«Գրանցված է»

ՀՀ արդարադատության

նախարարության կողմից

3 փետրվարի 2012 թ.

Պետական գրանցման թիվ 10012072

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

Հ Ր Ա Մ Ա Ն

«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԹՈՔԻ ՔԱՂՑԿԵՂԻ` ՈՐՊԵՍ ԾԽԱԽՈՏԻ ՕԳՏԱԳՈՐԾՄԱՄԲ ՊԱՅՄԱՆԱՎՈՐՎԱԾ ՀԻՎԱՆԴՈՒԹՅԱՆ, ՀԱՄԱՃԱՐԱԿԱԲԱՆԱԿԱՆ ՀՍԿՈՂՈՒԹՅՈՒՆ» ՍԿ N 3.7-025-11 ՍԱՆԻՏԱՐԱՀԱՄԱՃԱՐԱԿԱՅԻՆ ԿԱՆՈՆՆԵՐԸ ԵՎ ՆՈՐՄԵՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Հայաստանի Հանրապետության բնակչության սանիտարահամաճարակային անվտանգության ապահովման մասին» Հայաստանի Հանրապետության օրենքի 4-րդ հոդվածը և Հայաստանի Հանրապետության կառավարության 2002 թվականի «Հայաստանի Հանրապետության առողջապահության նախարարության աշխատակազմ պետական կառավարչական հիմնարկ ստեղծելու, Հայաստանի Հանրապետության առողջապահության նախարարության կանոնադրությունը և աշխատակազմի կառուցվածքը հաստատելու մասին» N 1300-Ն որոշման 12 կետի «դ» ենթակետը.

Հրամայում եմ`

Հաստատել.

«Հայաստանի Հանրապետությունում թոքի քաղցկեղի` որպես ծխախոտի օգտագործմամբ պայմանավորված հիվանդության, համաճարակաբանական հսկողություն» ՍԿ N 3.7-025-11 սանիտարական կանոնները և նորմերը` համաձայն Հավելվածի:

Հ. Քուշկյան

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԹՈՔԻ ՔԱՂՑԿԵՂԻ` ՈՐՊԵՍ ԾԽԱԽՈՏԻ ՕԳՏԱԳՈՐԾՄԱՄԲ ՊԱՅՄԱՆԱՎՈՐՎԱԾ ՀԻՎԱՆԴՈՒԹՅԱՆ, ՀԱՄԱՃԱՐԱԿԱԲԱՆԱԿԱՆ ՀՍԿՈՂՈՒԹՅՈՒՆ

ՍԿ N 3.7-025-11 ՍԱՆԻՏԱՐԱՀԱՄԱՃԱՐԱԿԱՅԻՆ ԿԱՆՈՆՆԵՐ ԵՎ ՆՈՐՄԵՐ

Բ Ա Ժ Ի Ն  1

ԿԻՐԱՌՄԱՆ ՈԼՈՐՏ

1. Սույն սանիտարահամաճարակային կանոնները և նորմերը նախատեսված են բժշկական օգնություն և սպասարկում իրականացնող այն կազմակերպությունների` անկախ դրանց կազմակերպաիրավական ձևից և գերատեսչական պատկանելությունից, մասնագետների համար, որտեղ իրականացվում է «թոքի քաղցկեղ» հիվանդության վերջնական ախտորոշում, ինչպես նաև Հայաստանի Հանրապետության առողջապահության նախարարության աշխատակազմի պետական հիգիենիկ և հակահամաճարակային տեսչության մասնագետների համար, որոնք ընդգրկված են թոքի քաղցկեղի համաճարակաբանական հսկողությունում:

2. Համաձայն սույն սանիտարահամաճարակային կանոնների և նորմերի` թոքի քաղցկեղի դեպք է համարվում մորֆոլոգիական հետազոտությամբ հաստատված թոքային հյուսվածքներում չարորակ նորագոյացության առկայությունը, այդ թվում` շնչառական ուղիների բջիջների քաղցկեղային ախտահարումը:

Բ Ա Ժ Ի Ն  2

ԹՈՔԻ ՔԱՂՑԿԵՂԻ ԴԵՊՔԻ ՀԱՇՎԱՌՄԱՆ ԵՎ ՀԱՂՈՐԴՄԱՆ ԳՈՐԾԸՆԹԱՑԸ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՈՒՄ

3. Բժշկական օգնություն և սպասարկում իրականացնող կազմակերպությունում անձի մոտ առաջին անգամ թոքի քաղցկեղ ախտորոշման հաստատման դեպքում բժշկի կողմից լրացվում է «Թոքի քաղցկեղի դեպքի հաշվառման և հաղորդման ձևաթուղթ» ԾՀ-1 ձևը` Հավելված 1:

4. «Թոքի քաղցկեղի դեպքի հաշվառման և հաղորդման ձևաթուղթ» ԾՀ-1 ձևը ունենում է համար, որը բաղկացած է հիվանդության պատմության կամ ամբուլատոր բժշկական քարտի համարից և տարեթվից: Նշված բաղադրիչները միմյանցից տարանջատվում են կոտորակի նշանով:

5. «Թոքի քաղցկեղի դեպքի հաշվառման և հաղորդման ձևաթուղթ» ԾՀ-1 ձևը դեպքը արձանագրելուց հետո 1 շաբաթվա ընթացքում բժշկական օգնություն և սպասարկում իրականացնող կազմակերպության կողմից ներկայացվում է Հայաստանի Հանրապետության առողջապահության նախարարության պետական հիգիենիկ և հակահամաճարակային տեսչության համապատասխան մարզային կամ Երևան քաղաքի տարածքային կենտրոն:

6. «Թոքի քաղցկեղի դեպքի հաշվառման և հաղորդման ձևաթուղթ» ԾՀ-1 ձևը Առողջապահության նախարարության պետական հիգիենիկ հակահամաճարակային տեսչության համապատասխան մարզային կամ Երևան քաղաքի տարածքային կենտրոն ներկայացնելու վերաբերյալ հիվանդության պատմության մեջ կամ ամբուլատոր բժշկական քարտում կատարվում է գրառում` նշելով ամսաթիվը և ԾՀ-1 ձևի համարը:

7. Թոքի քաղցկեղի դեպքի հաշվառման և սույն սանիտարահամաճարակային կանոնների և նորմերի համաձայն՝ Հայաստանի Հանրապետության առողջապահության նախարարության պետական հիգիենիկ և հակահամաճարակային տեսչության համապատասխան մարզային կամ Երևան քաղաքի տարածքային կենտրոն հաղորդման համար պատասխանատու է բժշկական օգնություն և սպասարկում իրականացնող տվյալ կազմակերպության ղեկավարը:

Բ Ա Ժ Ի Ն  3

ԹՈՔԻ ՔԱՂՑԿԵՂԻ ԴԵՊՔԻ ՀԱՇՎԱՌՄԱՆ ԳՈՐԾԸՆԹԱՑԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ՊԵՏԱԿԱՆ ՀԻԳԻԵՆԻԿ ԵՎ ՀԱԿԱՀԱՄԱՃԱՐԱԿԱՅԻՆ ՏԵՍՉՈՒԹՅԱՆ ՄԱՐԶԱՅԻՆ ԵՎ ԵՐԵՎԱՆ ՔԱՂԱՔԻ ՏԱՐԱԾՔԱՅԻՆ ԿԵՆՏՐՈՆՆԵՐՈՒՄ

8. Առողջապահության նախարարության պետական հիգիենիկ և հակահամաճարակային տեսչությունում կամ նրա ենթակայության պետական ոչ առևտրային կազմակերպություններում սույն հրամանի Հավելված 2-ով հաստատված «Թոքի քաղցկեղի դեպքի հաշվառման և հաղորդման ձևաթուղթ» ԾՀ-1 ձևերի տվյալները գրանցվում են սույն հրամանի Հավելված 2-ով հաստատված թոքի քաղցկեղի դեպքերի հաշվառման գրանցամատյանում:

9. Հայաստանի Հանրապետության առողջապահության նախարարության պետական հիգիենիկ և հակահամաճարակային տեսչության մարզային կամ Երևան քաղաքի տարածքային կենտրոններում բժշկական օգնություն և սպասարկում իրականացնող կազմակերպություններից ստացված ԾՀ-1 ձևերի տվյալները ամփոփվում են և լրացվում են սույն հրամանի հավելված 3-ով հաստատված ԾՀ-2 եռամսյակային տեղեկատվական ձևերը:

10. Յուրաքանչյուր եռամսյակ, մինչև հաջորդ ամսվա 15-ը, ԾՀ-2 եռամսյակային տեղեկատվական ձևը ներկայացվում է Հայաստանի Հանրապետության առողջապահության նախարարության «Հիվանդությունների վերահսկման և կանխարգելման կենտրոն» փակ բաժնետիրական ընկերություն:

Գ Ր Ա Ն Ց Ա Մ Ա Տ Յ Ա Ն

ԹՈՔԻ ՔԱՂՑԿԵՂԻ ԴԵՊՔԵՐԻ ՀԱՇՎԱՌՄԱՆ

ՁԵՎԱԹՈՒՂԹ

ԹՈՔԻ ՔԱՂՑԿԵՂԻ ԴԵՊՔԵՐԻ ՎԵՐԱԲԵՐՅԱԼ ԵՌԱՄՍՅԱԿԱՅԻՆ ՏԵՂԵԿԱՏՎՈՒԹՅԱՆ