ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 նոյեմբերի 2012 թվականի N 1426-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՄԱՐՏԻ 24-Ի N 305-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Համաձայն Հայաստանի Հանրապետության քաղաքացիական օրենսգրքի 594-րդ հոդվածի պահանջների՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2011 թվականի մարտի 24-ի «Պետական կառավարչական հիմնարկներին ամրացված՝ հանրակացարանային բնակելի տարածքների նվիրատվության կարգը հաստատելու մասին» N 305-Ն որոշման N 2 հավելվածի ցանկի 1-ին կետի 3-րդ՝ «Հանրակացարանային բնակելի տարածքի հասցեն» սյունակում կատարել հետևյալ փոփոխություններն ու լրացումը`

1) սյունակի 2-րդ տողում «68 շենք» բառերը փոխարինել «68ա շենք» բառերով.

2) սյունակի 8-րդ տողում «3 շենք («Գյումրու «Շիրակ» օդանավակայան» ՓԲԸ-ի հանրակացարան)» բառերը փոխարինել «2 և 3 շենքեր («Գյումրու «Շիրակ» օդանավակայան» ՓԲԸ-ի հանրակացարաններ)» բառերով.

3) սյունակը լրացնել հետևյալ բովանդակությամբ նոր տողով.

«քաղ. Երևան, Վարդաշենի 6-րդ փող., 66^ա շենք (N 9 արհեստագործական ուսումնարանի հանրակացարան)»: