ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

24 հունիսի 1991 թվականի N 420

քաղ. Երևան

Տնամերձ ԵՎ այգեգործական (ամառանոցային) հողերի օգտագործումը կարգավորելու մասին

Հայաստանի Հանրապետության Նախարարների խորհուրդը որոշում է`

1. Հայաստանի Հանրապետության քաղաքացիներին այգեգործության (ամառանոցային) նպատակով հատկացված հողերը 1991 թվականի մարտի 15-ից համարել նրանց սեփականությունը:

2. Սահմանել, որ տնամերձի համար և այգեգործության (ամառանոցային) նպատակով տրված հողամասերը վաճառելիս գանձվում է տվյալ գյուղական խորհրդի վարչական տարածքի վարելահողերի առկա կարգի լրիվ կադաստրային արժեքի միջին գումարը (զուտ եկամուտ X 12), իսկ մասնակի հատուցմամբ տրված տնամերձ հողամասերը վաճառելիս` այդ գումարից հանվում է մուծված մասնակի հատուցման չափը:

Տնամերձ և այգեգործական (ամառանոցային) հողամասերի մեկ անգամից ավելի վաճառելու դեպքում կադաստրային միջին արժեքի գումարը չի գանձվում:

3. Եթե քաղաքներում, քաղաքատիպ ավաններում բնակվող քաղաքացին սեփականության իրավունքով ունի 0,04 հա և ավելի հողամաս, նրան այգեգործության (ամառանոցային) նպատակով նոր հողամաս չի հատկացվում:

4. Եթե քաղաքացին օգտագործում է հողակադաստրային գրքով գրանցված, տնամերձ հողամասի ու սեփականաշնորհված հողաբաժնից ավելի հողատարածք և այն օրենքով սահմանված կարգով հնարավոր չէ օտարել կամ օգտագործել այլ կարիքների համար, ապա նշված հողակտորը սեփականության իրավունքով վաճառվում է փաստացի օգտագործողին` տվյալ տարվա այդ հողակտորի համար սահմանված կադաստրային գնահատման արժեքով (զուտ եկամուտ x 50):

(4-րդ կետը խմբ. 06.02.96 N 31)

5. Այգեգործական (ամառանոցային) հողամասերի օգտագործումը կարգավորելու հետևանքով առաջացած մանր հողակտորները, եթե դրանք օրենքով սահմանված կարգով նպատակահարմար չէ օտարելու կամ այլ կարիքների համար օգտագործելու, վաճառվում է փաստացի օգտագործողին, այդ տարածության համար վճարելով տվյալ գյուղի հողերի գնահատման համապատասխան խմբի հողատեսքերի համար սահմանված կադաստրային գնահատման արժեքը (զուտ եկամուտ X 50): Այգեգործության (ամառանոցային) նպատակով օգտագործվող հողերից հարկ չի գանձվում:

(5-րդ կետը լրաց. 10.02.92 N 99, փոփ. 23.09.94 N 455, 06.02.96 N 31)

6. Սահմանել, որ տնամերձ և այգեգործության (ամառանոցային) հողերի վաճառքից գանձված գումարները համաձայն Հայաստանի Հանրապետության «Գյուղացիական և գյուղացիական կոլեկտիվ տնտեսությունների մասին» օրենքի 5-րդ հոդվածի փոխանցվում են բաժնետիրական-առևտրային ագրոարդբանկի հայկական բանկի հատուկ հաշվին, որը տնօրինում է Հայաստանի Հանրապետության Նախարարների խորհուրդը:

7. Տնամերձ և այգեգործական (ամառանոցային) հողամասերի համար գանձվում է հողի հարկ` «Հողի հարկի մասին» Հայաստանի Հանրապետության օրենքով սահմանված կարգով և չափով:

(7-րդ կետը լրաց. 23.09.94 N 455)