ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

N 875-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2019 ԹՎԱԿԱՆԻ ՕԳՈՍՏՈՍԻ 1-Ի N 1026-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով՝

1. Հայաստանի Հանրապետության վարչապետի 2019 թվականի օգոստոսի 1-ի «Թվայնացման խորհուրդ ստեղծելու, դրա անհատական կազմը և աշխատակարգը հաստատելու մասին» N 1026-Ա որոշման մեջ կատարել հետևյալ փոփոխությունները՝

1) որոշման վերնագրում և առաջին կետում «անհատական կազմը» բառերը փոխարինել «կազմը» բառով.

2) N 1 հավելվածը շարադրել նոր խմբագրությամբ՝ համաձայն հավելվածի.

3) N 2 հավելվածի՝

ա. 9-րդ կետը շարադրել հետևյալ խմբագրությամբ՝

«9. Խորհրդի քարտուղարության գործառույթը վերապահվում է Հայաստանի Հանրապետության փոխվարչապետ Մհեր Գրիգորյանի գրասենյակին:»,

բ. 36-րդ կետում «փոխվարչապետ Տիգրան Ավինյանի գրասենյակի» բառերը փոխարինել «փոխվարչապետ Մհեր Գրիգորյանի գրասենյակի» բառերով:

Կ Ա Զ Մ

ԹՎԱՅՆԱՑՄԱՆ ԽՈՐՀՐԴԻ

ՀՀ վարչապետ (խորհրդի նախագահ)

ՀՀ փոխվարչապետեր

ՀՀ վարչապետի աշխատակազմի ղեկավարի առաջին տեղակալ

ՀՀ բարձր տեխնոլոգիական արդյունաբերության նախարար

ՀՀ էկոնոմիկայի նախարար

ՀՀ կրթության, գիտության, մշակույթի և սպորտի նախարար

ՀՀ տարածքային կառավարման և ենթակառուցվածքների նախարար

ՀՀ պետական եկամուտների կոմիտեի նախագահ

ՀՀ կենտրոնական բանկի նախագահ

«ԷԿԵՆԳ» ՓԲԸ-ի տնօրեն (համաձայնությամբ)

Սուրեն Քրմոյան - ԱՄՆ ՄԶԳ Հայաստանի աջակցության նախաձեռնության թվայնացման փորձագիտական թիմի ղեկավար

Տիգրան Ճորոխյան - ԿԶՆ ազգային նորարարական կենտրոնի ղեկավար (համաձայնությամբ)»: