ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

8 մայիսի 2024 թվականի N 653-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ՀՈՒԼԻՍԻ 27-Ի N 1252-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 34-րդ հոդվածը` Հայաստանի Հանրապետության կառավարությունը որոշում է.

1․ Հայաստանի Հանրապետության կառավարության 2023 թվականի հուլիսի 27-ի «Գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ սակագնային, մասնավորապես, ներմուծման մաքսատուրքից ազատելու արտոնությունից օգտվելու համար «ԿԱՄԱՐ 006» սահմանափակ պատասխանատվությամբ ընկերության կողմից ներկայացված հայտը բավարարելու և «ԿԱՄԱՐ 006» սահմանափակ պատասխանատվությամբ ընկերության, «ԱԿԲԱ ԼԻԶԻՆԳ» ՎԿ փակ բաժնետիրական ընկերության նկատմամբ արտոնությունը կիրառելու մասին» N 1252-Ա որոշմամբ հաստատված հավելվածում կատարել հետևյալ փոփոխությունները՝

1) 1-ին կետի «Անվանումը» սյունակում «HMK 390 LC» բառերը փոխարինել «HIDROMEK HMK 390 LC-3 /VIN-HMKH3750HP1372057/ 07/2023Թ․/» բառերով․

2) 1-ին կետի «Տեխնիկական բնութագիրը» սյունակում «Թրթուրավոր էքսկավատոր» բառերը փոխարինել «Լրիվ դարձկեն թրթուրավոր էքսկավատոր» բառերով.

3) 2-րդ կետի «Անվանումը» սյունակում «HMK 390 LC H4» բառերը փոխարինել «HIDROMEK HMK 390 LC-3 /VIN-HMKH3750CP1372059/ 10/2023Թ․/» բառերով․

4) 2-րդ կետի «Տեխնիկական բնութագիրը» սյունակում «Թրթուրավոր էքսկավատոր» բառերը փոխարինել «Լրիվ դարձկեն թրթուրավոր էքսկավատոր» բառերով: