ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 ապրիլի 2011 թվականի N 461-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ԳՅՈՒՂԱՏՆՏԵՍՈՒԹՅԱՆ ԶԱՐԳԱՑՄԱՆ ՄԻՋԱԶԳԱՅԻՆ ՀԻՄՆԱԴՐԱՄԻ ՄԻՋԵՎ 2010 ԹՎԱԿԱՆԻ ՆՈՅԵՄԲԵՐԻ 30-ԻՆ ՍՏՈՐԱԳՐՎԱԾ «ԳՅՈՒՂԱԿԱՆ ԿԱՐՈՂՈՒԹՅՈՒՆՆԵՐԻ ՍՏԵՂԾՈՒՄ» ԾՐԱԳՐԻ ՖԻՆԱՆՍԱՎՈՐՄԱՆ ՄԱՍԻՆ ՀԱՄԱՁԱՅՆԱԳԻՐՆ ՈՒԺԻ ՄԵՋ ՄՏՆԵԼՈՒ ՄԻՋՈՑԱՌՈՒՄՆԵՐԻ ՄԱՍԻՆ

Հայաստանի Հանրապետության և Գյուղատնտեսության զարգացման միջազգային հիմնադրամի միջև 2010 թվականի նոյեմբերի 30-ին ստորագրված ու 2011 թվականի ապրիլի 15-ին Հայաստանի Հանրապետության Ազգային ժողովի կողմից վավերացված «Գյուղական կարողությունների ստեղծում» ծրագրի ֆինանսավորման մասին համաձայնագիրը գործողության մեջ դնելու նպատակով, ինչպես նաև ղեկավարվելով նշված համաձայնագրի Գ բաժնով և Ե բաժնի 2-րդ կետի «ա» ենթակետով սահմանված դրույթներով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության աշխատակազմը համարել «Գյուղական կարողությունների ստեղծում» ծրագրի գլխավոր գործակալություն (լիազոր մարմին):

2. Հաստատել`

1) Հայաստանի Հանրապետության կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակ» պետական հիմնարկի կանոնադրությունը` համաձայն N 1 հավելվածի.

2) Հայաստանի Հանրապետության կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակ» պետական հիմնարկի կառուցվածքը` համաձայն N 2 հավելվածի։

3. Ստեղծել «Գյուղական կարողությունների ստեղծում» ծրագրի ղեկավար խորհուրդ:

4. Հայաստանի Հանրապետության կառավարության աշխատակազմի ղեկավարին` տասնօրյա ժամկետում Հայաստանի Հանրապետության վարչապետի հաստատմանը ներկայացնել «Գյուղական կարողությունների ստեղծում» ծրագրի ղեկավար խորհրդի կանոնադրությունը և անհատական կազմը:

5. Ուժը կորցրած ճանաչել Հայաստանի Հանրապետության կառավարության 2005 թվականի մայիսի 19-ի «Հայաստանի Հանրապետության և Գյուղատնտեսության զարգացման միջազգային հիմնադրամի միջև 2005 թվականի հունվարի 28-ին ստորագրված «Գյուղական տարածքների տնտեսական զարգացման ծրագիր» փոխառության համաձայնագիրն ուժի մեջ մտնելու միջոցառումների մասին» N 592-Ն որոշման 3-րդ կետը:

6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Կ Ա Ն Ո Ն Ա Դ Ր ՈՒ Թ Յ ՈՒ Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ «ԳՅՈՒՂԱԿԱՆ ՏԱՐԱԾՔՆԵՐԻ ՏՆՏԵՍԱԿԱՆ ԶԱՐԳԱՑՄԱՆ ԾՐԱԳՐԵՐԻ ԻՐԱԿԱՆԱՑՄԱՆ ԳՐԱՍԵՆՅԱԿ» ՊԵՏԱԿԱՆ ՀԻՄՆԱՐԿԻ

I. ԸՆԴՀԱՆՈՒՐ ԴՐՈՒՅԹՆԵՐ

1. Հայաստանի Հանրապետության կառավարության աշխատակազմի (այսուհետ` լիազոր մարմին) «Գյուղական տարածքների տնտեսական զարգացման ծրագրերի իրականացման գրասենյակ» պետական հիմնարկը (այսուհետ` հիմնարկ) իրավաբանական անձի կարգավիճակ չունեցող կազմակերպություն է: Հիմնարկը Հայաստանի Հանրապետության գյուղատնտեսության նախարարության «Գյուղական տարածքների տնտեսական զարգացման ծրագրի վերլուծության և կառավարման գրասենյակ» պետական հիմնարկի իրավահաջորդն է:

2. Հիմնարկի հիմնադիրը Հայաստանի Հանրապետությունն է` ի դեմս Հայաստանի Հանրապետության կառավարության (այսուհետ` հիմնադիր):

3. Հիմնարկն իր գործունեության ընթացքում ղեկավարվում է Հայաստանի Հանրապետության օրենքներով, այլ իրավական ակտերով ու համապատասխան միջազգային կամ օտարերկրյա կազմակերպության միջև ստորագրված վարկային կամ դրամաշնորհային համաձայնագրով և սույն կանոնադրությամբ:

4. Հիմնադրի և հիմնարկի միջև հարաբերությունները կարգավորվում են Հայաստանի Հանրապետության օրենսդրությամբ և սույն կանոնադրությամբ:

5. Հիմնարկի անվանումն է`

1) հայերեն լրիվ՝ Հայաստանի Հանրապետության կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակ» պետական հիմնարկ.

2) ռուսերեն լրիվ՝ Государственное учреждение "Бюро по реализации программ экономического развития сельских территорий" аппарата правительства Республики Армения.

3) անգլերեն լրիվ` State Agency "Rural Areas Economic Development Programs Implementation unit” Staff of the Government of the Republic of Armenia.

4) հայերեն կրճատ` ՀՀ ԿԱ «ԳՏՏԶ ԾԻԳ» ՊՀ.

5) ռուսերեն կրճատ` ГУ "БРПЭРСТ" АП РА.

6) անգլերեն կրճատ` SA "RAEDPIU” GS of RA։

6. Հիմնարկի գտնվելու վայրն է` քաղ. Երևան, Տիգրան Մեծի 4:

(6-րդ կետը խմբ. 24.05.12 N 638-Ն)

II. ՀԻՄՆԱՐԿԻ ԳՈՐԾՈՒՆԵՈՒԹՅԱՆ ՈԼՈՐՏՆԵՐՆ ՈՒ ՆՊԱՏԱԿՆԵՐԸ

7. Հիմնարկի գործունեության հիմնական նպատակը Հայաստանի Հանրապետության գյուղական տարածքների տնտեսական զարգացման ծրագրերի արդյունավետ իրականացման ապահովումն է: Հիմնարկի գործունեության հիմնական ոլորտը Հայաստանի Հանրապետության կառավարության հավանությանն արժանացած՝ գյուղական տարածքների տնտեսական զարգացման նպատակով Հայաստանի Հանրապետության պետական բյուջեով և օտարերկրյա պետությունների ու միջազգային վարկատու կազմակերպությունների կողմից Հայաստանի Հանրապետությանը տրամադրվող միջոցների հաշվին մշակված ծրագրերի իրականացումն է:

8. Հիմնարկի խնդիրներն են`

1) ծրագրի իրականացման շրջանակներում աշխատանքների կատարման ընթացիկ ժամանակացույցի և ծրագրի նախահաշիվների կազմումը, եթե ծրագրի կամ դրա բաղադրիչներից մեկի իրականացումը Հայաստանի Հանրապետության օրենսդրությամբ վերապահված չէ երրորդ անձի.

2) ծրագրի իրականացման նպատակով մրցույթների անցկացումը, առաջարկների գնահատումն ու վերլուծումը.

3) ծրագրով նախատեսված աշխատանքների որակի, ժամկետների և կատարման նկատմամբ հսկողությունը.

4) ծրագրով նախատեսված ապրանքների, աշխատանքների, ծառայությունների (այդ թվում` նաև խորհրդատվական) ձեռքբերումը, եթե ծրագրի իրականացման պլանի համաձայն ծրագրի որևէ բաղադրիչի իրականացումը վերապահված չէ երրորդ անձի.

5) գործունեության համար անհրաժեշտ նախագծային աշխատանքների, փորձագիտական գնահատումների պատվիրումը.

6) ծրագրի իրականացման հետ կապված վճարումների ղեկավարումը.

7) Հայաստանի Հանրապետության կառավարության անունից համապատասխան ծրագրում (ծրագրերում) նշված աշխատանքների պատվիրատուի գործառույթների իրականացումը.

8) ծրագրի շրջանակներում ապրանքների ու ծառայությունների ձեռքբերման նպատակով տեխնիկական առաջադրանքների պատրաստումը, մրցույթների անցկացումը, առաջարկների գնահատումն ու վերլուծումը, եթե դրանք հանրապետական գործադիր մարմինների բացառիկ իրավասությունը չեն, կամ Հայաստանի Հանրապետության միջազգային պայմանագրով այլ բան նախատեսված չէ, կամ ծրագրի իրականացման պլանի համաձայն ծրագրի որևէ բաղադրիչի իրականացումը վերապահված չէ երրորդ անձի.

9) ծրագրի իրականացման հետ կապված պայմանագրերի նախագծերի նախապատրաստումն ու կնքումը` Հայաստանի Հանրապետության միջազգային պայմանագրերով նախատեսված դեպքերում` համաձայն վարկատուի կանոնակարգի.

10) ծրագրի իրականացման մոնիթորինգը՝ ներառյալ համապատասխան միջազգային կամ օտարերկրյա վարկատու կազմակերպության կողմից, ինչպես նաև Հայաստանի Հանրապետության օրենսդրությամբ սահմանված ձևով հաշվետվություններ կազմելը և ներկայացնելը.

11) վարկային և դրամաշնորհային ծրագրով նախատեսված մասհանումների համար անհրաժեշտ դիմումներ կազմելը և ներկայացնելը: Վարկառուի (ենթավարկառուի) կամ դրամաշնորհ ստացողի և հիմնարկի միջև կնքված պայմանագիրը կարող է առաջադրել այլ լրացուցիչ խնդիրներ և գործառույթներ.

12) երրորդ անձի հետ միասին ծրագիրը կամ դրա որևէ բաղադրիչն իրականացնելիս՝ սույն կետի 11-րդ ենթակետով նախատեսված գործառույթները երրորդ անձի հետ համատեղ իրականացնելը կամ այդ գործառույթների իրականացման նպատակով ներկայացուցիչ նշանակելը.

13) իրականացնում է վարկառուներին և ենթավարկառուներին տրամադրվող շրջանառու վարկային միջոցների կառավարումը և մոնիթորինգը` համաձայն ձևի ուղեցույցի:

(13-րդ կետը լրաց. 15.03.12 N 287-Ն)

9. Հիմնարկն անցնում է տարեկան ներքին աուդիտ՝ «Ներքին աուդիտի մասին» Հայաստանի Հանրապետության օրենքով սահմանված կարգով: Հիմնարկը կարող է անցնել նաև արտաքին աուդիտ՝ Հայաստանի Հանրապետության կառավարության սահմանած կարգով և դեպքերում:

III. ՀԻՄՆԱՐԿԻ ԻՐԱՎԱՍՈՒԹՅՈՒՆԸ

10. Հիմնարկի իրավունակությունը ծագում է նրա կանոնադրությունը հաստատելու մասին հիմնադրի իրավական ակտն ուժի մեջ մտնելու պահից:

11. Հիմնարկի իրավունքներն ու պարտականությունները սահմանվում են Հայաստանի Հանրապետության օրենսդրությամբ, սույն կանոնադրությամբ և միջազգային պայմանագրերով:

12. Հիմնարկն իր հիմնադրի անունից, սույն կանոնադրությամբ նախատեսված գործունեության նպատակներին համապատասխան, կարող է ունենալ քաղաքացիական իրավունքներ և կրել այդ գործունեության հետ կապված քաղաքացիական պարտականություններ:

13. Հիմնարկին պատկանող քաղաքացիական իրավունքները՝ ներառյալ դրա պաշտպանության իրավունքը, պետական հիմնարկն իրականացնում է հիմնադրի հայեցողությամբ` նրա անունից:

14. Հիմնարկն օտարերկրյա պետությունների և միջազգային վարկատու կազմակերպությունների կողմից Հայաստանի Հանրապետությանը տրամադրվող միջոցների հաշվին ծրագրերի իրականացման դեպքում օգտվում է տվյալ միջազգային համաձայնագրերով նախատեսված արտոնություններից:

15. Հիմնարկն ունի անվանում, հիմնադրի կողմից իրեն անհատույց օգտագործման իրավունքով հանձնված գույք, Հայաստանի Հանրապետության զինանշանի պատկերով կլոր կնիք, դրոշմակնիք: Հիմնարկն իր ֆինանսական գործառնություններն իրականացնում է բանկային համակարգի միջոցով:

16. Հիմնարկն օրենքի սահմաններում՝ սույն կանոնադրությամբ նախատեսված ոլորտների և խնդիրների իրականացման համար հիմնադրի անունից իրավունք ունի`

1) ձեռք բերելու և իրականացնելու գույքային ու անձնական ոչ գույքային իրավունքներ, կրելու պարտականություններ.

2) դատարանում հանդես գալու որպես հայցվոր կամ պատասխանող.

3) Հայաստանի Հանրապետության օրենսդրությամբ սահմանված կարգով կնքելու պայմանագրեր և կրելու պարտավորություններ։

17. Հիմնարկի իրավունքները կարող են սահմանափակվել օրենքով նախատեսված դեպքերում և սահմանված կարգով, ինչպես նաև՝ հիմնադրի որոշմամբ:

18. Հիմնարկի պարտավորությունների համար պատասխանատվություն է կրում հիմնադիրը` օրենքով սահմանված կարգով:

19. Հիմնարկը պարտավոր է`

1) օրենքներով և այլ իրավական ակտերով սահմանված կարգով վարել հաշվապահական հաշվառում և ներկայացնել հաշվետվություններ.

2) ապահովել կազմակերպության փաստաթղթերի (կազմակերպության կանոնադրություն, գույքի նկատմամբ գույքային իրավունքները հաստատող փաստաթղթեր, կազմակերպության ներքին փաստաթղթեր, տարեկան հաշվետվություններ, հաշվապահական հաշվառման փաստաթղթեր, կառավարման մարմինների նիստերի արձանագրություններ, օրենքով և այլ իրավական ակտերով նախատեսված այլ փաստաթղթեր) պահպանումը:

IV. ՀԻՄՆԱՐԿԻ ԿԱՌԱՎԱՐՈՒՄԸ

20. Հիմնարկի կառավարումն իրականացնում են հիմնադիրը և լիազոր մարմինը: Հիմնարկի հիմնադրին է պատկանում հիմնարկի կառավարման և գործունեության վերաբերյալ ցանկացած հարցի վերջնական լուծման իրավունքը:

21. Հիմնարկի հիմնադրի լիազորություններն են`

1) հիմնարկի կառուցվածքի սահմանումը.

2) հիմնարկի գործունեության դադարման մասին որոշման ընդունումը.

3) հիմնարկի կանոնադրության հաստատումը, դրանում փոփոխությունների ու լրացումների կատարումը։

22. Լիազոր մարմինը`

1) կազմում և Հայաստանի Հանրապետության վարչապետի հաստատմանն է ներկայացնում հիմնարկի աշխատողների թիվը.

2) տնօրենի նկատմամբ կարգապահական տույժ կիրառելու միջնորդությամբ դիմում է Հայաստանի Հանրապետության վարչապետին.

3) թեկնածուներ է առաջադրում՝ մրցութային հանձնաժողովում ընդգրկելու համար.

4) հաստատում է ըստ ծրագրի բաղադրիչների՝ ծրագրի տարեկան ծախսերի նախահաշիվը, հիմնարկի պահպանման ծախսերի տարեկան նախահաշիվը, այդ թվում՝ նաև աշխատավարձի ֆոնդը և հաստիքացուցակը, նախապես համաձայնեցնելով Հայաստանի Հանրապետության ֆինանսների նախարարության հետ.

5) իրականացնում է Հայաստանի Հանրապետության օրենսդրությամբ և սույն կանոնադրությամբ սահմանված այլ լիազորություններ:

23. Հիմնարկի բարձրագույն ղեկավար պաշտոնատար անձը հիմնարկի տնօրենն է, որին պաշտոնի նշանակում և պաշտոնից ազատում է Հայաստանի Հանրապետության վարչապետը: Հիմնարկի տնօրենը և աշխատողները պաշտոնի են նշանակվում մրցութային կարգով՝ բացառությամբ սպասարկող անձնակազմի, որը սահմանվում է հիմնարկի հաստիքացուցակով: Մրցույթի անցկացման կարգը սահմանում է Հայաստանի Հանրապետության կառավարությունը:

24. Տնօրենի նկատմամբ կարգապահական տույժ կիրառում է Հայաստանի Հանրապետության վարչապետը: Տնօրենի նկատմամբ կարգապահական տույժ կիրառելու միջնորդություն Հայաստանի Հանրապետության վարչապետին կարող է ներկայացնել նաև լիազոր մարմինը:

25. Հիմնարկի տնօրենը`

1) գործում է Հայաստանի Հանրապետության օրենսդրության, սույն կանոնադրության, հիմնադրի, Հայաստանի Հանրապետության վարչապետի կողմից տրված հանձնարարականների համաձայն.

2) հաշվետու է հիմնադրին, Հայաստանի Հանրապետության վարչապետին և լիազոր մարմնին.

3) պատասխանատու է հիմնարկի գործունեության համար.

4) չի կարող զբաղեցնել այլ վճարովի պաշտոն կամ կատարել այլ վճարովի աշխատանք` բացի գիտական, մանկավարժական և ստեղծագործական աշխատանքից.

5) լրիվ գույքային պատասխանատվություն է կրում իր մեղքով պետությանը պատճառած վնասի համար: Հիմնարկի տնօրենի լիազորությունների դադարեցումը հիմք չէ պատճառած վնասը հատուցելու պարտականությունները չկատարելու համար.

6) Հայաստանի Հանրապետության օրենսդրությանը համապատասխան՝ տնօրինում է հիմնարկի գույքը (այդ թվում` ֆինանսական միջոցները), գործարքներ է կնքում հիմնադրի անունից.

7) ներկայացնում է հիմնարկը Հայաստանի Հանրապետությունում և օտարերկրյա պետություններում.

8) գործում է առանց լիազորագրի.

9) տալիս է հիմնարկի անունից հանդես գալու լիազորագրեր.

10) Հայաստանի Հանրապետության օրենսդրությանը համապատասխան՝ կնքում է պայմանագրեր (այդ թվում` աշխատանքային).

11) իր իրավասության սահմաններում արձակում է հրամաններ, տալիս պարտադիր կատարման համար ցուցումներ և վերահսկում է դրանց կատարումը.

12) մրցութային կարգով աշխատանքի է ընդունում և աշխատանքից ազատում հիմնարկի աշխատողներին.

13) հիմնարկի աշխատողների նկատմամբ կիրառում է Հայաստանի Հանրապետության օրենսդրությամբ սահմանված խրախուսման և կարգապահական պատասխանատվության միջոցներ.

14) արձակում է աշխատանքային իրավահարաբերություններից բխող հրամաններ հիմնարկի աշխատողներին արձակուրդ տրամադրելու (հետ կանչելու), նրանց գործուղումների, ինչպես նաև Հայաստանի Հանրապետության տարածքում իր գործուղումների վերաբերյալ.

15) իրականացնում է Հայաստանի Հանրապետության օրենսդրությամբ և սույն կանոնադրությամբ նախատեսված այլ լիազորություններ։

26. Հիմնադիրը հիմնարկի գործունեության նկատմամբ վերահսկողություն է իրականացնում Հայաստանի Հանրապետության կառավարության սահմանած կարգով։

 V. ՀԻՄՆԱՐԿԻ ՄԻՋՈՑՆԵՐԸ

27. Հիմնարկը չունի հիմնադրից առանձնացված գույք: Հիմնարկի գույքը սեփականության իրավունքով պատկանում է հիմնադրին:

28. Հիմնարկի գույքային իրավունքների օբյեկտներն են`

1) գույքը` ներառյալ դրամական միջոցները, արժեթղթերը և գույքային իրավունքները.

2) աշխատանքները և ծառայությունները.

3) տեղեկատվությունը.

4) ոչ նյութական բարիքները:

29. Հիմնարկի տիրապետմանն ու օգտագործմանը կարող է պատկանել ցանկացած գույք` բացառությամբ գույքի առանձին տեսակների, որոնք օրենքին համապատասխան չեն կարող պատկանել հիմնարկին: Հիմնարկի տնօրինությանը պատկանող գույքի թիվն ու արժեքը չեն սահմանափակվում` բացառությամբ օրենքով նախատեսված դեպքերի:

30. Հիմնարկի գույքը գտնվում է Հայաստանի Հանրապետության պաշտպանության ներքո:

VI. ՀԻՄՆԱՐԿԻ ԳՈՐԾՈՒՆԵՈՒԹՅԱՆ ԴԱԴԱՐՈՒՄԸ

31. Հիմնարկի գործունեությունը կարող է դադարել միայն հիմնադրի որոշմամբ:

32. Հիմնարկի հիմնադիրը կազմակերպության գործունեության դադարման մասին որոշմամբ նաև նշանակում է լուծարային հանձնաժողով, սահմանում լուծարման կարգն ու ժամկետները: Հիմնարկի լուծարման ժամկետը չի կարող պակաս լինել երկու ամսվանից:

33. Հիմնարկի գործունեությունը համարվում է դադարած` հիմնադրի սահմանած օրվանից:

(Հավելվածը լրաց. 15.03.12 N 287-Ն, խմբ. 24.05.12 N 638-Ն)

Հայաստանի Հանրապետության կառավարության աշխատակազմի ղեկավար

Դ. Սարգսյան

Ձև

ՈՒ Ղ Ե Ց ՈՒ Յ Ց

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ «ԳՅՈՒՂԱԿԱՆ ՏԱՐԱԾՔՆԵՐԻ ՏՆՏԵՍԱԿԱՆ ԶԱՐԳԱՑՄԱՆ ԾՐԱԳՐԵՐԻ ԻՐԱԿԱՆԱՑՄԱՆ ԳՐԱՍԵՆՅԱԿ» ՊԵՏԱԿԱՆ ՀԻՄՆԱՐԿԻ ԳՅՈՒՂԱԿԱՆ ՖԻՆԱՆՍԱՎՈՐՄԱՆ ԲԱԺՆԻ

ՍԱՀՄԱՆՈՒՄՆԵՐ`

1) փոխառու նշանակում է Հայաստանի Հանրապետություն.

2) ֆինանսավորման համաձայնագրեր նշանակում է գյուղական ֆինանսավորման բաժնի ծրագրային գործառնություններին աջակցելու նպատակով Գյուղատնտեսության զարգացման միջազգային հիմնադրամի և փոխառուի, ինչպես նաև փոխառուի և այլ դոնոր կազմակերպությունների միջև կնքված համաձայնագրեր.

3) ՇՀՖԾ նշանակում է Գյուղատնտեսության զարգացման միջազգային հիմնադրամի կողմից ֆինանսավորվող Շուկայավարման հնարավորություն ֆերմերներին ծրագիր.

4) ԳԶՄՀ նշանակում է Գյուղատնտեսության զարգացման միջազգային հիմնադրամ.

5) ԾՂԽ նշանակում է Գյուղական կարողությունների ստեղծման և Շուկայավարման հնարավորություններ ֆերմերներին ծրագրերի ղեկավար խորհուրդ, ինչպես նկարագրված է ֆինանսավորման համաձայնագրերում և սահմանված է Հայաստանի Հանրապետության վարչապետի 2011 թվականի հուլիսի 12-ի N 653-Ն որոշմամբ.

6) լիազոր մարմին նշանակում է Հայաստանի Հանրապետության կառավարության աշխատակազմ.

7) ԾԻԳ նշանակում է Հայաստանի Հանրապետության կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակ» պետական հիմնարկ, որը հիմնվել է Հայաստանի Հանրապետության կառավարության 2011 թվականի ապրիլի 28-ի N 461-Ն որոշմամբ և որը պատասխանատու է Գյուղական կարողությունների ստեղծման ծրագրի իրականացման և համակարգման համար.

8) ՎԽ նշանակում է վարկային խորհուրդ, ինչպես նկարագրված է ֆինանսավորման համաձայնագրերում.

9) ԾԻԳ-ի կանոնադրություն նշանակում է Հայաստանի Հանրապետության կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակ» պետական հիմնարկի կանոնադրություն, որը հաստատվել է Հայաստանի Հանրապետության կառավարության 2011 թվականի ապրիլի 28-ի N 461-Ն որոշմամբ.

10) ԾԻԳ-ի տնօրեն նշանակում է Հայաստանի Հանրապետության կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակ» պետական հիմնարկի տնօրեն.

11) ԳՖԲ նշանակում է Հայաստանի Հանրապետության կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակ» պետական հիմնարկի գյուղական ֆինանսավորման ինքնուրույն^ուղղ.  բաժին, որը կազմավորվել է Հայաստանի Հանրապետության կառավարության 2011 թվականի դեկտեմբերի 15-ի N 1783-Ն որոշմամբ.

12) ՄՖԿ նշանակում է մասնակից ֆինանսական կառույց, ինչպես օրինակ` բանկը, վարկային և լիզինգային կազմակերպությունը կամ այլ ֆինանսական կառույց, որն ընտրվում է գյուղական ֆինանսավորման բաժնի վերաֆինանսավորման գործառույթներին մասնակցելու նպատակով.

13) ԳՏՏԶԾ նշանակում է Գյուղատնտեսության զարգացման միջազգային հիմնադրամի կողմից ֆինանսավորված գյուղական տարածքների տնտեսական զարգացման ծրագիր.

14) ԳՖԲ-ի ներդրումային ուղեցույց նշանակում է կանոնների և կանոնակարգերի համառոտագիր, որոնք ենթակա են կիրառման գյուղատնտեսության զարգացման միջազգային հիմնադրամից և այլ դոնորներից ստացված ֆինանսական միջոցների կառավարման համար.

15) ԳՖԲ-ի ծրագրային հաշիվներ նշանակում է ցանկացած հաշիվ, որի միջոցով ԳՖԲ-ն ստանում է արտաքին օժանդակություն գյուղական ֆինանսավորման բաժնի ծրագրային գործառույթների համար և ցանկացած հաշիվ, որն օգտագործվում է ծրագրային գործառնությունների համար.

16) ԳՖԲ-ի ծրագրային ակտիվները ներառում են բոլոր ֆինանսական միջոցները, որոնք տրամադրվում են Գյուղատնտեսության զարգացման միջազգային հիմնադրամի կողմից ֆինանսավորված և վերահսկվող ծրագրերի միջոցով կամ այլ դոնոր կազմակերպությունների կողմից տրամադրվող միջոցներ` այն բացառիկ պայմանով, որ դրանք կառավարվեն գյուղական ֆինանսավորման բաժնի սույն կանոնադրությամբ, և ներառում են հետադարձ հոսքը մասնակից ֆինանսական կառույցներից, տոկոսագումարները և ցանկացած այլ ակտիվներ, որոնք հաշվեգրվում են նշված միջոցներին.

17) ԳՖԲ-ի պետ նշանակում է գյուղական ֆինանսավորման բաժնի պետ.

18) ԳՖԲ-ի ծրագրային գործառնություններ նշանակում է գյուղական ֆինանսավորման բաժնի ծրագրային ակտիվների օգտագործում` մասնակից ֆինանսական կառույցներին ֆինանսական միջոցներ տրամադրելու նպատակով` վերաֆինանսավորելու համապատասխան ծրագրերի վարկավորումը, ինչպես նաև ֆինանսավորելու այնպիսի ընթացիկ կամ այլ ծախսեր, որոնք ֆինանսավորման համաձայնագրերի սահմանված կարգով անհրաժեշտ են գյուղական ֆինանսավորման բաժնի ծրագրային գործառնությունները կառավարելու և վերահսկելու համար:

1. Ընդհանուր դրույթներ

1.1. ԳՖԲ-ի սույն կանոնադրությունն ընդունվում է կանոնակարգելու ԾԻԳ-ի կառուցվածքում որպես վերջինիս ստորաբաժանման ԳՖԲ-ի գործունեությունը, որն իրականացնելու է ֆինանսական համաձայնագրերով տրամադրված վարկային շրջանառու միջոցների կառավարումը և վերջիններիս նկատմամբ հսկողությունը:

1.2. Վարկային շրջանառու միջոցները տրամադրվում են ԳՖԲ-ին ԳԶՄՀ-ի կողմից ֆինանսավորված և վերահսկվող ծրագրերի միջոցով կամ այլ դոնոր կազմակերպությունների կողմից` պայմանով, որ դրանք կառավարվեն ԳՖԲ-ի կողմից ֆինանսական համաձայնագրերով, սույն կանոնադրությամբ և ներդրումային ուղեցույցով սահմանված կարգով:

1.3. ԳՖԲ-ն ԾԻԳ-ի կառուցվածքային ստորաբաժանում է, որը կազմավորվել է կառավարության վերաֆինանսավորման ծրագրերն իրականացնելու նպատակով, մասնավորապես, ԳՏՏԶԾ-ի և ՇՀՖԾ-ի շրջանակներում:

1.4. ԳՖԲ-ն իր գործառույթներն իրականացնելու է ԾԻԳ-ի անունից:

2. ԳՖԲ-ի ծրագրային գործառնությունները

2.1. ԳՖԲ-ի ծրագրային գործառնությունները նշանակում են ծրագրային ակտիվների օգտագործում` ՄՖԿ-ներին ֆինանսական միջոցներ տրամադրելու նպատակով` վերաֆինանսավորելու համապատասխան ծրագրերի վարկավորումը ներդրումային ուղեցույցին համապատասխան, ինչպես նաև ֆինանսավորելու այնպիսի ընթացիկ կամ այլ ծախսեր, որոնք ֆինանսավորման համաձայնագրերով սահմանված կարգով անհրաժեշտ են ԳՖԲ-ի ծրագրային գործառնությունները կառավարելու և այդ միջոցների օգտագործման նկատմամբ հսկողություն իրականացնելու համար:

2.2. Իր ծրագրային գործառույթների համար ԳՖԲ-ն ունի իր ստորաբաժանման անվանմամբ դրոշմակնիք:

3. ԳՖԲ-ի կառավարումը

3.1. Ծրագրի ղեկավար խորհուրդը (ԾՂԽ)`

3.1.1. հաստատում է ԳՖԲ-ի ներդրումային ուղեցույցը և դրանում կատարված ցանկացած փոփոխություն և լրամշակում, որը ենթակա է համաձայնեցման Հայաստանի Հանրապետության ֆինանսների նախարարության, ԳԶՄՀ-ի և այլ դոնորների հետ.

3.1.2. մշակում է ԳՖԲ-ի գործառնությունների ընդհանուր քաղաքականությունը և իրականացնում է դրա կիրառման նկատմամբ վերահսկողությունը.

3.1.3. որոշում է վերաֆինանսավորման ժամկետներն ու պայմանները, որոնք ենթակա են համաձայնեցման Հայաստանի Հանրապետության ֆինանսների նախարարության, ԳԶՄՀ-ի և այլ դոնորների հետ.

3.1.4. հաստատում է ԳՖԲ-ի տարեկան աշխատանքային պլանը և բյուջեն.

3.1.5. հաստատում է ԳՖԲ-ի տարեկան ֆինանսական և կատարողականության վերաբերյալ հաշվետվությունները:

3.2. Վարկային խորհուրդը (ՎԽ)`

3.2.1. ներդրումային ուղեցույցին համապատասխան հաստատում կամ մերժում է ՄՖԿ-ների վերաֆինանսավորելու նպատակով վերջիններիս կողմից ստացված հայտերը.

3.2.2. ընդունում է որոշումներ ներդրումային ուղեցույցի ժամկետներին և պայմաններին ենթավարկերի համապատասխանության վերաբերյալ:

3.3. ԾՂԽ-ի և ՎԽ-ի կազմն ու գործունեությունը կարգավորվում են ֆինանսական համաձայնագրերով և Հայաստանի Հանրապետության վարչապետի համապատասխան որոշումներով:

3.4. ՎԽ-ի բոլոր որոշումներն ընդունվում են նիստին մասնակցող անդամների ձայների պարզ մեծամասնությամբ: Որոշման ընդունման ժամանակ ձայների հավասար լինելու դեպքում ՎԽ-ի նախագահի ձայնը վճռորոշ է: ՎԽ-ի նիստն իրավազոր է, եթե դրան մասնակցում է անդամների հիսուն տոկոսը:

3.5. ՎԽ-ն իրավունք ունի մերժելու հայտը, ԳՖԲ-ի ներդրումային ուղեցույցում սահմանված իրավասության չափորոշիչների անհամապատասխանության դեպքում:

4. ԳՖԲ-ի պետը

4.1. ԳՖԲ-ի պետն ունի համապատասխան անհրաժեշտ լիազորություններ իրականացնելու ԳՖԲ-ի ծրագրային գործառնությունները, մասնավորապես, ԳՖԲ-ի ծրագրային գործառնությունների շրջանակներում ԾԻԳ-ի տնօրենի կողմից սահմանված կարգով տրված լիազորագրի հիման վրա ներկայացնելու ԳՖԲ-ն, սահմանված կարգով տնօրինել ԳՖԲ-ի հաշիվները և ԾԻԳ-ի անունից իր լիազորությունների սահմաններում ստանձնել պարտավորություններ:

4.2. ԳՖԲ-ի պետը գործում է սույն կանոնադրությամբ իրեն վերապահված իրավասությունների շրջանակներում:

4.3. ԳՖԲ-ի պետն աշխատանքի է ընդունվում մրցութային կարգով: ԳՖԲ-ի պետի թեկնածուն պետք է ունենա ԳԶՄՀ-ի համար ընդունելի որակավորում և փորձառություն, իսկ նրա թեկնածությունը սահմանված կարգով ենթակա է հաստատման ԳԶՄՀ-ի կողմից: ԳՖԲ-ի պետը հաշվետու է ԾԻԳ-ի տնօրենին:

5. ԳՖԲ-ի աշխատակազմը

5.1. ԳՖԲ-ի աշխատողներն աշխատանքի են ընդունվում մրցութային կարգով` ԳՖԲ-ի ղեկավարի ներկայացմամբ^ուղղ. Հայաստանի Հանրապետության օրենսդրությանը համապատասխան: ԳՖԲ-ի բանկային մասնագետը (մասնագետները) և հաշվապահը (հաշվապահները) նշանակվում են միայն ԳԶՄՀ-ի կողմից ստացված համաձայնության հիման վրա և գործատուի նախաձեռնությամբ կարող են ազատվել աշխատանքից միայն ԳԶՄՀ-ի համաձայնությունն ստանալուց հետո:

ԳՖԲ-ի աշխատողներն իրականացնում են իրենց պարտականությունները ԳՖԲ-ի պետի և ԾԻԳ-ի տնօրենի կողմից ստացված հանձնարարականներին համապատասխան: ԳՖԲ-ի աշխատողներն անմիջականորեն հաշվետու են նրանց:

5.2. ԳՖԲ-ի ծրագրային ակտիվները սահմանված կարգով կարող են օգտագործվել ԳՖԲ-ի պետի և աշխատողների աշխատավարձերը վճարելու նպատակով` նախապես ստանալով լիազոր մարմնի համաձայնությունը: Նման հավելումները պետք է արդարացի և համամասնորեն հաշվարկվեն և բաշխվեն` հաշվի առնելով այն աշխատանքային ծանրաբեռնվածությունը, որ ԳՖԲ-ի պետը և աշխատակազմը ձեռնարկում են ԳՖԲ-ի ծրագրային գործառույթներն իրականացնելու նպատակով` համաձայն սույն կանոնադրության 6.1-ին կետի:

6. Ֆինանսական կառավարում

6.1. ԳՖԲ-ի ծրագրային ակտիվները, այդ թվում` նաև վերաֆինանսավորման կապիտալի և գործառնական ծախսերի խնայողությունները (մնացորդը), օգտագործվում են բացառապես ԳՖԲ-ի ծրագրային գործառնությունների համար: Սույն կանոնադրությամբ արգելվում է ԳՖԲ-ի ծրագրային ակտիվների օգտագործումն այլ, ոչ ԳՖԲ-ի ծրագրային գործառնությունների նպատակով:

6.2. ԳՖԲ-ի ծրագրային ակտիվներն առանձնացվում են ԾԻԳ-ի մյուս ակտիվներից և պետք է վերահսկվեն, հաշվառվեն և ստուգվեն առանձին: ԳՖԲ-ն օգտագործում է համապատասխան համակարգչային ծրագրերն իր շրջանառու միջոցները վարելու նպատակով: Նման ծրագրերի փոփոխությունը սահմանված կարգով ենթակա է նախապես համաձայնեցման ԳԶՄՀ-ի հետ:

6.3. ԳՖԲ-ն ունի առանձին հաշիվներ Հայաստանի Հանրապետության կենտրոնական գանձապետարանում և ֆինանսական կառավարման համակարգեր, որոնք հնարավորություն են տալիս իրականացնելու ԳՖԲ-ի ծրագրային ակտիվների առանձին հսկողություն, աուդիտ և հաշվառում:

6.4. ԳՖԲ-ի պետը հաշվետու է ԾԻԳ-ի տնօրենին: ԳՖԲ-ի գործառույթները ներառվում են տարեկան աշխատանքային պլանում և բյուջեում, ինչպես նաև ֆինանսական համաձայնագրերում և Հայաստանի Հանրապետության օրենսդրությամբ նախատեսված հաշվետվությունների մաս են կազմում:

7. ԾԻԳ-ի կողմից ԳՖԲ-ի համար կատարված գործառնական ծախսերի փոխհատուցումը

7.1. ԾԻԳ-ը կարող է կատարել ծախսեր ԳՖԲ-ի համար` ԳՖԲ-ի ծրագրային գործառնությունները վերջինիս կողմից իրականացնելու նպատակով: Նման ծախսերը կարող են ներառել`

7.1.1. տարածքի վարձակալություն, այդ թվում` նաև վճարումներ էլեկտրաէներգիայի, գազի, հեռախոսի, ՏՏ-ի և այլնի համար.

7.1.2. գրասենյակի կառավարում, այդ թվում` նաև մաքրություն, անվտանգություն և այլն.

7.1.3. նյութատեխնիկական ապահովում, այդ թվում` նաև վարորդներ և մեքենաներ:

7.2. Անհրաժեշտության դեպքում ԾԻԳ-ի տնօրենը և ԳՖԲ-ի պետը նախապես համաձայնություն պետք է ձեռք բերեն կատարվող ծախսերի ծավալների վերաբերյալ: ԾԻԳ-ը ԳՖԲ-ին եռամսյակային կտրվածքով կներկայացնի տեղեկանք ԾԻԳ-ի կողմից կատարված այն ծախսերի մասին, որոնք սահմանված կարգով ենթակա կլինեն փոխհատուցման ԳՖԲ-ի հաշիվներից:

8. ԳՖԲ-ի իրավունքներն ու պարտավորությունները, իրավասությունները և պատասխանատվությունը

8.1. ԳՖԲ-ի իրավունքներն ու պարտականությունները, իրավասությունները և պատասխանատվությունը, կապված ծրագրային գործառնությունների և (կամ) ակտիվների հետ, որոնք որպես ԾԻԳ-ի կառուցվածքային ստորաբաժանում վերջինիս հետ միավորման արդյունքում փոխանցվել են ԾԻԳ-ին, կարգավորվում են սույն կանոնադրությամբ:

Այդ իրավունքներն ու պարտականությունները, իրավասությունները և պատասխանատվությունը կազմում են ԳՖԲ-ի ծրագրային գործառույթների մաս, գտնվում են ԳՖԲ-ի պետի իրավասությունների շրջանակներում` բացառությամբ այն իրավասությունների, որոնք Հայաստանի Հանրապետության օրենսդրությամբ սահմանված կարգով վերապահված են ԾԻԳ-ի տնօրենին:

(Ձևը լրաց. 15.03.12 N 287-Ն)

Հավելված N 2 ՀՀ կառավարության 2011 թվականի ապրիլի 28-ի N 461-Ն որոշման

Կ Ա Ռ ՈՒ Ց Վ Ա Ծ Ք

Կառուցվածքային ստորաբաժանումներ

 1. . Ֆինանսահաշվային բաժին

2. Շինարարության վերահսկման բաժին

3. Զարգացման բաժին

4. Ծրագրերի բաղադրիչների համակարգման բաժին

5. Գնումների և իրավաբանական բաժին

6. Մոնիթորինգի և ազդեցության գնահատման բաժին

7. Գյուղական ֆինանսավորման բաժին

8. Գործերի կառավարման բաժին

(Հավելվածը խմբ. 15.12.11 N 1783-Ն)

Հայաստանի Հանրապետության կառավարության աշխատակազմի ղեկավար

Դ. Սարգսյան