«Գրանցված է»

ՀՀ արդարադատության

նախարարության կողմից

29 փետրվարի 2008 թ.

Պետական գրանցման թիվ 05008063

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

 

15 հունվարի 2008 թ. ք. Երևան

N 17-Ն

 

Ո Ր Ո Շ ՈՒ Մ

 

«ԿԱՐԳԱՎՈՐՎՈՂ ՇՈՒԿԱՅԻ ՕՊԵՐԱՏՈՐԻ ԳՐԱՆՑՈՒՄՆ ՈՒ ԼԻՑԵՆԶԱՎՈՐՈՒՄԸ, ԿԱՐԳԱՎՈՐՎՈՂ ՇՈՒԿԱՅԻ ՕՊԵՐԱՏՈՐԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՈՒՆԵՆԱԼՈՒ ՀԱՄԱՐ ՆԱԽՆԱԿԱՆ ՀԱՄԱՁԱՅՆՈՒԹՅՈՒՆ ՍՏԱՆԱԼՈՒ ԿԱՐԳԸ, ԳՈՐԾԱՐԱՐ ԾՐԱԳՐԻ ՆԵՐԿԱՅԱՑՄԱՆ ԿԱՐԳԸ, ՁԵՎԸ ԵՎ ԺԱՄԿԵՏՆԵՐԸ» ԿԱՆՈՆԱԿԱՐԳ 5/01-Ը ՀԱՍՏԱՏԵԼՈՒ ՄԱՍԻՆ

 

Հիմք ընդունելով «Լիցենզավորման մասին» Հայաստանի Հանրապետության օրենքի 10-րդ հոդվածի 4-րդ մասը, «Իրավական ակտերի մասին» Հայաստանի Հանրապետության օրենքի 16-րդ հոդվածի 1-ին և 3-րդ մասերը և «Արժեթղթերի շուկայի մասին» Հայաստանի Հանրապետության օրենքի 104-րդ հոդվածի 1-ին մասը, 2-րդ մասը, 108-րդ հոդվածը, 110-րդ հոդվածի 1-ին մասի 7-րդ կետը, 111-րդ հոդվածի 2-րդ մասը, 116-րդ հոդվածի 2-րդ մասը, 221-րդ հոդվածի 1-ին մասը, 222-րդ հոդվածի 14-րդ մասը «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 2-րդ հոդվածի 3-րդ մասը և 20-րդ հոդվածի «ե» կետը՝ Հայաստանի Հանրապետության կենտրոնական բանկի խորհուրդը որոշում է.

(Նախաբանը լրաց. 01.07.08 թիվ 193-Ն)

1. Հաստատել «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01-ը՝ համաձայն Հավելվածի (այսուհետ՝ Կանոնակարգ 5/01):

2. 2008 թվականի հունիսի 30-ից ուժը կորցրած ճանաչել Հայաստանի Հանրապետության կենտրոնական բանկի խորհրդի 2006 թվականի դեկտեմբերի 5-ի ««Արժեթղթերի շուկայի կարգավորման կանոնագիրքը» հաստատելու մասին» թիվ 713-Ն որոշմամբ հաստատված «Արժեթղթերի շուկայի կարգավորման կանոնագրքի» 28-րդ բաժինը, 104.2-2/ԻԿԿ, 104.2-3/ԻԿԿ ձևերը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության կենտրոնական բանկի նախագահ	Տ. Սարգսյան
2008 թ. հունվարի 23 Երևան

 

Հավելված Հայաստանի Հանրապետության կենտրոնական բանկի խորհրդի 2008 թվականի հունվարի 15-ի թիվ 17-Ն որոշման

 

«ԿԱՐԳԱՎՈՐՎՈՂ ՇՈՒԿԱՅԻ ՕՊԵՐԱՏՈՐԻ ԳՐԱՆՑՈՒՄՆ ՈՒ ԼԻՑԵՆԶԱՎՈՐՈՒՄԸ, ԿԱՐԳԱՎՈՐՎՈՂ ՇՈՒԿԱՅԻ ՕՊԵՐԱՏՈՐԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՈՒՆԵՆԱԼՈՒ ՀԱՄԱՐ ՆԱԽՆԱԿԱՆ ՀԱՄԱՁԱՅՆՈՒԹՅՈՒՆ ՍՏԱՆԱԼՈՒ ԿԱՐԳԸ, ԳՈՐԾԱՐԱՐ ԾՐԱԳՐԻ ՆԵՐԿԱՅԱՑՄԱՆ ԿԱՐԳԸ, ՁԵՎԸ ԵՎ ԺԱՄԿԵՏՆԵՐԸ»
 
ԿԱՆՈՆԱԿԱՐԳ 5/01

 

Բ Ա Ժ Ի Ն  I

 

ԸՆԴՀԱՆՈՒՐ ԴՐՈՒՅԹՆԵՐ ԵՎ ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ

 

Գ Լ ՈՒ Խ  1

 

ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կանոնակարգը սահմանում է.

1) Հայաստանի Հանրապետության տարածքում կարգավորվող շուկայի օպերատորի (այսուհետ` օպերատոր) գրանցման և լիցենզավորման կարգը,

2) օպերատորի կանոնադրական կապիտալում նշանակալից մասնակցություն ձեռք բերելու համար նախնական համաձայնություն ստանալու կարգը,

3) օպերատորի երեք տարվա գործարար ծրագրի ձև և դրանում կատարվող փոփոխությունների ներկայացման կարգը և ժամկետները,

4) օպերատորի տեղեկատվական և այլ համակարգերի նվազագույն տեխնիկական պահանջների և հուսալիության չափանիշները,

5) Հայաստանի Հանրապետության կենտրոնական բանկի կողմից գրանցվող կանոնադրություններում, ղեկավարների կազմում, օպերատորի շուկայի կանոններում կատարված փոփոխությունների գրանցման կարգը,

6) օպերատորի կողմից պարբերաբար ներկայացվող հաշվետվությունները և տեղեկությունները:

2. Սույն կանոնակարգով պահանջվող բոլոր փաստաթղթերը Կենտրոնական բանկ են ներկայացվում տպագիր և հայերեն (եթե այլ բան նախատեսված չէ սույն կանոնակարգում)` պատվիրված նամակով, կամ առձեռն կամ ներկայացվում են էլեկտրոնային տարբերակով` Սի-Բի-Էյ-նեթ համակարգի միջոցով, բացառությամբ սույն կանոնակարգի Հավելված 3-ով սահմանված ղեկավարների մասին տեղեկությունների, որոնք ներկայացվում են միայն էլեկտրոնային տարբերակով` Սի-Բի-Էյ-նեթ համակարգի միջոցով, իսկ անհնարինության դեպքում` էլեկտրոնային կրիչով: Ընդ որում, ղեկավարների մասին տեղեկությունները ներկայացվում են էքսել (excel) ֆորմատով: Տպագիր եղանակով ներկայացվող փաստաթղթերի պատճենները ստորագրվում են օպերատորի իրավասու անձի կողմից և ներկայացվում են «իսկականի հետ ճիշտ է» մակագրությամբ:

3. Գործող օպերատորի կանոնադրությունը (դրանում փոփոխությունները, լրացումները) Կենտրոնական բանկ է ներկայացվում էլեկտրոնային եղանակով «Փի Դի Էֆ» ֆորմատով` էլեկտրոնային-թվային ստորագրությամբ` Սի-Բի-Էյ-նեթ համակարգի միջոցով, իսկ անհնարինության դեպքում` էլեկտրոնային կրիչով: Նոր ստեղծվող օպերատորը կանոնադրությունը ներկայացնում է թղթային եղանակով, իսկ Կենտրոնական բանկի կողմից գրանցվելուց և լիցենզավորվելուց հետո, երբ արդեն միացված է Սի-Բի-Էյ-նեթ ցանցին և ստացել է անվտանգության համապատասխան հավաստագրերը, Կենտրոնական բանկի կողմից գրանցված կանոնադրությունը կրկին ներկայացնում է Կենտրոնական բանկ էլեկտրոնային եղանակով «Փի Դի Էֆ» ֆորմատով էլեկտրոնային-թվային ստորագրությամբ` Սի-Բի-Էյ-նեթ համակարգի միջոցով, իսկ անհնարինության դեպքում` էլեկտրոնային կրիչով:

3.1. Սույն կանոնակարգով նախատեսված կարգով Կենտրոնական բանկ ներկայացված օպերատորի կանոնադրությունը (դրանում փոփոխությունները, լրացումները) տեղադրվում են file.cba.am ինտերնետային կայքում` կանոնադրությունը (դրանում փոփոխությունները, լրացումները) Կենտրոնական բանկում գրացվելուց հետո 3 աշխատանքային օրվա ընթացքում: Ընդ որում, գրանցված կանոնադրությունը (դրանում փոփոխությունները, լրացումները) տրամադրվում են համապատասխան անձին էլեկտրոնային տարբերակով` Սի-Բի-Էյ-նեթ համակարգի միջոցով, իսկ անհնարինության դեպքում` էլեկտրոնային կրիչով: Նոր ստեղծվող օպերատորի համար սույն կետով սահմանված եռօրյա ժամկետը հաշվարկվում է կանոնադրության էլեկտրոնային տարբերակը Կենտրոնական բանկ ներկայացնելու օրվանից:

3.2. Սույն կանոնակարգով նախատեսված կարգով Կենտրոնական բանկ ներկայացվող կանոնադրությունները (դրանում փոփոխությունները, լրացումները) պետք է ունենան սույն կանոնակարգի հավելված 13-ով սահմանված ձևի տիտղոսաթերթ:

3.3. Սույն կանոնակարգի 15-րդ կետի 4-րդ ենթակետով պահանջվող կանոնադրությունը 2012 թվականի հուլիսի 1-ից հետո ներկայացվում է միայն օտարերկրյա իրավաբանական անձանց համար:

3.4. Սույն կանոնակարգով սահմանված դեպքերում վարկանշող կազմակերպությունների կողմից տրված վարկանիշերը կիրառելիս անհրաժեշտ է առաջնորդվել հետևյալ սկզբունքով.

1) Եթե կազմակերպությունն ունի սույն կանոնակարգում նշված միայն մեկ վարկանշող կազմակերպության կողմից տրված վարկանիշ, ապա հիմք է ընդունվում միայն տվյալ վարկանիշը:

2) Եթե կազմակերպությունն ունի երկու տարբեր վարկանիշ` տրամադրված սույն կանոնակարգում նշված տարբեր վարկանշող կազմակերպությունների կողմից, ապա հիմք է ընդունվում ամենացածր վարկանիշը։

3) Եթե կազմակերպությունն ունի երեք և ավելի վարկանիշ` տրամադրված սույն կանոնակարգում նշված տարբեր վարկանշող կազմակերպությունների կողմից, ապա հիմք է ընդունվում երկու ամենաբարձր վարկանիշերից առավել ցածր վարկանիշը:

3.5. Օրենքով և այլ իրավական ակտերով սահմանված դեպքերում կանոնադրական կապիտալի համալրումը (կանոնադրական կապիտալի յուրաքանչյուր ավելացումը) Կենտրոնական բանկում բացվող կուտակային հաշվի միջոցով իրականացնելու դեպքում օպերատորի հիմնադիրները (օպերատորը) Կենտրոնական բանկ են ներկայացնում կուտակային հաշիվ բացելու վերաբերյալ դիմում` համաձայն սույն կանոնակարգի Հավելված 2.3-ի:

3.6. Սույն կանոնակարգով սահմանված լիցենզավորման, գրանցման, նախնական համաձայնության ստացման համար Կենտրոնական բանկ ներկայացված փաստաթղթերում ոչ էական թերությունների (վրիպումներ, ոչ իրավաբանական անճշտություններ, թվաբանական սխալներ և նման այլ բացթողումներ) առկայության դեպքում Կենտրոնական բանկի կողմից համապատասխան որոշումը կայացվում է այդ թերությունները վերացնելուց հետո: Այդ դեպքում դիմումը ներկայացված է համարվում փոփոխված տեղեկությունները և փաստաթղթերը Կենտրոնական բանկի կողմից ստանալու պահից:

3.7. Կենտրոնական բանկ սույն կանոնակարգի համաձայն փաստաթղթեր ներկայացնելիս ներկայացվող փաստաթղթերին կից ներկայացվում է նաև «Ներկայացվող փաստաթղթերի ցանկը»` համաձայն սույն կանոնակարգի հավելված 2.4-ի` ստորագրված և կնքված (կնիքի առկայության դեպքում) իրավասու անձի կողմից: Ցանկում նշվում են սույն կանոնակարգով ներկայացվող փաստաթղթերը հերթական դասավորությամբ:

4. Հայաստանի Հանրապետության տարածքում օպերատորի գրանցման և լիցենզավորման գործընթացներն իրականացվում են «Արժեթղթերի շուկայի մասին» Հայաստանի Հանրապետության օրենքի և սույն կանոնակարգի համաձայն:

(Գլուխը փոփ. 01.07.08 թիվ 193-Ն, լրաց. 22.09.09 թիվ 279-Ն, 01.12.09 թիվ 355-Ն, խմբ. 20.12.11 թիվ 359-Ն)

 

Գ Լ ՈՒ Խ  2

 

ՍՈՒՅՆ ԿԱՆՈՆԱԿԱՐԳՈՒՄ ՕԳՏԱԳՈՐԾՎՈՂ ՀԱՍԿԱՑՈՒԹՅՈՒՆՆԵՐ

 

5. Սույն կանոնակարգում օգտագործվում են հետևյալ հասկացությունները`

1) «Կենտրոնական բանկ»` Հայաստանի Հանրապետության կենտրոնական բանկ,

2) «հանձնաժողով»` Կենտրոնական բանկի լիցենզավորման և վերահսկողության հանձնաժողով,

3) «Կենտրոնական բանկի կողմից վերահսկվող անձ»` «Հայաստանի Հանրապետության կենտրոնական բանկի մասին» Հայաստանի Հանրապետության օրենքի կամ այլ օրենքների համաձայն Կենտրոնական բանկի կողմից վերահսկվող անձ,

4) «ֆինանսական խումբ (միություն)»` որևէ երկրի օրենսդրության իմաստով ֆինանսական խումբ կամ ֆինանսական միություն,

5) «ֆինանսական կազմակերպություն»` բանկ, վարկային կազմակերպություն, ապահովագրական ընկերություն, ներդրումային ընկերություն, ներդրումային ֆոնդի կառավարիչ, կորպորատիվ ֆոնդ, Բյուրո, ինչպես նաև Հայաստանի Հանրապետության օրենքների և (կամ) այլ իրավական ակտերի համաձայն ֆինանսական կազմակերպություն համարվող այլ անձինք,

6) (ենթակետն ուժը կորցրել է 20.12.11 թիվ 359-Ն)

(5-րդ կետը խմբ., փոփ. 20.12.11 թիվ 359-Ն)

6. Սույն կանոնակարգում օգտագործված այլ հասկացություններն ունեն «Արժեթղթերի շուկայի մասին» Հայաստանի Հանրապետության օրենքում կիրառվող նշանակությունը:

 

Բ Ա Ժ Ի Ն  II

 

ՕՊԵՐԱՏՈՐԻ ՊԵՏԱԿԱՆ ԳՐԱՆՑՄԱՆ ԵՎ ԼԻՑԵՆԶԱՎՈՐՄԱՆ ԸՆԹԱՑԱԿԱՐԳԸ

 

Գ Լ ՈՒ Խ  3

 

ՕՊԵՐԱՏՈՐԻ ՊԵՏԱԿԱՆ ԳՐԱՆՑՄԱՆ ԵՎ ԼԻՑԵՆԶԱՎՈՐՄԱՆ ՀԱՄԱՐ ՆԵՐԿԱՅԱՑՎՈՂ ՓԱՍՏԱԹՂԹԵՐԸ

 

7. Օպերատորի պետական գրանցման և լիցենզավորման համար Կենտրոնական բանկ են ներկայացվում հետևյալ փաստաթղթերը`

1) «Արժեթղթերի շուկայի մասին» Հայաստանի Հանրապետության օրենքի 104-րդ հոդվածի 1-ին մասով սահմանված բոլոր փաստաթղթերը, ընդ որում՝

ա. գրանցման և լիցենզավորման մասին դիմումը ներկայացվում է հիմնադիր ժողովի կողմից լիազորված անձի կողմից վավերացված` համաձայն սույն կանոնակարգի հավելված 2-ի,

բ. գործարար ծրագիրը ներկայացվում է համաձայն սույն կանոնակարգի գլուխ 12-ի,

գ. օպերատորի ղեկավարների վերաբերյալ տեղեկությունները միջնորդագրի տեսքով ներկայացվում է համաձայն հավելված 3-ի,

դ. օպերատորի բաժնետերերի (մասնակիցների) վերաբերյալ տեղեկությունները (տեղեկանքը) ներկայացվում են համաձայն սույն կանոնակարգի հավելված 4-ի,

ե. (պարբերությունն ուժը կորցրել է 20.12.11 թիվ 359-Ն)

ե1. շուկայի կանոնների նախագծերը (ներառյալ կանոնների ներդրման անհրաժեշտության հիմնավորումը) կցվում են շուկայի կանոնների գրանցման միջնորդագրին, որի ձևը սահմանված է սույն կանոնակարգի հավելված 12-ով,

ե2. օպերատորի ֆիրմային անվանման գրանցման հայտը` համաձայն Հավելված 2.1-ի, ինչպես նաև «ֆիրմային անվանումների մասին» Հայաստանի Հանրապետության օրենքի 7-րդ հոդվածի 3-րդ մասով պահանջվող փաստաթղթերը:

