«Գրանցված է»

ՀՀ արդարադատության

նախարարության կողմից

14 հուլիսի 2011 թ.

Պետական գրանցման թիվ 60611333

ՏԵՂԱՄԱՍԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎՈՒՄ ԱՆԴԱՄՆԵՐ ՆՇԱՆԱԿԵԼՈՒ ՀԱՅՏԻ ՁԵՎԸ, ԿԱՐԳԸ, ԱՆՀՐԱԺԵՇՏ ՓԱՍՏԱԹՂԹԵՐԻ ԵՎ ՏԵՂԵԿՈՒԹՅՈՒՆՆԵՐԻ ՑԱՆԿԸ, ՏԵՂԱՄԱՍԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎՆԵՐԻ ՆԱԽԱԳԱՀՆԵՐԻ ԵՎ ՔԱՐՏՈՒՂԱՐՆԵՐԻ ՊԱՇՏՈՆՆԵՐԻ ԲԱՇԽՈՒՄԸ ԸՍՏ ԸՆՏՐԱԿԱՆ ՏԵՂԱՄԱՍԵՐԻ ՍԱՀՄԱՆԵԼՈՒ ՄԱՍԻՆ

Ղեկավարվելով Հայաստանի Հանրապետության ընտրական օրենսգրքի 42-րդ հոդվածի 2-րդ մասի 2-րդ կետով, 5-րդ և 6-րդ մասերով, 49-րդ հոդվածի 1-ի մասի 5-րդ և 14-րդ կետերով` Հայաստանի Հանրապետության կենտրոնական ընտրական հանձնաժողովը որոշում է.

1. Սահմանել կուսակցության, կուսակցությունների դաշինքի տեղամասային ընտրական հանձնաժողովում անդամներ նշանակելու հայտի ձևը` համաձայն N 1 հավելվածի:

2. Սահմանել, որ.

1) տեղամասային ընտրական հանձնաժողովում անդամներ նշանակելու մասին հայտին կցվում է տեղամասային ընտրական հանձնաժողովի անդամի որակավորման վկայականի լուսապատճենը, հայտը ներկայացվում է նաև էլեկտրոնային կրիչով` Micrօsօft Excel տարբերակով: Հայտի էլեկտրոնային տարբերակը ներբեռնվում է կենտրոնական ընտրական հանձնաժողովի համացանցային կայքից և լրացվում այդ տարբերակում նշված եղանակով,

2) N 1 հավելվածով սահմանված հայտի «Ծանոթություն» սյունակը լրացվում է, եթե կուսակցությունը, կուսակցությունների դաշինքը նույն ընտրական տեղամասում նշանակում է հանձնաժողովի 2 անդամ և այդ անդամներից մեկը պետք է զբաղեցնի հանձնաժողովի նախագահի կամ քարտուղարի պաշտոնը: Այդ դեպքում հայտի «Ծանոթություն» սյունակում տեղամասային ընտրական հանձնաժողովի անդամի անվան դիմացի տողում նշվում է համապատասխանաբար «նախագահ» կամ «քարտուղար» բառը,

3) տեղամասային ընտրական հանձնաժողովի անդամ նշանակելու ժամկետի, կազմավորված ընտրական տեղամասերի վերաբերյալ տեղեկությունները կուսակցությունը, կուսակցությունների դաշինքը ստանում է կենտրոնական ընտրական հանձնաժողովի համացանցային կայքից:

3. Սահմանել, որ.

1) տեղամասային ընտրական հանձնաժողովների նախագահների և քարտուղարների պաշտոնների բաշխումը Ազգային ժողովում խմբակցություն ունեցող կուսակցությունների, կուսակցությունների դաշինքների միջև ըստ ընտրական տեղամասերի կատարվում է համակարգչային եղանակով «Ընտրություններ» ավտոմատացված համակարգի միջոցով` ընտրական տեղամասերի կազմավորումից հետո, բայց ոչ ուշ, քան տեղամասային ընտրական հանձնաժողովում անդամներ նշանակելու մասին հայտերը ներկայացնելու համար Հայաստանի Հանրապետության ընտրական օրենսգրքով սահմանված ժամկետի սկիզբը` ապահովելով համամասնական հավասարության սկզբունքը,

2) տեղամասային ընտրական հանձնաժողովների նախագահների և քարտուղարների պաշտոնների բաշխումը կատարելու նպատակով, Հայաստանի Հանրապետության ընտրական օրենսգրքի 42-րդ հոդվածի 5-րդ մասով սահմանված կարգով որոշվում է Ազգային ժողովում խմբակցություն ունեցող յուրաքանչյուր կուսակցությանը, կուսակցությունների դաշինքին հասանելիք տեղամասային ընտրական հանձնաժողովների նախագահների և քարտուղարների պաշտոնների թիվը, հիմք ընդունելով նույն օրն անցկացվող բոլոր ընտրությունների համար Հայաստանի Հանրապետությունում կազմավորված բոլոր տեղամասերի թիվը,

3) եթե նույն օրն անցկացվող ընտրությունների ժամանակ բոլոր այն ընտրատարածքներում, որտեղ ձևավորվել են ընտրական տեղամասեր և դրանց թիվը 18-ից ավելի է, բաշխումն իրականացվում է հետևյալ կերպ.

ա. հաշվարկվում է յուրաքանչյուր ընտրատարածքում յուրաքանչյուր կուսակցությանը, կուսակցությունների դաշինքին հասանելիք տեղամասային ընտրական հանձնաժողովների նախագահների (քարտուղարների) պաշտոնների նախնական թիվը հետևյալ բանաձևով`

ԿaԸj = ԱՄԲՈՂՋ ԸՏԹj x (

ՆՔԹa --------- ՏԹ

),

որտեղ`

ԿaԸj - j ընտրատարածքում a կուսակցությանը, կուսակցությունների դաշինքին հասանելիք տեղամասային ընտրական հանձնաժողովների նախագահների (քարտուղարների) պաշտոնների նախնական թիվն է,

ՆՔԹa - a կուսակցությանը, կուսակցությունների դաշինքին ամբողջ Հանրապետությունում հասանելիք տեղամասային ընտրական հանձնաժողովների նախագահների (քարտուղարների) պաշտոնների թիվն է, որը որոշվում է Հայաստանի Հանրապետության ընտրական օրենսգրքի 42-րդ հոդվածի 5-րդ մասով սահմանված կարգով,

ԸՏԹj - j ընտրատարածքում կազմավորված ընտրական տեղամասերի ընդհանուր թիվն է,

ՏԹ-ն բոլոր ընտրատարածքներում կազմավորված ընտրական տեղամասերի թիվն է:

Եթե այդ հաշվարկի արդյունքում որևէ կուսակցություն, կուսակցությունների դաշինք Հանրապետության ողջ տարածքում ստանում է ավելի քիչ տեղամասային ընտրական հանձնաժողովների նախագահների կամ քարտուղարների պաշտոններ, քան պետք է ստանար Հայաստանի Հանրապետության ընտրական օրենսգրքի 42-րդ հոդվածի 5-րդ մասի համաձայն, ապա պակասող պաշտոնների քանակը բաշխվում է ըստ ընտրատարածքներում առկա թափուր պաշտոնների` օգտագործելով MS Visսal Stսdiօ-ի ծրագրային միջոցների պատահական բաշխման ֆունկցիաները:

Արդյունքում ձևավորվում է յուրաքանչյուր ընտրատարածքում կուսակցությանը, կուսակցությունների դաշինքին հասանելիք համապատասխանաբար տեղամասային ընտրական հանձնաժողովների նախագահների և քարտուղարների պաշտոնների վերջնական թիվը,

բ. եթե Ազգային ժողովում խմբակցություն ունեցող յուրաքանչյուր կուսակցություն, կուսակցությունների դաշինք տեղամասային ընտրական հանձնաժողովի կազմում նշանակում է երկու անդամ, ապա յուրաքանչյուր ընտրատարածքի համար իրականացվում է տեղամասային ընտրական հանձնաժողովների նախագահների և քարտուղարների պաշտոնների 1000 պատահական բաշխում ըստ կուսակցությունների, կուսակցությունների դաշինքների և կոնկրետ ընտրական տեղամասերի, ապահովելով, որ այդ պատահական բաշխման ժամանակ յուրաքանչյուր տեղամասային ընտրական հանձնաժողովի կազմում նշանակվելիք հանձնաժողովի նախագահն ու քարտուղարը միաժամանակ չլինեն խորհրդարանական ընդդիմություն ներկայացնող կուսակցությունների, կուսակցությունների դաշինքների կողմից նշանակվող` օգտագործելով MS Visսal Stսdiօ-ի ծրագրային միջոցների պատահական բաշխման ֆունկցիաները:

