«Վավերացնում եմ»
Հայաստանի Հանրապետության
Նախագահ Լ. Տեր-Պետրոսյան
30 մայիսի 1997 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 մայիսի 1997 թ. N 160

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ ՏՆՕՐԻՆՈՒԹՅԱՆԸ ԳՈՒՅՔ ՀԱՆՁՆԵԼՈՒ ՄԱՍԻՆ

Հայաստանի Հանրապետության պաշտպանության նախարարության ավիացիայի վարչության թռիչքատեխնիկական ուսումնարանի դասընթացների համար անհրաժեշտ պայմաններ ստեղծելու նպատակով Հայաստանի Հանրապետության կառավարությունը որոշում է.

1. «Երևանի N 12 ԲԱՏՁ» բաց բաժնետիրական ընկերությունում Հայաստանի Հանրապետության տրանսպորտի նախարարության տնօրինության տակ գտնվող պետական բաժնեմասի նվազեցման հաշվին Հայաստանի Հանրապետության պաշտպանության նախարարության տնօրինությանը հանձնել 12311 հազ.դրամ արժեքով գույքը (ցանկը կցվում է)` Հայաստանի Հանրապետության պաշտպանության նախարարության ավիացիայի վարչության թռիչքատեխնիկական ուսումնարանին հատկացնելու համար:

2. Սույն որոշման առաջին կետում նշված գույքը Հայաստանի Հանրապետության պաշտպանության նախարարության տնօրինությանը հանձնելու կապակցությամբ «Երևանի N 12 ԲԱՏՁ» բաց բաժնետիրական ընկերությունում Հայաստանի Հանրապետության տրանսպորտի նախարարության տնօրինության տակ գտնվող պետական բաժնեմասը սահմանել 23.71 տոկոս:

(2-րդ կետը փոփ. 19.12.02 N 2084-Ն)

3. Երևանի քաղաքապետին` «Երևանի N 12 ԲԱՏՁ» բաց բաժնետիրական ընկերության տարածքից 0.62 հեկտար սահմանված կարգով մշտական օգտագործման հանձնել Հայաստանի Հանրապետության պաշտպանության նախարարության ավիացիայի վարչության թռիչքատեխնիկական ուսումնարանին` ճշտելով դրա սահմանները:

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ ԱՎԻԱՑԻԱՅԻ ՎԱՐՉՈՒԹՅԱՆ ԹՌԻՉՔԱՏԵԽՆԻԿԱԿԱՆ ՈՒՍՈՒՄՆԱՐԱՆԻՆ ՀԱՏԿԱՑՎԱԾ ԳՈՒՅՔԻ