Ո Ր Ո Շ ՈՒ Մ

15 հունիսի 2007 թվականի թիվ 27-Ն

քաղ. Երևան

ԱՎԱՆ ԹԱՂԱՅԻՆ ՀԱՄԱՅՆՔԻ ԱՎԱԳԱՆՈՒ 2005 ԹՎԱԿԱՆԻ ՆՈՅԵՄԲԵՐԻ 30-Ի ԹԻՎ 56 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Տեղական տուրքերի և վճարների մասին» ՀՀ օրենքում փոփոխություններ և լրացումներ կատարելու մասին» ՀՀ օրենքով`

Երևանի Ավան թաղային համայնքի ավագանին որոշում է`

1. Ավան համայնքի ավագանու 2005թ. նոյեմբերի 30-ի թիվ 56-Ն որոշման 4-րդ կետը շարադրել հետևյալ խմբագրությամբ.

«4) Համայնքի տարածքում ոգելից խմիչքի և (կամ) ծխախոտի արտադրանքի վաճառքի, իսկ հանրային սննդի օբյեկտներում ոգելից խմիչքի և (կամ) ծխախոտի արտադրանքի իրացման թույլտվության համար.

ա) հիմնական շինությունների ներսում վաճառքի կազմակերպման դեպքում յուրաքանչյուր եռամսյակի համար` 12.500 դրամ,

բ) ոչ հիմնական շինությունների ներսում վաճառքի կազմակերպման դեպքում յուրաքանչյուր եռամսյակի համար` 6.000 դրամ»:

2. Ավան համայնքի ավագանու 2005թ. նոյեմբերի 30-ի թիվ 56-Ն որոշման 5-րդ կետը շարադրել հետևյալ խմբագրությամբ.

«5) Համայնքի տարածքում`

ա) բացօթյա առևտուր կազմակերպելու թույլտվության տեղական տուրքը յուրաքանչյուր օրվա համար սահմանվում է 350 դրամ.

բ) հեղուկ վառելիքի, տեխնիկական հեղուկների, հեղուկացված գազերի մանրածախ առևտրի կետերում հեղուկ վառելիքի, տեխնիկական հեղուկների, հեղուկացված գազերի վաճառքի թույլտվության տեղական տուրքն ընթացիկ տարվա համար սահմանվում է 150.000-200.000 դրամ (1.2 գործակից-240.000 դրամ):

3. Ավան համայնքի ավագանու 2005թ. նոյեմբերի 30-ի թիվ 56-Ն որոշման 6-րդ կետում ավելացնել ե) և զ) ենթակետերը` հետևյալ խմբագրությամբ.

«ե) առևտրի օբյեկտների համար` 40.000 դրամ.

զ) վիճակախաղերի կազմակերպման համար` 100.000 դրամ»:

4. Որոշումն ուժի մեջ է մտնում ստորագրմանը հաջորդող օրվանից:

5. Կատարել փոփոխություններ բյուջեի նախահաշվում:

Թաղապետ`

Տ. Մարգարյան