«Վավերացնում եմ»
Հայաստանի Հանրապետության
Նախագահ Ռ. Քոչարյան
13 սեպտեմբերի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 օգոստոսի 2006 թվականի N 1259-Ն

ՎԱՃԱՌՔԻ ՀԱՄԱՐ ՆԱԽԱՏԵՍՎԱԾ ԿՈՇԿԵՂԵՆԻ ՀԻՄՆԱԿԱՆ ԲԱՂԿԱՑՈՒՑԻՉ ՄԱՍԵՐԻ ՆՅՈՒԹԵՐԻ ՄԱԿՆՇՄԱՆ ՎԵՐԱԲԵՐՅԱԼ ՏԵԽՆԻԿԱԿԱՆ ԿԱՆՈՆԱԿԱՐԳԸ ՀԱՍՏԱՏԵԼՈՒ ՄԱՍԻՆ

«Ստանդարտացման մասին» Հայաստանի Հանրապետության օրենքի 8-րդ հոդվածի դրույթներին համապատասխան և ելնելով սպառողներին թյուրիմացության մեջ գցող գործոնների կանխարգելման անհրաժեշտությունից` Հայաստանի Հանրապետության կառավարությունը որոշում է.

1. Հաստատել վաճառքի համար նախատեսված կոշկեղենի հիմնական բաղկացուցիչ մասերի նյութերի մակնշման վերաբերյալ տեխնիկական կանոնակարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման պահից մեկ տարի հետո` բացառությամբ սույն որոշման 1-ին կետով հաստատված տեխնիկական կանոնակարգի 9-րդ կետով նախատեսված` ներմուծվող կոշկեղենի համար նախատեսված պահանջի, որն ուժի մեջ է մտնում պաշտոնական հրապարակման պահից 2 տարի հետո:

Հայաստանի Հանրապետության վարչապետ	Ա. Մարգարյան
2006 թ. սեպտեմբերի 9 Երևան

Հավելված ՀՀ կառավարության 2006 թվականի օգոստոսի 31-ի N 1259-Ն որոշման

Տ Ե Խ Ն Ի Կ Ա Կ Ա Ն  Կ Ա Ն Ո Ն Ա Կ Ա Ր Գ

ՎԱՃԱՌՔԻ ՀԱՄԱՐ ՆԱԽԱՏԵՍՎԱԾ ԿՈՇԿԵՂԵՆԻ ՀԻՄՆԱԿԱՆ ԲԱՂԿԱՑՈՒՑԻՉ ՄԱՍԵՐԻ ՆՅՈՒԹԵՐԻ ՄԱԿՆՇՄԱՆ ՎԵՐԱԲԵՐՅԱԼ

I. ԿԻՐԱՌՄԱՆ ՈԼՈՐՏԸ

1. Վաճառքի համար նախատեսված կոշկեղենի հիմնական բաղկացուցիչ մասերի նյութերի մակնշման վերաբերյալ տեխնիկական կանոնակարգը (այսուհետ` տեխնիկական կանոնակարգ) տարածվում է սպառողներին վաճառելու համար նախատեսված կոշկեղենի` արտաքին տնտեսական գործունեության ապրանքային անվանացանկի 6406 ծածկագրին համապատասխան հիմնական բաղկացուցիչ մասերի նյութերի մակնշմանը ներկայացվող պահանջների վրա:

2. Սույն տեխնիկական կանոնակարգը չի տարածվում`

ա) օգտագործված և մաշված կոշկեղենի վրա,

բ) Հայաստանի Հանրապետության կառավարության 2004 թվականի նոյեմբերի 11-ի «Անհատական պաշտպանության միջոցների տեխնիկական կանոնակարգը հաստատելու մասին» N 1631-Ն որոշմամբ նախատեսված` ոտքերի պաշտպանության միջոցների վրա,

գ) խաղալիք կոշկեղեն:

(2-րդ կետը լրաց. 04.08.11 N 1103-Ն)

II. ՀԱՍԿԱՑՈՒԹՅՈՒՆՆԵՐԸ

3. Սույն տեխնիկական կանոնակարգում կիրառված են հետևյալ հասկացությունները`

կոշկեղեն (կոշիկ)` արտաքին ներգործություններից ոտքերի պաշտպանության համար նախատեսված ներբանով արտադրատեսակ, որն ունի գործնական և գեղագիտական գործառույթներ: «Կոշկեղեն» հասկացությունը կարող է ներառել սանդալներից մինչև բարձրաճիտք կոշիկները` սկսած սովորական թելիկով ու ժապավենով կոշիկներից մինչև երկարաճիտք կոշիկներ, որոնք ծածկում են ոտքն ու ազդրը: Դրանք են`

տափակ կամ բարձրակրունկ կոշիկներ, որոնք նախատեսված են ներսում կամ դրսում հագնելու համար,

կարճաճիտք, կիսաճիտք, երկարաճիտք և ազդրը ծածկող կոշիկներ,

տարբեր տեսակի սանդալներ, «եսպադրիլներ» (վերնամասը կտորից և արտաքին ներբանը հյուսածո բուսական նյութերից կոշիկ), թենիս խաղալու և վազքի համար նախատեսված և այլ սպորտային կոշիկներ, լոգարանային սանդալներ և այլ առօրյա կոշկեղեն (հողաթափեր և այլն),

հատուկ սպորտային կոշիկներ, որոնք նախատեսված են սպորտում գործունեության համար և (կամ) ունեն հարմարանքներ` արտաքին ներբանի վրա կցելու համար, սեպեր, մեխեր, արգելակներ, երկաթներ կամ համանման մասեր, ինչպես նաև դահուկավազքի, ըմբշամարտի, բռնցքամարտի և հեծանվավազքի համար նախատեսված և խառը համադրություններով` կոշիկին միացված մասերով (սառույցի կամ անվավոր չմուշկի) կոշիկներ,

պարային հողաթափեր,

կոշիկներ` կազմված մեկ կտորից, մասնակի ռետինե կամ պլաստմասսայե նյութից, սակայն բացառելով անհիմն նյութերի (թուղթ, պլաստմասսայե ծածկույթ և այլն) օգտագործումը,

կրկնակոշիկներ, որոնք հագնվում են այլ կոշկեղենի վրայից և որոշ դեպքերում` առանց կրունկի են,

քայքայվող կոշկեղեն` կպցված արտաքին ներբանով, որոնք սովորաբար նախատեսված են մեկ անգամ օգտագործելու համար,

օրթոպեդիկ կոշիկներ.

կոշկեղենի հիմնական բաղկացուցիչ մաս`  կոշիկի վերնամաս, աստառ և միջատակ, արտաքին ներբան.

վերնամաս` կոշիկի ներբանին ամրացված կառուցվածքային տարրի արտաքին մաս.

աստառ և միջատակ`  կոշիկի ներքին մասը կազմող` վերնամասի և ներքին ներբանի միջադիր.

աստառ`  կոշիկի երեսի ներքին մանրակների լրակազմ` առողջապահական, ջերմապաշտպանական հատկությունները, ձևակայունությունը բարձրացնելու և ոտքը կոշիկի երեսի արտաքին մանրակների կարերից մեկուսացնելու համար.

միջատակ` կոշիկի ներքին մանրակ, որը տեղադրված է ոտնաթաթի ամբողջ մակերևույթի տակ.

արտաքին ներբան` կոշիկի ներքևի մաս, որն ամրացվում է վերին մասին և շփման արդյունքում կարող է մաշվել.

ներբան` կոշիկի տակի արտաքին մանրակ, որը տեղադրված է ոտնաթաթի ամբողջ մակերևույթի տակ.

կաշի` կաշի կամ մորթի իր յուրահատուկ թելքային կառուցվածքով, որը լրիվ կամ մասամբ վնասված չէ և դաբաղված է քայքայմանը դիմադրելու նպատակով: Մազածածկը կամ բուրդը կարող է հեռացվել կամ չհեռացվել: Կաշին կարող է պատրաստվել նաև մորթուց կամ կաշվե հումքից, որը մինչև դաբաղումը կամ դաբաղումից հետո բաժանվել է շերտերի կամ առանձին մասերի:

Արտաքին երեսապատում ունեցող ամրացված կամ սոսնձված կաշվի մակերեսային շերտերի հաստությունը չպետք է գերազանցի 0,15 մմ-ը:

Կաշի չեն համարվում մեխանիկական և (կամ) քիմիական ճանապարհով թելքային մասնիկների, փոքր մասերի կամ փոշու մասնատված և այնուհետև կապակցող նյութով կամ առանց դրա թերթերի (կտորների) կամ այլ ձևերի վերածված դաբաղված մորթին կամ կաշվե հումքը:

երեսապատված կաշի` կաշի, որի վրա կպցված մակերեսային պատվածքը չի գերազանցում արտադրանքի ընդհանուր հաստության մեկ երրորդը, բայց 0,15 մմ-ից ավելի է:

(3-րդ կետը խմբ. 04.08.11 N 1103-Ն)

III. ԿՈՇԿԵՂԵՆԻ ՀԻՄՆԱԿԱՆ ԲԱՂԿԱՑՈՒՑԻՉ ՄԱՍԵՐԻ ՆՅՈՒԹԵՐԻ
ՄԱԿՆՇՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐԸ

4. Կոշկեղենի երեք հիմնական բաղկացուցիչ մասերի վերաբերյալ տեղեկությունները ներկայացված են N 1 աղյուսակում:

Աղյուսակ N 1

Կոշկեղենի հիմնական բաղկացուցիչ մասի անվանումը	Գրավոր նշումը	Գծապատկերը
Կոշիկի վերնամաս	AM Վերնամաս F       Tige D      Obermaterial IT      Tomaia NL     Bovendeel EN    Upper DK    Overdel GR    ΕΠΑΝΩΜΕΡΟΣ ES    Empeine P       Parte superior CZ     Vrch EST   Pealne LV     Virsa LT     Viršus HU    Felsőrйsz M     Wiċċ PL    Wierzch SI     Zgornji del SK   Vrch BG лицева част RO Faţă
Կոշիկի աստառ և միջատակ	AM Աստառ և միջատակ F      Doublure et semelle         de propretй D      Futter und Decksohle IT      Fodera e Sottopiede NL    Voering en inlegzool EN    Lining and sock DK    Foring og bindsеl GR    ΦΟΔΡΕΣ ES    Forro y plantilla P       Forro e Palmilha CZ    Podšнvka a stйlka EST  Vooder ja sisetald LV    Odere un ieliekamā          saistzole LT    Pamušalas ir įklotė HU   Bйlйs йs         fedőtalpbйlйs M     Inforra u suletta PL    Podszewka z         wyściуłką SI     Podloga in vložek         (steljka) SK    Podšнvka a stielka BG подплата и стелка RO Căptuşeală şi acoperiş de branţ
Կոշիկի արտաքին ներբան	AM Արտաքին ներբան F       Semelle extйrieure D       Laufsohle IT      Suola esterna NL     Buitenzool EN    Outer sole DK    Ydersеl GR    ΣΟΛΑ ES    Suela P       Sola CZ     Podešev EST   Vдlistald LV     Ārējā zole LT     Padas HU    JàrÓtalp M      Pett ta' barra PL     SpÓd SI      Podplat SK     Podošva BG външно ходило RO Talpă exterioară

(4-րդ կետը փոփ., լրաց. 04.08.11 N 1103-Ն)

5. Կոշկեղենի հիմնական բաղկացուցիչ մասերի համար պետք է օգտագործվեն հետևյալ նյութերը`

ա) կաշի, որի գծապատկերը պետք է համապատասխանի 1-ին նկարում ներկայացված պատկերին`

AM Կաշի F Cuir D     Leder IT    Cuoio NL   Leder EN   Leather DK Læder GRΔ ΕΡΜΑ ES    Cuero P  Couros e peles curtidas CZ    Useň EST  Nahk LV      Āda LT      Oda HU      Bőr  M Ġilda PL SkÓra SI    Usnje SK   Useň BG кожа RO Piei cu faţă Naturală

բ) երեսապատված կաշի, որի գծապատկերը պետք է համապատասխանի 2-րդ նկարում ներկայացված պատկերին`

AM Երեսապատված կաշի F      Cuir enduit  D Beschichtetes Leder IT     Cuoio rivestito NL    Gecoat leder EN    Coated leather DK Overtrukket læder GR    ΕΠΕΝ Δ Ε D Υ-           ΜΕΝΟΔΕΡΜΑ ES     Cuero untado P       Couro revestido CZ    Povrstvenб useň EST   Kaetud nahk LV     Pārklāta āda LT     Padengta oda HU    Bevonatos bőr M Ġilda miksija PL SkÓra pokryta SI      Krito usnje  SK Povrstvenà usen BG кожа с покритие RO Piei cu faţă corectată

                                                                                              

գ) Հայաստանի Հանրապետության օրենսդրությամբ նախատեսված բնական մանածագործական նյութեր և արհեստական (սինթետիկ) կամ չգործված մանածագործական նյութեր, որոնց գծապատկերը պետք է համապատասխանի 3-րդ նկարում ներկայացված պատկերին`

AM Մանածագործվածք F Textile D     Textil IT     Tessili NL Textiel EN   Textile DK   Tekstil-materialer GR   ΥΦΑΣΜΑ ES   Textil P      Tйxteis CZ    Textilie EST  Tekstiil LV    Tekstilmateriāls LT    Tekstilė HU   Textil M     Tessut PL Material WłÓkienniczy SI     Tekstil SK    Textil BG текстил RO Textile

դ) այլ նյութեր, որոնց գծապատկերը պետք է համապատասխանի 4-րդ նկարում ներկայացված պատկերին`

AM Այլ նյութեր F Autres matйriaux D     Sonstiges Material IT     Altre materie NL    Overige materialen EN   Other materials DK   Andre materialer GR   ΑΛΛΑ ΥΛΙΚΑ ES   Otros materiales P     Outros materiais CZ Ostatni Materiàly EST  Teised materjalid LV    Citi materiāli LT    Kitos medžiagos HU   Egyйb anyag M Materjal ieħor PL    Inny materiał SI     Drugi materiali SK Iný  material BG всички други материали RO Alte materiale

(5-րդ կետը փոփ., լրաց. 04.08.11 N 1103-Ն)

6. Կոշկեղենի վերնամասի ու աստառի և միջատակի նյութերի դասակարգումը պետք է կատարվի սույն տեխնիկական կանոնակարգի 5-րդ և 7-րդ կետերի դրույթների հիման վրա` հաշվի չառնելով օժանդակ պարագաները և ամրություն ապահովող միջոցները, ինչպիսիք են կոճի մասի ներսում կարվող կտորները, եզրազարդերը, զարդանախշերը, ճարմանդները, հանգույցները, քուղերի անցքերը կամ նմանատիպ այլ մասեր:

Արտաքին ներբանի նյութերի դասակարգումը պետք է կատարվի սույն տեխնիկական կանոնակարգի 7-րդ կետի համաձայն` հիմք ընդունելով ներբանում պարունակվող նյութերի ծավալը:

7. Մականշվածքում պետք է նշվեն համապատասխան տեղեկություններ կոշկեղենի հիմնական բաղկացուցիչ մասերի այն նյութերի վերաբերյալ, որոնք կազմում են կոշկեղենի վերնամասի ու աստառի և միջատակի արտաքին մակերեսի առնվազն 80 տոկոսը և արտաքին ներբանի ծավալի առնվազն 80 տոկոսը: Եթե նյութերից և ոչ մեկը չի կազմում առնվազն 80 տոկոս, ապա տեղեկությունները պետք է նշվեն կոշկեղենի երկու հիմնական բաղկացուցիչ մասերի նյութերի մասին:

8. Տեղեկությունները նշվում են անմիջապես կոշկեղենի վրա: Արտադրողը կամ նրա լիազոր ներկայացուցիչը սույն տեխնիկական կանոնակարգի 4-րդ և 5-րդ կետերում նշված տեղեկությունները կարող է մակնշել ինչպես գծապատկերների տեսքով, այնպես էլ գրավոր նշումների տեսքով, որոնք տրվում են հայերենով կամ հայերենով և այլ լեզվով (լեզուներով):

Կոշկեղենի վրա նյութերի գծապատկերները պետք է զետեղված լինեն սույն տեխնիկական կանոնակարգով սահմանված երեք բաղկացուցիչ մասերի գծապատկերների հետ համատեղ:

9. Արտադրողը, մատակարարը կամ նրա լիազոր ներկայացուցիչը պետք է ապահովեն Հայաստանի Հանրապետությունում իրացվող՝ Հայաստանի Հանրապետությունում արտադրվող և ներմուծվող կոշկեղենի հիմնական բաղկացուցիչ մասերի վերաբերյալ սույն տեխնիկական կանոնակարգի 4-րդ և 5-րդ կետերով սահմանված տեղեկատվության տրամադրումն սպառողին՝ հայերենով։

10. Մակնշումը կատարվում է յուրաքանչյուր կոշիկի զույգի առնվազն մեկ կիսազույգի վրա:   

(10-րդ կետը խմբ. 04.08.11 N 1103-Ն)

11. Մականշվածքը պետք է լինի չջնջվող, տեսանելի, իսկ գծապատկերների չափսերը պետք է լինեն բավականաչափ մեծ` այնտեղ պարունակվող տեղեկությունները պարզ ըմբռնելու համար: Մականշվածքը չպետք է թյուրիմացության մեջ գցի սպառողին:

IV. ՊԵՏԱԿԱՆ ՎԵՐԱՀՍԿՈՂՈՒԹՅՈՒՆԸ

12. Վաճառքի համար նախատեսված կոշկեղենի վրա նշված հիմնական բաղկացուցիչ մասերի մականշվածքների առկայության և սույն տեխնիկական կանոնակարգի պահանջներին համապատասխանության պետական վերահսկողությունը պետք է իրականացվի «Համապատասխանության գնահատման մասին» Հայաստանի Հանրապետության օրենքով սահմանված կարգով։

(հավելվածը լրաց., փոփ., խմբ. 04.08.11 N 1103-Ն)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան