առողջապահության նախարարի 2007 թվականի նոյեմբերի 26-ի «Մեծահասակի ամբուլատոր բժշկական քարտի, երեխաների բժշկական հսկողության ամբուլատոր քարտերի, նորածնի փոխանակման քարտի և նախածննդային պատրոնաժի թերթիկի ձևերը հաստատելու մասին» թիվ 1752-Ն հրամանի (այսուհետ` Հրաման)`

1) վերնագրից հանել «,ՆՈՐԱԾՆԻ ՓՈԽԱՆԱԿՄԱՆ ՔԱՐՏԻ» բառերը,

2) նախաբանից հանել «և Հայաստանի Հանրապետության կառավարության 2002 թվականի օգոստոսի 15-ի N 1300-Ն որոշման 12-րդ կետի դ) ենթակետը» բառերը, «ընդունելով» բառից հետո լրացնել «Բնակչության բժշկական օգնության և սպասարկման մասին օրենքի 2-րդ հոդվածի 1-ին մասի 34-րդ կետը, 12-րդ հոդվածի 1-ին մասը,» բառերը,

3) Հրամանի 2-րդ կետը լրացնել նոր 5-րդ և 6-րդ ենթակետերով` հետևյալ բովանդակությամբ.

«5) սույն կետի 1-4-րդ ենթակետերով սահմանված պահանջները կիրառելի են սույն հրամանի 1-ին կետով հաստատված թղթային տարբերակով բժշկական փաստաթղթերի համար:

6) սույն հրամանի 1-ին կետով հաստատված բժշկական փաստաթղթերը վարվում (լրացվում) են էլեկտրոնային կամ թղթային տարբերակով:»:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

Ա. ԱՎԱՆԵՍՅԱՆ

 Պաշտոնական հրապարակման օրը՝ 25 հոկտեմբերի 2021 թվական: