«Գրանցված է»

ՀՀ արդարադատության

նախարարության կողմից

14 փետրվարի 2012 թ.

Պետական գրանցման թիվ 60612103

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ

6 փետրվարի 2012 թ. ք. Երևան

N 26-Ն

Ո Ր Ո Շ ՈՒ Մ

ԿՈՒՍԱԿՑՈՒԹՅՈՒՆՆԵՐԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ ՖԻՆԱՆՍԱԿԱՆ ՀԱՇՎԵՏՎՈՒԹՅՈՒՆՆԵՐ ՆԵՐԿԱՅԱՑՆԵԼՈՒ ԿԱՐԳԸ, ՀԱՇՎԵՏՎՈՒԹՅԱՆ ՁԵՎԸ ԵՎ ԱՅՆ ԼՐԱՑՆԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

Ղեկավարվելով «Կուսակցությունների մասին» Հայաստանի Հանրապետության օրենքի 28-րդ հոդվածի 3-րդ մասով և հիմք ընդունելով Հայաստանի Հանրապետության ընտրական օրենսգրքի 28-րդ հոդվածի 2-րդ մասը, 49-րդ հոդվածի 1-ին մասի 18-րդ կետը և Հայաստանի Հանրապետության կառավարության 2004 թվականի փետրվարի 5-ի «Պետական լիազոր մարմին ճանաչելու մասին» N 56-Ն որոշումը` Հայաստանի Հանրապետության կենտրոնական ընտրական հանձնաժողովը որոշում է.

1. Սահմանել`

1) կուսակցությունների կողմից Հայաստանի Հանրապետության կենտրոնական ընտրական հանձնաժողով ֆինանսական հաշվետվություններ ներկայացնելու կարգը` համաձայն N 1 հավելվածի,

2) կուսակցությունների կողմից Հայաստանի Հանրապետության կենտրոնական ընտրական հանձնաժողով ներկայացվող ֆինանսական հաշվետվության ձևը` համաձայն N 2 հավելվածի,

3) կուսակցությունների կողմից Հայաստանի Հանրապետության կենտրոնական ընտրական հանձնաժողով ներկայացվող ֆինանսական հաշվետվությունը լրացնելու կարգը` համաձայն N 3 հավելվածի:

ՀՀ կենտրոնական ընտրական հանձնաժողովի նախագահ

Տ. Մուկուչյան

Հավելված N 1 ՀՀ կենտրոնական ընտրական հանձնաժողովի 2012 թ. փետրվարի 6-ի N 26-Ն որոշման

Կ Ա Ր Գ

ԿՈՒՍԱԿՑՈՒԹՅՈՒՆՆԵՐԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ ՖԻՆԱՆՍԱԿԱՆ ՀԱՇՎԵՏՎՈՒԹՅՈՒՆՆԵՐ ՆԵՐԿԱՅԱՑՆԵԼՈՒ

1. Կուսակցությունները, սույն կարգին համապատասխան, պարտավոր են իրենց ֆինանսական հաշվետվությունները Հայաստանի Հանրապետության կենտրոնական ընտրական հանձնաժողովի վերահսկիչ-վերստուգիչ ծառայություն ներկայացնել յուրաքանչյուր տարի՝ հաշվետու տարվան հաջորդող մարտի 25-ից ոչ ուշ:

2. Կուսակցությունները իրենց ֆինանսական հաշվետվությունները հրապարակում են զանգվածային լրատվության միջոցներում` սույն կարգի 1-ին կետով սահմանված ժամկետում:

3. Ֆինանսական հաշվետվությունը պետք է տվյալներ պարունակի հաշվետու տարվա ընթացքում կուսակցության հաշվում մուտք արված միջոցների աղբյուրների և ծավալի, այդ միջոցների ծախսման, ինչպես նաև կուսակցությանը պատկանող գույքի և այդ գույքի արժեքի մասին:

3. Ֆինանսական հաշվետվությունները ներկայացվում են կենտրոնական ընտրական հանձնաժողովի սահմանած ձևին համապատասխան: Հաշվետվության ձևը ներբեռնվում է կենտրոնական ընտրական հանձնաժողովի համացանցային կայքից:

4. Ֆինանսական հաշվետվությունները ներկայացվում են թղթային տարբերակով՝ դրան կցելով տպագիր մամուլի այն համարը, որում հրապարակվել է հաշվետվությունը:

5. Կուսակցության նախընտրական քարոզչության ֆինանսավորման համար ծախսված միջոցների հաշվառումը կատարվում է առանձին:

Հավելված N 2 ՀՀ կենտրոնական ընտրական հանձնաժողովի 2012 թ. փետրվարի 6-ի N 26-Ն որոշման

_____________________________________ ԿՈՒՍԱԿՑՈՒԹՅԱՆ ՏԱՐԵԿԱՆ ՖԻՆԱՆՍԱԿԱՆ ՀԱՇՎԵՏՎՈՒԹՅՈՒՆԸ 20 __ ԹՎԱԿԱՆԻ ՀՈՒՆՎԱՐԻ 1-ԻՑ ԴԵԿՏԵՄԲԵՐԻ 31-Ն ԸՆԿԱԾ ԺԱՄԱՆԱԿԱՀԱՏՎԱԾԻ ՀԱՄԱՐ

ԿՈՒՍԱԿՑՈՒԹՅԱՆ ՀԱՇՎՈՒՄ ՄՈՒՏՔ ԱՐՎԱԾ ԴՐԱՄԱԿԱՆ ՄԻՋՈՑՆԵՐ

Աղբյուրները	Չափը (հազ. դրամով)	Հատկացման ձևը (բանկային հաշիվ/դրամարկղ կանխիկ/փոխանցում)	Այլ տվյալներ
1	2	3	4
1. Մնացորդը հաշվետու տարվա հունվարի 1-ի դրությամբ
2. Անդամակցության վճարներ
3. Ֆիզիկական անձանց նվիրատվություններ
4. Իրավաբանական անձանց նվիրատվություններ
5. Օրենքով նախատեսված կարգով ստացված բյուջետային ֆինանսավորում
6. Քաղաքացիական իրավական գործարքներ և օրենսդրությամբ չարգելված այլ մուտքեր
Ընդամենը`

_________________________________________________________

Կուսակցության ղեկավարի (կուսակցության իրավասու պաշտոնատար անձի)

անուն, հայրանուն, ազգանուն, ստորագրությունը

ԾԱԽՍՎԱԾ ԴՐԱՄԱԿԱՆ ՄԻՋՈՑՆԵՐ

Ծախսի անվանումը	Չափը (հազ. դրամով)	Ծախսի կատարումը հավաստող փաստաթղթերի անվանումը և տվյալները	Այլ տվյալներ
1.	2.	3.	4.
1. Ֆիզիկական անձանց տրված վճարներ (աշխատավարձ, ծառայությունների մատուցման վճարներ)
2. Սոցիալական վճարներ
3. Գույքի վարձակալության վճար
4. Կոմունալ վճարումներ
5. Հարկեր, տուրքեր
6. Գույքի ձեռքբերման համար կատարված ծախսեր
7. Տրանսպորտային ծախսեր
8. Գործուղման ծախսեր
9. Այլ ծախսեր
Ընդամենը`

_________________________________________________________

Կուսակցության ղեկավարի (կուսակցության իրավասու պաշտոնատար անձի)

անուն, հայրանուն, ազգանուն, ստորագրությունը

ԿՈՒՍԱԿՑՈՒԹՅԱՆ ՈՒՆԵՑԱԾ ԱՆՇԱՐԺ ԳՈՒՅՔԸ

Աղբյուրները	Արժեքը (հազ. դրամով)	Անշարժ գույքի տեսակը, գտնվելու վայրը, մակերեսը	Այլ տվյալներ
1.	2.	3.	4.
1. Առկա անշարժ գույքը հաշվետու տարվա հունվարի 1-ի դրությամբ
2. Ֆիզիկական անձանց նվիրատվություններ
3. Իրավաբանական անձանց նվիրատվություններ
4. Քաղաքացիական իրավական գործարքներ
5. Օրենսդրությամբ չարգելված այլ աղբյուրներ
Ընդամենը`

ԿՈՒՍԱԿՑՈՒԹՅԱՆ ՈՒՆԵՑԱԾ ՇԱՐԺԱԿԱՆ ԳՈՒՅՔԸ

Աղբյուրները	Արժեքը (հազ. դրամով)	Շարժական գույքի տեսակը, մակնիշը և սերիան, թողարկման տարեթիվը	Այլ տվյալներ
1.	2.	3.	4.
1. Առկա շարժական գույքը հաշվետու տարվա հունվարի 1-ի դրությամբ
2. Ֆիզիկական անձանց նվիրատվություններ
3. Իրավաբանական անձանց նվիրատվություններ
4. Քաղաքացիական իրավական գործարքներ
5. Օրենսդրությամբ չարգելված այլ աղբյուրներ
Ընդամենը`

_________________________________________________________

Կուսակցության ղեկավարի (կուսակցության իրավասու պաշտոնատար անձի)

անուն, հայրանուն, ազգանուն, ստորագրությունը

ՕՏԱՐՎԱԾ ԿԱՄ ԴՈՒՐՍ ԳՐՎԱԾ ԳՈՒՅՔ

Գույքի անվանումը	Օտարման գինը (հազ. դրամով)	Օտարման ձևը և օտարման փաստը հաստատող փաստաթղթի անվանումը և տվյալները	Այլ տվյալներ
1.	2.	3.	4.
1.
2.
3.
Ընդամենը`

ՄԻՋՈՑՆԵՐԻ ՄՆԱՑՈՐԴԸ ՏԱՐՎԱ ՎԵՐՋՈՒՄ

Հաշվետվությունը բաղկացած է ________ թերթից: _________________________________________________________ Կուսակցության ղեկավարի (կուսակցության իրավասու պաշտոնատար անձի) անուն, հայրանուն, ազգանուն, ստորագրությունը

_____________________ օր, ամիս, տարեթիվ

Հավելված N 3 ՀՀ կենտրոնական ընտրական հանձնաժողովի 2012 թ. փետրվարի 6-ի N 26-Ն որոշման

Կ Ա Ր Գ

ԿՈՒՍԱԿՑՈՒԹՅՈՒՆՆԵՐԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ ՆԵՐԿԱՅԱՑՎՈՂ ՖԻՆԱՆՍԱԿԱՆ ՀԱՇՎԵՏՎՈՒԹՅՈՒՆԸ ԼՐԱՑՆԵԼՈՒ

1. Ֆինանսական հաշվետվության (այսուհետ` հաշվետվություն) վերնագրում նշվում է հաշվետվություն ներկայացնող կուսակցության անվանումը և հաշվետու տարին:

2. Հաշվետվության «ԿՈՒՍԱԿՑՈՒԹՅԱՆ ՀԱՇՎՈՒՄ ՄՈՒՏՔ ԱՐՎԱԾ ԴՐԱՄԱԿԱՆ ՄԻՋՈՑՆԵՐԸ» բաժնի «Աղբյուրները» սյունակի.

1) «Ֆիզիկական անձանց նվիրատվություններ 1» տողում` նվիրատվության չափը 100.000 դրամը գերազանցելու դեպքում լրացվում է նվիրատուի անունը, հայրանունը, ազգանունը և բնակության վայրը,

2) «Իրավաբանական անձանց նվիրատվություններ 1» տողում` նվիրատվության չափը 100.000 դրամը գերազանցելու դեպքում լրացվում է նվիրատուի անվանումը և գտնվելու վայրը,

3) «Քաղաքացիական իրավական գործարքներ և օրենսդրությամբ չարգելված այլ մուտքեր 1» տողում լրացվում է քաղաքացիական իրավական գործարքը և օրենսդրությամբ չարգելված այլ մուտքերը,

4) «Չափը (հազ. դրամով)» սյունակում համապատասխանաբար լրացվում է «Աղբյուրները» սյունակում նախատեսված աղբյուրներից ստացած դրամական միջոցների չափը,

5) «Հատկացման ձևը (բանկային հաշիվ/դրամարկղ, կանխիկ/փոխանցում)» սյունակում համապատասխանաբար լրացվում է «Աղբյուրները» սյունակում նախատեսված աղբյուրներից ստացած դրամական միջոցների հատկացման ձևը,

6) «Այլ տվյալներ» սյունակում համապատասխանաբար լրացվում է «Աղբյուրները» սյունակում նախատեսված աղբյուրներից ստացած դրամական միջոցների վերաբերյալ ցանկացած այլ տվյալ,

7) «Ընդամենը» տողում լրացվում է «Չափը (հազ. դրամով)» սյունակում նշված գումարների ընդհանուր չափը:

3. Հաշվետվության «ԾԱԽՍՎԱԾ ԴՐԱՄԱԿԱՆ ՄԻՋՈՑՆԵՐԸ» բաժնի «Ծախսի անվանումը» սյունակի.

1) «Գույքի վարձակալության վճար 1» տողում լրացվում է վարձակալած գույքի անվանումը և վարձակալության ժամկետները,

2) «Կոմունալ վճարումներ 1» տողում լրացվում է կոմունալ սպասարկման անվանումը,

3) «Հարկեր, տուրքեր 1» տողում լրացվում է հարկերի և տուրքերի տեսակը,

4) «Գույքի ձեռքբերման համար կատարված ծախսեր 1» տողում լրացվում է ձեռք բերված գույքի անվանումը և քանակը,

5) «Չափը (հազ. դրամով)» սյունակում համապատասխանաբար լրացվում է «Ծախսի անվանումը» սյունակում նախատեսված ծախսերի չափերը,

6) «Ծախսի կատարումը հավաստող փաստաթղթերի անվանումը և տվյալները» սյունակում համապատասխանաբար լրացվում է «Ծախսի անվանումը» սյունակում նախատեսված ծախսերի կատարումը հավաստող փաստաթղթերի անվանումը և փաստաթղթի համարը, օրը, ամիսը, տարեթիվը,

7) «Այլ տվյալներ» սյունակում համապատասխանաբար լրացվում է «Ծախսի անվանումը» սյունակում նախատեսված ծախսերի վերաբերյալ ցանկացած այլ տվյալ,

8) «Ընդամենը» տողում լրացվում է «Չափը (հազ. դրամով)» սյունակում լրացված գումարների ընդհանուր չափը:

4. Հաշվետվության «ԿՈՒՍԱԿՑՈՒԹՅԱՆ ՈՒՆԵՑԱԾ ԱՆՇԱՐԺ ԳՈՒՅՔԸ» բաժնի «Աղբյուրները» սյունակի.

1) «Ֆիզիկական անձանց նվիրատվություններ 1» տողում լրացվում է նվիրատուի անունը, հայրանունը, ազգանունը և բնակության վայրը,

2) «Իրավաբանական անձանց նվիրատվություններ 1» տողում լրացվում է նվիրատուի անվանումը և գտնվելու վայրը,

3) «Քաղաքացիական իրավական գործարքներ 1» տողում լրացվում է քաղաքացիական իրավական գործարքի տեսակը,

4) «Օրենսդրությամբ չարգելված այլ աղբյուրներ 1» տողում լրացվում է օրենսդրությամբ չարգելված այլ աղբյուրի անվանումը (տեսակը),

5) «Արժեքը (հազ. դրամով)» սյունակում համապատասխանաբար լրացվում է «Աղբյուրները» սյունակում նախատեսված աղբյուրներից ստացած անշարժ գույքի արժեքը,

6) «Անշարժ գույքի տեսակը, գտնվելու վայրը, մակերեսը» սյունակում համապատասխանաբար լրացվում է «Աղբյուրները» սյունակում նախատեսված աղբյուրներից ստացած անշարժ գույքի տեսակը, գտնվելու վայրը, մակերեսը քառակուսի մետրերով, իսկ հողամասի դեպքում` հեկտարով,

7) «Այլ տվյալներ» սյունակում համապատասխանաբար լրացվում է «Աղբյուրները» սյունակում նախատեսված աղբյուրներից ստացած անշարժ գույքի վերաբերյալ ցանկացած այլ տվյալ,

8) «Ընդամենը» տողում լրացվում է «Արժեքը (հազ. դրամով)» սյունակում նշված գումարների ընդհանուր չափը:

5. Հաշվետվության «ԿՈՒՍԱԿՑՈՒԹՅԱՆ ՈՒՆԵՑԱԾ ՇԱՐԺԱԿԱՆ ԳՈՒՅՔԸ» բաժնի «Աղբյուրները» սյունակի.

1) «Ֆիզիկական անձանց նվիրատվություններ 1» տողում` նվիրատվության պայմանագրի առարկա հանդիսացած շարժական գույքի արժեքը 100.000 դրամը գերազանցելու դեպքում լրացվում է նվիրատուի անունը, հայրանունը, ազգանունը և բնակության վայրը,

2) «Իրավաբանական անձանց նվիրատվություններ 1» տողում` նվիրատվության պայմանագրի առարկա հանդիսացած շարժական գույքի արժեքը 100.000 դրամը գերազանցելու դեպքում լրացվում է նվիրատուի անվանումը և գտնվելու վայրը,

3) «Քաղաքացիական իրավական գործարքներ 1» տողում լրացվում է քաղաքացիական իրավական գործարքի տեսակը,

4) «Օրենսդրությամբ չարգելված այլ աղբյուներ 1» տողում լրացվում է օրենսդրությամբ չարգելված այլ աղբյուրի անվանումը (տեսակը),

5) «Արժեքը (հազ. դրամով)» սյունակում համապատասխանաբար լրացվում է «Աղբյուրները» սյունակում նախատեսված աղբյուրներից ստացած շարժական գույքի արժեքը,

6) «Շարժական գույքի տեսակը, մակնիշը և սերիան, թողարկման տարեթիվը» սյունակում համապատասխանաբար լրացվում է «Աղբյուրները» սյունակում նախատեսված աղբյուրներից ստացած շարժական գույքի տեսակը, մակնիշը և սերիան, շարժական գույքի թողարկման տարեթիվը,

7) «Այլ տվյալներ» սյունակում համապատասխանաբար լրացվում է «Աղբյուրները» սյունակում նախատեսված աղբյուրներից ստացած շարժական գույքի վերաբերյալ ցանկացած այլ տվյալ,

8) «Ընդամենը» տողում լրացվում է «Արժեքը (հազ. դրամով)» սյունակում նշված գումարների ընդհանուր չափը:

6. Հաշվետվության «ՕՏԱՐՎԱԾ ԿԱՄ ԴՈՒՐՍ ԳՐՎԱԾ ԳՈՒՅՔԸ» բաժնի.

1) «Գույքի անվանումը» սյունակում լրացվում է հաշվետու տարում օտարված կամ դուրս գրված գույքի անվանումը,

2) «Օտարման գինը (հազ. դրամով)» սյունակում համապատասխանաբար լրացվում է 1-ին սյունակում թվարկված օտարված կամ դուրս գրված գույքի օտարման գինը,

3) «Օտարման ձևը, օտարման փաստը հավաստող փաստաթղթերի անվանումը և տվյալները» սյունակում համապատասխանաբար լրացվում է 1-ին սյունակում թվարկված օտարված կամ դուրս գրված գույքի օտարման ձևը, օտարման փաստը հավաստող փաստաթղթերի անվանումը և փաստաթղթի համարը, օրը, ամիսը, տարեթիվը,

4) «Այլ տվյալներ» սյունակում համապատասխանաբար լրացվում է 1-ին սյունակում թվարկված օտարված կամ դուրս գրված գույքի վերաբերյալ ցանկացած այլ տվյալ,

5) «Ընդամենը» տողում լրացվում է «Օտարման գինը (հազ. դրամով)» սյունակում նշված գումարների ընդհանուր չափը:

7. Հաշվետվության «ՄԻՋՈՑՆԵՐԻ ՄՆԱՑՈՐԴԸ ՏԱՐՎԱ ՎԵՐՋՈՒՄ» բաժնի.

1) «Գույքի անվանումը» սյունակում համապատասխանաբար լրացվում է 1-ին սյունակում թվարկված և տարվա վերջում առկա գույքի (շարժական կամ անշարժ) անվանումը,

2) «Չափը, արժեքը» սյունակում համապատասխանաբար լրացվում է 1-ին սյունակում թվարկված դրամական միջոցների չափը կամ շարժական և անշարժ գույքի արժեքը,

3) «Այլ տվյալներ» սյունակում համապատասխանաբար լրացվում է 1-ին սյունակում թվարկված միջոցների վերաբերյալ ցանկացած այլ տվյալ,

4) «Ընդամենը» տողում լրացվում է «Չափը, արժեքը» սյունակում նշված գումարների ընդհանուր չափը:

8. Հաշվետվության բոլոր էջերը ստորագրվում է կուսակցության ղեկավարի կողմից (իրավասու պաշտոնատար անձի կողմից):

9. Հաշվետվության վերջին էջում լրացվում է հաշվետվության թերթերի թիվը և հաշվետվությունը ներկայացնելու օրը, ամիսը և տարեթիվը: