ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐ

Հ Ր Ա Մ Ա Ն

Ղեկավարվելով «Սնանկության մասին» օրենքի 27.1-րդ հոդվածով.

1. Սահմանել՝

1) սնանկության գործով կառավարչի գործունեության վերաբերյալ Արդարադատության նախարարություն ներկայացվող տարեկան հաշվետվության ձևը՝ համաձայն N 1 հավելվածի,

2) սնանկության գործով կառավարիչների ինքնակարգավորվող կազմակերպության գործունեության վերաբերյալ Արդարադատության նախարարություն ներկայացվող տարեկան հաշվետվության ձևը՝ համաձայն N 2 հավելվածի,

3) սնանկության գործով կառավարչի և սնանկության գործով կառավարիչների ինքնակարգավորվող կազմակերպության գործունեության վերաբերյալ Արդարադատության նախարարություն տարեկան հաշվետվությունների ներկայացման կարգը՝ համաձայն N 3 հավելվածի:

2. Սույն հրամանն ուժի մեջ է մտնում 2020 թվականի ապրիլի 15-ից:

հաշվետու ժամանակահատված՝ ___ - ___ թթ.

1. Հաշվետվության սյունակներում ներառված բոլոր կետերը ենթակա են լրացման, իսկ եթե այն կիրառելի չէ կամ լրացման ենթակա չէ, նշվում է «0» կամ «առկա չէ»:

2. Հաշվետվությունում նշված «Քանակ» աղյուսակում պահանջվող կետերի դիմաց լրացվում են սնանկության գործերի քանակը կամ համապատասխան տեղեկությունների վերաբերյալ քանակական ցուցանիշները, «գործերի համար» աղյուսակում՝ համապատասխան գործերի համարները (կիրառելի լինելու դեպքում):

3. Հաշվետվության «այլ» նշումով աղյուսակներում նշվում են պահանջվող տեղեկությանը համապատասխանող տվյալները:

4. Հաշվետվության առաջին կետի «Ծանոթություն» աղյուսակում նշվում է, թե արդյոք սնանկության գործը փոխանցվել է նախորդ հաշվետու ժամանակաշրջանից, թե ստացվել է տվյալ հաշվետու ժամանակաշրջանում:

5. Հաշվետվության երկրորդ կետի «Ծանոթություն» աղյուսակում նշվում է սնանկության գործն ավարտելու հիմքը՝ պարտապանի լուծարումով («Սնանկության մասին» օրենքի 87-րդ հոդված), պարտատերերի կողմից պահանջներից հրաժարվելու, պահանջներ չներկայացվելու կամ պահանջների բավարարման դեպքում («Սնանկության մասին» օրենքի 89-րդ հոդված), «Սնանկության մասին» օրենքի 105-րդ հոդվածով նախատեսված հիմքերով:

6. Հաշվետվության 3-րդ կետում «Քանակ» աղյուսակում նշվում է հաշվետու տարվա ընթացքում ավարտված գործերով հաստատված պահանջների ընդհանուր չափը՝ դրամային արտահայտությամբ և դրանցից բավարարված պահանջների չափը՝ տոկոսային արտահայտությամբ, իսկ «Ծանոթություն» աղյուսակում նշվում է յուրաքանչյուր սնանկության գործով հաստատված պահանջների ընդհանուր չափը՝ դրամային արտահայտությամբ և դրանցից բավարարված պահանջների չափը՝ տոկոսային արտահայտությամբ:

7. Հաշվետվության 5-8-րդ կետերի «Ծանոթություն» աղյուսակներում նշվում է ֆինանսական առողջացման ծրագրի հաստատված կամ մերժված լինելու հանգամանքը, իսկ այն դեպքում, երբ ֆինանսական առողջացման ծրագիրը հաստատվել է, նշվում է նաև ընթացքի մեջ լինելու կամ ավարտված լինելու մասին:

8. Հաշվետվության 15-րդ կետի «Ծանոթություն» աղյուսակում նշվում է յուրաքանչյուր սնանկության գործով անցկացված աճուրդների քանակը:

9. Հաշվետվության 17-րդ կետի «Քանակ» աղյուսակում նշվում է համապատասխանաբար պարտապանի գործունեության վերսկսման և շարունակման դեպքերի ընդհանուր քանակը՝ առանձին, իսկ «Գործի համարը» աղյուսակում յուրաքանչյուր սնանկության գործով նշվում է համապատասխան դեպքը (պարտապանի գործունեության վերսկսման և (կամ) շարունակում):

