«Գրանցված է»

ՀՀ արդարադատության

նախարարության կողմից

7 փետրվարի 2014 թ.

Պետական գրանցման թիվ 12114063

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ՓՈԽՎԱՐՉԱՊԵՏ, ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ   5 փետրվարի 2014 թ.  N 6-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ԱՐԴԱՐԱԴԱՏՈՒԹՅԱՆ ՆԱԽԱՐԱՐ     29 հունվարի 2014 թ. N 18-Ն

Հ Ա Մ Ա Տ Ե Ղ  Հ Ր Ա Մ Ա Ն

ՔԱՂԱՔԱՑԻԱԿԱՆ ԿԱՑՈՒԹՅԱՆ ԱԿՏԵՐԻ ԳՐԱՆՑՄԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԻՐԱԿԱՆԱՑՎՈՂ ՎԱՐՉԱԿԱՆ ՀՍԿՈՂՈՒԹՅԱՆ ՀԱՐՑԱՇԱՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 1997 թվականի մայիսի 6-ի N ՆՀ-728 հրամանագրի 1.37 կետը.

ՀՐԱՄԱՅՈՒՄ ԵՆՔ՝

1. Հաստատել քաղաքացիական կացության ակտերի գրանցման բնագավառում Հայաստանի Հանրապետության մարզպետների կողմից իրականացվող վարչական հսկողության հարցաշարը` համաձայն հավելվածի:

ՀՀ փոխվարչապետ, տարածքային կառավարման   նախարար  Ա. Գևորգյան

ՀՀ արդարադատության  նախարար   Հ. Թովմասյան

Հավելված Հաստատված է ՀՀ փոխվարչապետ, տարածքային կառավարման նախարարի 2014 թվականի փետրվարի 5-ի թիվ 6-Ն և ՀՀ արդարադատության նախարարի 2014 թվականի հունվարի 29-ի թիվ 18-Ն համատեղ հրամանով

Վարչական Հսկողության Հարցաշար

Քաղաքացիական կացության ակտերի գրանցման բնագավառում

1. Գործառույթը` երեխայի ծննդի պետական գրանցման համար գրավոր հայտարարություն տալը, մեկ տարեկան և ավելի դարձած երեխայի ծննդի պետական գրանցումը, ՔԿԱԳ մարմինների գործունեության կազմակերպումը, քաղաքացիական կացության ակտերի գրանցման տարածքային բաժնի ստեղծումը, վերակազմակերպումը և նրա գործունեության դադարեցումը, քաղաքացիական կացության ակտերի գրանցման տարածքային բաժնի կանոնադրության հաստատումը։

2. Գործառույթի իրականացման օրենսդրական հիմքը՝ «Քաղաքացիական կացության ակտերի մասին», «Տեղական ինքնակառավարման մասին», «Երևան քաղաքում տեղական ինքնակառավարման մասին» ՀՀ օրենքներ, ՀՀ կառավարության 2003 թ. դեկտեմբերի 18-ի N 1699-Ն որոշում, ՀՀ փոխվարչապետ, ՀՀ տարածքային կառավարման նախարարի 2009 թ. հուլիսի 30-ի N 16-Ն և ՀՀ արդարադատության նախարարի 2009 թ. հուլիսի 29-ի N 144-Ն համատեղ հրաման։