«Գրանցված է»
ՀՀ արդարադատության
նախարարության կողմից
2 օգոստոսի 2006 թ.
Պետական գրանցման թիվ 10006225

Հ Ա Մ Ա Տ Ե Ղ  Հ Ր Ա Մ Ա Ն

ԲԺՇԿԱԿԱՆ ՀԱՍՏԱՏՈՒԹՅՈՒՆՆԵՐԻ ԿՈՂՄԻՑ ԱՆՁԱՆՑ ԲԺՇԿԱՍՈՑԻԱԼԱԿԱՆ ՓՈՐՁԱՔՆՆՈՒԹՅԱՆ ՈՒՂԵԳՐՄԱՆ ԿԱՐԳԸ ԵՎ ՏՐՎՈՂ ՈՒՂԵԳՐԻ ՁԵՎԵՐԸ ՀԱՍՏԱՏԵԼՈՒ ՄԱՍԻՆ

Ի կատարումն ՀՀ կառավարության 02.03.2006թ. «Բժշկասոցիալական փորձաքննության իրականացման կարգը հաստատելու մասին» N 276-Ն որոշման 3-րդ կետի, ինչպես նաև բժշկական հաստատությունների կողմից անձանց բժշկասոցիալական փորձաքննության ուղեգրման գործընթացի կանոնակարգման և բարելավման նպատակով`

ՀՐԱՄԱՅՈՒՄ ԵՆՔ`

1. Հաստատել.

1.1. «Բժշկական հաստատությունների կողմից 18 և բարձր տարիքի անձանց բժշկասոցիալական փորձաքննության ուղեգրման կարգը» (Հավելված N 1).

1.2. «18 և բարձր տարիքի անձի բժշկասոցիալական փորձաքննության ուղեգրի ձևը» (Հավելված N 2).

1.3. «Բժշկական հաստատությունների կողմից մինչև 18 տարեկան երեխաների բժշկասոցիալական փորձաքննության ուղեգրման կարգը» (Հավելված N 3).

1.4. «Մինչև 18 տարեկան երեխայի բժշկասոցիալական փորձաքննության ուղեգրի ձևը» (Հավելված N 4).

1.5. «Մինչև 18 տարեկան երեխաների բժշկասոցիալական փորձաքննության ուղեգրերի հաշվառման գրանցամատյանը» (Հավելված N 5).

1.6. «Բժշկափորձագիտական հանձնաժողովի եզրակացությունների գրանցամատյանը» (Հավելված N 6):

2. Բժշկական հաստատությունների ղեկավարներին`

2.1. անձի բժշկասոցիալական փորձաքննության ուղեգրման ժամանակ ղեկավարվել սույն հրամանով հաստատված կարգով և ուղեգրման ձևերով:

3. ՀՀ առողջապահության նախարարի իրավական խորհրդական Ս. Քրմոյանին`

3.1. սույն հրամանը սահմանված կարգով ներկայացնել ՀՀ արդարադատության նախարարություն` պետական իրավական փորձաքննության և պետական գրանցման:

4. Սույն հրամանի հսկողությունը հանձնարարել ՀՀ առողջապահության նախարարի առաջին տեղակալ Հ. Դարբինյանին:

Կ Ա Ր Գ

ԲԺՇԿԱԿԱՆ ՀԱՍՏԱՏՈՒԹՅՈՒՆՆԵՐԻ ԿՈՂՄԻՑ 18 ԵՎ ԲԱՐՁՐ ՏԱՐԻՔԻ ԱՆՁԱՆՑ ԲԺՇԿԱՍՈՑԻԱԼԱԿԱՆ  ՓՈՐՁԱՔՆՆՈՒԹՅԱՆ ՈՒՂԵԳՐՄԱՆ

1.  Սույն կարգով սահմանվում է բժշկական հաստատությունների կողմից 18 և բարձր տարիքի անձանց բժշկասոցիալական փորձաքննության ուղեգրման կարգը:

2. Հիվանդության, վնասվածքի կամ խեղման հետևանքով օրգանիզմի ֆունկցիաների կայուն կամ տևական խանգարման առկայության դեպքում համապատասխան բուժում, սպասարկում, վերականգնում իրականացրած բժշկական հաստատության կողմից անձն ուղեգրվում է բժշկասոցիալական փորձաքննության:

3. 18 և բարձր տարիքի անձանց ուղեգրումը բժշկասոցիալական փորձաքննության իրականացվում է անհրաժեշտ ախտորոշիչ, բուժական և վերականգնողական միջոցառումների իրականացումից հետո, իսկ տևական բուժում պահանջող հիվանդությունների ժամանակ` նաև բուժման ընթացքում:

