ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎԻ ՈՐՈՇ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Եվրասիական տնտեսական միության մաքսային օրենսգրքի 8-րդ հոդվածի 2-ին կետին և 105-րդ հոդվածի 5-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Մաքսային միության հանձնաժողովի որոշումներում կատարել փոփոխություններ՝ հավելվածի համաձայն։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ՝

Մ. Մյասնիկովիչ

ՀԱՎԵԼՎԱԾ Եվրասիական տնտեսական հանձնաժողովի կոլեգիայի 2021 թվականի նոյեմբերի 23-ի թիվ 152 որոշման

ՓՈՓՈԽՈՒԹՅՈՒՆՆԵՐ

Մաքսային միության հանձնաժողովի որոշումներում կատարվող

Մաքսային միության հանձնաժողովի 2010 թվականի սեպտեմբերի 20-ի թիվ 378 որոշման մեջ.

ա) 1-ին կետի վեցերորդ պարբերությունը շարադրել հետևյալ խմբագրությամբ՝

«մաքսային արժեքի մաքսային հսկողության արդյունքների դասակարգիչ (Հավելված 5).».

բ) մաքսային արժեքների վերաբերյալ որոշումների դասակարգիչը (Հավելված 5) շարադրել հետևյալ խմբագրությամբ՝

«ՀԱՎԵԼՎԱԾ թիվ 5 Մաքսային միության հանձնաժողովի 2010 թվականի սեպտեմբերի 20-ի թիվ 378 որոշման (Եվրասիական տնտեսական հանձնաժողովի կոլեգիայի 2021 թվականի նոյեմբերի 23-ի թիվ 152 որոշման խմբագրությամբ)

ԴԱՍԱԿԱՐԳԻՉ

մաքսային արժեքի մաքսային հսկողության արժեքների

Ծածկագիրը	Անվանումը
0	Ապրանքների հայտարարագրի մեջ ներկայացված՝ ապրանքների մաքսային արժեքի վերաբերյալ տեղեկությունները չեն փոփոխվել (չեն լրացվել)
1	Ապրանքների հայտարարագրի մեջ ներկայացված՝ ապրանքների մաքսային արժեքի վերաբերյալ տեղեկությունները փոփոխվել (լրացվել) են
2	Անցկացվում է մաքսային հայտարարագրման ժամանակ ներկայացված՝ ապրանքների մաքսային արժեքի մաքսային հսկողություն, որն սկսվել է նախքան ապրանքների բացթողումը, իսկ նախքան հայտարարագիր ներկայացնելը բաց թողնված ապրանքների առնչությամբ՝ ապրանքների մաքսային արժեքի մաքսային հսկողություն, որն սկսվել է՝ նախքան մաքսային մարմնի կողմից էլեկտրոնային փաստաթուղթը հայտարարատուին ուղարկվելը կամ նախքան թղթային կրիչով ներկայացված ապրանքների հայտարարագրի և (կամ) առևտրային, տրանսպորտային (փոխադրման) փաստաթղթերի վրա համապատասխան նշումներ կատարվելը՝ Եվրասիական տնտեսական միության մաքսային օրենսգրքի 120-րդ հոդվածի 17-րդ կետին համապատասխան»։

2. Մաքսային միության հանձնաժողովի 2010 թվականի մայիսի 20-ի թիվ 257 որոշմամբ հաստատված՝ Ապրանքների հայտարարագրի լրացման կարգի 43-րդ կետի 2-րդ ենթակետի երկրորդ պարբերությունը շարադրել հետևյալ խմբագրությամբ՝

«Վանդակի երկրորդ ենթաբաժնում նշվում է ծածկագիրը՝ մաքսային արժեքի մաքսային հսկողության արդյունքների դասակարգչին համապատասխան։»։

Պաշտոնական հրապարակման օրը՝ 17 հունիսի 2022 թվական: