ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 մարտի 2025 թվականի N 341-Ն

Հիմք ընդունելով «Ֆիզիկական կուլտուրայի և սպորտի մասին» օրենքի 7-րդ հոդվածի «դ» կետի «դ.1» և «դ.12» ենթակետերը՝ Հայաստանի Հանրապետության կառավարությունը որոշում է.

1. Հաստատել հանրության շրջանում առողջ ապրելակերպի խրախուսման և երթևեկության այլընտրանքային ձևերի խթանման միջոցառումը՝ համաձայն հավելվածի:

2. Հանձնարարել Հայաստանի Հանրապետության կրթության, գիտության, մշակույթի և սպորտի նախարարին՝ մինչև 2025 թվականի մայիսի 31-ը, համագործակցելով Հայաստանի Հանրապետության ֆինանսների նախարարության և Հայաստանի Հանրապետության կենտրոնական բանկի հետ, Հայաստանի Հանրապետության կառավարության հաստատմանը ներկայացնել միջոցառման իրականացման կարգը՝ այնտեղ ամրագրելով նաև գործընթացի հրապարակային և թափանցիկ իրականացման մեխանիզմներ:

1. Հանրության շրջանում առողջ ապրելակերպի խրախուսման և երթևեկության այլընտրանքային ձևերի խթանման միջոցառման (այսուհետ՝ միջոցառում) նպատակն է բարձրագույն ուսումնական հաստատությունների և մասնագիտական կրթության և ուսուցման հաստատությունների սովորողների ու աշխատակիցների համար ստեղծել ֆինանսական միջոցների հասանելիություն՝ ձեռք բերելու հեծանիվներ, որոնք կծառայեն որպես տրանսպորտային միջոց վերջիններիս համար և այդպիսով կխրախուսեն սովորողների և աշխատակիցների ֆիզիկական առողջ ակտիվությունը՝ խթանելով երթևեկության այլընտրանքային ձևերի օգտագործումը Հայաստանի Հանրապետությունում, որը կփոխի երթևեկության հանրային մշակույթը՝ նպաստելով խցանումների նվազմանը քաղաքային բնակավայրերում և ներդնելով երթևեկության կանաչ տեխնոլոգիաներ։

2. Սույն միջոցառման իմաստով շահառու են հանդիսանում Հայաստանի Հանրապետության տարածքում գործող, արհեստագործական, միջին մասնագիտական կամ բարձրագույն կրթական ծրագիր իրականացնող պետական և հավատարմագրված ոչ պետական ուսումնական հաստատությունների սովորողները և աշխատողները (այսուհետ՝ շահառուներ): Որպես վարկառու կարող է հանդիսանալ կամ շահառուն (եթե աշխատող է կամ վերջինիս ընտանիքի աշխատող անդամը:

3. Օժանդակությունը տրամադրվում է շահառուներին՝ Հայաստանի Հանրապետության տարածքում գործող և լիցենզավորված բանկերից կամ վարկային կազմակերպություններից (այսուհետ՝ ֆինանսական կազմակերպություն) ստացվող նպատակային վարկերի տոկոսադրույքի սուբսիդավորման ձևով: Ընդ որում, վարկերի վերադարձի ռիսկն ամբողջությամբ կրում է ֆինանսական կազմակերպությունը:

4․ ՕԺԱՆԴԱԿՈՒԹՅԱՆ ԳՈՐԾԻՔԻ ՆԵՐՔՈ ՍՏԱՑՎԵԼԻՔ ՎԱՐԿԵՐԻ ՆՊԱՏԱԿԸ

4. Օժանդակությունը կիրառելի է այն վարկերի համար, որոնք տրամադրվում են շահառուներին (վարկառուներին) ապառիկ վարկավորման պրոդուկտների շրջանակում ֆինանսական կազմակերպությունների հետ համագործակցող կազմակերպություններից (որոնց կողմից վաճառվող ապրանքների ցանկում պարտադիր առկա է հեծանիվ ապրանքատեսակը) նոր (չօգտագործված) հեծանիվների գնման նպատակով։

5. Միևնույն շահառուն (վարկառուն) միջոցառման շրջանակներում կարող է օգտվել օժանդակության ներքո կիրառելի վարկից մեկ անգամ։

6. Օժանդակության գործիքների կիրառմամբ տրամադրվող վարկերը պետք է համապատասխանեն հետևյալ պահանջներին՝

1) արժույթը՝ դրամով.

2) ժամկետը՝

3) վարկային միջոցների օգտագործման կարգը՝ միայն անկանխիկ.

4) վարկի տրամադրման և սպասարկման ընթացքում միջնորդավճարներ, վաղաժամկետ մարման համար տույժեր/տուգանքներ կամ այլ վճարներ չեն կիրառվում.

5) վարկի տոկոսադրույքի սուբսիդավորման հաշվարկումն սկսվում է պայմանագրի կնքման օրվանից.

6) վարկի մարման եղանակը՝ անուիտետային:

7. Վարկի տոկոսադրույքների սուբսիդավորումը կատարվում է Հայաստանի Հանրապետության պետական բյուջեով` ֆինանսական կազմակերպությունների հետ կնքված պայմանագրերի հիման վրա։

8. Շահառուն հնարավորություն ունի սույն միջոցառման 6-րդ կետի 2-րդ ենթակետով սահմանված առավելագույն գումարի սահմաններում սույն միջոցառմամբ սահմանված նպատակներով ստանալ վարկ։

9. Սույն միջոցառման շրջանակում վարկ ստանալու նպատակով ցանկացած շահառու (կամ վերջինիս աշխատող ընտանիքի անդամը), որը համապատասխանում է սույն միջոցառմամբ նախատեսված պայմաններին, կարող է հայտ ներկայացնել ֆինանսական կազմակերպություն, որի բավարարման դեպքում սույն միջոցառմամբ սահմանված կանոնների համաձայն սուբսիդավորվում է տվյալ վարկի տոկոսադրույքի տարեկան 16 տոկոսային կետին համարժեք մասը (գումարը)՝ վարկի մարման ժամկետի՝ սույն հավելվածի 6-րդ կետի 2-րդ ենթակետում նշված ժամանակահատվածի համար:

10. Վարկի գործողության ընթացքում սուբսիդավորման գումարի տրամադրումը դադարեցվում է հետևյալ դեպքերում՝

1) վարկի ամբողջական մարման դեպքում․

2) վարկի գործողության ընթացքում վարկառուի կողմից կատարվող ամսական վճարումների շրջանակներում 90 օրվանից ավելի ժամկետանց պարտավորությունների առկայության դեպքում։

8․ ՄԻՋՈՑԱՌՄԱՆ ԱՅԼ ՄԱՆՐԱՄԱՍՆԵՐ

11․ Սույն միջոցառմանը մասնակցելու համար դիմումների ներկայացման ժամկետը՝ սկսած 2025 թվականի սեպտեմբերի 1-ից մինչև 2027 թվականի դեկտեմբերի 31-ը ներառյալ։

12․ Սույն միջոցառմանը կարող են մասնակցել հավելվածում նշված պայմանները բավարարող բոլոր շահառուները՝ անկախ նախկինում պետական աջակցության միջոցառումներին մասնակցած լինելու փաստից։