ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 փետրվարի 2023 թվականի N 197-Ա

Ղեկավարվելով Հայաստանի Հանրապետության հողային օրենսգրքի 63.1-ին հոդվածի 1-ին մասով և «Նորմատիվ իրավական ակտերի մասին» օրենքի 37-րդ հոդվածով՝ Հայաստանի Հանրապետության կառավարությունը որոշում է.

1. Թույլատրել Իրանի Իսլամական Հանրապետությանն օրենքով սահմանված կարգով, սեփականության իրավունքով Հայաստանի Հանրապետությունում ձեռք բերել Լիլիթ Լևոնի Խաչատրյանին սեփականության իրավունքով պատկանող՝ Հայաստանի Հանրապետություն, քաղ. Երևան, Ավան, Հ. Աճառյան փողոց 35/23 բնակելի տուն հասցեում գտնվող անշարժ գույքը, որը բաղկացած է 0.07826, 0.01625, 0.002965 հեկտար հողամասերից (կադաստրային ծածկագիրը՝ 01-002-0214-0172, 01-002-0214-0260, 01-002-0214-0454, նպատակային նշանակությունը՝ բնակավայրերի, գործառնական նշանակությունը կամ հողատեսքը՝ խառը կառուցապատման, բնակելի կառուցապատման, գրանցված իրավունքի տեսակը՝ սեփականություն, վկայական N 10012023-01-0096, գաղտնաբառ՝ 1MHMC6BKCNBU)՝ դեսպանի կեցավայրի տեղակայման համար:

2. Ուժը կորցրած ճանաչել Հայաստանի Հանրապետության կառավարության 2022 թվականի հուլիսի 28-ի «Իրանի Իսլամական Հանրապետությանը Հայաստանի Հանրապետությունում հողամաս ձեռք բերելու թույլտվություն տրամադրելու մասին» N 1148-Ա որոշումը։

Հայաստանի Հանրապետության վարչապետ	Ն. Փաշինյան
Երևան

16.02.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