06.11.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Ո Ր Ո Շ ՈՒ Մ

5 նոյեմբերի 2020 թվականի N 1778-Ա

ՈՐՊԵՍ ՆՎԻՐԱՏՎՈՒԹՅՈՒՆ ԳՈՒՅՔ ԸՆԴՈՒՆԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ ՆԱԽԱՐԱՐՈՒԹՅԱՆ ՋՐԱՅԻՆ ԿՈՄԻՏԵԻՆ ԱՄՐԱՑՆԵԼՈՒ ԵՎ «ՎԵՈԼԻԱ ՋՈՒՐ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՎԱՐՁԱԿԱԼՈՒԹՅԱՆ ՀԱՆՁՆԵԼՈՒ ՄԱՍԻՆ

Ղեկավարվելով Հայաստանի Հանրապետության քաղաքացիական օրենսգրքի 594-րդ և «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ և 8-րդ մասերի, 9-րդ հոդվածի 5-րդ մասի պահանջներով, Հայաստանի Հանրապետության կառավարությունը որոշում է.

1. Որպես նվիրատվություն Հայաստանի Հանրապետությանը` ընդունել «Ինժգարանտ» սահմանափակ պատասխանատվությամբ ընկերությանը (այսուհետ՝ ընկերություն) սեփականության իրավունքով պատկանող Երևան քաղաքի Աջափնյակ վարչական շրջանի Ն․ Սիսակյան 3 շենքի 112 ոչ բնակելի տարածք հասցեով՝ 0․118714 հեկտար հողամասով 8,9 քառ. մետր մակերեսով պոմպակայանը (անշարժ գույքի սեփականության իրավունքի գրանցման վկայականի N 2907202001-0233, կադաստրային ծածկագիր՝ 01-001-0343-0070-001-112) և 3,329,580 դրամ հաշվեկշռային արժեքով պոմպակայանի սարքավորումները` համաձայն N 1 հավելվածի, Հայաստանի Հանրապետության Գեղարքունիքի մարզի Վարսեր համայնքի խմելու ջրագծի արտաքին և ներքին ցանցը 3698 գծմ երկարությամբ (անշարժ գույքի սեփականության իրավունքի գրանցման վկայական N12082020-05-0077) և 143 հատ երկաթբետոնյա հավաքովի ջրաչափական հորերը` համաձայն N 2 հավելվածի, 22,389,848 դրամ հաշվեկշռային արժեքով, Հայաստանի Հանրապետության Շիրակի մարզի Ախուրյանի համայնքի սեփականությունը հանդիսացող Արևիկ գյուղի 13661.23 գծամետր ընդհանուր երկարությամբ (անշարժ գույքի սեփականության իրավունքի գրանցման վկայական N 04082020-08-0015) և 239,337,434 դրամ հաշվեկշռային արժեքով խմելու ջրի ստորգետնյա ջրագիծը՝ համաձայն N 3 hավելվածի։

2. Սույն որոշման 1-ին կետում նշված գույքերն ամրացնել Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեին:

3. Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեի նախագահին՝

1) սույն որոշումն ուժի մեջ մտնելուց հետո մեկամսյա ժամկետում ընկերության, Հայաստանի Հանրապետության Գեղարքունիքի մարզի Վարսերի համայնքի ղեկավարի և Հայաստանի Հանրապետության Շիրակի մարզի Ախուրյանի համայնքի ղեկավարի հետ համատեղ ապահովել սույն որոշման 1-ին կետում նշված գույքերի՝ Հայաստանի Հանրապետության օրենսդրությամբ սահմանված կարգով նվիրատվության պայմանագրերի կնքումը և հանձնման-ընդունման աշխատանքների կատարումը՝ նվիրատվության պայմանագրերի նոտարական վավերացման, պայմանագրերից բխող գույքային իրավունքների պետական գրանցման և նշված գործողությունների իրականացման համար անհրաժեշտ ծախսերն իրականացնելով ընկերության, Հայաստանի Հանրապետության Գեղարքունիքի մարզի Վարսերի և Հայաստանի Հանրապետության Շիրակի մարզի Ախուրյանի համայնքների միջոցների հաշվին.

2) սույն որոշման 1-ին կետում նշված գույքերը Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեին ամրացնելուց հետո մինչև 2020 թվականի դեկտեմբերի 31-ը «Վեոլիա Ջուր» փակ բաժնետիրական ընկերության հետ կնքել համապատասխան համաձայնագրեր՝ սույն որոշման 1-ին կետում նշված գույքերը 2016 թվականի նոյեմբերի 21-ին Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի ու «Վեոլիա Ջուր» փակ բաժնետիրական ընկերության միջև կնքված «Երևան Ջուր», «Հայջրմուղկոյուղի», «Լոռի-ջրմուղկոյուղի», «Շիրակջրմուղկոյուղի» և «Նոր Ակունք» փակ բաժնետիրական ընկերությունների կողմից օգտագործվող ու պահպանվող ջրային համակարգերի և այլ գույքի վարձակալության պայմանագրի շրջանակներում «Վեոլիա Ջուր» փակ բաժնետիրական ընկերությանը վարձակալության հանձնելու նպատակով:

4. Առաջարկել «Վեոլիա Ջուր» փակ բաժնետիրական ընկերությանն ապահովել սույն որոշման 3-րդ կետի 2-րդ ենթակետում նշված համաձայնագրերի նոտարական վավերացումը, դրանից բխող գույքային իրավունքների պետական գրանցման և նշված գործողությունների իրականացման համար անհրաժեշտ ծախսերի կատարումը:

Հայաստանի Հանրապետության վարչապետ

Ն. Փաշինյան

06.11.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 1 ՀՀ կառավարության 2020 թվականի նոյեմբերի 5-ի N 1778-Ա որոշման

Ց Ա Ն Կ

ԵՐԵՎԱՆ ՔԱՂԱՔԻ ԱՋԱՓՆՅԱԿ ՎԱՐՉԱԿԱՆ ՇՐՋԱՆԻ Ն․ ՍԻՍԱԿՅԱՆ N 3 ՇԵՆՔԻ 112 ՈՉ ԲՆԱԿԵԼԻ ՏԱՐԱԾՔԻ ՀԱՍՑԵԻ ՊՈՄՊԱԿԱՅԱՆԻ ԵՎ ԴՐԱ ՍԱՐՔԱՎՈՐՈՒՄՆԵՐԻ

NN ը/կ	Անվանումը	Ընդհանուր արժեքը (դրամ)
1.	CME10-3 A-R-A-E-AVBE S-A-D-N (Grundfos)	1,095,500.0
2.	CME10-3 A-R-A-E-AVBE S-A-D-N (Grundfos)	1,095,500.0
3.	Ճնշման տվիչ MBS3000-2221 0-16 BAR (Grundfos)	54,000.0
4.	Ճնշման տվիչ MBS3000-2221 0-16 BAR (Grundfos)	54,000.0
5.	Պոմպ ջրի CC 7 (UNILIFT)	105,300.0
6.	Բաք ճնշումային 24լ (24Y) (EDS Gliobal)	13,350.0
7.	Ցածր ճնշման ռելե 0-8 բար (ELEMENT)	57,000.0
8.	Պոմպակայանի կառուցման և մոնտաժման աշխատանքներ	300,000․0
9.	ԸՆԴԱՄԵՆԸ	2,774,650․0
10.	ԱԱՀ 20%	554,930.0
Ընդամենը		3,329,580․0

06.11.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 2 ՀՀ կառավարության 2020 թվականի նոյեմբերի 5-ի N 1778-Ա որոշման

Ց Ա Ն Կ  N 1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ՎԱՐՍԵՐԻ ՀԱՄԱՅՆՔԻ ԽՄԵԼՈՒ ՋՐԱԳԾԻ ԱՐՏԱՔԻՆ ԵՎ ՆԵՐՔԻՆ ՑԱՆՑԵՐԻ

NN ը/կ	10 մթն ճնշմամբ պոլիէթիլենային խողովակների տրամագծերը (մմ)	Երկարությունը (մ)
1.	D 140	1285
2.	D 63	262
3.	D 40	412
4.	D 90	419
5.	D 40	126
6.	D 63	418
7.	D 40	288
8.	D 40	242
9.	D 25	16
10.	D 25	230
Ընդամենը		3698

Ց Ա Ն Կ  N 2

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ՎԱՐՍԵՐԻ ՀԱՄԱՅՆՔԻ ԽՄԵԼՈՒ ՋՐԱԳԾԻ ԿԱՌՈՒՑՄԱՆ ԺԱՄԱՆԱԿ ՏԵՂԱԴՐՎԱԾ 143 ՀԱՏ ԵՐԿԱԹԲԵՏՈՆՅԱ ՀԱՎԱՔՈՎԻ ՋՐԱՉԱՓՄԱՆ ՀՈՐԵՐԻ ՏԵԽՆԻԿԱԿԱՆ ԲՆՈՒԹԱԳԻՐԸ

Լայնությունը	Երկարությունը	Բարձրությունը	Պատերի հաստությունը
70 սմ	70 սմ	70 սմ	70 սմ

Հայաստանի Հանրապետության վարչապետի աշխատակազմի ղեկավար

Է. Աղաջանյան

06.11.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 3 ՀՀ կառավարության 2020 թվականի նոյեմբերի 5-ի N 1778-Ա որոշման

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԱԽՈՒՐՅԱՆԻ ՀԱՄԱՅՆՔԻ ՍԵՓԱԿԱՆՈՒԹՅՈՒՆԸ ՀԱՆԴԻՍԱՑՈՂ ԱՐԵՎԻԿ ԳՅՈՒՂԻ ԽՄԵԼՈՒ ՋՐԻ ՍՏՈՐԳԵՏՆՅԱ ՋՐԱԳԾԻ

NN ը/կ	Պոլիէթիլենային խողովակների տեխնիկական բնութագրերը	Երկարությունը (մ)
1.	D 160 մմ P 1.0 ՄՊա	1840
2.	D 110 մմ P 1.0 ՄՊա	545
3.	D 90 մմ P 1.0 ՄՊա	1112
4.	D 75 մմ P 1.0 ՄՊա	1100
5.	D 63 մմ P1.0 ՄՊա	3463
6.	D 50 մմP 1.0 ՄՊա	1410
7.	D 40 մմ P 1.0 ՄՊա	659
8.	D 32 մմP 1.0 ՄՊա	715.23
9.	D 25 մմ P 1.0 ՄՊա	430
10.	D 20 մմ P 1.0 ՄՊա	2387
Ընդամենը		13661.23

Հայաստանի Հանրապետության վարչապետի աշխատակազմի ղեկավար

Է. Աղաջանյան