10. Հաշվետվության 19-րդ կետի «Քանակ» աղյուսակում նշվում է հաշվետու տարվա ընթացքում ստացած վարձատրության ընդհանուր չափը, իսկ «Ծանոթություն» աղյուսակում նշվում է յուրաքանչյուր սնանկության գործով ստացած վարձատրության չափը:

11. Հաշվետվության 20-րդ կետի համապատասխան ենթակետերի «Ծանոթություն» աղյուսակներում նշվում է համապատասխան կարգապահական տույժը կիրառող մարմնի տվյալները և այդ մարմնի կողմից տվյալ տույժի կիրառման դեպքերի թիվը:

12. Հաշվետվության այլ կետերի «Ծանոթություն» աղյուսակում կարող են նշվել այլ տեղեկություններ, որոնք կառավարիչը համարում է անհրաժեշտ:

13. Հաշվետվությունում նշված՝ «աշխատողներ» արտահայտությունը վերաբերում է նաև ծառայությունների մատուցման պայմանագրով աշխատանքային գործունեություն իրականացրած անձանց:

14. Հաշվետվությունում նշված աշխատավարձին վերաբերող տեղեկությունը ներառում է նաև հավելավճարները:

20  թ. _20 թթ.

1. Հաշվետվության սյունակներում ներառված բոլոր կետերը ենթակա են լրացման, իսկ եթե այն կիրառելի չէ կամ լրացման ենթակա չէ՝ նշվում է «0» կամ «առկա չէ»:

2. Հաշվետվությունում նշված «Քանակ» աղյուսակում պահանջվող կետերի դիմաց լրացվում են համապատասխան տեղեկությունների քանակական, թվային ցուցանիշները:

3. Հաշվետվությունում նշված՝ «աշխատողներ» արտահայտությունը վերաբերում է նաև ծառայությունների մատուցման պայմանագրով աշխատանքային գործունեություն իրականացնող անձանց:

4. Հաշվետվությունում նշված աշխատավարձին վերաբերող տեղեկությունը ներառում է նաև հավելավճարները:

5. Հաշվետվությունում կառավարիչների վերաբերյալ տվյալները ներկայացվում են համարակալված՝ ըստ այբբենական հերթականության:

1. Սնանկության գործով կառավարիչները (այսուհետ՝ կառավարիչ) և կառավարիչների ինքնակարգավորվող կազմակերպությունը (այսուհետ՝ կազմակերպությունը) մինչև հաշվետու տարվան հաջորդող մարտի 1-ը լրացնում և Արդարադատության նախարարություն են ներկայացնում հաշվետու տարվա ընթացքում իրենց գործունեության վերաբերյալ տարեկան հաշվետվությունները՝ էլեկտրոնային եղանակով դրանք ուղարկելով Արդարադատության նախարարության (այսուհետ՝ նախարարություն) պաշտոնական էլեկտրոնային փոստի հասցեին, իսկ էլեկտրոնային եղանակով ներկայացնելու անհնարինության դեպքում ներկայացնում են թղթային եղանակով:

2. Էլեկտրոնային եղանակով հաշվետվությունները ներկայացվում են էլեկտրոնային ստորագրությամբ ստորագրված էլեկտրոնային փաստաթղթի ձևով կամ փաստաթղթի սքանավորված տարբերակով: Փաստաթղթի սքանավորված տարբերակով ներկայացնելիս փաստաթղթի յուրաքանչյուր էջը պետք է լինի ստորագրված:

3. Հաշվետվությունում նշված տեղեկությունները թերի, անորոշ կամ այլ կերպ պարզաբանման ենթակա լինելու դեպքում նախարարության համապատասխան պաշտոնատար անձը պատճառաբանված գրությամբ կարող է համապատասխանաբար կառավարչից կամ կազմակերպությունից պահանջել գրությունը ստանալուց հետո՝ ոչ ուշ, քան 5 աշխատանքային օրվա ընթացքում ներկայացնել պարզաբանում հաշվետվության վերաբերյալ կամ շտկել հաշվետվության մեջ առկա թերությունները և հաշվետվության տարբերակը ներկայացնել նախարարություն:

4. Բացի սույն կարգի 3-րդ կետով նախատեսված դեպքերից կառավարիչը կամ կազմակերպությունը իր նախաձեռնությամբ կարող է մինչև հաշվետվության ներկայացման ժամկետի ավարտը նախարարություն ներկայացնել հաշվետվության լրամշակված տարբերակը:

5. Կառավարիչն իր տարեկան հաշվետվությունը թղթային և էլեկտրոնային եղանակով պահպանում է իր կողմից վարվող գործերում, իսկ կազմակերպությունն իր տարեկան հաշվետվությունը հրապարակում է իր պաշտոնական կայքում: