ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՓԵՏՐՎԱՐԻ 26-Ի ԹԻՎ 50-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Նպատակ ունենալով պարբերաբար ստանալ բանկերի կողմից պատվիրակված, ինչպես նաև բանկի բնականոն գործունեության ապահովման համար անհրաժեշտ, երրորդ անձի կողմից իրականացվող գործառնությունների վերաբերյալ ամփոփ տեղեկատվություն,

հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» և «իա» կետերը, «Բանկերի և բանկային գործունեության մասին» Հայաստանի Հանրապետության օրենքի 55-րդ հոդվածը,

ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով և «Նորմատիվ իրավական ակտերի մասին» Հայաստանի Հանրապետության օրենքի պահանջներով՝ Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2008 թվականի փետրվարի 26-ի ««Բանկերի հաշվետվությունները, դրանց ներկայացումը և հրապարակումը» կանոնակարգ 3-ը հաստատելու մասին» թիվ 50-Ն որոշմամբ հաստատված «Բանկերի հաշվետվությունները, դրանց ներկայացումը և հրապարակումը» կանոնակարգ 3-ում (այսուհետ` Կանոնակարգ) կատարել հետևյալ լրացումները.

1) Կանոնակարգի 2-րդ կետի աղյուսակը լրացնել նոր 34-րդ կետով՝ հետևյալ բովանդակությամբ.

2) Կանոնակարգը 33.3 կետից հետո լրացնել նոր 33.4 կետով՝ հետևյալ բովանդակությամբ.

«33.4. Թիվ 38 հաշվետվությամբ ներկայացվում են հաշվետու ժամանակաշրջանի ընթացքում կնքված պայմանագրերով «Բանկերի կողմից օրենքով սահմանված գործառնությունների պատվիրակման համար Կենտրոնական բանկի նախնական համաձայնության տրամադրման» կարգում թվարկված գործառնությունների պատվիրակման, ինչպես նաև բանկի բնականոն գործունեության ապահովման համար անհրաժեշտ այլ գործառնությունների 3-րդ անձի կողմից բանկին մատուցման վերաբերյալ տեղեկատվություն: Հաշվետվության 3-5-րդ սյունակներում ներկայացվում է տեղեկատվություն կոնտրագենտի վերաբերյալ, 6-րդ սյունակում նշվում է բանկի կոնտրագենտի միջև փոխկապվածության մասին՝ լրացնելով «այո» կամ «ոչ»:»,

3) Կանոնակարգի Հավելված 2-ը լրացնել նոր Ձև թիվ 38 հաշվետվությամբ՝ համաձայն սույն որոշման Հավելվածի (կցվում է):

2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը:

Հաշվետվություն

3-րդ անձի կողմից բանկին մատուցվող, բանկի բնականոն գործունեության ապահովման համար անհրաժեշտ գործառնության(ների) վերաբերյալ