ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

19 հոկտեմբերի 1993 թվականի N 531

քաղ. Երևան

 ԼԵԶՎԻ ՊԵՏԱԿԱՆ ՏԵՍՉՈՒԹՅԱՆ ՄԱՍԻՆ

Ի կատարումն Հայաստանի Հանրապետության Գերագույն խորհրդի 1993 թվականի մարտի 30-ի «Լեզվի մասին» Հայաստանի Հանրապետության օրենքի կիրարկման կարգի մասին» որոշման, Հայաստանի Հանրապետության կառավարությունը որոշում է`

1. Ստեղծել Հայաստանի Հանրապետության կառավարությանն առընթեր լեզվի պետական տեսչություն:

2. Հանձնարարել Հայաստանի Հանրապետության կառավարությանն առընթեր լեզվի պետական տեսչությանը`

ա) սահմանված կարգով 20-օրյա ժամկետում Հայաստանի Հանրապետության կառավարության հաստատմանը ներկայացնել տեսչության կանոնադրությունը.

բ) մինչև 1993 թվականի նոյեմբերի 15-ը Հայաստանի Հանրապետության կառավարության հաստատմանը ներկայացնել Հայաստանի Հանրապետության լեզվական քաղաքականության պետական ծրագիրը.

գ) մինչև 1993 թվականի նոյեմբերի 15-ը Հայաստանի Հանրապետության կառավարության հաստատմանը ներկայացնել սպասարկման ոլորտի այն ծառայությունների ցանկը, որոնց վրա տարածվում են «Լեզվի մասին» Հայաստանի Հանրապետության օրենքի 3 հոդվածի 1-ին մասի պահանջները:

3. (կետն ուժը կորցրել է 02.07.01 N 588)

4. Սահմանել Հայաստանի Հանրապետության կառավարությանն առընթեր լեզվի պետական տեսչության համար ծառայողական մարդատար ավտոմեքենայի 1 միավոր սահմանաքանակ:

5. Հայաստանի Հանրապետության ֆինանսների նախարարությանը` միջոցներ նախատեսել Հայաստանի Հանրապետության կառավարությանն առընթեր լեզվի պետական տեսչության ապարատի պահպանման համար և Հայաստանի Հանրապետության կառավարություն ներկայացնել առաջարկություն տեսչության ապարատի աշխատողների թվաքանակի ու աշխատանքի վարձատրության ֆոնդի վերաբերյալ:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