ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

21 դեկտեմբերի 2023 թվականի N 2268-Ն

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2023 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՕՐԵՆՔՈՒՄ ՎԵՐԱԲԱՇԽՈՒՄ, ՓՈՓՈԽՈՒԹՅՈՒՆՆԵՐ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2022 ԹՎԱԿԱՆԻ ԴԵԿՏԵՄԲԵՐԻ 29-Ի N 2111-Ն ՈՐՈՇՄԱՆ ՄԵՋ, ԳՆՄԱՆ ՊԱՅՄԱՆԱԳՐԵՐՈՒՄ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Հայաստանի Հանրապետության բյուջետային համակարգի մասին» օրենքի 23-րդ հոդվածի 3-րդ մասը, «Նորմատիվ իրավական ակտերի մասին» օրենքի 33-րդ և 34-րդ հոդվածները, ինչպես նաև Հայաստանի Հանրապետության կառավարության 2017 թվականի մայիսի 4-ի N 526-Ն որոշման N 1 հավելվածի 57.1-ին կետը` Հայաստանի Հանրապետության կառավարությունը որոշում է.

1. «Հայաստանի Հանրապետության 2023 թվականի պետական բյուջեի մասին» Հայաստանի Հանրապետության օրենքի N 1 հավելվածի N 2 աղյուսակում կատարել վերաբաշխում, N 1 հավելվածի N 3 աղյուսակում՝ փոփոխություններ և Հայաստանի Հանրապետության կառավարության 2022 թվականի դեկտեմբերի 29-ի «Հայաստանի Հանրապետության 2023 թվականի պետական բյուջեի կատարումն ապահովող միջոցառումների մասին» N 2111-Ն որոշման NN 3, 4, 5, 9, 9․1 և 10 հավելվածներում կատարել փոփոխություններ ու լրացումներ` համաձայն NN 1, 2, 3, 4, 5 և 6 հավելվածների։

2. Թույլատրել Հայաստանի Հանրապետության պետական եկամուտների կոմիտեին՝

1) «ԱՐՏԿՈՆ» ՓԲԸ-ի հետ կնքված՝ 2023 թվականի հունիսի 20-ի N ՊԵԿՀՄԱ-ԱՇՁԲ-23/2 պայմանագրի ժամկետը երկարացնել մինչև 2023 թվականի դեկտեմբերի 28-ը.

2) «ԱՐՏԿՈՆ» ՓԲԸ-ի հետ կնքված՝ 2023 թվականի օգոստոսի 17-ի N ՊԵԿՀՄԱ-ԱՇՁԲ-23/4 պայմանագրի ժամկետը երկարացնել մինչև 2023 թվականի դեկտեմբերի 28-ը և հաստատել նոր ծավալաթերթ-նախահաշիվը՝ չկիրառելով Հայաստանի Հանրապետության կառավարության 2017 թվականի մայիսի 4-ի N 526-Ն որոշման N 1 հավելվածի 56-րդ կետի 2-րդ (29,8 տոկոս), 3-րդ (18 տոկոս) և 4-րդ ենթակետերի պահանջները` համաձայն N 7 հավելվածի.

3) «ԱՐՏԿՈՆ» ՓԲԸ-ի հետ 2023 թվականի հունիսի 20-ին կնքված N ՊԵԿՀՄԱ-ԱՇՁԲ-23/2 պայմանագրով վճարված 4.6 մլն դրամ գումարը համարել նույն կազմակերպության հետ 2023 թվականի օգոստոսին 17-ին կնքված N ՊԵԿ-ՀՄԱԱՇՁԲ-23/4 պայմանագրի շրջանակներում կատարված աշխատանքների դիմաց վճարում:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 22 դեկտեմբերի 2023 թվական: