ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

7 նոյեմբերի 2011 թվականի N 1052-Ա

ՓՈՐՁԱԳԻՏԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 121-րդ կետի 2-րդ ենթակետին համապատասխան և «Կենսաչափական կողմնորոշիչներ պարունակող էլեկտրոնային անձնագրերի համակարգի ներդրման աշխատանքների (ծառայությունների) կատարման մասին» ԱՇԾԲ-10/53 պայմանագրի շրջանակներում լեհական «PWPW S.A.» ընկերության ներկայացրած համակարգի բաղկացուցիչների, հանձնման-ընդունման և տեխնիկական բնութագրերի վերաբերյալ եզրակացություն տրամադրելու նպատակով`

1. Ստեղծել փորձագիտական հանձնաժողով և հաստատել դրա կազմը` համաձայն հավելվածի:

2. Հայաստանի Հանրապետության «Էլեկտրոնային կառավարման ենթակառուցվածքների ներդրման գրասենյակ» փակ բաժնետիրական ընկերությանը` փորձագիտական հանձնաժողովի եզրակացությունը ներկայացնել Հայաստանի Հանրապետության կառավարության աշխատակազմ:

Հայաստանի Հանրապետության վարչապետ	Տ. Սարգսյան
2011 թ. նոյեմբերի 7 Երևան

Հավելված  ՀՀ վարչապետի 2011 թվականի նոյեմբերի 7-ի N 1052-Ա որոշման

Կ Ա Զ Մ

ՓՈՐՁԱԳԻՏԱԿԱՆ ՀԱՆՁՆԱԺՈՂՈՎԻ

Հ. Քոչարյան	- ՀՀ կառավարությանն առընթեր ՀՀ ոստիկանության    անձնագրային և վիզաների վարչության պետ,    ոստիկանության գնդապետ
Գ. Ներսեսյան	- ՀՀ կառավարությանն առընթեր ազգային    անվտանգության ծառայության գլխավոր    վարչության բաժնի պետ
Կ. Հակոբյան	- ՀՀ արդարադատության նախարարության    աշխատակազմի օրենսդրության վերլուծության    և կատարելագործման վարչության պետի    ժամանակավոր պաշտոնակատար
Ա. Ղուլյան	- «Էլեկտրոնային կառավարման ենթակառուցվածքների     ներդրման գրասենյակ» ՓԲԸ-ի տնօրեն     (համաձայնությամբ)
Ա. Ավետիսյան	- Համաշխարհային բանկի Քաղաքականության և    մարդկային ռեսուրսների զարգացման (PHRD)    դրամաշնորհի բաղադրիչներից Հայաստանում    նույնականացման քարտերի ներդրման ծրագրի    նախագծման և իրականացման աշխատանքներին    աջակցության նպատակով ընտրված խորհրդատու    (համաձայնությամբ)
Տ. Պետրոսյան	- Համաշխարհային բանկի Էլեկտրոնային հասարակության    և մրցունակության համար նորարության ծրագրի    Տեխնիկական օժանդակություն հավաստագրման կենտրոն    հիմնելու համար ընտրված տեխնիկական փորձագետ    (համաձայնությամբ)

(Հավելվածը փոփ. 03.02.12 N 62-Ա)

Հայաստանի Հանրապետության կառավարության աշխատակազմի ղեկավար

Դ. Սարգսյան