ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 փետրվարի 2012 թվականի N 73-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՊՈՐՏԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ԽՈՐՀՐԴԱՆԻՇԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարության 2007 թվականի հուլիսի 12-ի N 825‑Ն որոշման N 1 հավելվածի 5-րդ կետին համապատասխան` Հայաստանի Հանրապետության կառավարությունը որոշում է.

1. Հաստատել`

1) Հայաստանի Հանրապետության սպորտի և երիտասարդության հարցերի նախարարության խորհրդանիշի նկարագրությունը` համաձայն N 1 հավելվածի.

2) Հայաստանի Հանրապետության սպորտի և երիտասարդության հարցերի նախարարության խորհրդանիշի ձևը` համաձայն N 2 հավելվածի:

2. Խորհրդանիշի կիրառման դեպքերը սահմանվում են Հայաստանի Հանրապետության սպորտի և երիտասարդության հարցերի նախարարի կողմից:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2012 թ. փետրվարի 7 Երևան

Հավելված N 1  ՀՀ կառավարության 2012 թվականի փետրվարի 2-ի N 73-Ն որոշման

Ն Կ Ա Ր Ա Գ Ր ՈՒ Թ Յ ՈՒ Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՊՈՐՏԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ԽՈՐՀՐԴԱՆԻՇԻ

Հայաստանի Հանրապետության սպորտի և երիտասարդության հարցերի նախարարության խորհրդանիշը շրջանի ձև ունի և պատկերում է վազքուղու ոսկեգույն ֆոնի վրա վերջնագծի եռագույն ժապավենը հատող երիտասարդ վազորդի` իբրև մարզիկի խորհրդանիշ, որը նույնպես ձևավորված է ոսկեգույնով։ Ժապավենը հատման պահին ձևավորում է Արարատ լեռան ոճավորված պատկեր։ Խորհրդանիշը շրջանակված է «ՀՀ սպորտի և երիտասարդության հարցերի նախարարություն» բառերով:

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 2  ՀՀ կառավարության 2012 թվականի փետրվարի 2-ի N 73-Ն որոշման

ՁԵՎ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՊՈՐՏԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ԽՈՐՀՐԴԱՆԻՇԻ

Հայաստանի Հանրապետության կառավարության աշխատակազմի ղեկավար

Դ. Սարգսյան