4. 18 և բարձր տարիքի անձանց բժշկասոցիալական փորձաքննության է ուղեգրում բժշկափորձագիտական հանձնաժողովը (ԲՓՀ), իսկ հանձնաժողովի բացակայության դեպքում ուղեգրումն իրականացվում է բժշկական հաստատության տնօրենի և բուժող բժշկի կողմից:

4.1. ԲՓՀ-ի առկայության դեպքում բուժող բժշկի (ընտանեկան բժիշկ, տեղամասային թերապևտ, նեղ մասնագետ) կողմից լրացվում է «18 և բարձր տարիքի անձի բժշկասոցիալական փորձաքննության ուղեգիր (Ձև N 088)» և ներկայացվում է բժշկափորձագիտական հանձնաժողովին: «18 և բարձր տարիքի անձի բժշկասոցիալական փորձաքննության ուղեգիրը (Ձև N 088)» ստորագրվում է բուժող բժշկի, բժշկափորձագիտական հանձնաժողովի կողմից և վավերացվում տվյալ բժշկական հաստատության բժշկափորձագիտական հանձնաժողովի կնիքով:

4.2. ԲՓՀ- ի բացակայության դեպքում բուժող բժշկի (ընտանեկան բժիշկ, տեղամասային թերապևտ, նեղ մասնագետ) կողմից լրացվում է «18 և բարձր տարիքի անձի բժշկասոցիալական փորձաքննության ուղեգիր (Ձև N 088)» և ներկայացվում է բժշկական հաստատության տնօրենին: «18 և բարձր տարիքի անձի բժշկասոցիալական փորձաքննության ուղեգիրը (Ձև N 088)» ստորագրվում է բուժող բժշկի, բժշկական հաստատության տնօրենի կողմից և վավերացվում բժշկական հաստատության կնիքով:

4.3. «18 և բարձր տարիքի անձի բժշկասոցիալական փորձաքննության ուղեգրում (Ձև
N 088)» նշվում է բժշկասոցիալական փորձաքննության ուղեգրման նպատակը և հիմնավորումը, ինչպես նաև իրականացված բժշկական միջոցառումները և այդ միջոցառումների արդյունքները:

5. Բժշկափորձագիտական հանձնաժողովի որոշումները գրանցվում են մատյանում (Ձև N 035-ու):

6. 18 և բարձր տարիքի անձի բժշկասոցիալական փորձաքննության ուղեգրի կտրոնը, բժշկասոցիալական փորձաքննական հանձնաժողովի եզրակացությամբ, վերադարձվում է բժշկական հաստատություն:

18 ԵՎ ԲԱՐՁՐ ՏԱՐԻՔԻ ԱՆՁԻ ԲԺՇԿԱՍՈՑԻԱԼԱԿԱՆ ՓՈՐՁԱՔՆՆՈՒԹՅԱՆ ՈՒՂԵԳԻՐ

ՀԱՂՈՐԴԱԳՐՈՒԹՅՈՒՆ ԲԺՇԿԱԿԱՆ ՀԱՍՏԱՏՈՒԹՅԱՆԸ ԲՍՓ ՈՐՈՇՄԱՆ ՄԱՍԻՆ

Կ Ա Ր Գ

ԲԺՇԿԱԿԱՆ ՀԱՍՏԱՏՈՒԹՅՈՒՆՆԵՐԻ ԿՈՂՄԻՑ ՄԻՆՉԵՎ 18 ՏԱՐԵԿԱՆ ԵՐԵԽԱՆԵՐԻ ԲԺՇԿԱՍՈՑԻԱԼԱԿԱՆ ՓՈՐՁԱՔՆՆՈՒԹՅԱՆ ՈՒՂԵԳՐՄԱՆ

1. Սույն կարգով սահմանվում է մինչև 18 տարեկան երեխայի բժշկասոցիալական փորձաքննության  ուղեգրման (ձև N 088-1) կարգը:

2. Մինչև 18 տարեկան երեխային «հաշմանդամ երեխա» կարգավիճակի տրման նպատակով բժշկասոցիալական փորձաքննության ուղեգրելու գործընթացը և փաստաթղթերի նախապատրաստումը իրականացվում է երեխաների բուժօգնություն կամ սպասարկում իրականացնող տարածքային սպասարկման բժշկական հաստատության կողմից:

3. Մինչև 18 տարեկան երեխան «հաշմանդամ երեխա» կարգավիճակի տրման նպատակով բժշկասոցիալական փորձաքննության ուղեգրվում է  բժշկական հաստատության համապատասխան հանձնաժողովի կողմից: Հանձնաժողովում ընդգրկվում են`

