ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 ապրիլի 2012 թվականի N 530-Ա

ԵՐԿԱԹՈՒՂԱՅԻՆ ԳԾԻ ԱՊԱՄՈՆՏԱԺՄԱՆ ՀԱՄԱՐ ԹՈՒՅԼՏՎՈՒԹՅՈՒՆ ՏԱԼՈՒ ԵՎ ԵՐԵՎԱՆ ՔԱՂԱՔԻ ՀԱՄԱՅՆՔԻՆ ԱՆՀԱՏՈՒՅՑ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ԳՈՒՅՔ ՏՐԱՄԱԴՐԵԼՈՒ ՄԱՍԻՆ

Ղեկավարվելով Հայաստանի Հանրապետության քաղաքացիական օրենսգրքի 163-րդ հոդվածի, Հայաստանի Հանրապետության հողային օրենսգրքի 56-րդ հոդվածի 2-րդ մասի և «Քաղաքաշինության մասին» Հայաստանի Հանրապետության օրենքի 24-րդ հոդվածի պահանջներով՝ Հայաստանի Հանրապետության կառավարությունը որոշում է.

1. Թույլատրել «Հարավկովկասյան երկաթուղի» փակ բաժնետիրական ընկերությանն իր սեփական միջոցների հաշվին ապամոնտաժել Հայկական երկաթուղու համակարգը «Ռուսական երկաթուղիներ» բաց բաժնետիրական ընկերության կողմից ստեղծված «Հարավկովկասյան երկաթուղի» փակ բաժնետիրական ընկերությանը փոխանցելու մասին» կոնցեսիոն պայմանագրով «Հարավկովկասյան երկաթուղի» փակ բաժնետիրական ընկերությանը փոխանցված և կոնցեսիոն ակտիվների կազմում ընդգրկված՝ արտադրական գործընթացներում չօգտագործվող Արաբկիր-Քանաքեռ վազուրդի կմ 0 + 650 մ մինչև կմ 1 + 540 մ ներառյալ 890 մ երկարությամբ երկաթուղային գիծը` համաձայն N 1 հավելվածի, դրանից առաջացած կազմատված գույքը և նյութերն օգտագործելով երկաթուղու համակարգի կարիքների համար:

2. Երևան քաղաքի համայնքի վարչական սահմաններում գտնվող՝ Հայաստանի Հանրապետության սեփականությունը հանդիսացող՝ սույն որոշման N 2 հավելվածում ներառված գույքն անհատույց սեփականության իրավունքով տրամադրել Երևան քաղաքի համայնքին` քաղաքաշինական նպատակներով օգտագործելու համար:

3. Հայաստանի Հանրապետության տրանսպորտի և կապի նախարարին`

1) սույն որոշման 1-ին կետում նշված գույքը սահմանված կարգով հանել կոնցեսիոն ակտիվների կազմից.

2) սույն որոշման 1-ին կետում նշված աշխատանքների ավարտից հետո մեկամսյա ժամկետում ապահովել սույն որոշման N 2 հավելվածում նշված գույքի հանձնումը Երևան քաղաքի համայնքին:

Հայաստանի Հանրապետության վարչապետ	Տ. Սարգսյան
2012 թ. մայիսի 3 Երևան

Հավելված N 1  ՀՀ կառավարության 2012 թվականի  ապրիլի 26-ի N 530-Ա որոշման

Ց Ա Ն Կ

«Հարավկովկասյան երկաթուղի» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ կողմից ապամոնտաժման ենթակա հիմնական միջոցների

NN ը/կ	Անվանումը	Գույքա-համարը	Հաշվապահական տվյալները 2008 թվականի հունիսի 1-ի դրությամբ (դրամ)
			սկզբնական արժեքը	մնացորդային արժեքը
1.	Արաբկիր-Քանաքեռ վազուրդի գլխավոր գծի վերին կառույց կմ 0 + 650 մ մինչև կմ 1 + 540 մ	20020536	20377.0	-
2.	Արաբկիր-Քանաքեռ վազուրդի գլխավոր գծի հողային պաստար կմ 0 + 650 մ մինչև կմ 1 + 540 մ	20020535	1324606.58	-
3.	Արաբկիր-Քանաքեռ վազուրդի հպակային ցանց կմ 0 + 650 մ մինչև կմ 1 + 540 մ	30010053	1443279.06	-

Հայաստանի Հանրապետության կառավարության աշխատակազմի ղեկավար

Դ. Սարգսյան

  

Հավելված N 2  ՀՀ կառավարության 2012 թվականի  ապրիլի 26-ի N 530-Ա որոշման

Ց Ա Ն Կ

ԵրԵՎան քաղաքի համայնքին հանձնվող արհեստական կառույցների, Երկաթուղու կմ 0 + 650 մ-կմ 1+540 Մ` ներառյալ ընկաԾ գծահատվածը

NN ը/կ	Անվանումը	Գույքահամարը	Հաշվապահական տվյալները 2008 թվականի հունիսի 1-ի դրությամբ (դրամ)
			սկզբնական արժեքը	մնացորդային արժեքը
1.	Երկաթբետոնյա կամուրջ կմ 1 + 159մ	20311509	7544260.0	-
2.	Երկաթբետոնյա կամուրջ կմ 0 + 855 մ	20020637	320735.0	-
3.	Հենապատ կմ 1 + 100մ	20020574	550725.0	-

Հայաստանի Հանրապետության կառավարության աշխատակազմի ղեկավար

Դ. Սարգսյան