ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 մարտի 2024 թվականի N 406-Ն

Հիմք ընդունելով «Էկոպարեկային ծառայության մասին» Հայաստանի Հանրապետության օրենքի 30-րդ հոդվածի 3-րդ մասը՝ Հայաստանի Հանրապետության կառավարությունը որոշում է.

1. Սահմանել էկոպարեկային ծառայողներին ծառայողական զենք և անձնական պաշտպանության հատուկ միջոցներ տրամադրելու կարգը՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության փոխվարչապետ	Մ. Գրիգորյան
Երևան

21.03.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2024 թվականի մարտի 21-ի N 406-Ն որոշման

1. Սույն կարգով կարգավորվում են էկոպարեկային ծառայության (այսուհետ` ծառայություն) ծառայողին (այսուհետ` ծառայող) ծառայողական զենք (այսուհետ` զենք) և անձնական պաշտպանության հատուկ միջոցներ տրամադրելու հետ կապված հարաբերությունները:

2. Ծառայողական խնդիրների լուծման նպատակով զենք և անձնական պաշտպանության հատուկ միջոցներ հատկացվում են այն ծառայողներին, որոնք անցել են «Էկոպարեկային ծառայության մասին» օրենքով (այսուհետ՝ օրենք) սահմանված հատուկ ուսուցման ծրագիրը։

3. Ծառայողին զենք և անձնական պաշտպանության հատուկ միջոցներ հատկացնելու համար հիմք է նրա զեկուցագիրը` համաձայն NN 1 և 2 ձևերի, ուղղված ծառայության պետին` իր անմիջական ղեկավարի միջնորդությամբ:

4. Օրենքով սահմանված կարգով հատուկ ուսուցումն անցած և այն դրական հանձնած ծառայողի զեկուցագիրը (թույլտվության մակագրությամբ) ու ուսումնական հաստատության կողմից տրված վկայականը ներկայացվում են տվյալ ստորաբաժանման սպառազինության համար պատասխանատու անձին (այսուհետ՝ հերթափոխի տեսուչ)` զենքը և անձնական պաշտպանության հատուկ միջոցները տվյալ ծառայողին հատկացնելու համար: Ծառայողի զեկուցագիրն (թույլտվության մակագրությամբ) ու ուսումնական հաստատության կողմից տրամադրված վկայականը գրանցվում են հաշվեցուցակային զենք և անձնական պաշտպանության հատուկ միջոցներ հատկացնելու թույլտվությունների հաշվառման մատյանում` համաձայն NN 3 և 4 ձևերի։

5․ Զենքը և անձնական պաշտպանության հատուկ միջոցները ծառայողը հանձնման-ընդունման ակտով ստանում է հերթափոխի տեսուչից:

6․ Ծառայողին տրամադրվող զենքի հետ միասին տրվում են զենքը կրելու համար նախատեսված համապատասխան հարմարանքներ, ինչպես նաև զենքի խնամքի համար նախատեսված պարագաներ:

7. Զենք և անձնական պաշտպանության հատուկ միջոցներ հատկացնելու թույլտվությունների հաշվառման մատյանները վարում է հերթափոխի տեսուչը:

8. Պետական կառավարման այլ մարմիններ գործուղված ծառայողին զենք և անձնական պաշտպանության հատուկ միջոցներ հատկացվում են գործուղման վայրի ղեկավարի հիմնավորված միջնորդագրի հիման վրա:

9․ Ծառայողի լիազորությունները դադարելու կամ ծառայությունից ազատվելու դեպքում տրամադրված զենքը և անձնական պաշտպանության հատուկ միջոցները ծառայողը ծառայության վերջին օրվա ավարտին հանձնման-ընդունման ակտով հանձնում է հերթափոխի տեսուչին:

Ձև N 1

Էկոպարեկային ծառայության պետ

______________________________ -ին

(անունը, ազգանունը)

Խնդրում եմ Ձեր թույլտվությունը` պահելու և կրելու իրավունքով հաշվեցուցակային զենք ստանալու համար։

Զենքի նյութական մասը, պահելու և կրելու կարգը, գործադրելու (կիրառելու) և օգտագործելու իրավական հիմքերն ուսումնասիրել եմ:

Զենքը պահելու անվտանգության պայմաններն աշխատավայրում և բնակության վայրում (բարձրագույն խմբի պաշտոն զբաղեցնողների դեպքում) ապահովում եմ:

Տեղյակ եմ զենքի անօրինական գործադրման (կիրառման) կամ օգտագործման հետևանքների մասին:

_________________________________ (պաշտոնը)   ________________    ________________    (ստորագրությունը)   (անունը, ազգանունը)   ____ _____________ 20   թ.

«Միջնորդում եմ հատկացնել հաշվեցուցակային զենք» _______________________________          (անմիջական ղեկավարի պաշտոնը) ____________       _____________   (ստորագրությունը)   (անունը, ազգանունը)   ____ _____________ 20   թ.

Ձև N 2

Էկոպարեկային ծառայության պետ

______________________________ -ին

(անունը, ազգանունը)

Խնդրում եմ Ձեր թույլտվությունը` պահելու և կրելու իրավունքով անձնական պաշտպանության հատուկ միջոցներ ստանալու համար։

Անձնական պաշտպանության հատուկ միջոցների անվտանգության պահանջների պահպանման հիմքերն ուսումնասիրել եմ:

Տեղյակ եմ անձնական պաշտպանության հատուկ միջոցների անօրինական գործադրման (կիրառման) կամ օգտագործման հետևանքների մասին:

_________________________________ (պաշտոնը)   ________________    ________________    (ստորագրությունը)   (անունը, ազգանունը)   ____ _____________ 20   թ.

«Միջնորդում եմ հատկացնել անձնական պաշտպանության հատուկ միջոցներ» _______________________________          (անմիջական ղեկավարի պաշտոնը) ____________       _____________   (ստորագրությունը)   (անունը, ազգանունը)   ____ _____________ 20   թ.

Ձև N 3

Ձև N 4

Հայաստանի Հանրապետության վարչապետի աշխատակազմի ղեկավար

Ա. Հարությունյան

21.03.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Պաշտոնական հրապարակման օրը՝ 21 մարտի 2024 թվական: