«Գրանցված է»

ՀՀ արդարադատության

նախարարության կողմից

12 մարտի 2012 թ.

Պետական գրանցման թիվ 05012140

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

21 փետրվարի 2012 թ.

թիվ 39-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2009 ԹՎԱԿԱՆԻ ՀՈՒԼԻՍԻ 28-Ի ԹԻՎ 224-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Նպատակ ունենալով  վերանայել Հայաստանի Հանրապետության կենտրոնական բանկի խորհրդի 2009 թվականի հուլիսի 28-ի թիվ 224-Ն որոշմամբ հաստատված օֆշորային տարածքների ցանկը,

հիմք ընդունելով  Տնտեսական զարգացման և համագործակցության կազմակերպության կողմից 2011 թվականի սեպտեմբերի 14-ին հրապարակված՝ միջազգայնորեն համաձայնեցված հարկային ստանդարտին տարածքների համապատասխանության վերաբերյալ առաջընթացի հաշվետվությունը,

ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով, «Իրավական ակտերի մասին» Հայաստանի Հանրապետության օրենքի 16-րդ հոդվածով և 70-րդ հոդվածի 1-ին մասով` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2009 թվականի հուլիսի 28-ի «Օֆշորային տարածքների ցանկը հաստատելու մասին» թիվ 224-Ն որոշմամբ հաստատված «Օֆշորային տարածքների ցանկը» շարադրել նոր խմբագրությամբ՝ համաձայն սույն որոշման Հավելվածի։

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը։

ՀՀ կենտրոնական բանկի նախագահ	Ա. Ջավադյան
2012 թ. փետրվարի 24 ք. Երևան

Հավելված   Հաստատված է Հայաստանի Հանրապետության կենտրոնական բանկի խորհրդի 2012 թվականի փետրվարի 21-ի թիվ 39-Ն որոշմամբ

Հավելված 1 Հայաստանի Հանրապետության կենտրոնական բանկի խորհրդի 2009 թվականի հուլիսի 28-ի թիվ 224-Ն որոշման

Օֆշորային տարածքների ցանկ

1. Մոնսերրաթ

2. Նաուրու

3. Նիու

4. Գվատեմալա

5. Ուրուգվայ