ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

5 մարտի 2012 թվականի N 197-Ա

Պ. ՍԱՖԱՐՅԱՆԻՆ ԲՈՀԻՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության ֆինանսների նախարարի առաջին տեղակալ Պ. Սաֆարյանին 2012 թվականի մարտի 26-30-ը գործուղել Բոհին (Սլովենիայի Հանրապետություն)` պետական ծախսերի կառավարման փոխադարձ ուսուցման և փորձի փոխանակման միության մասնակից երկրների բյուջետային ոլորտի բարձրագույն պաշտոնատար անձանց միջազգային հավաքին մասնակցելու համար:

2. Ընդունել ի գիտություն, որ Պ. Սաֆարյանի` Բոհին գործուղման հետ կապված ծախսերը կատարվելու են հրավիրող կողմի հաշվին:

3. Հայաստանի Հանրապետության ֆինանսների նախարար Վ. Գաբրիելյանին` ապահովել գործուղումից վերադառնալուց հետո եռօրյա ժամկետում Պ. Սաֆարյանի` Բոհին գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը:

Հայաստանի Հանրապետության վարչապետ	Տ. Սարգսյան
2012 թ. մարտի 5 Երևան