ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀԻ 2017 ԹՎԱԿԱՆԻ ԴԵԿՏԵՄԲԵՐԻ 18-Ի N 424-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածի 1-ին մասով և հիմք ընդունելով «Եվրասիական տնտեսական միության մասին» պայմանագրի թիվ 18 հավելվածի 2-րդ բաժնի 4-րդ և 3-րդ բաժնի 20-րդ կետերը, ինչպես նաև Հայաստանի Հանրապետության հարկային օրենսգրքի 52-րդ հոդվածի 4-րդ մասը՝

1. Հայաստանի Հանրապետության կառավարությանն առընթեր պետական եկամուտների կոմիտեի նախագահի 2017 թվականի դեկտեմբերի 18-ի «Արտահանման և ներմուծման հարկային հայտարարագրերի ձևերը և լրացման կարգերը հաստատելու մասին» N 424-Ն հրամանում (այսուհետ՝ հրաման) կատարել հետևյալ փոփոխությունները և լրացումները՝

1) հրամանի 1-ին կետով հաստատված N 1 հավելվածում՝ արտահանման հարկային հայտարարագրի ձևում`

ա. լրացնել հետևյալ բովանդակությամբ 9.1-ին կետով.

բ. 12-րդ կետի աղյուսակի 6-րդ սյունակն ուժը կորցրած ճանաչել,

2) հրամանի 1-ին կետով հաստատված N 1 հավելվածի՝ արտահանման հարկային հայտարարագրի ձևի լրացման կարգի`

ա. 1-ին կետի 1-ին նախադասությունը շարադրել հետևյալ խմբագրությամբ. «Արտահանման հարկային հայտարարագիրը (այսուհետ` Հայտարարագիր) լրացվում և ներկայացվում է հարկային մարմին «Եվրասիական տնտեսական միության մասին» պայմանագրի թիվ 18 հավելվածի 2-րդ բաժնի 4-րդ և 3-րդ կետերին և Հայաստանի Հանրապետության հարկային օրենսգրքի 76-րդ հոդվածի 1-ին և 97-րդ հոդվածի 1-ին մասերին համապատասխան։»,

բ. 13-րդ կետը լրացնել հետևյալ բովանդակությամբ նոր նախադասությունով. «Հայտարարագրի 9.1-ին կետում հարկ վճարողի կողմից լրացվում է տվյալ գործարքի մասով կազմված տարանցման հայտարարագրի կամ ավիաբեռնագրի համարը։ Ընդ որում, նշված փաստաթղթերի բացակայության դեպքում ընտրվում է «համար առկա չէ» հաղորդագրությունը, որից հետո լրացվում է այլ ուղեկցող փաստաթղթի համարը։»,

գ. 17-րդ կետի 5-րդ ենթակետը ուժը կորցրած ճանաչել,

3) հրամանի 1-ին կետով հաստատված N 2 հավելվածի՝ ներմուծման հարկային հայտարարագրի ձևը`

ա. լրացնել հետևյալ բովանդակությամբ 6.2-րդ կետով.

բ. լրացնել հետևյալ բովանդակությամբ 9.1-ին կետով.

գ. 12-րդ կետի աղյուսակի 6-րդ սյունակն ուժը կորցրած ճանաչել,

4) հրամանի 1-ին կետով հաստատված N 2 հավելվածի՝ ներմուծման հարկային հայտարարագրի ձևի լրացման կարգի`

ա. 1-ին կետի 1-ին նախադասությունը շարադրել հետևյալ խմբագրությամբ. «Ներմուծման հարկային հայտարարագիրը (այսուհետ` Հայտարարագիր) լրացվում և ներկայացվում է հարկային մարմին «Եվրասիական տնտեսական միության մասին» պայմանագրի թիվ 18 հավելվածի 3-րդ բաժնի 20-րդ կետին և Հայաստանի Հանրապետության հարկային օրենսգրքի 77-րդ և 98-րդ հոդվածներին համապատասխան։»,

բ. 10-րդ կետը լրացնել հետևյալ բովանդակությամբ նոր նախադասությունով. «Հայտարարագրի 6.2-րդ կետում լրացվում է որպես ֆիզիկական անձ իրականացված ներմուծման գործարքի դեպքում՝ տվյալ ֆիզիկական անձի անձնագրի սերիան և համարը։»,

գ. 14-րդ կետը լրացնել հետևյալ բովանդակությամբ նոր նախադասությունով.

«Հայտարարագրի 9.1-րդ կետում հարկ վճարողի կողմից լրացվում է տվյալ գործարքի մասով կազմված տարանցիկ հայտարարագրի կամ ավիաբեռնագրի համարը։ Ընդ որում, նշված փաստաթղթերի բացակայության դեպքում ընտրվում է «համար առկա չէ» հաղորդագրությունը, որից հետո լրացվում է այլ ուղեկցող փաստաթղթի համարը։»,

դ. 19-րդ կետի 5-րդ ենթակետը ուժը կորցրած ճանաչել,

ե. 19-րդ կետի 6-րդ ենթակետը շարադրել հետևյալ խմբագրությամբ.

«6) 7-րդ սյունակում լրացվում է տվյալ ապրանքների համար օրենսգրքով սահմանված ակցիզային հարկի համապատասխան դրույքաչափը: Ընդ որում, ԱՏԳ ԱԱ 2207 ծածկագրին դասվող ապրանքների համար օրենսգրքով սահմանված դրույքաչափերը հաշվարկելիս հաշվի են առնվում 5-րդ սյունակում նշված սպիրտայնության աստիճանը, իսկ ԱՏԳ ԱԱ 2208 20 ծածկագրին դասվող ապրանքների համար՝ նաև հնացման ժամկետները,»։

2. Սույն հրամանն ուժի մեջ է մտնում 2020 թվականի հունվարի 1-ից: