ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

13 ապրիլի 2013 թվականի N 275-Ա

Ռ. ՍԱՐԳՍՅԱՆԻ ԹԱՂՄԱՆ ՄԱՍԻՆ

Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետին համապատասխան`

1. Կոմպոզիտոր, Հայաստանի Հանրապետության պետական մրցանակի դափնեկիր Ռուբեն Սարգսյանի մահվան կապակցությամբ ստեղծել կառավարական հանձնաժողով՝ համաձայն հավելվածի:

2. Հայաստանի Հանրապետության ֆինանսների նախարարին` 10-օրյա ժամկետում Հայաստանի Հանրապետության կառավարություն ներկայացնել Ռ. Սարգսյանի թաղման հետ կապված ծախսերը փոխհատուցելու վերաբերյալ առաջարկություն հանձնաժողովի ներկայացրած հաշվետվության հիման վրա:

Հայաստանի Հանրապետության վարչապետի պաշտոնակատար	Տ. Սարգսյան
2013 թ. ապրիլի 13 Երևան

Հավելված ՀՀ վարչապետի 2013 թ. ապրիլի 13-ի N 275-Ա որոշման

Կ Ա Զ Մ

ՌՈՒԲԵՆ ՍԱՐԳՍՅԱՆԻ ԹԱՂՄԱՆ ԿԱՌԱՎԱՐԱԿԱՆ ՀԱՆՁՆԱԺՈՂՈՎԻ

Հ. Պողոսյան	-ՀՀ մշակույթի նախարարի պաշտոնակատար (հանձնաժողովի նախագահ)
Պ. Սաֆարյան	-ՀՀ ֆինանսների նախարարի առաջին տեղակալ
Հ. Դարբինյան	-ՀՀ առողջապահության նախարարի առաջին տեղակալ
Հ. Բեգլարյան	-ՀՀ տրանսպորտի և կապի նախարարի առաջին տեղակալ
Վ. Վարդանյան	-Երևանի քաղաքապետի տեղակալ (համաձայնությամբ)
Ս. Աֆյան	-ՀՀ կառավարությանն առընթեր ՀՀ ոստիկանության պետի տեղակալ
Հովնան եպիսկոպոս Հակոբյան	-Մայր Աթոռ Սուրբ Էջմիածնի լուսարարապետ (համաձայնությամբ)
Ռ. Ամիրխանյան	-«Հայաստանի կոմպոզիտորների և երաժշտագետների միություն» հասարակական կազմակերպության նախագահ (համաձայնությամբ)
Դ. Ղազարյան	-«Հայաստանի երաժշտական ընկերություն» հասարակական կազմակերպության նախագահ (համաձայնությամբ)
Շ. Շահինյան	-Երևանի Կոմիտասի անվան պետական կոնսերվատորիայի ռեկտոր (համաձայնությամբ)
Գ. Մանասյան	-«Հայաստանի պետական ֆիլհարմոնիա» ՊՈԱԿ-ի տնօրեն (համաձայնությամբ)
Ա. Ծատուրյան	-«Կամերային երաժշտության ազգային կենտրոն» ՊՈԱԿ-ի տնօրենի պաշտոնակատար (համաձայնությամբ)
Լ. Չաուշյան	-կոմպոզիտոր (համաձայնությամբ)
Ա. Սարյան	-երաժշտագետ (համաձայնությամբ)
Ա. Սարգսյան	-Ռուբեն Սարգսյանի դուստրը (համաձայնությամբ)

Հայաստանի Հանրապետության կառավարության աշխատակազմի ղեկավար

Դ. Սարգսյան