2) եթե դիմումատուն հանդես է գալիս լիազոր ներկայացուցչի միջոցով, ապա նաև նրան պատշաճ կարգով տրված լիազորագիրը,

3) տարածքի սեփականության, վարձակալության (ենթավարձակալության) կամ անհատույց օգտագործման իրավունքի պետական գրանցման վկայականի պատճենը (համապատասխան առանձնացված տարածքի նկատմամբ իրավունքներ ունեցող անձի՝ օպերատորի գրանցման և լիցենզավորման դեպքում տարածքը նրան անհատույց օգտագործման, վարձակալությամբ (ենթավարձակալությամբ) կամ ի սեփականություն հանձնելու վերաբերյալ պարտավորությունը ամրագրող փաստաթուղթ): Ենթավարձակալության դեպքում անհրաժեշտ է ներկայացնել նաև հիմնական պայմանագրի պատճենը կամ այդ պայմանագրի առկայությունը, ինչպես նաև հիմնական միջոցը ենթավարձակալության տալու իրավունքը հավաստող փաստաթուղթը,

4) փոստային հասցեի վերաբերյալ տեղեկանք, որում նշված հասցեով օպերատորը համաձայն կլինի ստանալ օպերատորի լիցենզիան,

5) (ենթակետն ուժը կորցրել է 20.12.11 թիվ 359-Ն)

6) (ենթակետն ուժը կորցրել է 20.12.11 թիվ 359-Ն)

(7-րդ կետը լրաց. 01.07.08 թիվ 193-Ն, փոփ. 22.09.09 թիվ 279-Ն, լրաց. 01.12.09 թիվ 355-Ն, խմբ., փոփ., լրաց. 20.12.11 թիվ 359-Ն)

8. Եթե սույն կանոնակարգի 7-րդ կետով նախատեսված կարգով օպերատորի գրանցման և լիցենզավորման ժամանակ ներկայացվել է համապատասխան առանձնացված տարածքի նկատմամբ իրավունքներ ունեցող անձի՝ օպերատորի գրանցման և լիցենզավորման դեպքում տարածքը նրան անհատույց օգտագործման, վարձակալությամբ (ենթավարձակալությամբ) կամ ի սեփականություն հանձնելու վերաբերյալ պարտավորությունը ամրագրող փաստաթուղթ, օպերատորը սահմանված կարգով գրանցվելուց և լիցենզավորվելուց հետո` եռամսյա ժամկետում, Կենտրոնական բանկ է ներկայացնում տվյալ տարածքի իր սեփականության իրավունքի գրանցման վկայականի պատճենը կամ նոտարական կարգով վավերացված վարձակալության (ենթավարձակալության) կամ անհատույց օգտագործման պայմանագրի պատճենը և վարձակալության (ենթավարձակալության) կամ անհատույց օգտագործման իրավունքի գրանցման վկայականի պատճենը: Ենթավարձակալության պայմանագրի դեպքում ներկայացվում է նաև հիմնական վարձակալության պայմանագրի պատճենը կամ այդ պայմանագրի առկայությունը, ինչպես նաև հիմնական միջոցը ենթավարձակալության տալու իրավունքը հավաստող փաստաթուղթը:

(8-րդ կետը լրաց. 01.07.08 թիվ 193-Ն, խմբ. 20.12.11 թիվ 359-Ն)

 

Գ Լ ՈՒ Խ  3.1

 

ՖԻՐՄԱՅԻՆ ԱՆՎԱՆՄԱՆ ԳՐԱՆՑՈՒՄԸ, ՖԻՐՄԱՅԻՆ ԱՆՎԱՆՄԱՆ ԳՐԱՆՑՄԱՆ ՀԱՅՏԸ ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ ՓՈՐՁԱՔՆՆՈՒԹՅԱՆ ՆԵՐԿԱՅԱՑՆԵԼՈՒ ԿԱՐԳԸ

 

8.1. Սույն կանոնակարգի 7-րդ կետի 1-ին ենթակետի «ե» պարբերության համաձայն Կենտրոնական բանկ գրանցման ներկայացված ֆիրմային անվանումը համարվում է գրանցված, եթե Կենտրոնական բանկի կողմից որոշում է կայացվում օպերատորին գրանցելու և լիցենզիա տրամադրելու վերաբերյալ:

(8.1 կետը լրաց. 22.09.09 թիվ 279-Ն, փոփ. 20.12.11 թիվ 359-Ն)

8.2. Օպերատորի ֆիրմային անվանման փոփոխությունը համարվում է գրանցված, եթե Կենտրոնական բանկի կողմից գրանցվում է օպերատորի կանոնադրության փոփոխությունը:

(8.2 կետը լրաց. 22.09.09 թիվ 279-Ն)

8.3. (8.3 կետն ուժը կորցրել է 20.12.11 թիվ 359-Ն)

8.4. Օպերատորի ֆիրմային անվանման գրանցումը մերժվում է օրենքով սահմանված հիմքերով:

(8.4 կետը լրաց. 22.09.09 թիվ 279-Ն)

8.5. (8.5 կետն ուժը կորցրել է 20.12.11 թիվ 359-Ն)

8.6. (8.6 կետն ուժը կորցրել է 20.12.11 թիվ 359-Ն)

8.7. Սույն կանոնակարգի 7-րդ կետի 1-ին ենթակետի «ե» պարբերությամբ և 61.1-րդ կետով սահմանված դեպքերում ֆիրմային անվանման գրանցման հայտը ստանալուց հետո Կենտրոնական բանկը «Ֆիրմային անվանումների մասին» Հայաստանի Հանրապետության օրենքով սահմանված կարգով և ժամկետներում այդ հայտի սքան արված տարբերակը, ինչպես նաև «Ֆիրմային անվանումների մասին» Հայաստանի Հանրապետության օրենքի 6-րդ հոդվածով նախատեսված դեպքերում՝ համապատասխան համաձայնության կամ թույլտվության սքան արված տարբերակը (առկայության դեպքում) էլեկտրոնային փոստի միջոցով ներկայացնում է մտավոր սեփականության հարցերով լիազորված գործադիր իշխանության հանրապետական մարմին՝ ներկայացված ֆիրմային անվանման վերաբերյալ փորձագիտական եզրակացություն ստանալու համար: Որպեu հայտը ներկայացնելու պահուuտային եղանակ կարող է oգտագործվել էլեկտրոնային կրիչը:

(8.7 կետը լրաց. 22.09.09 թիվ 279-Ն, փոփ. 20.12.11 թիվ 359-Ն)

(Գլուխը լրաց. 22.09.09 թիվ 279-Ն)

 

Գ Լ ՈՒ Խ  4

 

ԼԻՑԵՆԶԻԱՅԻ ՏՐԱՄԱԴՐՈՒՄԸ

 

9. Կենտրոնական բանկը բավարարում է օպերատորի պետական գրանցման և լիցենզավորման դիմումը օրենքով և սույն կանոնակարգով սահմանված կարգով:

10. Օպերատորի գրանցումը կատարվում է, ինչպես նաև լիցենզիան Կենտրոնական բանկի խորհրդի կողմից տրվում է հանձնաժողովի եզրակացության հիման վրա:

11. Օպերատորի գրանցման և լիցենզավորման մասին Կենտրոնական բանկի խորհրդի որոշման ուժի մեջ մտնելուց հետո 5 օրվա ընթացքում հիմնադիրներին տրվում է օպերատորի գրանցման վկայականը՝ համաձայն սույն կանոնակարգի հավելված 5-ի, ֆիրմային անվանման գրանցման վկայականը՝ համաձայն հավելված 2.2-ի և լիցենզիան` համաձայն սույն կանոնակարգի հավելված 1-ի:

(11-րդ կետը լրաց. 22.09.09 թիվ 279-Ն)

12. Գրանցման և լիցենզավորման համար անհրաժեշտ փաստաթղթերի հետ մեկտեղ Կենտրոնական բանկ պետք է ներկայացվեն նաև օպերատորի ղեկավարների գրանցման համար պահանջվող փաստաթղթերը: Օպերատորի ղեկավարները գրանցվում են` համաձայն Կենտրոնական բանկի խորհրդի 2008 թվականի հունվարի 15-ի «Ներդրումային ծառայություններ մատուցող անձանց, օպերատորի, Կենտրոնական դեպոզիտարիայի ղեկավարների ու ներդրումային ծառայություններ մատուցող ֆիզիկական անձանց որակավորումը, նրանց մասնագիտական համապատասխանության չափանիշներն ու մասնագիտական որակավորման ստուգման թեմաների ցանկը» կանոնակարգ 4/05-ը հաստատելու մասին» թիվ 15-Ն որոշման:

13. Կենտրոնական բանկի խորհուրդը մերժում է օպերատորի լիցենզիայի տրամադրումը «Արժեթղթերի շուկայի մասին» Հայաստանի Հանրապետության օրենքի 106-րդ հոդվածում նշված հիմքերով:

(13-րդ կետը փոփ. 01.07.08 թիվ 193-Ն)

14. (14-րդ կետն ուժը կորցրել է 01.07.08 թիվ 193-Ն)

 

 

Բ Ա Ժ Ի Ն  III

 

ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ

 

Գ Լ ՈՒ Խ  5

 

ՕՊԵՐԱՏՈՐԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅԱՆ ՆԱԽՆԱԿԱՆ ՀԱՄԱՁԱՅՆՈՒԹՅՈՒՆ ՍՏԱՆԱԼԸ ԵՎ ՆԵՐԿԱՅԱՑՎՈՂ ՓԱՍՏԱԹՂԹԵՐԸ

 

15. Ինչպես գործող, այնպես էլ նորաստեղծ օպերատորի կանոնադրական կապիտալում նշանակալից մասնակցություն ձեռք բերելու կամ ձայնի իրավունք տվող մասնակցության՝ «Արժեթղթերի շուկայի մասին» Հայաստանի Հանրապետության օրենքի 54-րդ հոդվածի 1-ին մասին համապատասխան ավելացման մտադրություն ունեցող իրավաբանական անձը մինչև տվյալ մասնակցությունը ձեռք բերելը նախնական համաձայնություն ստանալու համար Կենտրոնական բանկ է ներկայացնում հետևյալ փաստաթղթերը՝

1) իրավաբանական անձի կողմից օպերատորի կանոնադրական կապիտալում նշանակալից մասնակցություն ձեռք բերելու համար տվյալ իրավաբանական անձի միջնորդագիրը` համաձայն սույն կանոնակարգի հավելված 6ա-ի,

2) օպերատորի միջնորդությունը իրավաբանական անձի կողմից օպերատորի կանոնադրական կապիտալում նշանակալից մասնակցություն ձեռք բերելուն համաձայնություն տալու վերաբերյալ՝ օպերատորի կառավարման մարմնի կողմից լիազորված անձի ստորագրությամբ` վավերացված օպերատորի կնիքով (առկայության դեպքում),

3) կանոնադրական կապիտալում նշանակալից մասնակցություն ձեռք բերող իրավաբանական անձի իրավասու մարմնի որոշումը,

4) կանոնադրական կապիտալում նշանակալից մասնակցություն ձեռք բերող իրավաբանական անձի կանոնադրությունը,

5) կանոնադրական կապիտալում նշանակալից մասնակցություն ձեռք բերող իրավաբանական անձի մասնակիցների ցուցակը՝ նշելով նրանց մասնակցության չափը (տոկոսով) կանոնադրական կապիտալի մեջ,

6) տեղեկանք՝ օպերատորի կանոնադրական կապիտալում նշանակալից մասնակցություն ձեռք բերող իրավաբանական անձի վերաբերյալ` համաձայն սույն կանոնակարգի հավելված 7ա-ի,

7) իրավաբանական անձի վերջին երեք տարիների և վերջին միջանկյալ ֆինանսական հաշվետվությունները: Մինչև երեք տարի գործունեություն ունեցող անձանց համար ներակայացվում է տեղեկատվություն իրականացված գործունեության ողջ ժամկետի համար,

8) անկախ աուդիտորական եզրակացությունը, որը հավաստում է վերջին տարեկան ֆինանսական հաշվետվությունների համապատասխանությունը հաշվապահական հաշվառման այն ստանդարտներին, որոնք համաձայն «Հաշվապահական հաշվառման մասին» Հայաստանի Հանրապետության օրենքի պետք է կիրառվեն տվյալ կազմակերպության կողմից հաշվապահական հաշվառում վարելիս և ֆինանսական հաշվետվություններ կազմելիս և ներկայացնելիս, իսկ օտարերկրյա իրավաբանական անձանց համար՝ ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին,

9) (ենթակետն ուժը կորցրել է 01.07.08 թիվ 193-Ն)

10) տեղեկանք` տրված իրավասու մարմնի կողմից բյուջեի և կենսաթոշակային հիմնադրամի նկատմամբ ունեցած պարտքերի կամ դրանց բացակայության վերաբերյալ (ռեզիդենտների համար),

11) ներդրվող միջոցների ծագման օրինականության վերաբերյալ բավարար և ամբողջական հիմնավորումներ (փաստաթղթեր, տեղեկություններ և այլն),

12) նշանակալից մասնակցություն ակնկալող իրավաբանական անձի հայտարարագիրը՝ օպերատորի կողմից Կենտրոնական բանկ ներկայացված գործարար ծրագրում իր կողմից առաջարկվող փոփոխությունների վերաբերյալ,

13) հայտարարարություն «Արժեթղթերի շուկայի մասին» Հայաստանի Հանրապետության օրենքի 55-րդ հոդվածի 1-ին մասի 7-րդ և 8-րդ կետերով նախատեսված հիմքերի բացակայության կամ առկայության մասին,

14) հայտարարություն այն մասին, որ իր միջոցով որևէ այլ անձ օպերատորում անուղղակի նշանակալից մասնակցություն ունեցող անձի կարգավիճակ ձեռք չի բերում՝ համաձայն հավելված 8-ի, հակառակ դեպքում՝ պետք է ներկայացնի իր միջոցով անուղղակի նշանակալից մասնակցություն ձեռք բերող անձի վերաբերյալ սույն կանոնակարգի գլուխ 6-ով սահմանված փաստաթղթերը: Սույն կետում նշված հայտարարությունը պետք է ներկայացվի Կենտրոնական բանկ այն օպերատորի միջնորդությամբ, որում անձը նախատեսել է ձեռք բերել կամ ձեռք է բերել նշանակալից մասնակցություն,

15) Նշանակալից մասնակցություն ձեռքբերող անձի հետ փոխկապակցված իրավաբանական և ֆիզիկական անձանց վերաբերյալ տեղեկություններ` համապատասխանաբար սույն կանոնակարգի Հավելված 9ա-ի և Հավելված 9բ-ի:

(15-րդ կետը խմբ., փոփ. լրաց. 01.07.08 թիվ 193-Ն, փոփ. 22.09.09 թիվ 279-Ն, փոփ., խմբ. 01.12.09 թիվ 355-Ն, փոփ., խմբ., լրաց. 20.12.11 թիվ 359-Ն)

16. Եթե իրավաբանական անձ հանդիսացող ուղղակի մասնակիցն ընդգրկված է որևէ խմբի (միության) կամ ցանկացած այլ հիմքով իրենց ֆինանսական հաշվետվությունները համախմբող անձանց կազմում, ապա Կենտրոնական բանկ են ներկայացվում (միևնույն խմբում (միությունում) կամ ցանկացած այլ հիմքով իրենց ֆինանսական հաշվետվությունները համախմբող անձանց կազմում այլ նշանակալից մասնակցի կամ փոխկապակցված անձի առկայության դեպքում սույն կետի 1-ին, 2-րդ և 3-րդ ենթակետերով պահանջվող հաշվետվությունը (տեղեկությունները) ներկայացվում է նրանցից որևէ մեկի կողմից) սույն գլխի 15-րդ կետով ներկայացված փաստաթղթերը (բացառությամբ, սույն կանոնակարգի 15-րդ կետի 7-րդ, 8-րդ, կետերով սահմանված փաստաթղթերի), ինչպես նաև`

1) խմբի (միության) կառուցվածքը,

2) խմբի (միության) վերջին ֆինանսական տարվա ֆինանսական հաշվետվությունները (մեկ տարուց պակաս գործունեություն իրականացրած իրավաբանական անձինք նշված տեղեկությունները ներկայացնում են իրականացրած գործունեության ողջ ժամկետի համար),

3) անկախ աուդիտորական եզրակացությունը, որը հավաստում է խմբի (միության) վերջին տարեկան ֆինանսական հաշվետվությունների համապատասխանությունը հաշվապահական հաշվառման այն ստանդարտներին, որոնք համաձայն «Հաշվապահական հաշվառման մասին» Հայաստանի Հանրապետության օրենքի պետք է կիրառվեն տվյալ խմբի (միության) կողմից հաշվապահական հաշվառում վարելիս և ֆինանսական հաշվետվություններ կազմելիս և ներկայացնելիս, իսկ օտարերկրյա խմբի (միության) համար՝ ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին (առկայության դեպքում):

(16-րդ կետը փոփ. 01.07.08 թիվ 193-Ն, խմբ. 01.12.09 թիվ 355-Ն, խմբ., լրաց. 20.12.11 թիվ 359-Ն)

17. Եթե 16-րդ կետի 2-րդ ենթակետով նախատեսված ֆինանսական հաշվետվությունները կազմված են օտարերկրյա պետության ազգային ստանդարտների համաձայն, ապա Կենտրոնական բանկ են ներկայացվում նաև

1) տվյալ կազմակերպության ֆինանսական հաշվետվությունները հաստատող անկախ աուդիտորական կազմակերպության հայտարարությունն այն մասին, որ ներկայացված հաշվետվությունները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին, կամ

2) հղում այդ պետության որևէ պաշտոնական ինտերնետային էջի, որտեղ նշված է, որ տվյալ պետության հաշվապահական հաշվառման ստանդարտները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին:

(17-րդ կետը փոփ. 01.07.08 թիվ 193-Ն)

18. Եթե սույն կանոնակարգի 15-րդ կետ 7-րդ և 8-րդ ենթակետերով կամ 16-րդ կետով սահմանված հաշվետվությունները (տեղեկությունները) տեղակայված են համապատասխանաբար իրավաբանական անձի կամ խմբի (միության) ինտերնետային կայքում, ապա Կենտրոնական բանկին ներկայացվում է համապատասխան կայքի (տնային էջի) հասցեն:

(18-րդ կետը լրաց. 01.07.08 թիվ 193-Ն, խմբ. 20.12.11 թիվ 359-Ն)

18.1. Օֆշորային տարածքներում ստեղծված կամ գրանցված իրավաբանական անձինք կամ նրանց հետ փոխկապակցված անձինք օպերատորի կանոնադրական կապիտալում մասնակցություն ձեռք բերելու համար (անկախ մասնակցության չափից) պետք է մինչև տվյալ մասնակցությունը ձեռք բերելը նախնական համաձայնություն ստանալու համար դիմեն Կենտրոնական բանկ` ներկայացնելով սույն կանոնակարգի 15-րդ կետով սահմանված փաստաթղթերը:

(18.1 կետը լրաց. 20.12.11 թիվ 359-Ն)

19. Եթե օպերատորի կանոնադրական կապիտալում նշանակալից մասնակցություն ձեռք է բերվելու միջազգային կազմակերպությունների կողմից, ապա վերջիններիս կողմից Կենտրոնական բանկ պետք է ներկայացվեն սույն կանոնակարգի 15-րդ կետի 1-ին, 2-րդ, 3-րդ, 4-րդ, 7-րդ, 8-րդ,12-րդ և 14-րդ ենթակետերով պահանջվող փաստաթղթերը: Կենտրոնական բանկի խորհրդի համաձայնությամբ սույն կետը կարող է տարածվել նաև միջազգային համբավ և (կամ) Ստանդարտ և Փուրզ կամ Ֆիտչ վարկանշող կազմակերպությունների կողմից «A-» կամ ավելի բարձր կամ Մուդիզ վարկանշող կազմակերպության կողմից «A3» կամ ավելի բարձր վարկանիշ ունեցող կազմակերպությունների վրա:

(19-րդ կետը փոփ. 01.07.08 թիվ 193-Ն, խմբ. 20.12.11 թիվ 359-Ն)

20. Եթե օպերատորի կանոնադրական կապիտալում նշանակալից մասնակցությունը ձեռք է բերում Կենտրոնական բանկի կողմից վերահսկվող անձը, ապա նա Կենտրոնական բանկ չի ներկայացնում սույն կանոնակարգի 15-րդ կամ 21-րդ կետերով սահմանված այն փաստաթղթերը, որոնք արդեն իսկ ներկայացվել են Կենտրոնական բանկ:

(20-րդ կետը փոփ. 01.07.08 թիվ 193-Ն, խմբ. 20.12.11 թիվ 359-Ն)

20.1. Եթե օպերատորի կանոնադրական կապիտալում ուղղակի նշանակալից մասնակցություն ձեռք է բերում Հայաստանի Հանրապետության կենտրոնական բանկի կողմից «Ա» կամ «Բ» վարկանիշ ստացած կազմակերպությունը, ապա վերջինս Կենտրոնական բանկ պետք է ներկայացնի սույն կանոնակարգի 15-րդ կետով սահմանված 1-ին, 2-րդ, 3-րդ, 4-րդ, 5-րդ, 6-րդ, 10-րդ, 11-րդ, 12-րդ, 13-րդ, 14-րդ և 15-րդ ենթակետերով պահանջվող փաստաթղթերը, ընդ որում` սույն կանոնակարգի 15-րդ կետի 7-րդ և 8-րդ ենթակետերով սահմանված տեղեկությունները չեն ներկայացվում միայն այն դեպքում, եթե Կենտրոնական բանկում առկա է տվյալ տեղեկությունները վերահսկողական նպատակներով օգտագործելու վերաբերյալ գրավոր համաձայնություն:

(20.1 կետը լրաց. 20.12.11 թիվ 359-Ն)

21. Ինչպես գործող, այնպես էլ նորաստեղծ օպերատորի կանոնադրական կապիտալում նշանակալից մասնակցություն ձեռք բերելու մտադրություն ունեցող ֆիզիկական անձը մինչև տվյալ մասնակցությունը ձեռք բերելը, նախնական համաձայնություն ստանալու համար Կենտրոնական բանկ է ներկայացնում հետևյալ փաստաթղթերը՝

1) ֆիզիկական անձի կողմից օպերատորի կանոնադրական կապիտալում նշանակալից մասնակցություն ձեռք բերելու համար դիմում` համաձայն սույն կանոնակարգի հավելված 6բ-ի,

2) օպերատորի միջնորդությունը՝ ֆիզիկական անձի կողմից օպերատորի կանոնադրական կապիտալում նշանակալից մասնակցություն ձեռք բերելուն համաձայնություն տալու վերաբերյալ՝ օպերատորի կառավարման մարմնի կողմից լիազորված անձի ստորագրությամբ` վավերացված օպերատորի կնիքով (առկայության դեպքում),

3) տեղեկանք օպերատորի կանոնադրական կապիտալում նշանակալից մասնակցություն ձեռք բերող ֆիզիկական անձի վերաբերյալ՝ համաձայն սույն կանոնակարգի հավելված 7բ-ի,

4) (ենթակետն ուժը կորցրել է 20.12.11 թիվ 359-Ն)

5) նշանակալից մասնակցություն ակնկալող ֆիզիկական անձի հայտարարագիրը՝ օպերատորի կողմից Կենտրոնական բանկ ներկայացված գործարար ծրագրում իր կողմից առաջարկվող փոփոխությունների վերաբերյալ,

6) հայտարարություն «Արժեթղթերի շուկայի մասին» Հայաստանի Հանրապետության օրենքի 55-րդ հոդվածի 1-ին մասի 3-րդ, 5-րդ, 6-րդ, 7-րդ, 8-րդ կետերով նախատեսված հիմքերի բացակայության կամ առկայության մասին,

7) հայտարարություն այն մասին, որ իր միջոցով որևէ այլ անձ օպերատորում անուղղակի նշանակալից մասնակցություն ունեցող անձի կարգավիճակ ձեռք չի բերում՝ համաձայն հավելված 8-ի, հակառակ դեպքում՝ իր միջոցով անուղղակի նշանակալից մասնակցություն ձեռք բերող անձի վերաբերյալ սույն կանոնակարգի գլուխ 6-ով սահմանված փաստաթղթերը: Սույն կետում նշված հայտարարությունը պետք է ներկայացվի Կենտրոնական բանկ այն օպերատորի միջնորդությամբ, որում անձը նախատեսել է ձեռք բերել կամ ձեռք է բերել նշանակալից մասնակցություն,

8) ներդրվող միջոցների ծագման օրինականության վերաբերյալ բավարար և ամբողջական հիմնավորումներ (փաստաթղթեր, տեղեկություններ և այլն),

9) նշանակալից մասնակցություն ձեռքբերող անձի հետ փոխկապակցված իրավաբանական և ֆիզիկական անձանց վերաբերյալ տեղեկություններ` համապատասխանաբար սույն կանոնակարգի Հավելված 9ա-ի և Հավելված 9բ-ի:

(21-րդ կետը փոփ. 01.07.08 թիվ 193-Ն, փոփ., լրաց. 01.12.09 թիվ 355-Ն, փոփ., խմբ., լրաց. 20.12.11 թիվ 359-Ն)

22. Օպերատորի կանոնադրական կապիտալում նշանակալից մասնակցություն ձեռք բերել ցանկացող պետությունը պարտավոր է մինչև տվյալ մասնակցությունը ձեռք բերելը, նախնական համաձայնություն ստանալու համար դիմել Կենտրոնական բանկ՝ ներկայացնելով հետևյալ փաստաթղթերը.

1) օպերատորի կանոնադրական կապիտալում նշանակալից մասնակցություն ձեռք բերելու համար դիմում՝ պետության անունից հանդես գալու իրավունք ունեցող մարմնից,

2) կանոնադրական կապիտալում նշանակալից մասնակցություն ձեռք բերող պետության իրավասու մարմնի որոշումը` տվյալ օպերատորում նշանակալից մասնակցություն ձեռք բերելու մասին,

3) օպերատորի միջնորդությունը պետության կողմից օպերատորի կանոնադրական կապիտալում նշանակալից մասնակցություն ձեռք բերելուն համաձայնություն տալու վերաբերյալ՝ օպերատորի կառավարման մարմնի կողմից լիազորված անձի ստորագրությամբ` վավերացված օպերատորի կնիքով (առկայության դեպքում),

4) (ենթակետն ուժը կորցրել է 01.07.08 թիվ 193-Ն)

5) նշանակալից մասնակցություն ակնկալող պետության իրավասու մարմնի կողմից լրացված հայտարարագիրը՝ օպերատորի կողմից Կենտրոնական բանկ ներկայացված գործարար ծրագրում իր կողմից առաջարկվող փոփոխությունների վերաբերյալ:

(22-րդ կետը խմբ., փոփ., լրաց. 01.07.08 թիվ 193-Ն, լրաց. 01.12.09 թիվ 355-Ն)

22.1. Եթե նշանակալից մասնակցությունը ձեռք են բերում իրար հետ փոխկապակցված անձինք կամ օպերատորի մասնակցի հետ փոխկապակցված անձինք, ապա սույն գլխով պահանջվող փաստաթղթերը պահանջվում են նրանցից յուրաքանչյուրից:

(22.1 կետը լրաց. 20.12.11 թիվ 359-Ն)

 

Գ Լ ՈՒ Խ  6

 

ԱՆՈՒՂՂԱԿԻ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔ ԲԵՐՈՂ ԱՆՁԱՆՑ ԿՈՂՄԻՑ ՆԵՐԿԱՅԱՑՎՈՂ ՓԱՍՏԱԹՂԹԵՐԸ ՈՒ ՏԵՂԵԿՈՒԹՅՈՒՆՆԵՐԸ

 

23. Եթե նշանակալից մասնակցությունը ձեռք են բերում իրար հետ փոխկապակցված անձինք կամ օպերատորի մասնակցի հետ փոխկապակցված անձինք, ապա սույն գլխով պահանջվող փաստաթղթերը պահանջվում են նրանցից յուրաքանչյուրից:

24. Օպերատորում անուղղակի նշանակալից մասնակցություն ակնկալող անձի վերաբերյալ Կենտրոնական բանկ են ներկայացվում իրավաբանական անձի համար` սույն կանոնակարգի 15-րդ կետի 1-ին, 4-րդ, 5-րդ, 6-րդ, 7-րդ, 8-րդ, 10-րդ, 11-րդ, 12-րդ, 13-րդ, 14-րդ և 15-րդ ենթակետերով սահմանված փաստաթղթերը, իսկ ֆիզիկական անձի համար` սույն կանոնակարգի 21-րդ կետի 1-ին, 3-րդ, 5-րդ, 6-րդ, 7-րդ, 8-րդ և 9-րդ ենթակետերով սահմանված փաստաթղթերը:

(24-րդ կետը խմբ. 01.07.08 թիվ 193-Ն, 20.12.11 թիվ 359-Ն)

25. Եթե անուղղակի նշանակալից մասնակցությունը ձեռք է բերվում ուղղակի նշանակալից մասնակցի միջոցով, ապա վերոնշյալ փաստաթղթերը Կենտրոնական բանկ է ներկայացնում ուղղակի նշանակալից մասնակիցը, այլ դեպքերում՝ օպերատորը:

26. Եթե օպերատորի կանոնադրական կապիտալում անուղղակի նշանակալից մասնակցություն ձեռք է բերում Կենտրոնական բանկի կողմից վերահսկվող անձը, ապա նա Կենտրոնական բանկ չի ներկայացնում սույն կանոնակարգի 24-րդ կետով սահմանված այն փաստաթղթերը, որոնք արդեն իսկ ներկայացվել են Կենտրոնական բանկ:

(26-րդ կետը փոփ. 01.07.08 թիվ 193-Ն, խմբ. 20.12.11 թիվ 359-Ն)

27. Եթե օպերատորի կանոնադրական կապիտալում անուղղակի նշանակալից մասնակցություն ձեռք է բերում Հայաստանի Հանրապետության կենտրոնական բանկի կողմից «Ա» կամ «Բ» վարկանիշ ստացած կազմակերպությունը, ապա վերջինս Կենտրոնական բանկ պետք է ներկայացնի սույն կանոնակարգի 15-րդ կետի 1-ին, 5-րդ, 6-րդ, 10-րդ, 11-րդ, 12-րդ, 13-րդ, 14-րդ և 15-րդ ենթակետերով պահանջվող փաստաթղթերը, ընդ որում` սույն կանոնակարգի 15-րդ կետի 7-րդ և 8-րդ ենթակետերով սահմանված տեղեկությունները չեն ներկայացվում միայն այն դեպքում, եթե Կենտրոնական բանկում առկա է տվյալ տեղեկությունները վերահսկողական նպատակներով օգտագործելու վերաբերյալ գրավոր համաձայնություն:

(27-րդ կետը փոփ. 01.07.08 թիվ 193-Ն, խմբ. 20.12.11 թիվ 359-Ն)

27.1. Եթե օպերատորի կանոնադրական կապիտալում անուղղակի նշանակալից մասնակցություն ձեռք է բերվելու միջազգային կազմակերպությունների կողմից, ապա վերջիններիս կողմից Կենտրոնական բանկ պետք է ներկայացվեն սույն կանոնակարգի 15-րդ կետի 1-ին, 4-րդ, 7-րդ, 8-րդ, 12-րդ, 14-րդ ենթակետերով պահանջվող փաստաթղթերը: Կենտրոնական բանկի խորհրդի համաձայնությամբ սույն կետը կարող է տարածվել նաև միջազգային համբավ և (կամ) Ստանդարտ և Փուրզ կամ ֆիտչ վարկանշող կազմակերպությունների կողմից «A-» կամ ավելի բարձր կամ Մուդիզ վարկանշող կազմակերպության կողմից «A3» կամ ավելի բարձր վարկանիշ ունեցող կազմակերպությունների վրա:

(27.1 կետը լրաց. 20.12.11 թիվ 359-Ն)

28. Եթե օպերատորի կանոնադրական կապիտալում անուղղակի նշանակալից մասնակիցը և օպերատորում ուղղակի նշանակալից մասնակցություն ձեռք բերող իրավաբանական անձը ընդգրկված են որևէ խմբի (միության) կամ ցանկացած այլ հիմքով ֆինանսական հաշվետվությունները համախմբող անձանց կազմում, ապա ուղղակի մասնակիցը անուղղակի նշանակալից մասնակցի համար Կենտրոնական բանկ պետք է ներկայացնի սույն կանոնակարգի 15-րդ կետի 1-ին, 4-րդ, 5-րդ, 6-րդ, 10-րդ, 11-րդ, 12-րդ, 13-րդ, 14-րդ և 15-րդ ենթակետերով պահանջվող փաստաթղթերը, ինչպես նաև 16-րդ կետի 1-ին, 2-րդ և 3-րդ ենթակետերով պահանջվող փաստաթղթերը (միևնույն խմբում (միությունում) կամ ցանկացած այլ հիմքով իրենց ֆինանսական հաշվետվությունները համախմբող անձանց կազմում այլ նշանակալից մասնակցի կամ փոխկապակցված անձի առկայության դեպքում 16-րդ կետի 1-ին, 2-րդ և 3-րդ ենթակետերով պահանջվող հաշվետվությունը (տեղեկությունները) ներկայացվում է նրանցից որևէ մեկի կողմից):

(28-րդ կետը փոփ. 01.07.08 թիվ 193-Ն, խմբ. 20.12.11 թիվ 359-Ն)

28¹ . Եթե օպերատորի կանոնադրական կապիտալում նշանակալից մասնակցություն ձեռք բերելու մտադրություն ունեցող անձի միջոցով օպերատորի կանոնադրական կապիտալում անուղղակի նշանակալից մասնակցություն ձեռք են բերում մի քանի անձինք, ապա անուղղակի նշանակալից մասնակցություն ձեռք բերելու համաձայնություն ստանալու համար ներկայացվում են «Արժեթղթերի շուկայի մասին» Հայաստանի Հանրապետության օրենքով և սույն կանոնակարգով պահանջվող փաստաթղթերը միայն այն ֆիզիկական անձի վերաբերյալ, որի միջոցով որևէ այլ անձ այդ օպերատորում նշանակալից մասնակցություն ձեռք չի բերում: Անհրաժեշտության դեպքում Կենտրոնական բանկը կարող է պահանջել փաստաթղթեր նաև այն անձանցից, որոնց միջոցով օպերատորի կանոնադրական կապիտալում նշանակալից մասնակցություն է ձեռք բերվում:

(28¹ -րդ կետը լրաց. 01.07.08 թիվ 193-Ն)

 

Գ Լ ՈՒ Խ  7

 

ՆՇԱՆԱԿԱԼԻՑ ՄԱՍՆԱԿՑՈՒԹՅԱՆ ՁԵՌՔԲԵՐՄԱՆԸ ՀԱՄԱՁԱՅՆՈՒԹՅՈՒՆ ՏԱԼԸ

 

29. Նշանակալից մասնակցության ձեռքբերման համար Կենտրոնական բանկի նախնական համաձայնությունը ստանալու համար պահանջվող բոլոր փաստաթղթերն ստանալուց հետո 30-օրյա ժամկետում Կենտրոնական բանկի խորհուրդը որոշում է կայացնում նշանակալից մասնակցությանը համաձանություն տալու կամ այն մերժելու վերաբերյալ: Ընդ որում, օպերատորի կանոնադրական հիմնադրամում նշանակալից մասնակցություն ունենալուն նախնական համաձայնություն տալու ընթացքում Կենտրոնական բանկը գնահատում է նշանակալից մասնակիցների հնարավորությունը և պատրաստակամությունը` օպերատորի ֆինանսական վիճակի վատթարացման դեպքում (օրինակ` կապիտալի կտրուկ նվազում, իրացվելիության խնդիրների առաջացում, խոշոր վնասներ, արտակարգ իրավիճակներ) օպերատորին լրացուցիչ ֆինանսական օժանդակություն տրամադրելու տեսանկյունից:

(29-րդ կետը լրաց. 20.12.11 թիվ 359-Ն)

30. Կենտրոնական բանկի կողմից 30-օրյա ժամկետում սույն կանոնակարգի 29-րդ կետում նախատեսված որոշումներից որևէ մեկը ընդունելու մասին անձին չտեղեկացնելու դեպքում համաձայնությունը համարվում է տրված` նշված 30-օրյա ժամկետը լրանալուն հաջորդող առաջին աշխատանքային օրվանից:

31. Նշանակալից մասնակցի միջոցով ձեռք բերվող անուղղակի նշանակալից մասնակցությունը օպերատորի կանոնադրական կապիտալում համարվում է մերժված, եթե մերժվել է ուղղակի նշանակալից մասնակցության միջնորդագիրը:

32. Անձի և նրա հետ փոխկապակցված անձանց` օպերատորի կանոնադրական կապիտալում նշանակալից մասնակցություն ձեռք բերելուն նախնական համաձայնությունը Կենտրոնական բանկի կողմից տրվում է եռամսյա ժամկետով, եթե գործողության ավելի երկար ժամկետ տվյալ որոշմամբ նախատեսված չէ: Գործարքի իրականացումը հաստատող փաստաթղթերը ներկայացվում են Կենտրոնական բանկ: Եթե Կենտրոնական բանկի որոշմամբ սահմանված ժամկետում գործարքը չի իրականացվում, Կենտրոնական բանկի նախնական համաձայնությունը համարվում է ուժը կորցրած:

32.1. Եթե օպերատորը տիրապետում է իր կանոնադրական կապիտալում նշանակալից մասնակություն ձեռք բերող կամ ունեցող անձանց վերաբերյալ այնպիսի տեղեկատվության, որը Կենտրոնական բանկի կողմից տիրապատելու դեպքում կարող էր հանգեցնել օպերատորի կանոնադրական կապիտալում նշանակալից մասնակցության ձեռքբերման նախնական համաձայնություն ստանալու դիմումի մերժմանը կամ նշանակալից մասնակցության ձեռքբերման նախնական համաձայնության գործողության դադարեցմանը օրենքով սահմանված կարգով, ապա օպերատորը պարտավոր է տեղեկատվությունը ստանալուց հետո երեք աշխատանքային օրվա ընթացքում տեղյակ պահել Կենտրոնական բանկին:

(32.1 կետը լրաց. 20.12.11 թիվ 359-Ն)

 

Գ Լ ՈՒ Խ  8

 

ԱՆՁԻ ԿՈՂՄԻՑ ՆՇԱՆԱԿԱԼԻՑ ՄԱՍՆԱԿՑՈՒԹՅԱՆ ՁԵՌՔԲԵՐՄԱՆ ԿԱՄ ՄԱՍՆԱԿՑՈՒԹՅՈՒՆՆ ԱՎԵԼԱՑՆԵԼՈՒ, ՆՇԱՆԱԿԱԼԻՑ ՄԱՍՆԱԿՑԻ ԿՈՂՄԻՑ ՁԵՌՔ ԲԵՐՎԱԾ ԲԱԺՆԵՏՈՄՍԵՐԻ (ԲԱԺՆԵՄԱՍԵՐԻ) ՕՏԱՐՄԱՆ ՄԱՍԻՆ ԿԲ ՏԵՂԵԿԱՑՄԱՆ ԿԱՐԳԸ

 

33. Անձը, որը ձեռք է բերում նշանակալից մասնակցություն օպերատորում կամ ավելացնում է իր մասնակցությունը «Արժեթղթերի շուկայի մասին» ՀՀ օրենքի 54-րդ հոդվածի 1-ին մասում նշված սահմանաչափերից ավելի` ցանկացած իրադարձության կամ գործարքի արդյունքում, որի մասին անձը տեղյալ չէր և չէր կարող տեղյակ լինել, այդ մասին տեղեկանալու պահից 10 օրվա ընթացքում տեղեկացնում է Կենտրոնական բանկին՝ համաձայն սույն կանոնակարգի հավելված 10ա-ի:

34. Նշանակալից մասնակիցը ձեռք բերված բաժնետոմսերի (բաժնեմասերի)՝ համաձայն «Արժեթղթեի շուկայի մասին» ՀՀ օրենքի 54-րդ հոդվածի 7-րդ մասի օտարման մասին Կենտրոնական բանկին տեղեկացնում է համաձայն սույն կանոնակարգի հավելված 10բ-ի:

 

Բ Ա Ժ Ի Ն  IV

 

ԼԻՑԵՆԶԱՎՈՐՄԱՆ (ԳՐԱՆՑՄԱՆ) ԸՆԴՀԱՆՈՒՐ ԴՐՈՒՅԹՆԵՐ

(Վերնագիրը խմբ. 20.12.11 թիվ 359-Ն)

 

Գ Լ ՈՒ Խ  9

 

ԼԻՑԵՆԶԻԱՅԻ (ԳՐԱՆՑՄԱՆ ՎԿԱՅԱԿԱՆԻ) ԵՎ ԼԻՑԵՆԶԻԱՅԻ (ԳՐԱՆՑՄԱՆ ՎԿԱՅԱԿԱՆԻ) ԿՐԿՆՕՐԻՆԱԿԻ ՏՐԱՄԱԴՐՈՒՄԸ

(Վերնագիրը խմբ. 20.12.11 թիվ 359-Ն)

 

35. Օպերատորին լիցենզիան տրվում է սույն կանոնակարգի հավելված 1-ի համաձայն, գրանցման վկայականը` սույն կանոնակարգի հավելված 5-ի համաձայն, իսկ օպերատորի ֆիրմային անվանման գրանցման վկայականը` սույն կանոնակարգի հավելված 2.2-ի համաձայն:

36. Լիցենզիան (գրանցման վկայականը) տրվում է մեկ օրինակով:

37. Կենտրոնական բանկը լիցենզավորված անձին լիցենզիան տրամադրելիս ծանուցում է, որ օպերատորի գործունեությունը կարգավորող նորմատիվ իրավական ակտերի ցանկը գտնվում է Կենտրոնական բանկի պաշտոնական ինտերնետային կայքում:

38. Լիցենզիայի (գրանցման վկայականի) կորստի կամ ոչնչացման դեպքում օպերատորն Կենտրոնական բանկ դիմում է ներկայացնում լիցենզիայի (գրանցման վկայականի) կրկնօրինակը ստանալու համար` նախօրոք լիցենզիայի (գրանցման վկայականի) կորստի կամ ոչնչացման մասին հայտարարություն տալով զանգվածային լրատվության միջոցով: Լիցենզիայի կրկնօրինակը ստանալու համար դիմելու դեպքում դիմումին կցվում է լիցենզիայի կրկնօրինակը ստանալու համար պետական տուրքի վճարման անդորրագիրը:

39. Կենտրոնական բանկը կորած կամ ոչնչացած լիցենզիայի (գրանցման վկայականի) կրկնօրինակը տալիս է օպերատորին` վերջինիս կողմից համապատասխան դիմումը Կենտրոնական բանկ ներկայացնելու օրվան հաջորդող 10-օրյա ժամկետում:

40. Կորած լիցենզիան (գրանցման վկայականը) գտնելու դեպքում օպերատորը գտնված լիցենզիայի (գրանցման վկայականի) օրինակը վերադարձնում է Կենտրոնական բանկ:

41. Լիցենզիան (գրանցման վկայականը) օգտագործման համար ոչ պիտանի դառնալու (վնասվել, պատռվելու, տառերի ջնջվելու և այլն) դեպքում օպերատորը դիմում է ներկայացնում Կենտրոնական բանկ (լիցենզիայի (գրանցման վկայականի) կրկնօրինակը ստանալու համար)` կցելով լիցենզիայի (գրանցման, հաշվառման վկայականի) բնօրինակը, իսկ լիցենզիայի կրկնօրինակը ստանալու համար` նաև պետական տուրքի վճարման անդորրագիրը:

42. Կենտրոնական բանկը ոչ պիտանի դարձած լիցենզիայի (գրանցման վկայականի) կրկնօրինակը օպերատորին տալիս է նրա կողմից դիմում ներկայացնելու օրվան հաջորդող 10-օրյա ժամկետում:

42.1 Լիցենզիայի (գրանցման վկայականի) կրկնօրինակի վերին աջ անկյունում կատարվում է «Կրկնօրինակ» նշագրումը:

43. Լիցենզիայի (գրանցման վկայականի) կրկնօրինակի կորստի, ոչնչացման կամ օգտագործման համար ոչ պիտանի դառնալու դեպքում լիցենզիայի (գրանցման վկայականի) նոր կրկնօրինակը տրվում է սույն գլխով սահմանված կարգով:

(Գլուխը խմբ., փոփ. 01.07.08 թիվ 193-Ն, խմբ. 20.12.11 թիվ 359-Ն)

 

Գ Լ ՈՒ Խ  10

 

ԼԻՑԵՆԶԻԱՅԻ ՎԵՐԱՁԵՎԱԿԵՐՊՈՒՄ, ԳՐԱՆՑՄԱՆ ՎԿԱՅԱԿԱՆՆԵՐՈՒՄ ՓՈՓՈԽՈՒԹՅՈՒՆՆԵՐԻ ԿԱՏԱՐՈՒՄԸ

(Վերնագիրը խմբ. 20.12.11 թիվ 359-Ն)

 

44. Լիցենզիայի վերաձևակերպման համար օպերատորը Կենտրոնական բանկ ներկայացնում է լիցենզիայի վերաձևակերպման մասին դիմում` կցելով լիցենզիայի վերաձևակերպման համար նախատեսված պետական տուրքի վճարման անդորրագիրը:

45. Լիցենզիայի վերաձևակերպումն իրականացվում է Կենտրոնական բանկի խորհրդի որոշմամբ՝ հանձնաժողովի դրական եզրակացության հիման վրա, օպերատորի համապատասխան դիմումը Կենտրոնական բանկ ներկայացնելուց հետո 30 օրվա ընթացքում: Ընդ որում` սույն կետով նախատեսված Կենտրոնական բանկի որոշման ընդունումից հետո լիցենզիայի նոր օրինակը տրամադրվում է լիցենզավորված անձին լիցենզիայի հին օրինակը Կենտրոնական բանկ վերադարձնելու դեպքում:

45.1 Կենտրոնական բանկը կարող է կասեցնել լիցենզիայի վերաձևակերպման 30-օրյա ժամկետը մինչև մեկ ամիս ժամկետով, եթե լիցենզիայի վերաձևակերպումը պայմանավորված է օրենքով կամ սույն կանոնակարգով նախատեսված այլ գործընթացների իրականացմամբ:

46. Եթե կանոնադության փոփոխությունը ենթադրում է նաև գրանցման վկայականի փոփոխություն, ապա Կենտրոնական բանկի կողմից կանոնադրությունը գրանցելուց հետո անձը եռօրյա ժամկետում հին գրանցման վկայականը ներկայացնում է Կենտրոնական բանկ և ստանում գրանցման վկայականի նոր օրինակը:

(Գլուխը լրաց. 22.09.09 թիվ 279-Ն, խմբ. 20.12.11 թիվ 359-Ն)

 

Գ Լ ՈՒ Խ  11

 

ԼԻՑԵՆԶԻԱՆ (ԳՐԱՆՑՄԱՆ ՎԿԱՅԱԿԱՆԸ) ԿԵՆՏՐՈՆԱԿԱՆ ԲԱՆԿ ՎԵՐԱԴԱՐՁՆԵԼՈՒ ԿԱՐԳԸ

(Վերնագիրը խմբ. 20.12.11 թիվ 359-Ն)

 

47. Օրենքով սահմանված հիմքերով օպերատորի լիցենզիան ուժը կորցրած ճանաչելու դեպքում եռօրյա ժամկետում` կից գրությամբ լիցենզիան վերադարձնում է Կենտրոնական բանկ:

47.1 Օպերատորի լուծարային հաշվեկշիռը Կենտրոնական բանկի կողմից հաստատելու մասին որոշումը կայացնելու պահից երեք աշխատանքային օրվա ընթացքում օպերատորը կից գրությամբ գրանցման վկայականը, ինչպես նաև օպերատորի ֆիրմային անվանման գրանցման վկայականը վերադարձնում է Կենտրոնական բանկ:

48. Օպերատորի լիցենզիան ուժը կորցրած ճանաչելու, օպերատորի լուծարային հաշվեկշիռը հաստատելու մասին Կենտրոնական բանկի խորհրդի որոշման բողոքարկումը հիմք չէ սահմանված ժամկետում լիցենզիան (գրանցման վկայականը) չվերադարձնելու համար:

(Գլուխը լրաց. 01.07.08 թիվ 193-Ն, խմբ. 20.12.11 թիվ 359-Ն)

 

Բ Ա Ժ Ի Ն  V

 

ԼԻՑԵՆԶԱՎՈՐՄԱՆ ՀԵՏ ԿԱՊՎԱԾ ԱՅԼ ԴՐՈՒՅԹՆԵՐ

 

Գ Լ ՈՒ Խ  12

 

ԳՈՐԾԱՐԱՐ ԾՐԱԳԻՐԸ, ԴՐԱ ՆԵՐԿԱՅԱՑՄԱՆ ԿԱՐԳԸ, ՁԵՎԸ ԵՎ ԺԱՄԿԵՏՆԵՐԸ, ԳՈՐԾԱՐԱՐ ԾՐԱԳՐԻ ԻՐԱԿԱՆԱՑՄԱՆ ՀԱՇՎԵՏՎՈՒԹՅՈՒՆԸ

 

49. Սույն գլուխը սահմանում է օպերատորի կողմից Կենտրոնական բանկ երեք տարվա գործարար ծրագրի ներկայացման կարգը:

50. Գործարար ծրագիրը ամբողջական փաստաթուղթ է, որի խնդիրներն են.

1) ծառայել շահագրգիռ անձանց (մասնակիցներ, անդամներ, ներդրողներ, ղեկավարներ և այլ շահագրգիռ անձինք)՝ որպես մի ամփոփ փաստաթուղթ, որով կարող են գնահատվել օպերատորի գործունեության բնույթը և առանձնահատկությունները,

2) օգնել օպերատորի ղեկավարներին պարզաբանել, հստակեցնել և հետազոտել օպերատորի գործունեության զարգացման հնարավոր հեռանկարները և ծառայել օպերատորի ղեկավարներին՝ որպես հիմք, որով կարող են գնահատվել օպերատորի փաստացի գործունեության արդյունքները և արդյունավետությունը,

3) օգնել օպերատորին հետևողականորեն իրականացնել նախանշված նպատակները և խնդիրները` պլանավորվող երեք տարիների ընթացքում,

4) Կենտրոնական բանկին ներկայացնել օպերատորի կողմից պլանավորված գործունեությունները, որը Կենտրոնական բանկին հնարավորություն կտա գնահատել օպերատորի գործունեությունը և նրա ընտրած ռազմավարությունը:

51. Գործարար ծրագրի հիմքում դրվում են հետևյալ հիմնական սկզբունքները.

1) իրատեսություն (առաջադրված նպատակների և խնդիրների իրականացման բավարար հիմնավորումների առկայություն),

2) գնահատելիություն (կատարման արդյունքների գնահատման հնարավորություն),

3) համահունչություն (գործարար ծրագրի առանձին բաժինների և բաժինների գլուխների միջև պատճառահետևանքային կապի, գործարար ծրագրի ընդհանուր տրամաբանական ընթացքի առկայություն),

4) կոնկրետություն (վերնագրի` ըստ էության ներկայացում, վերնագրից դուրս ավելորդ տեղեկատվության բացակայություն, խնդիրների` ըստ էության դիտարկում),

5) գործարար ծրագրի հիմքում կարող են դրվել նաև այլ, սակայն նշված սկզբունքներին չհակասող սկզբունքներ:

(51-րդ կետը փոփ. 20.12.11 թիվ 359-Ն)

52. Օպերատորը լիցենզավորման փաստաթղթերը Կենտրոնական բանկ ներկայացնելիս, ինչպես նաև մինչև յուրաքանչյուր օրացուցային տարվա փետրվարի 15-ը Կենտրոնական բանկ է ներկայացնում առաջիկա երեք տարիների իր գործարար ծրագիրը՝ համաձայն սույն գլխի: Ընդ որում, «Արժեթղթերի շուկայի մասին» օրենքի 108-րդ հոդվածի 2-րդ մասով սահմանված գործարար ծրագրի իրականացման վերաբերյալ հաշվետվությունը ներառվում է գործարար ծրագրի կազմում:

53. Օպերատորը Կենտրոնական բանկ է ներկայացնում սույն կանոնակարգի 52-րդ կետում նշված գործարար ծրագրի փոփոխված տարբերակը` փոփոխությունը տեղի ունենալուց հետո 10 աշխատանքային օրվա ընթացքում, եթե տեղի է ունեցել օպերատորի գործունեության ռազմավարության փոփոխություն: Վերանայված ծրագրում նշվում է ռազմավարության փոփոխության հիմնավորումը:

(53-րդ կետը խմբ. 20.12.11 թիվ 359-Ն)

54. Գործարար ծրագիրը հաստատվում է օպերատորի մասնակիցների ընդհանուր ժողովի կամ դիտորդ խորհրդի կողմից:

(54-րդ կետը փոփ. 20.12.11 թիվ 359-Ն)

55. Գործարար ծրագիրը, ինչպես նաև վերանայված գործարար ծրագիրը և գործարար ծրագրով նախատեսված տվյալները Կենտրոնական բանկ են ներկայացվում էլեկտրոնային տարբերակով` Սի-Բի-Էյ-նեթ համակարգի միջոցով, իսկ անհնարինության դեպքում` էլեկտրոնային կրիչով:

(55-րդ կետը լրաց. 01.07.08 թիվ 193-Ն, խմբ. 20.12.11 թիվ 359-Ն)

56. Օպերատորի գործարար ծրագիրը առնվազն ներառում է օպերատորի կողմից ներդրվող առևտրային, տեղեկատվական և այլ համակարգերի, դիմողի կազմակերպական կառուցվածքի, նրա կողմից կիրառվող տեղեկատվական տեխնոլոգիաների և այլ տեխնիկական միջոցների, ինչպես նաև դրանց տնտեսական ցուցանիշների մանրամասն նկարագրությունը: Գործարար ծրագիրը պետք է ներառի նաև օպերատորի գործունեության նպատակները, խնդիրները և միջոցառումները, կատարվելիք գործարքների վերաբերյալ կանխատեսումները, ցուցակումների կանխատեսվող մակարդակը, կանխատեսվող հաշվեկշիռը, եկամուտների և ծախսերի կանխատեսումը, կառավարման արդյունավետության ցուցանիշների կանխատեսումը (նշված կանխատեսումները իրականցվում են առնվազն 3 տարվա կտրվածքով), ինչպես նաև գործարար ծրագրի իրականացման վերաբերյալ հաշվետվությունը (նախորդ տարվա խնդիրների կատարողականի վերլուծությունը, խնդիրների չկատարման կամ ոչ պատշաճ կատարման հիմնական պատճառները):

(56-րդ կետը փոփ. 20.12.11 թիվ 359-Ն)

57. (57-րդ կետն ուժը կորցրել է 20.12.11 թիվ 359-Ն)

 

Գ Լ ՈՒ Խ  13

 

ՓՈՓՈԽՈՒԹՅՈՒՆՆԵՐԻ ԳՐԱՆՑՄԱՆ ՆԵՐԿԱՅԱՑՄԱՆ ԿԱՐԳԸ ԵՎ ՁԵՎԸ

 

58. Հայաստանի Հանրապետության տարածքում գործող օպերատորը փոփոխությունները տեղի ունենալուց հետո 10 օրվա ընթացքում Կենտրոնական բանկի գրանցմանն է ներկայացնում՝

1) ղեկավարների կազմում կատարված փոփոխությունները,

2) օպերատորի կանոնադրությունում կատարված փոփոխությունները,

3) օպերատորի շուկայի կանոնների փոփոխությունները (լրացումները):

(58-րդ կետը խմբ. 01.07.08 թիվ 193-Ն, 20.12.11 թիվ 359-Ն)

59. Ղեկավարների կազմում կատարված փոփոխությունները Կենտրոնական բանկում գրանցվում են Կենտրոնական բանկի խորհրդի 2008 թվականի հունվարի 15-ի «Ներդրումային ծառայություններ մատուցող անձանց, օպերատորի, Կենտրոնական դեպոզիտարիայի ղեկավարների ու ներդրումային ծառայություններ մատուցող ֆիզիկական անձանց որակավորումը, նրանց մասնագիտական համապատասխանության չափանիշներն ու մասնագիտական որակավորման ստուգման թեմաների ցանկը» կանոնակարգ 4/05-ը հաստատելու մասին» թիվ 15-Ն որոշման համաձայն:

60. Օպերատորը կանոնադրությունում կատարված փոփոխությունները Կենտրոնական բանկում գրանցելու համար ներկայացնում է հետևյալ փաստաթղթերը՝

1) կատարված փոփոխությունները գրանցելու մասին միջնորդագիր՝ օպերատորի կառավարման մարմնի լիազոր անձի ստորագրությամբ՝ վավերացված օպերատորի կնիքով (առկայության դեպքում),

2) օպերատորի իրավասու մարմնի որոշումը կամ արձանագրությունից քաղվածք՝ օպերատորի կանոնադրությունում կատարված փոփոխությունների վերաբերյալ,

3) օպերատորի փոփոխված կանոնադրությունը,

4) եթե կանոնադրության փոփոխությունը առաջացնում է լիցենզիայի վերաձևակերպման անհրաժեշտություն, ապա ներկայացվում են նաև սույն կանոնակարգի 10-րդ գլխով պահանջվող փաստաթղթերը:

(60-րդ կետը լրաց. 01.12.09 թիվ 355-Ն, փոփ., լրաց. 20.12.11 թիվ 359-Ն)

61. Եթե օպերատորի կանոնադրության փոփոխությունը պայմանավորված է գործունեության վայրի փոփոխությամբ, ապա սույն կանոնակարգի 60-րդ կետում նշված փաստաթղթերից բացի Կենտրոնական բանկ պետք է ներկայացվեն նաև`

1) տարածքի սեփականության, վարձակալության (ենթավարձակալության) կամ անհատույց օգտագործման իրավունքի պետական գրանցման վկայականի պատճենը: Ենթավարձակալության դեպքում անհրաժեշտ է ներկայացնել նաև հիմնական վարձակալության պայմանագրի պատճենը կամ այդ պայմանագրի առկայությունը, ինչպես նաև հիմնական միջոցը ենթավարձակալության տալու իրավունքը հավաստող փաստաթուղթը,

2) օպերատորի կողմից գործածվող տեղեկատվական և այլ համակարգերի նվազագույն տեխնիկական պահանջների և հուսալիության՝ սույն կանոնակարգի գլուխ 14-ով սահմանված չափանիշներին համապատասխանելու մասին փաստաթղթերը:

(61-րդ կետը խմբ., լրաց. 20.12.11 թիվ 359-Ն)

61.1 Եթե օպերատորի կանոնադրության փոփոխությունը պայմանավորված է օպերատորի ֆիրմային անվանման փոփոխությամբ, ապա բացի սույն կանոնակարգի 60-րդ կետում նշված փաստաթղթերից Կենտրոնական բանկ են ներկայացվում նաև`

1) ֆիրմային անվանման գրանցման հայտ՝ համաձայն հավելված 2.1-ի,

2) «Ֆիրմային անվանումների մասին» Հայաստանի Հանրապետության օրենքի 7-րդ հոդվածի 3-րդ մասով պահանջվող փաստաթղթերը,

3) (ենթակետն ուժը կորցրել է 20.12.11 թիվ 359-Ն)

4) (ենթակետն ուժը կորցրել է 20.12.11 թիվ 359-Ն)

(61.1 կետը լրաց. 22.09.09 թիվ 279-Ն, խմբ., փոփ. 20.12.11 թիվ 359-Ն) 

62. Կանոնադրական կապիտալի ավելացման դեպքում օպերատորի կանոնադրության գրանցման համար օպերատորը Կենտրոնական բանկ է ներկայացնում սույն կանոնակարգի 60-րդ կետով նախատեսված փաստաթղթերը, ինչպես նաև բաժնետոմսերի վերջին թողարկման ազդագրի գրանցման վերաբերյալ որոշման պատճենը:

(62-րդ կետը փոփ. 20.12.11 թիվ 359-Ն) 

62¹ . Օպերատորի շուկայի կանոններում կատարված փոփոխությունները (լրացումները) Կենտրոնական բանկում գրանցելու համար օպերատորը ներկայացնում է հետևյալ փաստաթղթերը՝

1) կանոններում կատարված փոփոխությունները (լրացումները) գրանցելու մասին միջնորդագիր՝ օպերատորի կառավարման մարմնի լիազոր անձի ստորագրությամբ՝ վավերացրած օպերատորի կնիքով (առկայության դեպքում)` համաձայն սույն կանոնակարգի հավելված 12-ի,

2) օպերատորի շուկայի փոփոխված կանոնների նախագծերը (ինչպես փոփոխությունների (լրացումների) նախագիծը, այնպես էլ փոփոխությունները (լրացումները) ներառող կանոնները),

3) կանոնների փոփոխությունների (լրացումների) ներդրման անհրաժեշտության հիմնավորումը (մանրամասն),

4) քաղվածք դիտորդ խորհրդի արձանագրությունից օպերատորի շուկայի կանոններում փոփոխություններ (լրացումներ) կատարելու վերաբերյալ,

5) օպերատորի շուկայի կանոններրի փոփոխությունների (լրացումների) վերաբերյալ շահագրգիռ անձանց կողմից ներկայացված դիտողություններն ու առաջարկությունները (առկայության դեպքում):

(62¹ -րդ կետը լրաց. 01.07.08 թիվ 193-Ն, 01.12.09 թիվ 355-Ն, 20.12.11 թիվ 359-Ն)

63. Կենտրոնական բանկը պարտավոր է վերոհիշյալ փոփոխությունների գրանցման համար սույն գլխով սահմանված փաստաթղթերն ստանալու պահից 30-օրյա ժամկետում գրանցել փոփոխությունները կամ մերժել գրանցումը (բացառությամբ շուկայի կանոնների, որոնց փոփոխությունները (լրացումները) գրանցվում կամ մերժվում են 45 օրվա ընթացքում): Փոփոխությունները գրանցվում են կամ դրանց գրանցումը մերժվում է Կենտրոնական բանկի նախագահի անհատական որոշմամբ:

(63-րդ կետը լրաց. 01.07.08 թիվ 193-Ն)

64. Կենտրոնական բանկի կողմից պահանջվող որոշակի փաստեր պարզաբանելու նպատակով 30-օրյա ժամկետը կարող է կասեցվել մինչև մեկ ամիս ժամկետով:

(64-րդ կետը խմբ. 22.09.09 թիվ 279-Ն) 

 

Գ Լ ՈՒ Խ  14

 

ՕՊԵՐԱՏՈՐԻ ՏԵՂԵԿԱՏՎԱԿԱՆ ԵՎ ԱՅԼ ՀԱՄԱԿԱՐԳԵՐԻ ՆՎԱԶԱԳՈՒՅՆ ՏԵԽՆԻԿԱԿԱՆ ՊԱՀԱՆՋՆԵՐԻ ԵՎ ՀՈՒՍԱԼԻՈՒԹՅԱՆ ՉԱՓԱՆԻՇՆԵՐԸ

 

65. Օպերատորը պետք է ունենա՝

1) սեփականության իրավունքով, վարձակալությամբ (ենթավարձակալությամբ) կամ անհատույց օգտագործման իրավունքով իրեն պատկանող առանձնացված տարածք,

2) կանխիկ դրամով գործառնություններ կատարելու դեպքում հաճախորդների դրամարկղային սպասարկումն իրականացնելու, կանխիկ դրամի հուսալի պահպանության համար դրամարկղային հանգույց,

3) պահպանիչ-հակահրդեհային ազդարարման, անվտանգության ահազանգման համակարգ, որի էլեկտրասնուցումը կատարվում է տարբեր աղբյուներից, որոնցից մեկը կարող է լինել տեղային (լոկալ),

4) էլեկտրասնուցման տարբեր աղբյուրներ, որոնցից մեկը պետք է լինի պահուստային: Հիմնական էլեկտրասնուցումը շարքից դուրս գալու դեպքում պետք է ունենա տեղային էլեկտրասնուցման աղբյուր (գեներատորներ, մարտկոցներ), որոնք բավարար են բնականոն գործունեության ապահովման համար՝ առանց տեղեկությունների և համակարգի ամբողջականությանը վնաս հասցնելու,

5) օպերատորի գործունեության ծավալին և բարդությանը համապատասխան առևտրային, տեղեկատվական և այլ համակարգեր,

6) տեղեկատվական համակարգերի (ներառյալ հեռակոմունիկացիոն համակարգը) գործունեության հետ կապված խնդիրների լուծման նախապայմաններ (անհրաժեշտ է ապահովել այնպիսի տեղեկատվական համակարգ, որի էլեկտրաէներգիայի մատակարարման աղբյուրը անկախ լինի ընդհանուր մատակարարման աղբյուրից: Առևտրային, տեղեկատվական համակարգի անխափան գործունեությունը պետք է ապահովված լինի նաև համակարգչային և տվյալների բազայի` մեկ այլ համակարգի առկայությամբ),

7) պայմանների ապահովում, որոնց ներքո տվյալները մուտք են գործում տեղեկատվական համակարգ և վտանգի առկայության դեպքում տալիս են ազդանշան: Տվյալների օգտագործման պայմաններ (բոլոր տվյալները, որոնց մուտքը համակարգ թույլատրված է, պետք է մուտքագրվեն տվյալների բազա, և այն անձանց վերաբերյալ տվյալներ, որոնք այդ տվյալների համակարգ մուտքին հավանություն են տալիս),

8) պայմաններ, որոնք տեղեկատվական համակարգում կապահովեն տվյալների բազայի կանոնավոր ստեղծումը և դրանց` 10 տարի ապահով պահպանումը շուկայի օպերատորի տարածքից դուրս,

9) կանոնավոր վերահսկողություն տեխնիկական և համակարգչային ծրագրերի համակարգերի գործունեության նկատմամբ (ժամանակին պետք է թարմացվեն առկա տեխնիկան և համակարգչային ծրագրերը):

(65-րդ կետը լրաց. 20.12.11 թիվ 359-Ն) 

65¹. Օպերատորը կարող է սույն կանոնակարգի 65-րդ կետի 2-րդ, 3-րդ, 4-րդ ենթակետերով սահմանված տեխնիկական հագեցվածության պահանջների փոխարեն կնքել ապահովագրության պայմանագիր, որը պետք է ներառի առնվազն հետևյալ պատահարները.

Ներդրումային ընկերությանը, նրա մասնաճյուղին, օտարերկրյա ներդրումային ընկերության մասնաճյուղին սեփականության, վարձակալությամբ կամ անհատույց օգտագործման իրավունքով պատկանող առանձնացված տարածքում գտնվող գույքի, այդ թվում և կանխիկ դրամի և այլ արժեքավոր գույքի՝ հրդեհի, ավազակության, գողության, կողոպուտի հետևանքով կորուստը կամ վնասվածքը:

Նշված ապահովագրական ռիսկերի գծով ապահովագրական գումարը չի կարող փոքր լինել ընկերության բոլոր ակտիվների 1 տոկոսից:

Ընդ որում` վերոնշյալ ապահովագրություն իրականացնող ոչ ռեզիդենտ ապահովագրական ընկերությունը պետք է ունենա ստորև նշված միջազգային վարկանշող կազմակերպություններից առնվազն մեկի կողմից տրված վարկանիշ, որը պետք է ցածր չլինի`

 

- Ստանդարտ և Փուրզ	«A-»
- Մուդիզ	«A3»
- Ա. Մ. Բեստ	«A-»
- Ֆիտչ	«A-»

(65¹-րդ կետը լրաց. 01.07.08 թիվ 193-Ն, խմբ. 20.12.11 թիվ 359-Ն)

65.2 Օպերատորի գրանցման և լիցենզավորման ժամանակ նոր ստեղծվող օպերատորը համարվում է սույն կանոնակարգի 65-րդ կետի 1-ին ենթակետով սահմանված պահանջին բավարարող, եթե համապատասխան առանձնացված տարածքի նկատմամբ իրավունքներ ունեցող անձը տրամադրել է պարտավորագիր, որով պարտավորվել է օպերատորի գրանցման և լիցենզավորման պահից այդ տարածքը նրան տրամադրել սեփականության կամ անհատույց օգտագործման իրավունքով կամ վարձակալությամբ (ենթավարձակալությամբ): Ընդ որում, ենթավարձակալության դեպքում ներկայացվում է նաև հիմնական վարձակալության պայմանագրի պատճենը կամ այդ պայմանագրի առկայությունը, ինչպես նաև հիմնական միջոցը ենթավարձակալության տալու իրավունքը հավաստող փաստաթուղթը:

(65.2 կետը լրաց. 20.12.11 թիվ 359-Ն)

 

Բ Ա Ժ Ի Ն  V.1

(Բաժինը լրաց. 20.12.11 թիվ 359-Ն)

 

ՊԱՐԲԵՐԱԲԱՐ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆՆԵՐԸ ԵՎ ՏԵՂԵԿՈՒԹՅՈՒՆՆԵՐԸ

 

Գ Լ ՈՒ Խ  14.1

 

ՕՊԵՐԱՏՈՐԻ ԿՈՂՄԻՑ ՊԱՐԲԵՐԱԲԱՐ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆՆԵՐԸ ԵՎ ՏԵՂԵԿՈՒԹՅՈՒՆՆԵՐԸ

 

65.3 Օպերատորը մինչև յուրաքանչյուր տարվա հունիսի 1-ը Կենտրոնական բանկ է ներկայացնում հետևյալ հաշվետվությունները (տեղեկությունները).

1) օպերատորի կանոնադրական կապիտալում նշանակալից մասնակցություն ունեցող իրավաբանական անձի վերջին ֆինանսական տարվա ֆինանսական հաշվետվությունները (մեկ տարուց պակաս գործունեություն իրականացրած իրավաբանական անձինք նշված տեղեկությունները ներկայացնում են իրականացրած գործունեության ողջ ժամկետի համար),

2) անկախ աուդիտորական եզրակացությունը, որը հավաստում է սույն կետի 1-ին ենթակետում նշված ֆինանսական հաշվետվությունների համապատասխանությունը հաշվապահական հաշվառման այն ստանդարտներին, որոնք համաձայն «Հաշվապահական հաշվառման մասին» Հայաստանի Հանրապետության օրենքի պետք է կիրառվեն տվյալ կազմակերպության կողմից հաշվապահական հաշվառում վարելիս և ֆինանսական հաշվետվություններ կազմելիս և ներկայացնելիս, իսկ օտարերկրյա իրավաբանական անձանց համար` ֆինանսական հաշվետվությունների համապատասխանությունը միջազգային ստանդարտներին կամ միջազգայնորեն ճանաչված այլ ստանդարտներին,

3) եթե օպերատորի կանոնադրական կապիտալում նշանակալից մասնակցություն ունեցող իրավաբանական անձն ընդգրկված է որևէ խմբի (միության) կամ ցանկացած այլ հիմքով իրենց ֆինանսական հաշվետվությունները համախմբող անձանց կազմում, ապա սույն կետի 1-ին և 2-րդ ենթակետերով սահմանված հաշվետվությունների (տեղեկությունների) փոխարեն Կենտրոնական բանկ են ներկայացվում հետևյալ տեղեկությունները (հաշվետվությունները).

ա. խմբի (միության) կառուցվածքը,

բ. խմբի (միության) վերջին ֆինանսական տարվա ֆինանսական հաշվետվությունները (մեկ տարուց պակաս գործունեություն իրականացրած իրավաբանական անձինք նշված տեղեկությունները ներկայացնում են իրականացրած գործունեության ողջ ժամկետի համար),

գ. անկախ աուդիտորական եզրակացությունը, որը հավաստում է խմբի (միության) վերջին տարեկան ֆինանսական հաշվետվությունների համապատասխանությունը հաշվապահական հաշվառման այն ստանդարտներին, որոնք համաձայն «Հաշվապահական հաշվառման մասին» Հայաստանի Հանրապետության օրենքի պետք է կիրառվեն տվյալ խմբի (միության) կողմից հաշվապահական հաշվառում վարելիս և ֆինանսական հաշվետվություններ կազմելիս և ներկայացնելիս, իսկ օտարերկրյա խմբի (միության) համար` ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին (առկայության դեպքում): Ընդ որում` օտարերկրյա խմբի (միության) համար անկախ աուդիտորական եզրակացության բացակայության դեպքում Կենտրոնական բանկ է ներկայացվում հղում այդ պետության որևէ պաշտոնական ինտերնետային էջին, որտեղ նշված է, որ տվյալ պետության հաշվապահական հաշվառման ստանդարտները համապատասխանում են ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին:

65.4 Սույն կանոնակարգի 65.3-րդ կետի 1-ին, 2-րդ ենթակետերով սահմանված հաշվետվությունները (տեղեկությունները) Կենտրոնական բանկ չեն ներկայացվում, եթե օպերատորի կանոնադրական կապիտալում նշանակալից մասնակցություն ունեցող իրավաբանական անձը հանդիսանում է.

1) Կենտրոնական բանկի կողմից վերահսկվող անձ, որը օրենքով կամ այլ իրավական ակտերով սահմանված պարբերականությամբ և կարգով Կենտրոնական բանկ է ներկայացնում հաշվապահական հաշվեկշիռը, ֆինանսական արդյունքների մասին հաշվետվությունը, կամ

2) Կենտրոնական բանկի կողմից «Ա» և «Բ» վարկանիշ ստացած կազմակերպություն վերջիններիս կողմից Կենտրոնական բանկ ներկայացված սույն կանոնակարգի 65.3-րդ կետի 1-ին և 2-րդ ենթակետերով սահմանված տեղեկությունները վերահսկողական նպատակներով օգտագործելու վերաբերյալ գրավոր համաձայնության դեպքում:

65.5 Օպերատորը լիցենզիա ստանալուց հետո յուրաքանչյուր փոփոխության դեպքում` փոփոխության օրվան հաջորդող 10 աշխատանքային օրվա ընթացքում Կենտրոնական բանկ է ներկայացնում օպերատորի տեղեկատվական և այլ համակարգերի նվազագույն տեխնիկական պահանջների և հուսալիության` սույն կանոնակարգի 14-րդ գլխով սահմանված չափանիշների փոփոխությունների վերաբերյալ գրություն` ներկայացնելով նաև օպերատորի կողմից` սույն կանոնակարգի գլուխ 14-ով սահմանված չափանիշներին համապատասխանելու մասին փաստաթղթերը:

65.6 Եթե սույն գլխով սահմանված հաշվետվությունները (տեղեկությունները) տեղակայված են իրավաբանական անձի կամ խմբի (միության) ինտերնետային կայքում (տնային էջում), ապա օպերատորը տեղեկացնում է այդ մասին Կենտրոնական բանկին մինչև տվյալ հաշվետվությունները (տեղեկությունները) Կենտրոնական բանկ ներկայացնելու վերջնաժամկետը: Ընդ որում, սույն գլխով սահմանված հաշվետվությունները (տեղեկությունները) ինտերնետային կայքում (տնային էջում) տեղադրելու դեպքում իրավաբանական անձինք ապահովում են պահանջվող տեղեկությունների առկայությունը առնվազն 1 տարվա ընթացքում:

65.7 Եթե տեղի է ունեցել սույն գլխի շրջանակներում Կենտրոնական բանկ ներկայացված իրավաբանական անձանց և (կամ) խմբի (միության) ինտերնետային կայքերի (տնային էջերի) հասցեների փոփոխություն, ապա այդ փոփոխությունից հետո 10 աշխատանքային օրվա ընթացքում օպերատորը այդ մասին տեղեկացնում է Կենտրոնական բանկին:

65.8 Անհրաժեշտության դեպքում Կենտրոնական բանկը հաշվետվությունների (տեղեկությունների) պարզաբանման և մեկնաբանման կարիք ունեցող կետերի վերաբերյալ, ինչպես նաև առանձին վերլուծական կամ վերահսկողական նպատակներից ելնելով, կարող է պահանջել տեղեկանքներ և բացատրագրեր:

65.9 Սույն գլխով սահմանված հաշվետվությունները (տեղեկությունները) կարող են ներկայացվել (ինտերնետային կայքում (տնային էջում) տեղադրվել) հայերեն կամ ռուսերեն կամ անգլերեն լեզուներով:

(Գլուխը լրաց. 20.12.11 թիվ 359-Ն)

(Բաժինը լրաց. 20.12.11 թիվ 359-Ն)

 

ՀԱՎԵԼՎԱԾ 1 «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01 Հավելվածի

 

 

ՕՊ

ԹԻՎ XXXX

 

ԱՐԺԵԹՂԹԵՐԻ ԿԱՐԳԱՎՈՐՎՈՂ ՇՈՒԿԱՅԻ ՕՊԵՐԱՏՈՐԻ ԳՈՐԾՈՒՆԵՈՒԹՅԱՆ

 

Իրավաբանական անձի անվանումը`   ՀՀ կենտրոնական բանկի նախագահ` _____________________   Կ.S.   Տրված է՝ ___ _____________200 թ.

(Հավելվածը փոփ. 01.07.08 թիվ 193-Ն)

 

ՀԱՎԵԼՎԱԾ 2 «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01 Հավելվածի

 

ՕՊԵՐԱՏՈՐԻ ԳՐԱՆՑՄԱՆ ԵՎ ԼԻՑԵՆԶԱՎՈՐՄԱՆ ԴԻՄՈՒՄ

 

Կենտրոնական բանկի նախագահ ……………………………-ին   Հարգելի _____________________ _________________________________________________________ (կազմակերպության անվանումը (ֆիրմային անվանումը)) որոշում է կայացրել ____________________________________________ (օպերատորի)   գործունեության լիցենզիա ստանալու համար դիմելու մասին:   Համաձայն Հայաստանի Հանրապետության օրենքների և այլ իրավական ակտերի՝ կից ներկայացնում ենք լիցենզիա ստանալու համար անհրաժեշտ փաստաթղթերը և դրանց ցանկը: Առդիր` --- էջ:   Մենք՝ ներքոստորագրյալներս, հավաստիացնում ենք, որ մանրակրկիտ դիտարկել ենք սույն դիմումին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք, որ տեղեկատվությունը արժանահավատ է ու ամբողջական, և գիտակցում ենք, որ որևէ փաստի սխալ ներկայացումը կամ բացթողումը հանգեցնում է օրենքով սահմանված պատասխանատվության և դիմումի մերժմանը:   Խնդրում ենք Հայաստանի Հանրապետության օրենսդրությամբ սահմանված կարգով տրամադրել օպերատորի գործունեության լիցենզիա:   Օպերատորի իրավասու մարմնի անունը, ազգանունը, ստորագրությունը, կապի միջոցները   _________________________________________ __________________   ______ ___________ 200 թ.

(Հավելվածը փոփ. 01.07.08 թիվ 193-Ն)

 

ՀԱՎԵԼՎԱԾ 2.1

 

«Կարգավորվող շուկայի օպերատորի գրանցումն ու լիցենզավորումը, կարգավորվող շուկայի

 օպերատորի կանոնադրական կապիտալում նշանակալից մասնակցություն ունենալու համար

նախնական համաձայնություն ստանալու կարգը, գործարար ծրագրի ներկայացման կարգը, ձևը

 և ժամկետները» Կանոնակարգ 5/01-ը

Հավելվածի

 

ՖԻՐՄԱՅԻՆ ԱՆՎԱՆՄԱՆ ԳՐԱՆՑՄԱՆ ՀԱՅՏ

 

Կենտրոնական բանկի նախագահ

……………………………-ին

 

Հարգելի --------------------

 

Խնդրում ենք Հայաստանի Հանրապետության օրենսդրությամբ սահմանված կարգով որպես կազմակերպության ֆիրմային անվանում գրանցել հետևյալ անվանումը.

_________________________________________________________

(գրանցման ներկայացված ֆիրմային անվանումը, դրա հապավումը կամ կրճատ ձևը (եթե այդպիսին կա))

_________________________________________________________

(գրանցման ներկայացված ֆիրմային անվանման բացատրությունը, եթե այն հայերեն հասկանալի չէ)

 

Ֆիրմային անվանման գրանցման պատճառ է հանդիսացել (ընդգծել համապատասխան տողը).

● հիմնադրում

● վերակազմակերպում

o միացում

o վերակազմավորում (կազմակերպական - իրավական ձևի փոփոխություն)

● անվանափոխություն

Համաձայն «Ֆիրմային անվանումների մասին» ՀՀ օրենքի՝ կից ներկայացնում ենք ֆիրմային անվանման գրանցման համար անհրաժեշտ փաստաթղթերը: Առդիր` --- էջ:

Մենք՝ ներքոստորագրյալներս, հավաստիացնում ենք, որ մանրակրկիտ դիտարկել ենք սույն դիմումին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք, որ տեղեկատվությունը արժանահավատ է ու ամբողջական, և գիտակցում ենք, որ որևէ փաստի սխալ ներկայացումը կամ բացթողումը հանգեցնում է օրենքով սահմանված պատասխանատվության և հայտի մերժմանը:

Հայտը ներկայացնող անձ`

___________________________________________________________

(Գրանցվող օպերատորի հիմնադիրներին ներկայացնող իրավասու անձի անունը, ազգանունը, հեռախոսը, բնակության 

(հաշվառման) վայրը, ստորագրությունը կամ օպերատորի անվանումը, գտնվելու վայրը, օպերատորի իրավասու անձի

անունը, ազգանունը, ստորագրությունը)

 

____ _______________ 20_ թ.

 

(Հավելվածը լրաց. 22.09.09 թիվ 279-Ն) 

 

ՀԱՎԵԼՎԱԾ 2.2

 

«Կարգավորվող շուկայի օպերատորի գրանցումն ու լիցենզավորումը, կարգավորվող շուկայի

օպերատորի կանոնադրական կապիտալում նշանակալից մասնակցություն ունենալու համար

 նախնական համաձայնություն ստանալու կարգը, գործարար ծրագրի ներկայացման կարգը, ձևը

 և ժամկետները» Կանոնակարգ 5/01-ը

Հավելվածի

 

ՕՊԵՐԱՏՈՐԻ ՖԻՐՄԱՅԻՆ ԱՆՎԱՆՄԱՆ ԳՐԱՆՑՄԱՆ ՎԿԱՅԱԿԱՆԻ ՁԵՎ

 

 

(Հավելվածը լրաց. 22.09.09 թիվ 279-Ն)

 

ՀԱՎԵԼՎԱԾ 2.3   «Կարգավորվող շուկայի օպերատորի գրանցումն ու լիցենզավորումը, կարգավորվող  շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01-ը Հավելվածի

 

ԴԻՄՈՒՄ

ԿՈՒՏԱԿԱՅԻՆ ՀԱՇԻՎ ԲԱՑԵԼՈՒ ՎԵՐԱԲԵՐՅԱԼ

Կենտրոնական բանկի նախագահ

-----------------------------ին

Հարգելի -------------------------

Խնդրում ենք -----------------------------------------------------------------------------------------------------------

(կազմակերպության (հիմնադրվող կազմակերպության) լրիվ անվանումը)

 

համար բացել կուտակային հաշիվ` օրենքով և այլ իրավական ակտերով սահմանված կարգով կանոնադրական կապիտալի համալրում իրականացնելու համար:

 

Վճարման հանձնարարական տալու իրավունք ունի (ունեն)

______________________________________________________________________

(անուն, ազգանուն, հայրանուն, անձնագրային տվյալներ, ստորագրություն)

 

______________________________________________________________________

(անուն, ազգանուն, հայրանուն, անձնագրային տվյալներ, ստորագրություն)

 

______________________________________________________________________

(անուն, ազգանուն, հայրանուն, անձնագրային տվյալներ, ստորագրություն)

 

Խնդրում ենք Կենտրոնական բանկի կողմից օպերատորի գրանցման և լիցենզավորման կամ գրանցման և լիցենզավորման մերժման, կանոնադրության փոփոխության գրանցման կամ գրանցման մերժման դեպքում Կենտրոնական բանկում բացված կուտակային հաշվին առկա միջոցները փոխանցել հետևյալ հաշվին

____________________________________________________

(բանկի անվանում, հաշվի համար)

 

________________________________________________

(Դիմումատուի հայեցողությամբ այլ նշումներ)

 

Դիմումը ներկայացնող անձ (անձինք)`

_____________________________________________________________________________

(կազմակերպության (հիմնադրվող կազմակերպության) իրավասու անձի (անձանց) անունը, ազգանունը, ստորագրությունը)

 

(հեռախոս, բնակության վայրը)

 

(Հավելվածը լրաց. 20.12.11 թիվ 359-Ն)

 

 

ՀԱՎԵԼՎԱԾ 2.4   «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն  ունենալու համար նախնական համաձայնություն ստանալու կարգը, գործարար  ծրագրի ներկայացման կարգը, ձևը և ժամկետները» Կանոնակարգ 5/01-ը Հավելվածի

 

Ներկայացվող փաստաթղթերի ցանկը

 

№	ՓԱՍՏԱԹՂԹԻ ՏԵՍԱԿԸ
1.
2.
3.
…

_____________________________________________________________________

(իրավասու անձի անուն, ազգանուն, ստորագրություն)        բաժնի

 

(Հավելվածը լրաց. 20.12.11 թիվ 359-Ն)

 

ՀԱՎԵԼՎԱԾ 3   «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01-ը Հավելվածի

 

Միջնորդագիր

 

Ղեկավարների (որակավորվող անձի) վերաբերյալ տեղեկություններ

 

Խնդրում ենք սույն միջնորդագրում նշված անձին գրանցել որպես ղեկավար և կից ներկայացնում ենք նրա վերաբերյալ տեղեկությունները:

(Հավելվածը խմբ. 01.07.08 թիվ 193-Ն, 22.09.09 թիվ 279-Ն, լրաց., խմբ. 01.12.09 թիվ 355-Ն, խմբ. 02.05.11 թիվ 124-Ն, լրաց., խմբ. 20.12.11 թիվ 359-Ն)

 

ՀԱՎԵԼՎԱԾ 4 «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01 Հավելվածի

 

ՏԵՂԵԿՈՒԹՅՈՒՆՆԵՐ ՕՊԵՐԱՏՈՐԻ ԲԱԺՆԵՏԵՐԵՐԻ (ՄԱՍՆԱԿԻՑՆԵՐԻ) ՎԵՐԱԲԵՐՅԱԼ

 

Իրավաբանական անձ հանդիսացող բաժնետերեր (մասնակիցներ)

Ֆիրմային անվանումը, գտնվելու վայրը

Պետական գրանցում շնորհած երկիրը, պետական գրանցման կամ դրան համարժեք այլ վկայականի համարը, գրանցման ամսաթիվը, կապի միջոցները

Բաժնետոմսերի (բաժնեմասի)

Բաժնետոմսերով (բաժնեմասով) հավաստվող ձայների

Քանակը

Տոկոսային մեծությունը

Քանակը

Տոկոսային մեծությունը

1

2

..

Ֆիզիկական անձ հանդիսացող բաժնետերեր (մասնակիցներ)

Անունը, ազգանունը, բնակության վայրը

Անձնագրի սերիան և համարը

Բաժնետոմսերի (բաժնեմասերի)

Բաժնետոմսերով (բաժնեմասով) հավաստվող ձայների

Քանակը

Տոկոսային մեծությունը

Քանակը

Տոկոսային մեծությունը

1

2

…

 

(Հավելվածը փոփ. 01.07.08 թիվ 193-Ն)

 

ՀԱՎԵԼՎԱԾ 5 «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01 Հավելվածի

 

ՕՊԵՐԱՏՈՐԻ ԳՐԱՆՑՄԱՆ ՎԿԱՅԱԿԱՆԻ ՁԵՎ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ     ՕՊԵՐԱՏՈՐԻ ԳՐԱՆՑՄԱՆ ՎԿԱՅԱԿԱՆ                     Ք. ԵՐԵՎԱՆ

Գրանցված է ՀՀ կենտրոնական բանկի ---- թվականի թիվ --- որոշմամբ   ԳՐԱՆՑՄԱՆ ՎԿԱՅԱԿԱՆ թիվ ---   Համաձայն «Արժեթղթերի շուկայի մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների՝ սույն վկայականը տրվում է ___________________________________________________________ (անվանումը, կազմակերպական-իրավական տեսակը, գտնվելու վայրը) ___________________________________________________________ __________________________ օպերատորին առ այն, որ այն գրանցված է Հայաստանի Հանրապետության կենտրոնական բանկում: Գրանցման համարը ------------------------------------- Գրանցման ամսաթիվ, ամիս, տարեթիվ ----------------------------------- Հարկ վճարողի հաշվառման համարը ------------------------------------- _________   Հայաստանի Հանրապետության կենտրոնական բանկի նախագահ _________________  …… ……………...… 20 ... թ. Կ.Տ.

 

(Հավելվածը փոփ. 01.07.08 թիվ 193-Ն, խմբ. 29.03.11 թիվ 82-Ն, փոփ. 20.12.11 թիվ 359-Ն)

 

ՀԱՎԵԼՎԱԾ 6ա «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01 Հավելվածի

 

ԻՐԱՎԱԲԱՆԱԿԱՆ ԱՆՁԻ ԿՈՂՄԻՑ ՕՊԵՐԱՏՈՐԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔ ԲԵՐԵԼՈՒ ՀԱՄԱՐ

 

ՄԻՋՆՈՐԴԱԳԻՐ

 

Կենտրոնական բանկի նախագահ ……………………… -ին   Հարգելի _________________________________________________ _______________________________________________________ (իրավաբանական անձի անվանումը)   որոշում է կայացրել ___________________________________________ (օպերատորի անվանումը)   կանոնադրական կապիտալում ձեռք բերել նշանակալից մասնակցություն (ավելացնել մասնակցությունն այնպես, որ ձայնի իրավունք տվող մասնակցությունը կազմի 20 (50, 75) տոկոս (տոկոսից ավելի)):   Համաձայն Հայաստանի Հանրապետության օրենքների և այլ իրավական ակտերի՝ կից ներկայացնում ենք նշանակալից մասնակցության նախնական համաձայնության ստացման համար անհրաժեշտ փաստաթղթերը և դրանց ցանկը: Առդիր` --- էջ:   Մենք՝ ներքոստորագրյալներս, հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք, որ տեղեկատվությունն արժանահավատ է ու ամբողջական, և գիտակցում ենք, որ որևէ փաստի սխալ ներկայացումը կամ բացթողումը հանգեցնում է օրենքով սահմանված պատասխանատվության և միջնորդագրի մերժմանը:   Խնդրում ենք Հայաստանի Հանրապետության օրենսդրությամբ սահմանված կարգով տալ նշանակալից մասնակցության ձեռքբերման համար Ձեր նախնական համաձայնությունը:   _____________________________________________ (իրավաբանական անձի տնօրենի անունը, ազգանունը) _____________________________ (ստորագրությունը)   ------- ------------------------ 200 թ.

 

(Հավելվածը փոփ. 01.07.08 թիվ 193-Ն)

 

ՀԱՎԵԼՎԱԾ 6բ «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01 Հավելվածի

 

ՖԻԶԻԿԱԿԱՆ ԱՆՁԻ ԿՈՂՄԻՑ ՕՊԵՐԱՏՈՐԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔ ԲԵՐԵԼՈՒ ՀԱՄԱՐ

 

Դ Ի Մ ՈՒ Մ

 

Կենտրոնական բանկի նախագահ ……………………… -ին   Հարգելի _______________________________________________ ____________________________________________________ (ֆիզիկական անձի անունը, ազգանունը)   որոշում է կայացրել ________________________________________ (օպերատորի անվանումը)   կանոնադրական կապիտալում ձեռք բերել նշանակալից մասնակցություն (ավելացնել մասնակցությունն այնպես, որ ձայնի իրավունք տվող մասնակցությունը կկազմի 20 (50, 75) տոկոս (տոկոսից ավելի)):   Համաձայն Հայաստանի Հանրապետության օրենքների և այլ իրավական ակտերի՝ կից ներկայացնում ենք նշանակալից մասնակցության նախնական համաձայնության ստացման համար անհրաժեշտ փաստաթղթերը և դրանց ցանկը: Առդիր` --- էջ:   Մենք՝ ներքոստորագրյալներս, հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք, որ տեղեկատվությունը արժանահավատ է ու ամբողջական, և գիտակցում ենք, որ որևէ փաստի սխալ ներկայացումը կամ բացթողումը հանգեցնում է օրենքով սահմանված պատասխանատվության և դիմումի մերժմանը:   Խնդրում ենք Հայաստանի Հանրապետության օրենսդրությամբ սահմանված կարգով տալ նշանակալից մասնակցություն ձեռքբերման համար Ձեր նախնական համաձայնությունը:   _____________________________ (ստորագրությունը)   ------- ------------------ 200 թ.

 

(Հավելվածը փոփ. 01.07.08 թիվ 193-Ն)

 

ՀԱՎԵԼՎԱԾ 7ա «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները», Կանոնակարգ 5/01 Հավելվածի

Տ Ե Ղ Ե Կ Ա Ն Ք

 

ՕՊԵՐԱՏՈՐԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔ ԲԵՐՈՂ (ՈՒՆԵՑՈՂ) ԻՐԱՎԱԲԱՆԱԿԱՆ ԱՆՁԻ ՎԵՐԱԲԵՐՅԱԼ

 

1. Իրավաբանական անձ- մասնակցի (կազմակերպության) տվյալներ

1.1. Անվանումը _____________________________________________________ 1.2. Գտնվելու վայրը __________________________________________________ 1.3. Գրանցման ամսաթիվը ____________ վայրը __________ համարը ___________    (օր/ամիս/տարի) 1.4. Օպերատորի անվանումը, որտեղ մասնակիցն ակնկալում է ձեռք բերել նշանակալից մասնակցություն ____________________________________________________

2. Ձեռքբերման ենթակա բաժնետոմսեր (փայեր)

2.1. Բաժնետոմսերի (փայերի) ընդհանուր թիվը _________ գումար ________ % այդ թվում՝ ձայնի իրավունք տվող _________ գումար ________ % 2.2. Յուրաքանչյուր բաժնետոմսի (փայի) ձեռքբերման գինը ____________ 2.3. Բաժնետոմսի (փայի) ընթացիկ շուկայական արժեքը      ____________

3. Մասնակցության ձեռքբերման ժամկետները և պայմանները, ներդրման աղբյուրները

3.1. Նշեք մասնակցության ձեռքբերման ժամկետները և պայմանները.

3.2. Նշել ներդրման աղբյուրները (սեփական, փոխառու)՝ Եթե ներդրումը կատարվում է փոխառության կամ վարկի ստացմամբ, լրացնել 3.3 կետը

3.3. Փոխառության կամ վարկի ստացմամբ կատարվող ներդրումների համար նշել` ա) Վարկ/փոխառություն տրամադրողի անունը/անվանումը __________________ բ) Գտնվելու/բնակության վայրը գ) Վարկի/փոխառության գումարը__________ դ) Գրավի առարկան__________ ե) Վարկի/փոխառության ստացման պայմանները և ժամկետները զ) Ի՞նչ աղբյուրներից վարկը/փոխառությունը պետք է մարվի __________________

3.4. Եթե նշանակալից մասնակցությունը ձեռք է բերվում այլ մասնակցից անմիջականորեն (ոչ թե կարգավորող շուկայի միջոցով), ապա նշել.
Վաճառողի/փոխանցողի անունը (անվանումը)		Վաճառքի/փոխանցման ենթակա բաժնետոմսերի քանակը		Վաճառքի/փոխանցման ենթակա բաժնետոմսերի/ մասնակցության չափը (%)

4. Տեղեկություններ այլ անձանց կանոնադրական հիմնադրամում մասնակցությունների վերաբերյալ. ԿԲ կողմից կարող են լրացուցիչ պահանջվել նաև նշված կազմակերպությունների ֆինանսական հաշվետվությունները
Ձայնի իրավունք տվող բաժնետոմսերի 10 և ավելի տոկոս մասնակցության համար՝
Կազմակերպության անվանումը,		Գտնվելու վայրը		Մասնակցության չափը (դրամով)		Մասնակցության չափը (%)

5. Տեղեկություններ կազմակերպության ղեկավարների (խորհրդի նախագահի և անդամի, գործադիր մարմնի և գլխավոր հաշվապահի) վերաբերյալ Կենտրոնական բանկի կողմից կարող է պահանջվել, որ կազմակերպության ղեկավարների համար լրացվի նաև սույն կանոնակարգի Հավելված 3-ը (օպերատորի նշանակալից մասնակից հանդիսացող իրավաբանական անձի գործադիր տնօրենի և գլխավոր հաշվապահի համար Հավելված 3-ի լրացումը պարտադիր է)
Անունը, ազգանունը, անձնագրի համարը,		Պաշտոնը		Կազմակերպությունում աշխատելու տարիները (որոնցից՝ նշված պաշտոնում)		Բնակության վայրը

6. Տեղեկություններ փոխկապակցված անձանց վերաբերյալ Փոխկապակցվածությունը պետք է դիտարկվի «Արժեթղթերի շուկայի մասին» ՀՀ օրենքի 3-րդ հոդվածի 36-րդ կետի համաձայն: Եթե մեկնաբանությունների համար տեղը բավարար չէ, օգտագործեք լրացուցիչ թերթեր
Կազմակերպության անվանումը, անձի անունը, անձնագրի համարը		Գտնվելու(բնակության վայրը)			Փոխկապակցվածության տեսակը
1.
2.

7. Այլ տեղեկատվություն

7.1. Արդյո՞ք կազմակերպությունն ունի 30 և ավելի օր ժամկետանց (չմարված) պարտավորություններ: «Այո» պատասխանի դեպքում ներկայացնել մանրամասները (գումար, ժամկետ և այլն):  Այո c   Ոչ c

7.2. Արդյո՞ք կազմակերպության մոտ բացակայում են «Փողերի լվացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքի, ինչպես նաև դրանց հիման վրա ընդունված նորմատիվ իրավական ակտերով սահմանված հիմքերը: «Ոչ» պատասխանի դեպքում ներկայացնել մանրամասները:  Այո c   Ոչ c

7.3. Այլ՝ Ձեր կարծիքով կարևոր տեղեկատվություն

7.4 Արդյոք կազմակերպությունը պատրաստ է օպերատորի ֆինանսական վիճակի վատթարացման դեպքում (կապիտալի կտրուկ նվազում, իրացվելիության խնդիրների առաջացում, խոշոր վնասներ, արտակարգ իրավիճակներ) տրամադրել լրացուցիչ ֆինանսական օժանդակություն:   «Այլ պատասխանի դեպքում ներկայացնել մանրամասները:  Այո c   Ոչ c

8. Հավաստիացնում եմ, որ սույն փաստաթղթում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական և վարչական պատասխանատվության: Ես համաձայն եմ իմ կողմից սույն տեղեկանքով ներկայացված տեղեկատվության որևիցե փոփոխության դեպքում տեղեկացնել Կենտրոնական բանկին, ինչպես նաև Կանոնակարգ 5/01-ի 65.3-րդ կետի 1-ին, 2-րդ, 3-րդ ենթակետերով սահմանված հաշվետվությունները (տեղեկությունները) կանոնակարգով սահմանված ժամկետներից առնվազն 5 աշխատանքային օր առաջ ներկայացնել օպերատորին: Տնօրենի անունը, ազգանունը _______________________________________ Ստորագրությունը ___________________ Ամսաթիվը ___________________ օր/ամիս/տարի Կ.Տ.

 

(Հավելվածը խմբ. 01.07.08 թիվ 193-Ն, խմբ., լրաց., փոփ. 20.12.11 թիվ 359-Ն)

 

 

ՀԱՎԵԼՎԱԾ 7բ «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01 Հավելվածի

Տ Ե Ղ Ե Կ Ա Ն Ք

 

ՕՊԵՐԱՏՈՐԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔ ԲԵՐՈՂ (ՈՒՆԵՑՈՂ) ՖԻԶԻԿԱԿԱՆ ԱՆՁԻ ՎԵՐԱԲԵՐՅԱԼ

 

1. Ֆիզիկական անձ-մասնակցի տվյալներ
1.1. Անունը, ազգանունը, հայրանունը __________________________   1.2. Սեռը _______ 1.3. Ծննդյան տարեթիվը, ամիսը, ամսաթիվը ________________ օր/ամիս/տարի 1.4. Ծննդավայրը _______________________________________   1.5. Քաղաքացիությունը ___________________________________   1.6. Անձնագրի սերիան և համարը _____________   ________________ ________________   1.7. Բնակության վայրը (մշտական և բնակության տվյալ պահին)   1.8. Հեռախոսահամարը ________ 1.9. Էլեկտրոնային փոստի հասցեն _________   1.10. Նշեք նախկինում Ձեր ունեցած մյուս բոլոր անունները, դրանք կրելու ժամանակաշրջանը   Անունը, ազգանունը, հայրանունը _________________________________ _________________________________   Կրելու ժամանակաշրջանը ____________ օր/ամիս/տարի _______________   1.11. Օպերատորի անվանումը, որում մասնակիցն ակնկալում է ձեռք բերել նշանակալից մասնակցություն.
2. Ձեռքբերման ենթակա բաժնետոմսեր (փայեր)
2.1. Բաժնետոմսերի (փայերի) ընդհանուր թիվը _________ գումար ________ % այդ թվում՝ ձայնի իրավունք տվող _________ գումար ________ % 2.2. Յուրաքանչյուր բաժնետոմսի (փայի) վաճառքի գինը   2.3. Բաժնետոմսի (փայի) ընթացիկ հաշվեկշռային արժեքը
3. Մասնակցության ձեռքբերման ժամկետները և պայմանները, ներդրման աղբյուրները
3.1. Նշեք մասնակցության ձեռքբերման ժամկետները և պայմանները

3.2. Նշել ներդրման աղբյուրները (սեփական, փոխառու)՝ Եթե ներդրումը կատարվում է փոխառության կամ վարկի ստացմամբ, լրացնել 3.3 կետը

3.3. Փոխառության կամ վարկի ստացմամբ կատարվող ներդրումների համար նշել` ա) Վարկ/փոխառություն տրամադրողի անունը/անվանումը __________________ բ) Գտնվելու/բնակության վայրը գ) Վարկի/փոխառության գումարը__________ դ) Գրավի առարկան__________ ե) Վարկի/փոխառության ստացման պայմանները և ժամկետները զ) Ի՞նչ աղբյուրներից վարկը/փոխառությունը պետք է մարվի __________________

3.4. Եթե նշանակալից մասնակցությունը ձեռք է բերվում այլ մասնակցից անմիջականորեն (ոչ թե կարգավորվող շուկայի միջոցով), ապա նշել.
Վաճառողի/փոխանցողի անունը (անվանումը)		Վաճառքի/փոխանցման ենթակա բաժնետոմսերի քանակը		Վաճառքի/փոխանցման ենթակա բաժնետոմսերի/ մասնակցության չափը (%)
4. Տեղեկություններ այլ անձանց կանոնադրական հիմնադրամում մասնակցությունների վերաբերյալ. ԿԲ կողմից կարող են լրացուցիչ պահանջվել նաև 4.1 կետում նշված կազմակերպությունների ֆինանսական հաշվետվությունները

Ձայնի իրավունք տվող բաժնետոմսերի 10 և ավելի տոկոս մասնակցության համար՝
Կազմակերպության անվանումը		Գտնվելու վայրը		Մասնակցության չափը (դրամով)		Մասնակցության չափը (%)
5. Կրթություն, որակավորում Այս կետը լրացնելու փոխարեն թեկնածուն կարող է ներկայացնել ինքնակենսագրությունը (տպագիր և հայերեն), որտեղ նվազագույնս պետք է ներկայացվի սույն կետով սահմանված տեղեկատվությունը

5.1. Ուսումնական հաստատության անվանումը

Գտնվելու վայրը

Հաճախումների ժամանակաշրջանը (----թ-ից մինչև ----թ.)

Գիտական աստիճանը

5.2. Ի՞նչ օտար լեզուների եք տիրապետում________________

6. Աշխատանքային գործունեություն Այս կետը լրացնելու փոխարեն թեկնածուն կարող է ներկայացնել ինքնակենսագրությունը (տպագիր և հայերեն), որտեղ նվազագույնս պետք է ներկայացվի սույն կետով սահմանված տեղեկատվությունը

6.1. Աշխատանքային գործունեությունը վերջին 10 տարվա դրությամբ

Կազմակերպության անվանումը, գտնվելու վայրը, հեռախոսը, երաշխավորողի անունը

Աշխատանքի ընդունման և ազատման ժամկետները

Պաշտոնը

6.2. Նշեք Ձեզ անձամբ ճանաչող՝ օպերատորի կազմում և (կամ) ֆինանսական համակարգում աշխատող կամ աշխատած անձանց վերաբերյալ տվյալները, որոնք, անհրաժեշտության դեպքում, կարող են տրամադրել երաշխավորություն Ձեր անձի վերաբերյալ (եթե այդպիսիք կան).

Անունը, ազգանունը

Աշխատանքի վայրը, պաշտոնը

Հեռախոսը

7. Մանրամասնորեն նկարագրեք Ձեր պատասխանատվության ոլորտը որպես օպերատորի մասնակից Եթե մեկնաբանությունների համար տեղը բավարար չէ, օգտագործեք լրացուցիչ թերթեր

8. Տեղեկություններ փոխկապակցված անձանց վերաբերյալ Փոխկապակցվածությունը պետք է դիտարկվի «Արժեթղթերի շուկայի մասին» ՀՀ օրենքի 3-րդ հոդվածի 36-րդ կետի համաձայն: Ֆիզիկական անձի համար փոխկապակցված անձինք են համարվում հայրը, մայրը, ամուսինը և չափահաս երեխաները: Եթե մեկնաբանությունների համար տեղը բավարար չէ, օգտագործեք լրացուցիչ թերթեր
Կազմակերպության անվանումը, անձի անունը, ազգանունը, անձնագրի համարը,		Գտնվելու (բնակության վայրը)			Փոխկապակցվածության տեսակը
9. Այլ տեղեկատվություն
9.1. Արդյո՞ք Դուք ունեք 30 և ավելի օր ժամկետանց (չմարված) պարտավորություններ:  «Այո» պատասխանի դեպքում ներկայացնել մանրամասնությունները (գումար, ժամկետ, այլ)  Այո c   Ոչ c
9.2 Արդյո՞ք Ձեզ մոտ բացակայում են «Փողերի լվացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքի, ինչպես նաև դրանց հիման վրա ընդունված նորմատիվ իրավական ակտերով սահմանված հիմքերը: «Ոչ» պատասխանի դեպքում ներկայացնել մանրամասները:  Այո c   Ոչ c
9.3. Այլ՝ Ձեր կարծիքով կարևոր տեղեկատվություն
9.4 Դուք պատրաստ եք օպերատորի ֆինանսական վիճակի վատթարացման դեպքում (կապիտալի կտրուկ նվազում, իրացվելիության խնդիրների առաջացում, խոշոր վնասներ, արտակարգ իրավիճակներ) տրամադրել լրացուցիչ ֆինանսական օժանդակություն: «Այլ պատասխանի դեպքում ներկայացնել մանրամասները:  Այո c   Ոչ c
10. Հավաստիացնում եմ, որ սույն փաստաթղթում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական և վարչական պատասխանատվության: Ես համաձայն եմ՝ իմ կողմից ներկայացված վերոնշյալ տեղեկատվության որևիցե փոփոխության դեպքում տեղեկացնել Կենտրոնական բանկին: Ստորագրությունը ___________________ Ամսաթիվը ___________________ օր/ամիս/տարի

(Հավելվածը խմբ. 01.07.08 թիվ 193-Ն, փոփ., լրաց. 20.12.11 թիվ 359-Ն)

 

ՀԱՎԵԼՎԱԾ 8 «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01 Հավելվածի

 

Հ Ա Յ Տ Ա Ր Ա Ր ՈՒ Թ Յ ՈՒ Ն ԱՆՈՒՂՂԱԿԻ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔ ՉԲԵՐԵԼՈՒ ՎԵՐԱԲԵՐՅԱԼ   Ես՝ _____________________________________________________________ (ֆիզիկական անձի համար` անունը, ազգանունը, հայրանունը, իրավաբանական անձի համար` անվանումը, կազմակերպական-իրավական ձևը)   հայտարարում եմ, որ ___________________________________- ում իմ մասնակցության (օպերատորի անվանումը)   միջոցով որևէ այլ անձ օպերատորում անուղղակի նշանակալից մասնակցություն ունեցող անձի կարգավիճակ ձեռք չեմ բերում:   Հավաստիացնում եմ, որ սույն տեղեկատվությունն արժանահավատ է: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական և վարչական պատասխանատվության:   Համաձայն եմ՝ իմ կողմից ներկայացված վերոնշյալ տեղեկատվության որևէ փոփոխության դեպքում տեղեկացնել Կենտրոնական բանկին՝ փոփոխության օրվանից հետո 10-օրյա ժամկետում:   Ստորագրությունը ___________________ Ամսաթիվը ___________________ օր/ամիս/տարի

 

 

ՀԱՎԵԼՎԱԾ 9ա «Կարգավորվող շուկայի օպերատորի գրանցումն ու լիցենզավորումը, կարգավորվող  շուկայի օպերատորի կանոնադրական կապիտալում նշանակալից մասնակցություն  ունենալու համար նախնական համաձայնություն ստանալու կարգը, գործարար  ծրագրի ներկայացման կարգը, ձևը և ժամկետները» Կանոնակարգ 5/01-ը Հավելվածի

 

Տ Ե Ղ Ե Կ Ա Ն Ք

 

ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔԲԵՐՈՂ ԱՆՁԻ ՀԵՏ ՓՈԽԿԱՊԱԿՑՎԱԾ ԻՐԱՎԱԲԱՆԱԿԱՆ ԱՆՁԱՆՑ ՄԱՍԻՆ

 

1. Նշանակալից մասնակիցը
1. Անվանումը (անունը, ազգանունը)
2. Փոխկապակցված իրավաբանական անձի (կազմակերպության) տվյալներ
2.1. Անվանումը __________________________________ 2.2. Գտնվելու վայրը   2.3. Գրանցման ամսաթիվը ____________ վայրը ____________Համարը____________    (օր/ամիս/տարի)   2.4. Կազմակերպության անվանումը, որում մասնակիցն ակնկալում է ձեռք բերել նշանակալից մասնակցություն.
3. Տեղեկություններ փոխկապակցված իրավաբանական անձի նշանակալից մասնակիցների վերաբերյալ (ԿԲ կողմից կարող են լրացուցիչ պահանջվել 3.1 կետում նշված կազմակերպությունների ֆինանսական հաշվետվությունները)
3.1. Ձայնի իրավունք տվող բաժնետոմսերի 10 և ավելի տոկոս ունեցող իրավաբանական անձինք.
Կազմակերպության անվանումը		Գտնվելու վայրը		Մասնակցության չափը (դրամով)		Մասնակցության չափը (%)
3.2. Ձայնի իրավունք տվող բաժնետոմսերի 10 և ավելի տոկոս ունեցող ֆիզիկական անձինք
Անունը, ազգանունը, անձնագրի համարը,		Բնակության վայրը		Մասնակցության չափը (դրամով)		Մասնակցության չափը (%)

4. Տեղեկություններ փոխկապակցված իրավաբանական անձի ղեկավարների (խորհրդի նախագահի և անդամների, գործադիր տնօրենի և գլխավոր հաշվապահի) վերաբերյալ

Անունը, ազգանունը, անձնագրի համարը   Պաշտոնը   Կազմակերպությունում աշխատելու տարիները (որոնցից՝ նշված պաշտոնում) 1.     2.

5. Այլ տեղեկատվություն

5.1 Արդյո՞ք փոխկապակցված իրավաբանական անձն ունի 30 և ավելի օր ժամկետանց (չմարված) պարտավորություններ: Այո Ոչ     «Այո» պատասխանի դեպքում ներկայացնել մանրամասները: 5.2 Այլ` Ձեր կարծիքով կարևոր տեղեկատվություն

6. Հավաստիացնում եմ, որ սույն փաստաթղթում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական և վարչական պատասխանատվության: անունը, ազգանունը ____________________________________   Ստորագրություն ___________________ Ամսաթիվ ___________________ օր/ամիս/տարի Կ.Տ.

(Հավելվածը խմբ. 01.07.08 թիվ 193-Ն, 20.12.11 թիվ 359-Ն)

 

 

ՀԱՎԵԼՎԱԾ 9բ «Կարգավորվող շուկայի օպերատորի գրանցումն ու լիցենզավորումը, կարգավորվող  շուկայի օպերատորի կանոնադրական կապիտալում նշանակալից մասնակցություն  ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01-ը Հավելվածի

 

Տ Ե Ղ Ե Կ Ա Ն Ք

 

ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔԲԵՐՈՂ ԱՆՁԻ ՀԵՏ ՓՈԽԿԱՊԱԿՑՎԱԾ ՖԻԶԻԿԱԿԱՆ ԱՆՁԱՆՑ ՄԱՍԻՆ

 

1. Նշանակալից մասնակիցը

1. Անվանումը (անունը,  ազգանունը) ___________________________________

2. Փոխկապակցված ֆիզիկական անձի տվյալներ Փոխկապակցվածությունը պետք է դիտարկվի «Արժեթղթերի շուկայի մասին» ՀՀ օրենքի 3-րդ հոդվածի 36-րդ կետի համաձայն: Ֆիզիկական անձի համար փոխկապակցված անձինք են համարվում հայրը, մայրը, ամուսինը և չափահաս երեխաները:

2.1. Անունը, ազգանունը __________________________________   2.2. Բնակության վայրը   2.3.Անձնագրի համարը ____________ ____________      2.4 Փոխկապակցվածության տեսակ   2.5. Կազմակերպության անվանումը, որում մասնակիցն ակնկալում է ձեռք բերել նշանակալից մասնակցություն.____________________________________

3. Այլ տեղեկատվություն

3.1. Արդյո՞ք ֆիզիկական անձն ունի 30 և ավելի օր ժամկետանց (չմարված) պարտավորություններ: Այո    Ոչ   «Այո» պատասխանի դեպքում ներկայացնել մանրամասները:

3.2 Այլ` Ձեր կարծիքով կարևոր տեղեկատվություն

4. Հավաստիացնում եմ, որ սույն փաստաթղթում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական և վարչական պատասխանատվության: Անունը, ազգանունը ____________________________________   Ստորագրություն ___________________ Ամսաթիվ ___________________ օր/ամիս/տարի Կ.Տ.

(Հավելվածը լրաց. 01.07.08 թիվ 193-Ն, խմբ. 20.12.11 թիվ 359-Ն)

 

ՀԱՎԵԼՎԱԾ 10ա «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01 Հավելվածի

 

ՆՇԱՆԱԿԱԼԻՑ ՄԱՍՆԱԿՑՈՒԹՅԱՆ ՁԵՌՔԲԵՐՄԱՆ ԿԱՄ ՄԱՍՆԱԿՑՈՒԹՅՈՒՆՆ ԱՎԵԼԱՑՆԵԼՈՒ ՎԵՐԱԲԵՐՅԱԼ ՏԵՂԵԿԱՑՈՒՄ

 

Ես՝ ______________________________________________________ (ֆիզիկական անձի համար` անունը, ազգանունը, հայրանունը, իրավաբանական անձի համար` անվանումը, կազմակերպական-իրավական ձևը)   տեղեկացնում եմ, որ__________________________________________ -ի (օպերատորի անվանումը)   կանոնադրական կապիտալում ձեռք եմ բերել նշանակալից մասնակցություն (ավելացրել եմ իմ մասնակցությունն այնպես, որ ձայնի իրավունք տվող մասնակցությունս 20 (50, 75) տոկոս է (տոկոսից ավելի է)՝ կազմելով ----------- տոկոս):   _________________________________________________________ (ֆիզիկական անձի համար՝ բնակության վայրը, կապի միջոցները, իրավաբանական անձի համար՝ գրանցման վայրը, կապի միջոցները):   Ստորագրությունը ___________________ Ամսաթիվը ___________________ օր/ամիս/տարի

 

(Հավելվածը փոփ. 01.07.08 թիվ 193-Ն)

 

ՀԱՎԵԼՎԱԾ 10բ «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01 Հավելվածի

 

ՆՇԱՆԱԿԱԼԻՑ ՄԱՍՆԱԿՑԻ ԿՈՂՄԻՑ ՁԵՌՔ ԲԵՐՎԱԾ ԲԱԺՆԵՏՈՄՍԵՐԻ ՕՏԱՐՄԱՆ ՄԱՍԻՆ ՏԵՂԵԿԱՑՈՒՄ

 

Ես՝ _____________________________________________________________ (ֆիզիկական անձի համար` անունը, ազգանունը, հայրանունը, իրավաբանական անձի համար` անվանումը, կազմակերպական-իրավական ձևը)   տեղեկացնում եմ, որ իմ կողմից ձեռք բերված բաժնետոսերի (բաժնետոմսերի) օտարման արդյունքում ___________________________________________________________ -ում (օպերատորի անվանումը)   իմ՝ ձայնի իրավունք տվող մասնակցությունը նվազում է 10 (20, 50, 75) տոկոսից (10 և ավելի տոկոսով կամ դադարում եմ հսկել ______________________________________________ ը)՝ (օպերատորի անվանումը)   կազմելով _________________ տոկոս:   _______________________________________________________________ (ֆիզիկական անձի համար՝ բնակության վայրը, կապի միջոցները, իրավաբանական անձի համար՝ գրանցման վայրը, կապի միջոցները)   Ստորագրությունը ___________________ Ամսաթիվը ___________________ օր/ամիս/տարի

 

(Հավելվածը փոփ. 01.07.08 թիվ 193-Ն)

 

ՀԱՎԵԼՎԱԾ 11 «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01-ը Հավելվածի

 

(Հավելվածն ուժը կորցրել է 20.12.11 թիվ 359-Ն)

 

 

ՀԱՎԵԼՎԱԾ 12 «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01 Հավելվածի

ՕՊԵՐԱՏՈՐԻ ՇՈՒԿԱՅԻ ԿԱՆՈՆՆԵՐԸ (ԿԱՆՈՆՆԵՐՈՒՄ ՓՈՓՈԽՈՒԹՅՈՒՆՆԵՐԸ (ԼՐԱՑՈՒՄՆԵՐԸ)) ԳՐԱՆՑԵԼՈՒ ՀԱՄԱՐ

Մ Ի Ջ Ն Ո Ր Դ Ա Գ Ի Ր

Կենտրոնական բանկի նախագահ ____________ -ին Հարգելի ___________________ _______________________________________________________ (օպերատորի անվանումը) որոշում է կայացրել գրանցման ներկայացնել շուկայի կանոնները (կանոններում փոփոխությունները (լրացումները)): Համաձայն Հայաստանի Հանրապետության օրենքների և այլ իրավական ակտերի՝ կից ներկայացնում ենք շուկայի կանոնների նախագծերը (կանոններում փոփոխությունները (լրացումները)) և դրանց (դրանց փոփոխությունների (լրացումների)) ներդրման անհրաժեշտության հիմնավորումը:   Մենք՝ ներքոստորագրյալներս, հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք, որ տեղեկատվությունն արժանահավատ է ու ամբողջական, և գիտակցում ենք, որ որևէ փաստի սխալ ներկայացումը կամ բացթողումը հանգեցնում է օրենքով սահմանված պատասխանատվության և միջնորդագրի մերժմանը:   Խնդրում ենք Հայաստանի Հանրապետության օրենսդրությամբ սահմանված կարգով գրանցել օպերատորի շուկայի կանոնները (կանոններում փոփոխությունները (լրացումները)):   Կից` … էջ: _______________________________________ (օպերատորի կառավարման մարմնի լիազոր անձի անունը , ազգանունը)  _____________ (ստորագրություն) ___ ______________ 200 թ. Կ. Տ.

(Հավելվածը լրաց. 01.07.08 թիվ 193-Ն)

 

Հավելված 13 «Կարգավորվող շուկայի օպերատորի գրանցումն ու լիցենզավորումը, կարգավորվող  շուկայի օպերատորի կանոնադրական կապիտալում նշանակալից մասնակցություն  ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01-ը Հավելվածի

 

 

ՀԱՍՏԱՏՎԱԾ Է _______________________________________ (ընկերության, իրավասու մարմնի անվանումը) --/--/ ----թ թիվ -------- որոշմամբ               Փոփոխված է -------------------- --/--/---- թիվ -- որոշմամբ   (իրավասու մարմնի անվանում)    -------------------- --/--/---- թիվ --  որոշմամբ  (իրավասու մարմնի անվանում)   --------------------- --/--/---- թիվ --  որոշմամբ  (իրավասու մարմնի անվանում) _____________________________ (իրավասու անձի պաշտոնը) ______________________________ (անուն, ազգանուն, ստորագրություն) ԳՐԱՆՑՎԱԾ Է ՀՀ կենտրոնական բանկում --/--/ ----թ թիվ -------- որոշմամբ   Ընկերության պետական գրանցման համարը  ______________________________   Փոփոխությունը գրանցված է --/--/---- թ, թիվ -- որոշմամբ  --/--/----թ. թիվ -- որոշմամբ  --/--/---- թ. թիվ -- որոշմամբ ՀՀ կենտրոնական բանկի նախագահ` ____________________________ (անուն, ազգանուն, ստորագրություն) ԿԱՆՈՆԱԴՐՈՒԹՅՈՒՆ   -------------------------------------------------------------------------------------- Ընկերության լրիվ անվանումը Ընկերության

(Հավելվածը լրաց. 20.12.11 թիվ 359-Ն)