Յուրաքանչյուր n պատահական բաշխման համար գնահատվում է բաշխման առաջին որակը` ԱՈՈ-ն, հետևյալ բանաձևով`

ԱՈ n =

m ∑ n=1

T n,

որտեղ` m -ը ընտրատարածքում ձևավորված ընտրական տեղամասերի թիվն է:

Tn-ը հավասար է 1, եթե n պատահական բաշխման դեպքում m տեղամասում տեղամասային ընտրական հանձնաժողովի նախագահի և քարտուղարի պաշտոնը զբաղեցնում են տարբեր կուսակցությունների, կուսակցությունների դաշինքների ներկայացուցիչներ, և հավասար է զրոյի հակառակ դեպքում:

Արդյունքում ընտրվում են առավել բարձր առաջին որակ ունեցող 100 պատահական բաշխումները:

Եթե Ազգային ժողովում խմբակցություն ունեցող յուրաքանչյուր կուսակցություն, կուսակցությունների դաշինք տեղամասային ընտրական հանձնաժողովների կազմում նշանակում է մեկ անդամ, ապա առաջին որակական ցուցանիշը չի հաշվարկվում, այլ կատարվում է 1000 պատահական բաշխում այնպես, որ նույն կուսակցությունը, կուսակցությունների դաշինքը նույն տեղամասային ընտրական հանձնաժողովում չունենա միաժամանակ հանձնաժողովի նախագահի և քարտուղարի պաշտոն, ապահովելով, որ այդ պատահական բաշխումների ժամանակ յուրաքանչյուր տեղամասային ընտրական հանձնաժողովի կազմում նշանակվելիք հանձնաժողովի նախագահն ու քարտուղարը միաժամանակ չլինեն խորհրդարանական ընդդիմություն ներկայացնող կուսակցությունների, կուսակցությունների դաշինքների կողմից նշանակվող:

Պատահական բաշխումներից յուրաքանչյուրի համար գնահատվում է բաշխման երկրորդ որակը:

Այդ նպատակով հաշվարկվում է ընտրատարածքում ձևավորված ընտրական տեղամասերի ընտրողների թվի միջին թվաբանականը` ԸՆՏՄԻՋ:

Յուրաքանչյուր a կուսակցության, կուսակցությունների դաշինքի համար հաշվարկվում է ընտրատարածքում ձևավորված n1 պատահական բաշխման դեպքում այն ընտրական տեղամասերի ընտրողների միջին թվաբանականը, որում այդ կուսակցությունը, կուսակցությունների դաշինքն ունի հանձնաժողովի նախագահի կամ քարտուղարի պաշտոն` ԿՈՒՍԸՆՏՄԻՋՈ1: Եթե կուսակցությունը, կուսակցությունների դաշինքը նույն տեղամասային ընտրական հանձնաժողովում ունի և հանձնաժողովի նախագահի, և քարտուղարի պաշտոն, ապա այս ցուցանիշը հաշվարկելիս այդ ընտրական տեղամասը հաշվի է առնվում երկու անգամ:

n1 պատահական բաշխման դեպքում երկրորդ որակը` ԵՈՈ1-ը, հաշվարկվում է հետևյալ բանաձևով`

ԵՈՈ1 = 1/

Կa ∑ a= 1

(ԿՈՒՍԸՆՏՄԻՋa - ԸՆՏՄԻՋ)2

որտեղ` Կa- պաշտոնների բաշխմանը մասնակից կուսակցությունների, կուսակցությունների դաշինքների թիվն է:

Արդյունքում ընտրատարածքում ընտրվում է այն բաշխումը, որի երկրորդ որակն առավելագույնն է: Հավասարության դեպքում առավելագույն հավասար որակների միջև ընտրությունն իրականացվում է վիճակահանությամբ` օգտագործելով MS Visսal Stսdiօ-ի ծրագրային միջոցների պատահական ընտրության ֆունկցիաները,

4) եթե նույն օրն անցկացվող ընտրությունների ժամանակ բոլոր այն ընտրատարածքներում, որտեղ ձևավորվել են ընտրական տեղամասեր և որևէ ընտրատարածքում ընտրական տեղամասերի թիվը 18-ից պակաս է, բաշխումն իրականացվում է հետևյալ կերպ.

ա. հաշվարկվում է յուրաքանչյուր ընտրատարածքում յուրաքանչյուր կուսակցությանը, կուսակցությունների դաշինքին հասանելիք տեղամասային ընտրական հանձնաժողովների նախագահների (քարտուղարների) պաշտոնների նախնական թիվը հետևյալ բանաձևով`

ԿaԸj = ԱՄԲՈՂՋ ԸՏԹj x (

ՆՔԹa --------- ՏԹ

),

որտեղ`

ԿaԸj - j ընտրատարածքում a կուսակցությանը, կուսակցությունների դաշինքին հասանելիք տեղամասային ընտրական հանձնաժողովների նախագահների (քարտուղարների) պաշտոնների նախնական թիվն է,

ՆՔԹa - a կուսակցությանը, կուսակցությունների դաշինքին ամբողջ Հանրապետությունում հասանելիք տեղամասային ընտրական հանձնաժողովների նախագահների (քարտուղարների) պաշտոնների թիվն է, որը որոշվում է Հայաստանի Հանրապետության ընտրական օրենսգրքի 42-րդ հոդվածի 5-րդ մասով սահմանված կարգով,

ԸՏԹj - j ընտրատարածքում կազմավորված ընտրական տեղամասերի ընդհանուր թիվն է,

ՏԹ-ն բոլոր ընտրատարածքներում կազմավորված ընտրական տեղամասերի թիվն է:

Եթե այդ հաշվարկի արդյունքում որևէ կուսակցություն, կուսակցությունների դաշինք Հանրապետության ողջ տարածքում ստանում է ավելի քիչ տեղամասային ընտրական հանձնաժողովների նախագահների կամ քարտուղարների պաշտոններ, քան պետք է ստանար Հայաստանի Հանրապետության ընտրական օրենսգրքի 42-րդ հոդվածի 5-րդ մասի համաձայն, ապա պակասող պաշտոնների քանակը բաշխվում է ըստ ընտրատարածքներում առկա թափուր պաշտոնների` օգտագործելով MS Visսal Stսdiօ-ի ծրագրային միջոցների պատահական բաշխման ֆունկցիաները: Իրականացվում է այդպիսի 100 բաշխում:

Յուրաքանչյուր պատահական բաշխման համար իրականացվում է տեղամասային ընտրական հանձնաժողովների նախագահների և քարտուղարների պաշտոնների 100 պատահական բաշխում ըստ կուսակցությունների, կուսակցությունների դաշինքների և կոնկրետ ընտրական տեղամասերի, ապահովելով, որ այդ պատահական բաշխման ժամանակ յուրաքանչյուր ընտրական տեղամասի կազմում նշանակվելիք հանձնաժողովի նախագահն ու քարտուղարը միաժամանակ չլինեն խորհրդարանական ընդդիմություն ներկայացնող կուսակցությունների, կուսակցությունների դաշինքների կողմից նշանակվող` օգտագործելով MS Visսal Stսdiօ-ի ծրագրային միջոցների պատահական բաշխման ֆունկցիաները,

բ. եթե Ազգային ժողովում խմբակցություն ունեցող յուրաքանչյուր կուսակցություն, կուսակցությունների դաշինք տեղամասային ընտրական հանձնաժողովի կազմում նշանակում է երկու անդամ, ապա յուրաքանչյուր n պատահական բաշխման համար գնահատվում է բաշխման առաջին որակը` ԱՈՈ-ն, հետևյալ բանաձևով`

ԱՈ n =

m ∑ n=1

T n,

որտեղ` m -ը ընտրատարածքում ձևավորված ընտրական տեղամասերի թիվն է:

Tn-ը հավասար է 1, եթե n պատահական բաշխման դեպքում m տեղամասում տեղամասային ընտրական հանձնաժողովի նախագահի և քարտուղարի պաշտոնը զբաղեցնում են տարբեր կուսակցությունների, կուսակցությունների դաշինքի ներկայացուցիչներ, և հավասար է զրոյի հակառակ դեպքում:

Արդյունքում ընտրվում են առավել բարձր առաջին որակ ունեցող 10 պատահական բաշխում:

Եթե Ազգային ժողովում խմբակցություն ունեցող յուրաքանչյուր կուսակցություն, կուսակցությունների դաշինք տեղամասային ընտրական հանձնաժողովների կազմում նշանակում է մեկ անդամ, ապա առաջին որակական ցուցանիշը չի հաշվարկվում, այլ պատահական բաշխումները կատարվում է այնպես, որ նույն կուսակցությունը, կուսակցությունների դաշինքը նույն տեղամասային ընտրական հանձնաժողովում չունենա միաժամանակ հանձնաժողովի նախագահի և քարտուղարի պաշտոն, ապահովելով, որ այդ պատահական բաշխումների ժամանակ յուրաքանչյուր տեղամասային ընտրական հանձնաժողովի կազմում նշանակվելիք հանձնաժողովի նախագահն ու քարտուղարը միաժամանակ չլինեն խորհրդարանական ընդդիմություն ներկայացնող կուսակցությունների, կուսակցությունների դաշինքների կողմից նշանակվող:

Պատահական բաշխումներից յուրաքանչյուրի համար գնահատվում է բաշխման երկրորդ որակը:

Այդ նպատակով հաշվարկվում է Հանրապետությունում ձևավորված տեղամասերի ընտրողների թվի միջին թվաբանականը` ՀԱՆՄԻՋ:

Յուրաքանչյուր a կուսակցության, կուսակցությունների դաշինքի համար հաշվարկվում է Հանրապետությունում ձևավորված n1 պատահական բաշխման դեպքում այն ընտրական տեղամասերի ընտրողների միջին թվաբանականը, որում այդ կուսակցությունը, կուսակցությունների դաշինքն ունի հանձնաժողովի նախագահի կամ քարտուղարի պաշտոն` ԿՈՒՍՀԱՆՄԻՋՈ1: Եթե կուսակցությունը, կուսակցությունների դաշինքը նույն տեղամասային ընտրական հանձնաժողովում ունի և հանձնաժողովի նախագահի, և քարտուղարի պաշտոն, ապա այս ցուցանիշը հաշվարկելիս այդ ընտրական տեղամասը հաշվի է առնվում երկու անգամ:

n1 պատահական բաշխման դեպքում երկրորդ որակը` ԵՈՈ1 -ը, հաշվարկվում է հետևյալ բանաձևով`

ԵՈՈ1 = 1/

Կa ∑ a= 1

(ԿՈՒՍՀԱՆՄԻՋa - ՀԱՆՄԻՋ)2

որտեղ` Կa - պաշտոնների բաշխմանը մասնակից կուսակցությունների, կուսակցությունների դաշինքի թիվն է:

Արդյունքում ընտրվում է այն բաշխումը, որի երկրորդ որակն առավելագույնն է: Հավասարության դեպքում առավելագույն հավասար որակների միջև ընտրությունն իրականացվում է վիճակահանությամբ` օգտագործելով MS Visսal Stսdiօ-ի ծրագրային միջոցների պատահական ընտրության ֆունկցիաները,

5) տեղական ինքնակառավարման մարմինների արտահերթ ընտրությունների ժամանակ, եթե կազմավորված ընտրական տեղամասերի թիվը փոքր է 3-ից, ապա յուրաքանչյուր տեղամասային ընտրական հանձնաժողովի նախագահի և քարտուղարի պաշտոնների բաշխումը կատարվում է վիճակահանությամբ` օգտագործելով MS Visսal Stսdiօ-ի ծրագրային միջոցների պատահական ընտրության ֆունկցիաները, այնպես, որ նույն տեղամասային ընտրական հանձնաժողովում հանձնաժողովի նախագահի և քարտուղարի պաշտոնները միաժամանակ չզբաղեցնեն կառավարության կազմավորմանը մասնակցած կուսակցությունների, կուսակցությունների դաշինքների ներկայացուցիչները:

(3-րդ կետը խմբ. 14.12.11 N 92-Ն)

4. Սահմանել ընտրատարածքային ընտրական հանձնաժողովի անդամի տեղամասային ընտրական հանձնաժողովի անդամի թեկնածու ներկայացնելու հայտի ձևը` համաձայն N 2 հավելվածի:

5. Սահմանել, որ.

1) ընտրատարածքային ընտրական հանձնաժողովի անդամների` տեղամասային ընտրական հանձնաժողովի անդամի թեկնածու ներկայացնելու հայտերի հիման վրա թեկնածուների ազգանունները, անունները և որակավորման վկայականների համարները ընտրատարածքային ընտրական հանձնաժողովում մուտքագրում են «Ընտրություններ» ավտոմատացված համակարգի տեղամասային ընտրական հանձնաժողովների կազմավորման համար նախատեսված դաշտում: Հայաստանի Հանրապետության ընտրական օրենսգրքով տեղամասային ընտրական հանձնաժողովում անդամներ նշանակելու մասին հայտերը ներկայացնելու համար սահմանված ժամկետի ավարտից հետո «Ընտրություններ» ավտոմատացված համակարգի միջոցով տպագրվում է տեղամասային ընտրական հանձնաժողովի կազմը,

2) ընտրատարածքային ընտրական հանձնաժողովի անդամների կողմից որևէ տեղամասային ընտրական հանձնաժողովում նշանակելու համար ներկայացրած թեկնածուների թիվը երկուսից ավելի լինելու դեպքում թեկնածուների ազգանունները, անունները և որակավորման վկայականների համարները «Ընտրություններ» ավտոմատացված համակարգ մուտքագրելուց հետո «Ընտրություններ» ավտոմատացված համակարգը պատահական ընտրությամբ առանձնացնում է տեղամասային ընտրական հանձնաժողովի անդամի այն երկու թեկնածուներին, որոնք ընդգրկվում են տեղամասային ընտրական հանձնաժողովի կազմում:

6. Սահմանել, որ.

1) կուսակցության, կուսակցությունների դաշինքի կողմից Հայաստանի Հանրապետության ընտրական օրենսգրքով սահմանված կարգով և ժամկետում տեղամասային ընտրական հանձնաժողովում անդամ չնշանակելու դեպքում «Ընտրություններ» ավտոմատացված համակարգի համապատասխան դաշտում մուտքագրվում են ընտրատարածքային ընտրական հանձնաժողովի նախագահի նշանակած անդամի տվյալները,

2) ընտրատարածքային ընտրական հանձնաժողովի անդամների` տեղամասային ընտրական հանձնաժողովում նշանակելու համար ներկայացրած թեկնածուների թիվը երկուսից պակաս լինելու դեպքում «Ընտրություններ» ավտոմատացված համակարգի համապատասխան դաշտում մուտքագրվում է ընտրատարածքային ընտրական հանձնաժողովի նախագահի նշանակած անդամի տվյալները:

ՀՀ կենտրոնական ընտրական հանձնաժողովի նախագահ՝

Գ. Ազարյան

Հավելված N 1 ՀՀ կենտրոնական ընտրական հանձնաժողովի 2011 թ. հունիսի 30-ի N 14-Ն որոշման

ՀՀ ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎԻ ՆԱԽԱԳԱՀԻՆ

Հ Ա Յ Տ

_____________________________________________________________

(կուսակցության, կուսակցությունների դաշինքի անվանումը)

տեղամասային ընտրական հանձնաժողովի անդամների նշանակման

ՀՀ ընտրական օրենսգրքի 42-րդ հոդվածին համապատասխան _____________________________

 ____________________________________________________________________ ընտրություններին

 (նշվում է ընտրությունը)

տեղամասային ընտրական հանձնաժողովների անդամներ են նշանակվել.

Հայտում նշված քաղաքացիներն ունեն տեղամասային ընտրական հանձնաժողովում ընդգրկվելու իրավունք, նրանց վրա չեն տարածվում ՀՀ ընտրական օրենսգրքի 39-րդ հոդվածով ընտրական հանձնաժողովի անդամ նշանակվելու համար նախատեսված սահմանափակումները:

Կուսակցության ղեկավար (տեղակալ)  Դաշինքի դեպքում` խմբակցության  ղեկավար (տեղակալ)                        _________________________	_______________
(ազգանուն, անուն)	(ստորագրություն)
«____» _______________ 20  թվական

 

ԹԻՎ _____ ԸՆՏՐԱՏԱՐԱԾՔԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎԻ ՆԱԽԱԳԱՀԻՆ

Հ Ա Յ Տ

տեղամասային ընտրական հանձնաժողովի անդամի թեկնածու ներկայացնելու

ՀՀ ընտրական օրենսգրքի 42-րդ հոդվածին համապատասխան _____________________________

 ____________________________________________________________________ ընտրություններին

 (նշվում է ընտրությունը)

տեղամասային ընտրական հանձնաժողովում ընդգրկելու համար ներկայացնում եմ.

Հայտում նշված քաղաքացիներն ունեն տեղամասային ընտրական հանձնաժողովում ընդգրկվելու իրավունք, նրանց վրա չեն տարածվում ՀՀ ընտրական օրենսգրքի 39-րդ հոդվածով ընտրական հանձնաժողովի անդամ նշանակվելու համար նախատեսված սահմանափակումները: