ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

ՈՐՈՇՈՒՄ

2 դեկտեմբերի 2015 թվականի

թիվ 84

քաղ. Մոսկվա

 

«ԱՎՏՈՄՈԲԻԼԱՅԻՆ ԵՎ ԱՎԻԱՑԻՈՆ ԲԵՆԶԻՆԻՆ, ԴԻԶԵԼԱՅԻՆ ԵՎ ՆԱՎԱՅԻՆ ՎԱՌԵԼԻՔԻՆ, ՀՐԹԻՌԱՅԻՆ ՇԱՐԺԻՉՆԵՐԻ ՀԱՄԱՐ ՆԱԽԱՏԵՍՎԱԾ ՎԱՌԵԼԻՔԻՆ ԵՎ ՄԱԶՈՒԹԻՆ ՆԵՐԿԱՅԱՑՎՈՂ ՊԱՀԱՆՋՆԵՐԻ ՄԱՍԻՆ» ՄԱՔՍԱՅԻՆ ՄԻՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳՈՒՄ (ՄՄ ՏԿ 013/2011) ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Եվրասիական տնտեսական հանձնաժողովի խորհուրդը որոշեց.

1. Մաքսային միության հանձնաժողովի 2011 թվականի հոկտեմբերի 18-ի թիվ 826 որոշմամբ ընդունված «Ավտոմոբիլային և ավիացիոն բենզինին, դիզելային և նավային վառելիքին, հրթիռային շարժիչների համար նախատեսված վառելիքին և մազութին ներկայացվող պահանջների մասին» Մաքսային միության տեխնիկական կանոնակարգում (ՄՄ ՏԿ 013/2011) կատարել հետևյալ փոփոխությունները.

ա) 3.2 կետի չորրորդ պարբերությունը շարադրել հետևյալ խմբագրությամբ.

«Ավտոմոբիլային բենզինի և դիզելային վառելիքի մանրածախ իրացման դեպքում վառելիքի անվանման, մակնիշի, այդ թվում` բնապահպանական դասի վերաբերյալ տեղեկատվությունը պետք է տեղադրվի սպառողների համար հասանելի վայրերում: Վառելիքի բաշխիչ սարքավորումների վրա տեղադրվում և դրամարկղային կտրոնների վրա արտացոլվում է վառելիքի մակնիշի վերաբերյալ տեղեկատվություն»:

բ) 4.5 կետի առաջին պարբերության մեջ «Մինչև 2014 թվականի հունվարի 1-ը» բառերը փոխարինել «Մինչև 2018 թվականի հունվարի 1-ը Ղրղզստանի Հանրապետությունում և» բառերով:

գ) 7.3 կետում.

առաջին պարբերության մեջ «տարածքում» բառից առաջ լրացնել «և Ղրղզստանի Հանրապետության» բառերով, «2016 թվականի հունվարի 1-ից» բառերը փոխարինել «2018 թվականի հունվարի 1-ից» բառերով,

երրորդ պարբերությունից հետո լրացնել հետևյալ բովանդակությամբ պարբերությամբ.

«Հայաստանի Հանրապետության` մինչև 2016 թվականի դեկտեմբերի 31-ը.»,

հինգերորդ պարբերության մեջ «մինչև 2015 թվականի դեկտեմբերի 31-ը» բառերը փոխարինել «մինչև 2017 թվականի դեկտեմբերի 31-ը» բառերով,

հինգերորդ պարբերությունից հետո լրացնել հետևյալ բովանդակությամբ պարբերությամբ.

«Ղրղզստանի Հանրապետության` մինչև 2017 թվականի դեկտեմբերի 31-ը.»,

յոթերորդ պարբերությունից հետո լրացնել հետևյալ բովանդակությամբ պարբերությամբ.

«Հայաստանի Հանրապետության` մինչև 2016 թվականի դեկտեմբերի 31-ը.»,

իններորդ պարբերության մեջ «մինչև 2015 թվականի դեկտեմբերի 31-ը» բառերը փոխարինել «մինչև 2016 թվականի հուլիսի 1-ը» բառերով,

տասներորդ պարբերության մեջ «ոչ ուշ, քան 2016 թվականի հունվարի 1-ը» բառերը փոխարինել «և Ղրղզստանի Հանրապետության` ոչ ուշ, քան 2018 թվականի հունվարի 1-ը» բառերով:

դ) 7.4 կետում.

առաջին պարբերության մեջ «տարածքում» բառից առաջ լրացնել «և Ղրղզստանի Հանրապետության» բառերով, «2016 թվականի հունվարի 1-ից» բառերը փոխարինել «2018 թվականի հունվարի 1-ից» բառերով,

երկրորդ պարբերությունից հետո լրացնել հետևյալ բովանդակությամբ պարբերությամբ.

«Հայաստանի Հանրապետության` 2016 թվականի հունվարի 2-ից.»,

երրորդ պարբերության մեջ «2016 թվականի հունվարի 1-ից» բառերը փոխարինել «2018 թվականի հունվարի 1-ից» բառերով,

երրորդ պարբերությունից հետո լրացնել հետևյալ բովանդակությամբ պարբերությամբ.

«Ղրղզստանի Հանրապետության` 2018 թվականի հունվարի 1-ից.»,

հինգերորդ պարբերությունից հետո լրացնել հետևյալ բովանդակությամբ պարբերությամբ.

«Հայաստանի Հանրապետության` մինչև 2015 թվականի դեկտեմբերի 31-ը.»,

ութերորդ պարբերության մեջ «ոչ ուշ, քան 2016 թվականի հունվարի 1-ը» բառերը փոխարինել «և Ղրղզստանի Հանրապետության` ոչ ուշ, քան 2018 թվականի հունվարի 1-ը» բառերով:

ե) 4-րդ հավելվածում ** ծանոթագրությունը շարադրել հետևյալ խմբագրությամբ.

«** Ռուսաստանի Դաշնության համար չափաքանակը սահմանվում է 2015 թվականի հունվարի 1-ից, Ղրղզստանի Հանրապետության համար` 2017 թվականի հունվարի 1-ից, Բելառուսի Հանրապետության համար` 2019 թվականի հունվարի 1-ից, Հայաստանի Հանրապետության համար` 2019 թվականի հունվարի 1-ից:»:

2. Սահմանել, որ ավտոմոբիլային բենզինի և դիզելային վառելիքի մանրածախ իրացման դեպքում վառելիքի անվանման, մակնիշի, այդ թվում` բնապահպանական դասի վերաբերյալ տեղեկատվության տեղադրման նկատմամբ ներկայացվող պահանջները, որոնք պարունակվում են տեխնիկական կանոնակարգի 3-րդ հոդվածի 3.2 կետի չորրորդ պարբերության մեջ և սահմանվել են մինչև սույն Որոշումն ուժի մեջ մտնելը, գործում են մինչև 2016 թվականի հուլիսի 1-ը:

3. Եվրասիական տնտեսական միության անդամ-պետությունների կառավարություններին` սույն Որոշումն ուժի մեջ մտնելու օրվանից ապահովել լիազորված մարմինների հսկողությունը (վերահսկողությունը) շրջանառության մեջ դրված արտադրանքի նկատմամբ` Եվրասիական տնտեսական միության անդամ-պետությունների օրենսդրությամբ սահմանված կարգով:

4. Սույն Որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո:

Հայաստանի Հանրապետությունից	Բելառուսի Հանրապետությունից	Ղազախստանի Հանրապետությունից	Ղրղզստանի Հանրապետությունից	Ռուսաստանի Դաշնությունից
Վ. Գաբրիելյան	Վ. Մատյուշևսկի	Բ. Սագինտաև	О. Պանկրատով	Ի. Շուվալով