3.1. Երևան, Գյումրի, Վանաձոր քաղաքների համար` երեխայի տարածքային սպասարկման բժշկական հաստատության ղեկավարը, մանկության գծով տեղակալը կամ մանկական ծառայության ղեկավարը և (կամ մանկաբուժական բաժնի վարիչը, տեղամասային մանկաբույժը (ընտանեկան բժիշկը)  և համապատասխան նեղ մասնագետը` ըստ հիվանդության պրոֆիլի (եթե մասնագետը առկա է):

3.2. Մարզային ենթակայության տարածաշրջաններում`

3.2.1. ըստ վարչատարածքների` երեխայի տարածքային սպասարկման բժշկական հաստատության տնօրենը, մանկական գծով տեղակալը և/կամ տարածաշրջանային պատասխանատու մանկաբույժը, տեղամասային մանկաբույժը (ընտանեկան բժիշկը) և համապատասխան նեղ մասնագետը (եթե մասնագետը առկա է): Վերոնշյալը տարածվում է նաև առանձին իրավաբանական անձի կարգավիճակ չունեցող (տարածաշրջանային պոլիկլինիկայի կառուցվածքում գտնվող) գյուղական բժշկական ամբուլատորիայի և գյուղական առողջության կենտրոնի վրա.

3.2.2. գյուղական բնակության վայրերում` գյուղական բժշկական ամբուլատորիայի կամ առողջության կենտրոնի տնօրենը, տարածաշրջանային պատասխանատու մանկաբույժը (տվյալ գյուղական առողջության կենտրոնի կամ ամբուլատորիայի տարածքում գտնվող տարածաշրջանային պոլիկլինիկայի մանկական ստորաբաժանման ղեկավարը) և տեղամասային բժիշկը (մանկաբույժը, ընտանեկան բժիշկը, թերապևտը):

4. Հանձնաժողովի որոշման հիման վրա երեխային սպասարկող տեղամասային բժշկի (մանկաբույժ, ընտանեկան բժիշկ) կողմից  լրացվում է «Մինչև 18 տարեկան երեխայի բժշկասոցիալական փորձաքննության ուղեգիր (Ձև N 088-1)», որը ստորագրվում է հանձնաժողովի անդամների կողմից և վավերացվում բժշկական հաստատության կլոր կնիքով:

5. Մինչև 18 տարեկան երեխային «հաշմանդամ երեխա» կարգավիճակի տրման համար փորձաքննության ուղեգիրը (Ձև N 088-1) լրացվում է համապատասխան հիվանդանոցային բուժհաստատության, մասնագիտացված կենտրոնների կամ դիսպանսերների (բաժանմունքների) կողմից վերջին վեց ամսվա ընթացքում տրված եզրակացության կամ էպիկրիզի հիման վրա, որտեղ պետք է նշվի նաև տվյալ ֆունկցիայի խանգարման ծանրության աստիճանը:

6. Բժշկասոցիալական փորձաքննության ուղեգրելիս անհրաժեշտ է նշել ուղեգրման նպատակը և հիմնավորել` նշելով նաև իրականացված բժշկական միջոցառումների և դրանց արդյունքների մասին:

7. Մինչև 18 տարեկան երեխաների բժշկասոցիալական փորձաքննության ուղեգրերը  (ձև N 088-1) հաշվառվում են գրանցամատյանում (Հավելված N 5):

8. Մինչև 18 տարեկան երեխայի բժշկասոցիալական ուղեգրի կտրոնը, բժշկասոցիալական փորձաքննական հանձնաժողովի եզրակացությամբ, վերադարձվում է երեխայի տարածքային սպասարկման բժշկական հաստատություն:

9. Մինչև 18 տարեկան երեխային «հաշմանդամ երեխա» կարգավիճակի տրման նպատակով բժշկասոցիալական փորձաքննության ուղեգրելու գործընթացը և փաստաթղթերի նախապատրաստման համակարգումը կատարվում է տարածաշրջանային պատասխանատու մանկաբույժների (տարածաշրջանային բժշկական հաստատության մանկության գծով տեղակալ կամ մանկական ստորաբաժանման ղեկավար), իսկ հսկողությունը` մարզային առողջապահության վարչությունների (բաժինների) կողմից:

Մինչև 18 տարեկան երեխայի բժշկասոցիալական փորձաքննության ուղեգիր

N _______
 

Գ Ր Ա Ն Ց Ա Մ Ա Տ Յ Ա Ն

ՄԻՆՉԵՎ 18 ՏԱՐԵԿԱՆ ԵՐԵԽԱՆԵՐԻ ԲԺՇԿԱՍՈՑԻԱԼԱԿԱՆ ՓՈՐՁԱՔՆՆՈՒԹՅԱՆ ՈՒՂԵԳՐԵՐԻ (Ձև N 088-1) ՀԱՇՎԱՌՄԱՆ

Գ Ր Ա Ն Ց Ա Մ Ա Տ Յ Ա Ն